رواية خداع وعشق الفصل الرابع 4 بقلم سولييه نصار

رواية خداع وعشق الفصل الرابع 4 بقلم سولييه نصار

رواية خداع وعشق البارت الرابع

رواية خداع وعشق الجزء الرابع

رواية خداع وعشق الحلقة الرابعة

-لانا!!!
قالها أمير وهو مصدوم …كان خايف…مر.عوب وهو بيبصلها بس هي كانت بتبص علي الأرض وبتبكي …كانت هشة وقتها زي القزاز الرقيق وكر.ه نفسه لانها عرفت بالطريقة دي …زي ما كر.ه نفسه لانه اتسبب بإ.نهيار نورهان …بس و.جعه علي لانا كان أكبر بكتير …اتمني يروح ويحضنها ويعتذر منها مليون مرة …يمسح الدموع من عينيها ويرجعها سعيدة زي الأول ….
كانت ريناد بتبص للانا وهي حاسة بالذنب الست كان باين عليها الانهيا.ر …باين عليها انها مكـ.سورة فعلا ….
قرب امير من ريناد وشدها وهو بيزعق فيها وبيقول :
-برا …برا اطلعي برا …
وفعلا فتح الباب وطردها وبص للانا وهي بيترعش …كان خايف يتكلم أي كلمة …خايف يخسرها …الر.عب اللي حاسس بيه دلوقتي محسوش قبل كده ..وقتها اكتشف أن لانا عنده حاجة تاني خالص …لانا في قلبه …حته منه …مش متخيل أنه يخسرها هي بالذات ده كتير عليه… قرب امير وهو متوتر منها وقال :
-لانا…حبيبتي …
بس لانا حطت ايديها علي ودنها وهي بتعيط وبتقول:
-اسكت ابوس ايديك اسكت مش عايزة اسمع حاجة…مش عايزة أي تبرير اللي سمعته من البنت دي والصور اللي شوفتها كفاية اووي …
نزلت ايديها وقربت منه وهي بتقول بإ.نهيار وبتمسكه من قميصه :
-أمير …أمير قول أن اللي قالته البنت دي كد.ب …قول أن الصور دي كد.ب …قول انك مخنتنيش …قول كده يا أمير…قول وانا هصدقك ..قول …
غمض عينيه بتعاسة وقال :

-انا اسف …أنا آسف …
رجعت لورا وبان في عيونها الانكـ.سار وقالت بصوت مخنوق:
-ليه؟!ليه …أنا قصرت في ايه ؟!
هز رأسه ومسك كتفها وقال:
-انتي مقصرتيش…مقصرتيش في اي حاجة …أنا اللي غلطان …أنا يا لانا وانا اسف سامحيني مش هتتكرر …
بسهولة اعترف بغلطه وطلب السماح …هو ميقدرش يتخيل حياته من غيرها …عينيه بدأت تدمع وهو شايفها مكـ.سورة بالشكل ده …ضميره بدأ يعذ.به …لانا متستهلش ده منه ابدا ….كان نفسه يحضنها ويعتذر منها مليون مرة …نفسه تسامحه لانه مش مستعد يخسرها …خسا.رته لنورهان موجعتهوش قد التفكير أنه هيخسر لانا ….
-حبيبتي ..
قالها بعذاب بس هي بعدت عنه وقالت:
-لا لا متقربش …مش عايزة اسمع كلمة منك …يا خسارة يا أمير يا خسارة سقطت من نظري …مكنتش اعرف ان عندك قدرة تكد.ب وتخد.ع بالشكل ده …مكنتش اتخيل انك تقدر تجر.حني بالشكل ده …انت كنت كل حياتي يا أمير …الطلب الوحيد اللي طلبته منك قبل جوازنا انك لو حبيت في يوم تتجوز تاني تيجي وتقولي وتخيرني اقعد ولا امشي …انت حتي حق الاختيار كنت ناوي تاخده مني …لأمتي كنت ناوي تخد.عني وتكد.ب عليا يا أمير … لأمتي…أنا مصدومة منك ومقهو.رة… حاسة أن كل اللي عملته معاك منفعش ..أنا سيبت شغلي وخليتك انت محور حياتي …كنت بنفذ كل كلامك …عمري ما فكرت ازعلك ..وده جزاتي…هو ده اللي بتكافئني بيه يا أمير …هو ده الحب اللي بتحبهولي اومال لو كنت بتكر.هني كنت عملت ايه ؟!!!
-لانا أنا.

-اسكت بالله عليك اسكت خلاص مبقاش ينفع خلاص …أنا مش عايزة اسمع ولا كلمة …مفيش أي تبرير للي عملته ..عشان كده انا بعفيك من جوازنا وبقولك طلقني يا أمير …طلقني وروح للي حبيتها !!!
والكلمة دي كانت كفيلة أنها تقتـ.له !!
……
تاني يوم ….
-انتي اتجـ.ننتي يا ريناد ازاي تعملي كده ازاي !!!ليه قولتيلها ..
قولتها وانا متعصبة وحاسة بالشفقة علي لانا …صحيح امير حقـ.ير بس مكنتش عاوزة أنها تعرف بالطريقة القا سية دي !!!
بصتلي ريناد بتوتر وقالت:
-بالله عليكي كفاية يا نورهان …أنا اصلا ضميري بيأنبني من امبارح …حاسة بالذ نب عشان اللي عملته …لو تشوفيها المسكينة انها.رت واتكـ.سرت ياريت ما كنت اتكلمت بس انا اتعصبت ليكي …واتعصبت أنه واحد كد.اب وبيخد.ع مراته المسكينة …كل ده خلاني اتصرف بتهور …ابوس ايديكي سامحيني …
اتنهدت بتعب وانا بفكر في مرات أمير…اكيد اللي سمعته سببلها صدمة ….
……

بعد ساعتين ..وبعد ما مشيت ريناد بفترة امير جه …
-خير جاي ليه …
كان شكله تعبان كأنه منامش…عينيه حمرا وباين عليه الانهيار بصلي وقال:
-صاحبتك المحترمة راحت قالت كل حاجة لمراتي ولانا سابتني وطالبة الطلاق …
ربعت.دراعي مكنتش شفقانة عليه وقولت:
-ايوة وانا اعملك ايه ؟!ده كله بسببك انت من الأساس متلومش حد تاني !
-عارف
قالها بتعب وبعدين كمل :
-انا بمو.ت يا نورهان …مقدرش اخسر لانا …أنا اكتشفت أن مشاعري ناحيتك كانت مجرد نزوة ..أنا محبيتش الا لانا …
كتمت حسر.تي في قلبي وقولت ببرود قدرت اتصنعه بمهارة:
-وانا مالي بالكلام ده ..
أتردد بس حسم أمره وقالي:
-انا عايزاكي تروحي لمراتي وتقنعيها ترجعلي…ساعديني يا نورهان!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية خداع وعشق)