رواية يوم زفافي الفصل السادس عشر 16 بقلم مريم الشهاوي

رواية يوم زفافي الفصل السادس عشر 16 بقلم مريم الشهاوي

رواية يوم زفافي البارت السادس عشر

رواية يوم زفافي الجزء السادس عشر

رواية يوم زفافي الحلقة السادسة عشر

فرح نزلت ويامن طار بالعربيه
يامن بغيظ/خليها تمشي… حب اي وبتاع اي…. انا مبحبهاش…. مصممة تطلع اسوأ ما فيا بعنادها…. مبتعملش حاجه في حياتها غير انها تعاند وتستفز الي قدامها…. خليها تبعد بقا تعبتلي اعصابي طول اليوم النهاردة ولا قدرت دا.
فرح نزلت من العربيه وبتتمشى وضمت نفسها بايديها وباقت بتترعش من الجو /اول ما قولتله نزلني نزلني علطول… وكإنه ما صدق خلص مني… ماشي يا يامن….. عمال بتزعق طول اليوم وتهدد وتأمر على حسابي انا هروح لوحدي… بس ازاي…. المنطقة مقطوعة وانا حتى مش معايا موبايل… ومعرفش حد هنا.. ياربيي مش قادرة اتخانق معاه اما نروح… طب مفكرتش قبل ما اقوله ينزلني مبصتش علمنطقة ونزلت علطول… ياربي ياربي
فضلت تتمشى وتشتم في نفسها والتصرف الي عملته وهي سقعانه اوي وفجأة لاقت عربية ماشيه جمبها وظهر من الشباك شاب /على فين يا قمورة…. تعالي نوصلك
كانت عربيه فيها اربع شباب وكانوا بيضحكوا جامد/تعالي وهتتبسطي
فرح باقت بتمد برجليها ومش بترد عليهم وماشيه والعربيه وقفت قدامها ونزل منها الشاب ومسكها من دراعها/انت مالك حلوة كده ليه… ينفع الجمال دا ميتقدرش
فرح بزعيق نابع من خوف/ابعد عني يا حيوان وشيل ايدك دي
الشاب بقا بيشدها من دراعها وفرح عضت ايديه جامد /ابعد عني احسنلك
الشاب ضحك/واو شرسة… انا احب القطة الشرسة عجبتيني
بص للشباب وصفرلهم والتلاته نزلوا من العربيه وباقوا بيقربوا منها

فرح بلعت ريقها وباقت بترجع لورا /انا اعرف ظابط على فكرة وممكن يجي يبهدلكوا انتو فاهمين
شاب /حلوة دي اتقالت كتير ومتعودين عليها
شاب تاني فضل يبص لجسمها بشهو ه/خطيرة الصراحة…. شكل الليلة هتقفل حلوة اوي
اتنين مسكوها من ايديها الاتنين وفرح باقت بتصوت ودموعها نزلت ركبوها العربية وباقت بتصرخ ومرة واحدة لاقوا عربية وقفت قدامهم ويامن طلع منها /سيبها يا حلو انت وهو دي تخصني
فرح بعياط نادت عليه /يااامن… الحقني ونبي انا اسفة والله
نزل شاب من العربيه/مادام تخصك البطل دي سايبها ليه طالاما سبتها تبقى تخصنا كلنا… ويلا يا جدع اتكل على الله عشان ميبقاش فيها د م
يامن/وماله عاوز يبقى فيها د م
اداله بالروسيه في دماغه وبعديها كام بوكس محترمين وقعه علأرض راح العربيه وفتح الباب وشد فرح من ايديها لكن شاب ظهر من وراه ومسكه من رقبته يرجعه لورا
فرح بلهفه/يامن
يامن ضرب الواد بكوعه في جمبه جامد ومسك درعاه بقوة شدها من على رقبته ولوحها رماه علأرض
الشاب الي مع فرح في العربيه شدها من شعرها وطلعها من العربيه ويامن بصله وقال بحدة/سيبها لتحصل اخواتك
فرح بصريخ~حاسب يا يااامن

يامن دور وشه وبص للراجل الي كان شايل طفاية حريق ولسه هيضرب بيها يامن/من الضهر… مش حلوة دي
ضربه برجله تحت الحزام وقعه علأرض ومسك طفاية الحريق رماها على جسمه والواد صرخ من الوجع وفضل علأرض مش قادر يقوم
يامن بص للشاب الي ماسك فرح كانت ركبه بتخبط في بعض/ها… مش هتسيبها برضو
الشاب بخوف/هسيبها بس متجيش جمبي ونبي
يامن/موافق
ساب فرح وهي جريت وقفت وراه
يامن راح ومسك الواد من التيشرت/هتيجي معايا يا رو ح امك مش هسيبك النهاردة ولا انت ولا الاوسا خ دول
الشاب/لا ياباشا ونبي… توبت والله العظيم….
يامن بيشده قام الشاب مطلع مط وة من جيبه وغر سها في بطن يامن فرح صوتت ويامن مره واحدة برق وساب الواد والشاب جري لبعيد ويامن اترمى علأرض
فرح بلهفه~يااامن….قوم يا يامن….
بصت علنز يف الي من بطنه وعيطت جامد /يالهوي… قوم ونبي…. قوم انت كويس… يامن متسيبنيش…. ياااامن
مسكت وشه وباقت بتحركه ويامن باصصلها وابتسم/مكنتش عارف ان نهايتي هتبقى كده… بس لو دي نهايتي… فعايزك…..(بياخد نفسه بالعافيه) عا.. عايزك تعرفي اني… اني بحبك… انا بحبك يا فرح

خلص جملته وغمض عينيه واستسلم فرح صوتت /لاااا…. قووووم ياااامن…. متمو تش قوووم…. يا يااامن
فرح بتعيط بحرقة وقامت من مكانها/لازم اتصرف… مش هسيبه يموت…. لا لا لا لا…… هو كويس… مش هيحصله حاجه…. دخلت العربيه بتاعته وجابت تليفونه /ياربي دا ببصمة فتحت الموبايل ببصمته اول ما الموبايل فتح لاقت صورتها… ايوة دي صورتها محطوطة على سكرين الموبايل من جوه ساعت ما خرجوا… معقوله بيحبها للدرجة دي ابتسمت شوية وبعد كده افتكرت انه مش وقته دخلت علمكالمات ورنت على الاسعاف حاولت تشرحلهم المكان وبعتتلهم اللوكيشن من على تلفون يامن وقدروا يعرفوا هي فين وحظها ان الموبايل فصل بعد ما بعتت اللوكيشن علطول
فرح جريت عليه /اصحى يا يامن… فوق…
بصت للسك ينه الي في بطنه /طب اشيلها ولا اعمل اي…. انا خايفه اشيلها… لا لا هما هيجوا ويتصرفوا
بعد دقايق الاسعاف جات واخدت يامن
يامن حاول يفوق ولقا نور ابيض وممرضين حواليه وفرح فرح كانت جمبو وماسكه ايديه ابتسم وقال بتوهان/فرح… انت هنا
فرح بلهفه /اانا جمبك… مش هسيبك… انا جمبك يا يامن
يامن دخل العمليات وفرح منهارة من العياط برا /انا السبب انا السبب…. لو مكنتش عملت كل دا… كان هيبقى كويس ومش هيحصله حاجه… انا السبب
/حضرتك مراته
فرح بصتلها /ااا… لا مش مراته…. انا… صديقته… ايوة صديقته
/طب اتفضلي امضي هنا عشان نبدأ العمليات
فرح مضت ومسكت ايديها بخوف/هو كويس… صح
الممرضة/ادعيله ان شاء الله خير

جريت الممرضة على اوضة العمليات وفرح قعدت على اقرب كرسي بتعيط /يارب… عارفة انه ذنبي وانا الغلطانه… بس هو ملوش ذنب… هو كويس وملوش ذنب يتمرمط كده بسببي…. انا السبب انا السبب
فضلت تعيط كتير برا وبتدعي انه يطلعلها بخير
ناهد/العيال اتأخروا كده ليه.. انا قلقانه عليهم
نورا/اتصلتي بيامن
ناهد/اتصلت كتير والتلفون غير متاح
نورا/وفرح مش معاها موبايل
هشام/اهدوا متقلقوش هما شوية وراجعين ان شاء الله خير بقلم مريم الشهاوي
ابتسام/يعني اي بابا ميخلينيش اروح
فوزية/يابنتي حرام عليكي مش شايفة الي في جسمك بعد كل دا عاوزة تعانديه برضو المره الجاية هتمو تي في ايديه
ابتسام بعياط/خالتو قالتلي انه هيتجوزني واكدتلي دا… بس مراته طلعت بتثق فيه اوي وضاعت الخطة…
فوزية/خلاص يا حبيبتي نقبل بالعريس الي جايلك اهو شاب محترم…
ابتسام زعقت/انا بحب هشام يا ماما ومستحيل اسيبه ليها
فوزيه بزعيق/انت عايزة تجنيني دا متجوز وعمره ما هيطلقها
ابتسام/هيطلقها وهتشوفي

فوزية/يابت باقت حامل خلاص ازمتهم الي كانت ممكن تخليهم يفترقوا اتحلت
ابتسام/يبقى نخلص علأزمة دي
فوزية/يعني اي
ابتسام بمكر/يعني يا حرام هتسقط العيل وهو لسه مبقالوش شهرين في بطنها
فوزية بصدمة/يخربيتك
ابتسام بعياط/هسقطها والله ما ههنيها على حاجه خطفت هشام مني طول حياتي وانا بحاول الفت انتباهه وفالاخر يدخل علينا ويقول امه انا عاوز اخطب وانا اتعشم وادخل بالشربات الاقيه جاي يقولك انه هيخطب قريب ويعزمكوا علخطوبة ويكسر قلبي.. وهي تبقى فرحانه… والله ما ههنيهم علعيل….
فوزيه ضربتها بالقلم/انت يا بت جيبتي الجحود والكره دا كله منين بقلم مريم الشهاوؤ
ابتسام بزعيق~لنت بتضربيني ليه… ما تحسي بيا… حسي بالنار الي في قلبي
فوزية~يا بنتي مش نصيبك هقولهالك تاني مش نصيبك سيبيهم في حالهم بقا يا ابتسام….
ابتسام/هشام بتاعي انا ومش هسمح لنورا تاخده مني كانت فرصتي فيه كبيرة وهي مبتخلفش ودلوقتي جايه تحمل والله لحرمها منه
فوزية قامت من مكانها بحسرة/ربنا يهديكي يا بنتي والله ما هتطلعي غير علأكل وبس دا انت مجنونة… مخلفة مجنونة وربي ليه حق ابوكي يرنك علقة محترمة وبعد كل دا لسه بتفكريلي فيه… يا بنتي مش بيحبك ولا هيبصلك هو قالك قبل كده انه بيعتبرك اخته وبيعاملك علأساس دا متتعبيش روحك علفاضي
ابتسام /هيحبني في يوم هيحبني مش هسيبها تتهنى بيه ولا بطفلها هي متستاهلش كل الحاجات الحلوة دي ليه هي وانا لا…. دخلت كلية كويسة ومعاها زوج تتمناه اي بنت واخوها في ضهرها دايما ومش بيسيبها مش زي الي عندي

ماسكني شتا يم في الرايحة والجايه وبيضر بني ولا كإنه اخويا وهي معاها كل حاجه وانا مش معايا اي حاجه من الي عندها… اه انا بحقد عليها… وبتمنى بتمنى اليوم الي تيجي فيه مكسورة واشوف الكسرة في عينيها واشوفها تعيسة طول عمرها
فوزية عيطت/انا عمري ما شوفتك كدا من امتى الكره والغل الي في قلبك دابقلم مريم الشهاوي
ابتسام كملت بغل/حلوة ومعاها فلوس ومعاها عيادتها بتشتغل فيها هي وجوزها ومرتاحه في حياتها نفسي تقوليلي حاجه وحشه في نورا دي ربنا فاتحلها كل ابواب الخير وانا الدنيا حاطه عليا ومش لاقيه شغل ولا بيجيلي عريس عدل وعايشه مع اخ واب معذ بني معاهم
فوزية/يمكن شغلها بيتعبها واخوها كمان وهشام طبعه وحش منعرفش اي الي جوا البيوت الي بيظهرلنا الحلو بس عمرنا ما شوفنا الوحش دا يبقى معناه ان مفيش حاجه وحشه في حياتها؟ انت ناسيه ان نورا امها سايباها ورمتها مع عمتها من وهي عندها خمس سنين ابوها ما ت وهي صغيرة قعدت سنتين محرومة من الخلفة مفيش حد حياته كويسة علطول كل واحد وليه الاربعة وعشرين قِراط بتوعه هي خادتهم في زوج وشغل وربنا رزقها بعد صبر طويل بطفل انت رزقك هيجيلك بس الصبر منجريش على رزق غيرنا ونتمناه لينا
ابتسام/برضو مش هسيبها تتهنى في حياتها
فوزيه سابت وخرجت برا الاوضة مقهورة من بنتها… متوقعتش تكون حابسه الغل دا ازاي بنتها جواه كل الشر دا! يارب احفظها…. يارب ابعدها عن اي تفكير وحش ارشدها للطريق الصح اهديها ياارب
ابتسام من كتر غلها اتصلت بصاحبتها /الو ايوة يا نهلا… ابعتيلي عنونان الشيخ الي قولتي انه بيعمل اعما ل وشغله كويس…!

بعد مدة الدكتور طلع من العمليات وفرح جريت عليه بلهفه/يا…. يامن كويس صح يا دكتور هو صحي
الدكتور/الحمد لله… عدينا مرحلة الخطر والعملية نجحت
فرح بخوف وقلق/طب ااقدر اشوفه… مكن ادخله
الدكتور/ايوة… هو لسه مفاقش شوية وهيفوق ويبقى كويس
فرح بصت عليه من شباك الاوضة واتوترت قبل ما تدخل اتشجعت وفتحت باب الاوضة ودخلت قربت من سريره وبصت لحالته وفضلت تعيط كتير اوي وبعد مده من العياط بصتله بدموع/حقك عليا انا آسفة سامحني انا سبب كل الي حصلك دا…. انت مش زعلان مني صح
مسكت ايديه/قوم يا يامن ونبي متقلقنيش عليك اكتر من كده…. انت قولتلي انك مش هتسيبني…. وقولتلي انك….
افتكرت ساعت ما قال انه بيحبها ابتسمت بحب/قولت انك بتحبني…..
مسكت وشه وباقت بتمشي ايديها عليه /انت عملت حاجات كتير عشاني… انا لا يمكن ابعد عنك بعد اليوم دا…. انت خلتني… خلتني احبك غصب عني… عارفة انها كانت غيرة منك بس كنت مستنياك تقولها حاولت استفزك عشان تطلعها من جواك لكن كبريائك منعك وجاي تقولها وانت بتفرفر في ايدي
قربت من وشه وباقت بتبص لملامحه وعيونها بتنزل دموع على وشه/انا بحبك يا يامن…
قربت منه براحه وطبعت بو سه خفيفة على شفايفة برقه ولسه هتبعد لاقت ايد يامن مسكتها من دماغها قربتها منه تاني وبا سها بغل بغيظ بغضب والاهم من كل دا بحب♡

منى كانت قاعدة بتذاكر وفجأة موبايلها رن
منى/الو مين
/عامله اي
منى ابتسمت بفرحة/عماد… انت جبت رقمي منين
عماد/مش صعب اني اجيبه
منى ابتسمت/عامل اي
عماد/الحمد لله بخير طول مانا سامع صوتك انت عامله اي دلوقتي صحتك بخير
منى/احسن الحمد لله ووقفت على رجلي من تاني استنى انا هفتح الكاميرا عايزة اشوفك
فتحت الكاميرا وبصت لعماد بابتسامه/قاعد فين دلوقتي
عماد/حاجه عامله زي كوخ كدا اي حاجه انام فيها لحد الصبح
منى/طمتنتي افتكرت هتبات في الشارع زي امبارح وتوجع قلبي من تاني
عماد/المهم سيبك مني عامله اي في مذاكرتك
منى مسكت القلم وحطته ورا ودنها ونفخت وقالت بملل/اهو ماشيه… خايفة جدا من امتحان بكرة في حاجات بتقف قدامي وحاسه اني هسقط بكرة
عماد ضحك~ياربي علتفاؤل…. طب قوليلي اي الي واقف معاكي ممكن اساعدك
منى ابتسمت/هتساعدني بجد…
عماد/ايوة يا بنتي وريني والله مش بحس انه صعب ومش ناسيه
منى بدأت توريله الاسئلة الي واقفة قدامها وعماد بدأ يشرحلها من الموبايل ويحاول يفهمها شوية نقط وفالاخر منى ابتسمتله وفضلت متنحاله

عماد ضحك من منظرها~مالك…
منى/فهمت… وعقدتي اتحلت اخيرا….
عماد ابتسم/طب كويس… فهمتي مني الحمد لله
منى~جدا… شرحك فوق الممتاز ولا كإنك مدرس وبتشرح مادتك بقلم مريم الشهاوي
عماد/مش قصة مدرس بس لاني فاهم الموضوع والانجليزي مش صعب هو جرامر وخلاص مفهوش اي افتكاسه تانيه وشوية كلمات يعني انت هتلاقي نفسك بتاخديpresent simple من اولى ابتدائي وبيعيدوا ويزيدوا فيه لحد ثانوي
منى ضحكت/وياريتني بحل فيه صح….
عماد ضحك جامد /يالهوي على الي امتحانها بكرة
منى ابتسمتله وقالت بهيام/اي الغمازة الحلوة دي
عماد وقف ضحك وبصلها بصدمة/بتقولي اي
منى قربت وشها من الكاميرا وهمست/بقول اي الغمازة الحلوة دي….
عماد عيونه لمعت وبصلها كتير وبص في الارض حس انه اتكسف ومنى ضحكت جامد/اي دا انت بتتكسف
عماد حس انه اتحرج/مش قصة بتكسف بس…
منى /لا والله بتتكسف….. انت اول مرة حد يمدح في جمالك ولا اي
عماد/انت اول حد يشوفني جميل اصلا… عارفة يا منى انا ابتديت احس نفسي جميل منك انت انا شايفني في عينك جميل وممكن تكوني انت السبب الي يخليني احب نفسي ويبقى عندي الشجاعة اني اعترفلك بحبي…اصل انا سبق وحبيت قبل كده

منى اهتمت لكلامه وكشرت بغيرة وعماد حس واتراجع بسرعة /لا استنى هحكيلك متحكميش من اول الموضوع… كانت زميلتي في الكلية وحبيتها بس مقولتلهاش كنت بهتم من بعيد وبحاول اتكلم معاها لحد اليوم الي قررت فيه اعترفلها بحبي ليها بس شوفتها مع شخص تاني في العربيه وكانوا في منظر مش عاوز اوصفه بس الموقف دا كان كفيل يكرهني في الحب وان انا مستاهلش واحدة تحبني واعترفت لنفسي ان كلهم خاينين وصورة مرات ابويا انطبعت على كل الستات لحد ما لقيتك… الي خلاني انجذبلك اني شوفت نفسي حلو في عيونك انت حبيتيني منغير مقابل وكان حبك صادق حسيت اني بحبك واني مفتقدك انت كشفتي عن قلب عماد خليتي عماد من جوا يظهرلك انت وبس تخيلي اني وقعت فيكي من امتى…. اول ما بصيت لعيونك…(ابتسم وهو بيتكلم) انت سلبتيني من ساعتها مقدرتش اتمالك جمالهم ولا سحرهم عليا♡
منى كانت سرحانه فيه وهو بيتكلم ومبستمه مبسوطة لانه بيتكلم معاها
عماد بصلها وابتسم~الوقت اتأخر… المفروض تنامي عشان امتحانك الصبح
منى~لا خلينا شوية ونبي
عماد/مش عاوز اعطلك يا منى… ركزي علنقط الي قولناها سوا ومستني منك مكالمة بكرة عملتي اي في الامتحان
منى ابتسمت/تصبح على خير…
عماد/وانت من اهلي♡
منى بحب /عماد….
عماد التفتلها وهي باست الكاميرا بحب ابتسمت وقالت بكل طفولة وحب/بحبك
ومره واحدة سعاد دخلت الاوضة وهي مستغربه/بتحبي مين يابت…..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوم زفافي)