رواية أسيرها الفصل الثالث 3 بقلم سولييه نصار

رواية أسيرها الفصل الثالث 3 بقلم سولييه نصار

رواية أسيرها البارت الثالث

رواية أسيرها الجزء الثالث

رواية أسيرها الحلقة الثالثة

-يالا نام علي الكنبة اللي قدام البيت يا حيلتها …
قالتها انعام لابنها ايهاب فقال ايهاب:
-يا امي حرام عليكي انام برا ازاي بس …
قر.صته في ايده وقالت:
-عايز تنام في البيت وفيه ستات هنا …انت ايه معندكش د.م ولا اح…. بسم الله ما شاء الله ايه الجمال ده بس ..
قالتها ام ايهاب فاتكسفت …كنت لابسة العباية بتاعتها…كانت عباية جديدة صحيح موديلها قديم شوية بس عجبتني وكانت بالنسبالي احسن من الفستان البراند اللي كنت لابساه….
ايهاب بص علي الارض وقال:
-انا رايح انام علي الكنبة برا ….
وبعدين طلع …
بصيت علي مامته بإحراج وقولت:
-انا اسفة كركبت حياتكم شوية …
مسكت الست انعام أيدي وقالت :
-متقوليش كده يا بنتي الناس للناس يمكن رحمة ربنا بيكي خلتك تقابلينا عشان ترجعي لأهلك …اشكري ربنا اللي انقذك احنا مجرد عباد بنفذ أوامره ….
ابتسمت وقعدت علي السرير اللي في الصالة …
-تفتكري اهلي هيرضوا يساعدوني بعد ما وقفت في وشهم عشانه؟!(بقلم سولييه نصار )
قعدت جمبي وطبطب عليا وقالت ؛(بقلم سولييه نصار)
-اكيد يا بنتي مليون في المية هيساعدوكي …يا حبيبتي الأهل عمرهم ما يتخلوا عن عيالهم …اهلك الوحيدين اللي هيقفوا جمبك في اي مشـ.كلة …واعرفي أن اهلك دايما علي حق …احنا الأهل بنحس بعيالنا وبنعرف ايه الصالح ليهم صدقيني انتي هتشوفي ده تجبر منهم لكن مش كده خالص …احساس الام والاب ميكدبش ابدا … بتقولي أن جوزك كان شريك ابوكي يعني ابوكي كان يعرفه كويس مش مجرد واحد جه اتقدم واترفض ..ابوكي اكيد عنده سبب يرفضه صح ؟!
هزيت راسي بأسف وافتكرت بابا لما حاول يقنعني أنه مش مناسب وانه مش كويس ورغم أنه كان هيخـ.سر بس فضا الشراكة معاه لما شاف أنه لف عليا لكن أنا كنت معمية بحلاوة الحب ..مقدرتش افكر بعقلي وده اللي وداني في دا.هية فبعد شهرين جواز ودلع منه عرفت حقيقته …عرفت أن اللي متجوزاه ده مش راجل ولا يمت بالرجولة بحاجة ….
طبطبت الست عليا وقالت:(بقلم سولييه نصار)
-نامي يا بنتي عشان إيهاب ابني يسفرك ويبعدك من هنا ربنا يبعد عنك ولاد الحرام يارب…
-تسلمي يا حاجة ..
قولتها بعفوية ففرحت وقالت:
-يا اختي ده يوم المنى اني احج…ياريت ابقي حاجة وازور الكعبة يارب …
ابتسمت وقولت:
-هتنوليها بإذن الله ..(بقلم سولييه نصار )
-يسمع من بوقك ربنا يا حبيبتي ….
سكتت هي فجأة لما سمعت دوشة برا ….
جريت فتحت الشباك لقيت جوزي وجلال ومعاهم واحد تاني واقف بعيد شوية بيبص علي اللي بيحصل بخوف …جلال ولؤي كانوا بيضر.بوا في إيهاب ….
صرخت الست انعام فبص لؤي علينا وقرب من الباب وكـ.سره بسهولة وقرب مني وبعدين ضر.بني بالقلم لحد ما وقعت علي الأرض …
-سيبيها …سيبها .
صرخت الست انعام وهي بتضر.به جامد علي ضهره فزقها لحد ما وقعت علي الأرض وزعقلي وقال:
-انا هوريكي يا ر.خيصة …بتهر.بي مع عشيـ.قك ….
ايهاب قدر يضر.ب جلال لحد ما وقع وفقد الوعي ودخل ومسك في لؤي وفضلوا يتخانقوا بس لؤي قدر يزق إيهاب وطلع مسدسه وهو بيوجهه ناحية إيهاب وبيقول:
-اتشاهد علي روحك ياض!!!

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية أسيرها)