رواية البنت غير الشرعية الفصل المائة وأربعة 104 بقلم ياسمين

رواية البنت غير الشرعية الفصل المائة وأربعة 104 بقلم ياسمين

رواية البنت غير الشرعية البارت المائة وأربعة

رواية البنت غير الشرعية الجزء المائة وأربعة

رواية البنت غير الشرعية الحلقة المائة وأربعة

رجعنا لدارنا سافا الحمد لله ولينا كأي زوجين في بداية زواجهم لأنو صراحة هذا وين رانا نتعاملو على أساس زوجين هو مع خدمتو وأنا في داري نفطر معاه الصباح هو يروح وانا نرجع لشغلي وشقايا عيا معايا نجيبلك خدامة مبغيتيش الحمد لله قادرة على شقايا وزاد موفرلي قاع لي موايان منتعبش كامل نوجد غدايا لي ديما نسبق فيه حتى يجي يوسف نتغداو ونبقى معاه حتى يعاود يروح باه نديبراسي لاتابل ونخمم على العشا ومرات ندير الصباح على ضربة ممبعد نبقى غير مريحة نتفرج ولا نخدم فالبيسي باه مننساش ونلتهى ومرات نجيبها هدرة مع أميمة حتى يلحق الوقت لي تروح جيب ولادها من لاكراش والعشية والليل بايننين مع زوجي حبيبي الحاجة المليحة فيه انو جامي ينساني وحدو يقولي بسمة راني طولت مخرجتكش يعني قايم وقتو بيني وبين خدمتو كانو عندنا زوج مشاكل الاول ولى ميحبنيش نروح لخالتي بختة لازم يكون معايا وهكا وليت منلقاش راحتي معاها ضوكا احوالها مدولها سكنة وولدها راه يخدم في الشركة عند يوسف آجون وعمي الحاج منعني عنو

تماما والمشكل الثاني انو حابنا نرجعو لولايتو وانا محال نرجع لدارهم كرهت أهلو بزاف ومنيش قادرة نسامحهم على واش دارو فيا هو راه يقول بلي راسي يابس قالي انا راني نروح ونجي عادي بصح المشكل محمد تغبن معانا لازم يتبادل هو وياه انا مرة نحشم نقول راني مكثرة عليهم مرة نقول خليها كيما راها ومحال نرجع لهيه ويخسرو عليا معيشتي ، اليوم كي جا على الغدا قالي عندي عشاء نتاع خدمة هو ومحمد واكيد الجماعة الإيطالية هيا تروحي معايا قتلو مانروحش مانعرفهمش ونبقى غير حالة فمي حتى هدرتهم ومنفهمهاش قالي والله حابك تروحي معايا قتلو مانروحش غير متحتمش عليا قالي براحتك مالا مديريش عشا نبعثلك انا قتلو صحا خرجت درت ورجعت للدار جابولي العشاء بكري تعشيت ورحت دوشت سقمت روحي لبست شورت جين مع تريكوه وبقيت نستنى فيه شوية دخلني مساج من عند صحبتي لي تخدم معايا قاتلي راجلك هنا قتلها جا عندكم قاتلي ايه شوية رسلتلي فوطو الاولى كانو جماعة بزاف ممبعد رسلتلي واحدة ليوسف وواحدة حاطة يدها

على كتفو ولاصقة كامل فيه هبلت وليت نرجف شكون الخامجة هذي عييت نقارع فيه طول عاودت رسلتلها مزالو هنا قاتلي لالا عندهم واحد ربع ساعة ملي خرجو كانت العشرة بالتمام عييت نقارع وليت نعيطلو رسلي مشغول شوية ونجي عمري هبلت لحقت 12 وينو هذا وينو هذا ياربي خلاص راح نطرطق قريب الواحدة باه دخل غير دور المفتاح طرت عندو دخل سي راجلي وريحتو شراب بديت نعيط وين كنت ومعامن قالي بسمة تهدني ياك قتلك قتلو ماقتلي والو قلت عشا خدمة هذا واش وريتلو لافوطو وزيد على 10 خرجت من تم وين كنت حتى لضرك باينة معاها زيرلي وجهي ولولي يدي ر#ك عاستني وواش هذا بديت نفارع باه نسلك روحي قتلو رخيس ومتحشمش ضربني بكف قالي تخلصيها غالية هدرتك هاذي وطبعني طحت فالارض هو راح دوش وانا جيت فالبيرو تكسلت على الفوتاي ونبكي شوية دخل عندي جبدني من يدي وجرني للبيت رماني على السرير قالي كي طيح السماء على الأرض بلاصتك بحذايا ردي بالك تعاوديها سقمت روحي وغطيت راسي بقيت نبكي

هو جا عطاني بظهرو ورقد ، الصباح نضت كي موالف بصح والله منديرلو قهوة لحق الوقت ناض هو درت روحي راقدة غسل ولبس وراح بقيت في بلاصتي غير نبكي وضوكا هذا كيفاه معاه ياك كان يقول راكي حارمتني هاراه شابع فيا ضوكا كون غير ما سلمتلوش روحي وبقيت بكرامتي جعت بصح مقدرتش نروح ناكل حقرت وعاودت رقدت كي فطنت لقيت ليسطومة تحرق من الجوع رحت ناكل مقدرتش وليت نرجع شحال نكره هذي العفسة فيا عاودت تكسلت حتى سمعتو جا درت روحي راقدة دخل عندي وراح بقى شحال هنا سمعت حسو والله منديرلو غدا ياكل الرهج خليه يروح يشبع منها سمعتو راح نضت لقيتو جايبلي بيتزا كليت ترونش دار عليا قلبي من المايوناز يا واس بيا اليوم بقيت نخمم ونتفكر العادة من قبل عرس مروى مجاتنيش رحت لبست بالزربة وخرجت شريت تاست ورجعت درتو وخايفة يا ربي منكونش بالحمل مهوش وقتو بصح دوماج خرج بوزيتيف معرفتش قاع روحي مرة نسوطي من الفرحة مرة نبكي وخايفة بقيت نشوف فاليوتيوب على الحمل واعراضو دخلني ميساج جايب عشا كنت راح ندير قلت هيا تهنيت بقيت غير متسطحة فالصالون ونتفرج حتى جا حط من يدو وفات غسل وانا حطيت العشاء قلت نقولو بعد العشاء جا بدينا ناكلو حتى قالي خملي دوزانك غدوة نروحو منا قتلو كيفاه نروحو يوسف محال نرجع

لداركم قالي قلت هدرتي ومنعاودش قتلو كيفاه متعاودش يوسف منروحش بدا يعيط حليتك العين حتى وليتي تكسري كلمتي وتعسيني وزيد تسبيني وتقوليلي رخيس قتلو صح غلطت اسمحلي بصح حتى نتا غلطت قالي انا مغلطتش ومحال نسامحك على الكلمة لي قلتيها وناض راح لبيروه خملت الكوزينة قلت نروح ليه ونقولو بالاك يهدى ويبدل رايو ورحت ليه قتلو يوسف حابة نحكي معاك قالي لالا ياك انا رخيس وزاد عندي خدمة روحي مديرونجينيش رحت للبيت بكيت حتى شبعت مجاش حتى لل 3 باه رقد وحتى أنا رقدت..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)