رواية بنت العدو 2 الفصل السابع 7 بقلم ندى علي
رواية بنت العدو 2 الفصل السابع 7 بقلم ندى علي
رواية بنت العدو 2 البارت السابع
رواية بنت العدو 2 الجزء السابع
رواية بنت العدو 2 الحلقة السابعة
“مصطفي مسك منديل ومسح ايده بيه وبص لليلي : الحياه احترام وادب يا ليلي لما كنتي عند اهلك انتي كنتي بتحترمي الصغير والكبير مكنتيش بتخرجي من وراهم وحاليا اتجوزتي وعيشتي معايا يبقي تحترميني وتحترمي كلامي اقولك علي الحاجه دي لاء تبقي لاء هل انا هعمل حاجه ممكن تضرك ؟
ليلي بصت في عيونه : مستحيل تعمل حاجه تضرني وانا عرفه ان غلطانه ومش عرفه ابرر غلطي والله العظيم .
مصطفي بصلها : خرجتي من غير اذني ورغم ان قايل بلاش يا ليلي الموضوع دا ولبستي الدريس الضيق اللي تقريباً قولت عليه الف مره بلاش سبتي سلمي لوحدها ورغم ان منبه عليكي مليوون مره سلمي متخرجش غير معانا ومتروحش عند حد ايه عملتيه انا قولتلك اعمليه يا ليلي ليا حق ازعل ولا مزعلش ؟
ليلي بصت في الارض بندم : ليك حق تزعل وتاخد موقف كمان ” وبصت في عيونه ” نبدء صفحه جديده ومش هكسر كلامك ابداً وهتشوف
مصطفي بتنهيده : انا اتمني هعدي المره دي بمزاجي بس اقسم بالله العلي العظيم حلفان ربنا شاهد عليا فيه لو اتقررت تاني ما هعمل اعتبار لحاجه بينا علشان انا مش صغير معاكي يا ليلي مفهووم ؟
ليلي ابتسمت ومسكت ايده : مفهوم والله وصدقني مش هتتكرر ثق فيااا المرادي كماان
مصطفي قام علشان يغسل ايده : دا انااا واثق ثقه محدش ثقها في مراته قبل كداا ” وغسل ايده وملقاش فوطه ينشف ” يعني اكل ولبس شيك يدخل النار وحجات عسل ومفيش فووطه
ليلي ضحكت ودخلت جابت فوطه اديتها ليه : خد نشف علي ما اشيل الاكل من علي السفره
مصطفي شد اديها بالفوطه وحاوط وسطها : عملالي كوارع وتقوليلي هروح اشيل الاكل مش ضروري الاكل ركزي معايا اناا
ليلي حاوطت رقابته : اركز معاك اكتر من كدا هحفظ خطواتك بقاا
مصطفي اشتالها ببتسامه ببتسامه : احنا نطلع من الحمام ونكمل كلام بقااا ” ونزلها علي الشازلونج اللي في الصاله ” هاا كنا بنقول ايه بقا
ليلي ببتسامه : انا مقولتش انت اللي ديماً بتقول
مصطفي : وانا لسه قولت حاجه انا لسه هقوول ” ولسه بيقرب منها علشان يبوسها سلمي عيطتت ”
ليلي رجعت راسها بأسف : هتتفزع لو سبتهاا هي هتنام علطول متقلقش ” وجريت علي الاوضه تجيبهاا ” حبيب ماما مخضوض علشان انا مش جنبهاا ” واشتالتها وفضلت تطبطب عليها علشان تنام بس سلمي نامت كفايتهاا اخر ما زهقت طلعت بيها لمصطفي اللي قاعد في الصاله بيتفرج علي التلفزيون ”
مصطفي بصلها بغيظ : انا عاارف انه يووم مضروب من الاول
سلمي بنوم مدت اديهاا ليه علشان يشتالها : بابااا
مصطفي بصبر : ياا قلببهه ” واشتالها بحنيه وفضل يطبطب عليها وهي مبسوطه بكداا ”
ليلي بغيره : يعني اشمعنااا هياا يعني عندها حد يطبطب عليها وياخدهاا في حضنه وانا لاء
مصطفي برفع حاجب : ما انا كنت لسه هخدك بس ملكيش نصيب تعالي اركني علي كتفي تعالي
ليلي بضحك : انا عوزه انام جواا مبحبش النوم علي الشازلونج دا
مصطفي : طب قومي ننام جوا ” واخدها وهو شايل سلمي في حضنه ونامو كلهم جواا تحت التكييف ”
سلمي بنوم : اشررب
“ليلي فامت جابت مايه ومصطفي شرب سلمي ”
مصطفي : صوتك كله مليان نووم وعينك مبتناميش ليهه
سلمي دفنت نفسها في حضنه : كدهوو
” ليلي نايمه جنبهم هتولعع سلمي وخدها مكانها في حضن مصطفي ووخده حنيته كلها ووحده حبه ضحكت انها بتغير من بنتهاا ”
مصطفي بستغراب : بتضحكي علي ايه انتي كمان ؟
ليلي اتحركت نامت علي كتفه : بقول في نفسي سلمي وخده حضنك وحنيتك وحبك فضحكت ان غيرانه منها
مصطفي باس راسها واخدها في حضنه : لو انا بحبها ف انا بحبها علشان انتي امهاا ولو هي بنوتي الصغيره ف انتي بنوتي الكبيره ومراتي وحبيبتي يعني انتي اكتر منهاا شوفتي بقاا
ليلي رفعت نفسها وباست خده : وبنا يخليك لينا ومنحرمش منك ابدا
…………………………….
” في شقة غالب ”
” غالب نايم علي السرير وبسمله في حضنه فونه رن وكان سليم ”
غالب : بسمله اتحركي كدا يا حبيبي عاوز اقوم ارد
بسمله بنوم وهمس : لاء خليك اللي بيتصل هيفصل دلوقتي احنا نايمين
غالب بحنان : هرد وهاجي علطول مش هتأخر بس قومي كداا
” بسمله اتحركت في السرير وهو قام في البلكونه يرد وهي قامت ترضع عمر ”
غالب : حبيب قلبي ابو اماندا اللي وحشني
سليم ببتسامه : الغااالي اللي وحشني اكتر اخبارك ايه يا ابو عمر
غالب : الحمدالله يا حبيبي والله مبتجيش رغم انك في اجازه تعالي يعم زياره يوم نقضيه سواا
سليم : بيني وبينك انا جاي وطالب القرب منك مش عاوز اجي فجأه كداا واحط حد قدام امر واقع
غالب بستغراب : في حاجه ولا ايه اتكلم سامع
سليم : انا طالب ايد كنز اختك يا غالب ؟!
غالب لحظة صمت عديت عليه ولا عارف يرد ولا عارف ينطق واخيرا قال : انا عمري ما هلاقي ليها حد احسن منك والله يا سليم بس الكلمه كلمته في الاخر هي اللي هتعيش ولو هي موافقه يبقي شرف اناسبك يصحبي والله
سليم فرح اووي لانه متأكد من رأي كنز : حبيبي ربنا يخليك طيب كلمها كدا ورن بيا قولي اجي العيله تشوفني ونتعرف علي بعض كدا
غالب : بإذن الله بكرا هيوصلك رد ” وقفل معاه وفضل واقف شويه في البلكونه يفكر لحد ما بسمله قطعت تفكيره بإنها حطت اديها علي كتفه وقفت جنبه ”
بسمله : الموضوع مش محتاج تفكير سليم راجل يعتمد عليه هيحافظ عليها وهيحبهاا عرفه انك بتفكر دلوقتي انك لو وفقت بتظلمها غلشان كان متجوز قبل كدا وعنده بنت بس هو ملوش ذنب يا غالب في كدا هى شاف كنز وحبها ومش من دلوقتي دا من زمان اتكلم بكرا مع كنز وشوف ردهاا الاول
غالب بصلها : سليم صاحب عمرنا انا ومصطفي وقبل ما مراته تموت كان بيعاملها بما يرضي الله وكان بيحترمها وبيحافظ عليها وميقولش عليها غير كل خير وانا متأكد ان كنز لو ضعيته من اديها هتبقي غلطانه بس علشان كان متجوز قبل كدا عمري ما اقدر اضغط عليها توافق او لاء هي حره
بسمله : انشاء الله خير يا حبيبي خليك هنا اعمل كوبايتين شاي واجي نفضل هنا شويه الجو حلو والناموس خف شويه اهوو
” غالب هز راسه وبسمله راحت تعمل الشاي ”
……………………………….
” في منزل عيلة الحبايبه ”
” جمال ومروه وسالم وانصاف وشهد واحلام قعدين قدام البيت قدام فرن القش وفرشين حصيره وبيخبزو وبياكلو قرص من اللي بيعملوها وجبنه وشاي والجو جميل والقعده كلها ضحك وهزار ”
احلام : خفي القش يا مروه الناس لما تزيد تقللي القش علشان اللي في الفرن ميتحرقش
مروه ببتسامه : حاضر ” وبصت لجمال ” جماال ايه رأيك وانا بتعلم اشتغل في الفرن القش ؟
جمال وهو بيعملها سندوتش : شطوره يا حبيبي اجدعني كدا واتعلمي كل حاجه عوزك ست بيت شطوره وكل حاجه بتعرفي تعمليها خدي كلي السندوتش دا
انصاف : ليلي اتعلمت تعد قدام الفرن القش دا وهي في تالته اعدادي ولوحدها كلناا كناا في الارض بنروي فكره يا احلام
احلام ببتسامه وهي بتخبز : فااكره وهي عوزه تعمل معمر وبتمووت فيه وهو في الفرن القش راحت حطت القش وفضلت تولع لحد ما ولعته وعملت المعمر وجابته وجت علي الارض
سالم : وكانووو شوية معمر ابويااا الله يرحمه كان يقولك اكل ليلي لا يعلي عليه
جمال : القهووه من ايد بسمله اختي بردوو ملهاش حل كل واحده في البنات هنا مميزه بحاجه
مروه بصتله : انا مميزه في ايه يا جمال ؟!
جمال غمزلها : بيني وبينك بقااا
سالم بصله : اتلم يلا وانت قاعدد وقوم هات شوية قش لمراتك القش اللي جنبها خلص
جمال : والله يباا انت بتعاملني علي ان جوز بنت من عيالك انا ابنك علي فكره
رشاا : براحه علي الواد يا سالم الاه
سالم :اسكتي يوليااا الرجاله مبتدلعش علشان لما ربنا يرزقه بحتة عيل يعرف يربيه صح
مروه : ماما احلام اطلع القرص من الفرن ازاي هتحرق
احلام : حطي القماشه علي ايدك وفي ثانيه تشدي الصاج وتمسكيه بالقماشه وتفضيه في الطبق الكبير يلااا
مروه عملت زي ما احلام قالت بالظبط : اوعااا عليا وعلي شطارتي هعمل قناه علي اليتويوب
شهد بضحك : ونسميها يوميات مروه والفرن القش
مروه بغيظ : الحقد بااان اهوو بقااا بسم الله عليا وعلي اللي حواليااا
رشاا : بتوع ليلي وبسمله فين يا احلام
احلام : في الكيس جنبي اهم جمال يروح يوديهم الصبح زمانهم نامو الوقتي بلاش نقلقهم
سالم : البت بنت تامر متعرفوش عملت ايه ؟
شهد : ااه ساره زميلتي اتجوزت من شهر ابوها مسافر السعوديه كمان اسبوع المهم اتصل بجوزها قاله تعالي انت وساره قضوو معانا اليوم قبل ما اسافر راح جوزه قاله ولا احنا نجيبك ولا انتو ليكم دعوه بينا
رشاا : يووه ازاي يعني ابوهاا ليه حق فيها دي اللي متجوزه محمد بتاع الهدوم
شهد : ايوا هوو الناس كلها بتقول عليه محترم وابن ناس يس اللي حصل دا بقاا قالولك دا برا ابن ناس وفي البيت همجي وشوارعي
احلام : طب وابوها سكت
سالم : سكتت ايه دل راح جابها بشنطة هدومها بعد ما الولا طلع برا البيت ولما رجع ملقاش البت جيه عند بيت ابوها بسكينه ونزل ضرب في اي حد يقابله
احلام : استغفر الله العظيم يارب الواد دا بيتعاطي حاجه ولا اييه
جمال جيه بالقش : لاء دا اخوه اللي بيتعاطي لكن الواد دا محترم جدا معرفش ايه اللي حصله وعمل كدا ومحبوس دلوقتي في المركز البت بلغت فيه
احلام : ربنا يسترها علي بناتنا ويهدي سرهم لازمتهاا ايه البهدله دي ما يسألو علي الواحد قبل ما يرمو بنتهم في النار
رشا : قومي يا شهد ودي الكوبيات دي المطبخ واغسليهم وحطي الجبنه في التلاجه يلااا
…………………………….
” في شقة مصطفي ”
” الساعه اصبحت 3 الفجر ومصطفي وليلي وسلمي نايمين قام مصطفي علي رنت فونه المستمر بص لقي رقم متسجل ‘ ب نوال ‘ بص علي ليلي واتأكد انها نايمه طلع البلكونه ورد عليها ”
مصطفي : الوو ازيك يا نوال اخبارك
نوال : ديشااا ابن خااالي الغالي اخبارك انت عامل ايه ودُنيتك عمله ايه
مصطفي : الحمدالله بخير امك عمله ايه ؟
نوال : بخير الحمدالله اللي خلاني ارن بيك دلوقتي ان احنا في البلد ونسينا بيت جدوو غالي وسألنا علي بيتك الناس جابونا عنده ممكن تستقبلنا عندك لصبح ؟
” مصطفي سكت شويه ومبقاش عارف يتصرف مراته مجنونه وفاكر اكتر من مره اتخانقو قبل الجواز بسبب نوال ممكن تضرب نوال وعلشان يصحيها ويفهمها دول يكونو خللو تحت ومبقاش عارف يرد ”
مصطفي : تمام حاضر نازلك اهوو يا نوال ” وقفل ”
ليلي من علي السرير : نوااال مين اللي نازلها يا مصطفي ؟!
مصطفي غمض عينه وعرف ان في خناقه هتحصل وحالا : اهدي اهدي عمتي ناهد وبنتها نوال تحت البيت
ليلي بصتله : عمتك علي دماغي وعلي راسي لكن الممحونه بنتها دي تطلع وتيجي هنااا لاء وتاخدك بالحضن وشغل السهوكه بتاعها دا لاااء
مصطفي راح عندها وباسها برقه : حبيبي مينفعش نسيب الناس تحت هيقولو مراته مبتعرفش في الذوق لكن ننزل ونستقبلهم وبعدين نتكلم وكمان هتشوفي معاملتي مع نوال
ليلي بضيق : هي من سنك وانا اصغر منكم بكتير هتفضل تقولي كلام يحرق دمي
مصطفي : انسفهالك وقتهاا يلا البسي الاسدال وتعالي
” ليلي راحت لبست الاسدال ونزل مع مصطفي علي تحت عند البوابه واول ما فتح البوابه نطت نوال في حضنه “
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية بنت العدو 2)