روايات
رواية قصة حياة الفصل الثاني 2 بقلم ملاك
رواية قصة حياة الفصل الثاني 2 بقلم ملاك
رواية قصة حياة البارت الثاني
رواية قصة حياة الجزء الثاني
رواية قصة حياة الحلقة الثانية
ظهرت نتيجة التحاليل والفحوصات وكانت أنها ينفع تتبرع ليه بالكلية بتاعته
حمدت ربنا وابتسمت بدموع
.
الدكتور قال.: إنتي ضعيفة ي حياة وممكن لقدر الله بحصلك حاجة والعمليه ليها اضرار
ابتسمت ومسحت دموعها: هيحصلي حاجة لو هو مبقاش بخير ارجوك سبني
الدكتور : طب اهلك ي حياة
حياة : حضرتك انا المسؤولة عن كل حاجه انا بعفيك من اي مسؤلية حضرتك تشيلها
شوف الوقت اللي اعمل فيه العملية وبس
رد الدكتور عليها : بليل عما نكون جهزناكي للعملية
وتكوني مهيئة لكدا
قالت تمام واخدتها الممرضة اوضة عشان تجهز فيها
كانت لسه بتعيط قالت للممرضة تسيبها عشان تصلي
وبدأت حياة أنها تصلي وتدعي بترجي وإالحاح وتذلل لربنا أنه يشفيه
كانت بتصرخ من ألم قلبها
نفسها تكون مكانه بس هو ميتالمش
فضلت تسجد وتعيط لربنا
وتدعي أنه يغفرلها ويشفيه
خلصت صلاة وقامت
بره الأوضة كانت واقفة كوثر مع حمزة كل واحد جواه أسئلة كتير
كوثر كان نفسها تعرف هي فين حبيبته دي وليه لحد دلوقتي موصلتش ليه !!!
وحمزة اللي صعبان عليه حياة واللي متعاطف معاها واستغرابه من اخوه
وفي اوضة حياة مسكت موبايلها وبعتت مسدج لوالدتها
“بابا أنا بخير طمن ماما عليا، أنا عند صاحبتي معاها في المستشفي وهقعد معاها كام يوم وصدقوني هطمنكم عليا وانا حقيقي بخير اطمن وطمن ماما
وارجوكم محدش يكلمني وانا هكلمكم وادعولها وادعولي”
بعتت المسدج واستغفرت ربنا علي كدبها بس كانت هتعمل اي
فوضت أمرها لله وفضلت تتفرج علي كل حاجة بينها وبين اسر
فضلت دموعها تنزل منغير ماتقف
افتكرت كل حاجه بينهم افتكرت تعبها معاه
فلاش باك .
محتاجة اكلمك ي اسر
اسر:معلش مشغول رايح حفلة
حفلة اي مين عزمك عليها ..؟؟؟
اسر: واحدة صاحبتي
واحدة صاحبتك تاني ي اسر …!!!
برضو مفيش فايدة برضو هتروح .؟؟
أسر: عزمتني لازم اروح.
عشان خاطري متروحش ي اسر أنا تعبت
اسر: مش هينفع مروحش
تمام براحتك
أسر:ماشي ي حياة
ورجعت تفتكر اول يوم كان نازل يقابل فيها حبيبته
اليوم اللي اختارت معاه لبسه
من كتر حبها فيه كانت بتداري وجعها وبتختار معاه يلبس اي
فضلت طول اليوم مش راضيه تبعتله عشان متعملش مشكلة بينهم
فضلت تفتكر ف كل مرة كسر بخاطرها
بس هي بتحبه ..!
فاقت من سرحانها ع خبطة الباب، كانت كوثر
قامت ابتسمت بدموع ، تعالي ي طنط
قعدت كوثر وقربت من حياة وتلقائيا ضمتها لحضنها، حياة ماصدقت تترمي في حضن حد
عيطت عيطت كتير اوي
بتحبيه .؟
حياة: لسه بتسالي ي طنط..!!!
أنا بعشقه مش بس بحبه انا مبحبش غيره ولا عاوزه غيره
هو حبيبي وقلبي وحتة مني
طب قوليلي فين حبيبته .!
حياة: معرفش ومقدرش اقول حاجة لما أسر يقوم بالسلامة نشوف كل ده
المهم هو دلوقتي
ابتسمت كوثر وضمتها تاني لحضنها
وفي مكان تاني عند أهل حياة
قرأ باباها المسدج اللي بعتتها والقلق كان فالبيت كله
اااااه يوجع قلبي اااااااه بنتي ي خالد بنتي أنا خايفة عليها قلبي مقبوض
اااااه ي حياة ليه يبنتي توجعي قلبي كدا
جت هبة اخت حياة تهدي ف مامتها: اهدي ي ماما والله هتكون بخير وهترجع
والله اهدي بس…….
في المستشفي
كتبت حياة إقرار أنها مسؤولة عن أي مضاعفات او اثار جانبية العملية
* دكتور ممكن ادخل اشوف أسر قبل العملية ارجوك
مينفعش
* رجاءا يدكتور أنا خايفة مقومش من العملية دي عاوزه اشوفه
تعاطف معاها الدكتور واخدها ودخلت ل أسر …………….
شافته شافته ودموعها فضلت تنزل
انهارت بالمعني الحرفي
مع كل خطوة بتقرب منها منه دموعها تنزل اكتر واكتر
فضلت ترتعش لحد ما وصلت ليه
قعدت ع الكرسي وتلقائيا مسكت ايده وقربت شفايفها وطبعت قُبلة رقيقة ع أيده ودمعة من عنيها نزلت ع أيده
حادثة بسيطة توصلك ل كدة
ااااااه يارب اااااااه ليه يارب أنا راضيه بس قومهولي سليم
خد من صحتي واديله يارب
خدني عندك بس سيبه هو
اسر وحشتني، قوم قوم عشاني أنا بحبك اوي والله ي اسر أنا مليش غيرك
أنا بحبك انت وبس قوم وهعملك كل اللي انت عاوزه والله بس قوم
نزلت بوشها ع أيده ودموعها مبتوقفش ااااااااه ي اسر ع وجع قلبي اااااااه
دخل الدكتور بهدوء واخد حياة بره وقالها،
أنا مقدر الحالة اللي انتي فيها وفاهم انك بتحبيه
بس كفاية كدا دموعك وعدم اكلك ده هيأثر بالسلب عليكي بعد العملية
روحي كُلي عشان هنعمل العملية
حياة بخوف: دلوقتي!!!
ايوا ي حياة الحالة متأخرة لو مش عاوزه مفيش مشكلة
حياة بلهفة: لا لا جاهزة
روحي اوضتك والممرضة معاكي عشان هتدخلوا العمليات كمان وقت قليل ….
مشت حياة وراحت اوضتها مع الممرضة وصلت ركعتين لله وقرأت صفحة من القرآن
لحد ماهدت..
الممرضة ابتسمت ليها: متقلقيش هتقومي انتي وهو بالسلامة
ابتسمت وحضنتها وبدأت الممرضة جهزت الترولي وقبل ماتروح اوضة العمليات جت كوثر وحمزة
حمزة كان ساكت
حياة قربت من كوثر: هيكون بخير ي طنط متقلقيش
حضنتها حضن اخير واخدتها الممرضة ل اوضة العمليات
دخلت حياة وأسر والدكتور
بدأت حياة تاخد البنج وبدأت تتبنج خالص
وبدأ الدكتور العملية ……..
انتهي البارت الثاني من رواية قصة حياة .
تفتكروا حياة هتقوم من العملية .!.؟
طب أسر لما يفوق تصرفه اي مع حياة.؟؟
ومين حبيبة أسر وفين هي لحد دلوقتي ..!
كل دي أسئلة هنجاوب عليها الأجزاء التانية أن شاء الله..