رواية حي بداخلي الفصل الثالث 3 بقلم عهد عامر

رواية حي بداخلي الفصل الثالث 3 بقلم عهد عامر

رواية حي بداخلي البارت الثالث

رواية حي بداخلي الجزء الثالث

رواية حي بداخلي الحلقة الثالثة

ياسين: خالد
وسعله ياسين الطريق ودخل خالد وسلم على كامل
خالد: عامل ايه يا حج كامل
كامل: الحمد لله يا بنى، خير؟
خالد: جاى اخد اختى، اظن كفايه كده بقالها 3 شهور من يوم وفاه ادهم وهى هنا واهى داخله ف الرابع ، الناس بدات تتكلم يا حج
كامل بغضب: ناس مين اللى بتتكلم، البت قاعده ف بيت جوزها وابو اللى ف بطنها لو ناسى، مفيش حد يستجرى يجيب سيره مرات الشهيد أدهم الصافطى على لسانه، ولا دى لعبه من الاعيبك يا استاذ خالد
خالد بتوتر: الاعيب ايه يا حج، انا بس عايز اختى لا اكتر ولا اقل
قاطعهم دخول موج وهى بتقول
موج: واختك مش هتسيب بيت جوزها يا خالد وابو اللى ف بطنها، انا هفضل مستنيه جوزى وقت م يرجع يلاقينى
خالد بغضب وهو بيمسكها من دراعها: جوزك مين اللى يرجع، م تعقلى بقى، جوزك م*ات. وكلنا شوفنا جث*ته بعنينا ودفناه وحضرنا جنازته ايه هتكدبى كل ده
موج: اه هكدب كل ده، انت مشوفتش شكل ادهم انتو مجرد م القياده بلغت استنتوه ف المطار ودفنتوه وحتى لو شوفته بعينك زى م قولتلى، اه هكدب كل ده واصدق اللى قلبى بيقولى عليه، طول م قلبى لسه بيدق ونفسى بيخرج منى اعرف ان ادهم عايش، وولا انت ولا الف واحد يقدر يقنعنى بعكس كده
خالد: لااا دانتى هربت منك ع الاخر انا كنت مستحمل كل ده، لكن ورحمه امى لاوديكى بايدى مستشفى المجانين خلى دماغك تتعدل شويه
ياسين بغضب: انت اتجننت تودى اختك فين، ده بدل م تقف معاها ف محنتها وتقويها، بتضعفها وتخوفها منك اكتر
كامل: اسمع يلا، انت تطلع بره البيت ده ودلوقتى وتنسى ان ليك اخت عندنا سامع ولا لا، ولو رجلك عتبت هنا تانى هقطع*هالك
خالد وهو بيسحب موج: مش خارج غير وهى معايا، وعليا وعلى اعدائى
حاول ياسين يسحب موج من ايده وكامل كذلك ونزلت سها مرات ياسين على صوت اازعيق من فوق، فضلوا ف الدوامه دى لحد م فاقوا على صرخه موج بعد م خالد خب*طها ف الحيطه
كامل بصدمه: موج
جريت عليها رحمه وسها لقيوا د*م كتير نازل من دماغها
موج: بطنى، بطنى يا رحمه، الحقى ابنى
وفقدت الوعى، جرى ياسين بسرعه شالها ونزل بيها للعربيه هو وسها ووصل المستشفى وطلعوا وراه رحمه وكامل
ياسين: لو سمحتوا محتاج دكتوره بسرعه تشوف المدام
خدوها منه على ترولى ودخلوها الطوارئ، شويه والدكتوره خرجت
ياسين: خير يا دكتوره، طمنينا
الدكتوره: اطمن، الحمد لله الجنين بخبر هو بس من أثر الخب*طه، ودماغها خدت 4 غرز فيهم، وهتفوق على بكره الصبح ان شآء الله
كامل: الحمد لله يا رب، نقدر نشوفها يابنتى
الدكتوره: اكيد يا حج بس هى نايمه زى م قولتلك، محتاجه حد ينزل يكمل اجراءات المستشفى وكمان عايزه اعرف سبب اللى حصلها
ياسين: مفيش يا دكتوره كانت بتنضف رف المكتبه ووقعت ات*خبطت ف الحيطه
الدكتوره بعدم اقتناع: تمام اتفضل معايا نكمل الاجراءات
مر اليوم بدون احداث جديده وياسين روح ابوه واخته وفضل هو وسها ف اامستشفى مع موج
…………
اليوم التانى الصبح فاقت موج وسها كانت جنبها
موج: اه… ادهم، بطنى، ابنى
سها: موج، انتى فوقتى، انادى الدكتوره
فتحت موج عنيها وبدات تعيط: ابنى يا سها، ابنى حصله حاجه؟
سها: اهدى يا روحى، اهدى ابنك كويس والله، الخب*طه بس خدتى اربع غرز لكن هو زى الفل
موج: الحمد لله يا رب الحمد لله
سها: تقدرى تقعدى انادى ياسين؟
موج: اه، ساعدينى بس
قعدت موج ودخل ياسين
ياسين: صباح الخير، حمدلله على سلامتك يا موج
موج: الله يسلمك يا استاذ ياسين
ياسين: حاسه بحاجه انادى الدكتوره
موج: لا انا بخير الحمد لله، ابنى كويس صح
ياسين: بخير والله اطمنى، وهنادى الدكتوره تطمنا تانى
جات الدكتوره وكشفت عليها وطمنتهم انها بخير وممكن تخرج بليل
ياسين: طيب انا مضطر اروح الشركه عشان فيه اجتماع مهم، وبابا زمانه جاى هو ورحمه، عايزين حاجه
موج: شكرا لحضرتك تعبتك
ياسين: لا متقوليش كده، انتى مرات الغالي برضو
خرجت سها معاه ودعته ودخلت تانى لموج وهى جيبالها عصير، شربته منها موج ونامت.
……………….
فى الشركه
دخلت بنت محجبه وجمالها هادى على ياسين وهى ماسكه شويه ملفات ف ايدها
مريم: مستر ياسين الملفات دى محتاجه امضا حضرتك
ياسين: هاتى يا مريم، همضيهم وامشى على طول
مريم: اتفضل يا فندم
مضى ياسين الورق واداهم لمريم تانى
ياسين: كده فاضل حاجه تانى
مريم: لا يا فندم انا فضيت اليوم لحضرتك زى م قولت مكنش فيه غير ميتينج الصبح عشان كان مهم
ياسين: طيب تمام، عشان الحق اروح المستشفى
مريم بخضه: مستشفى ليه يا فندم، حضرتك كويس؟
ياسين باستغراب: انا كويس الحمد لله، موج بس تعبانه شويه
مريم بخضه اكبر: موج مالها، ايه اللى تعبها، حصلها ايه؟
ياسين: يابنتى انتى على طول كده، بس انا مقدر حالتك عشان عارف ان موج صحبتك جدا، عموما يا ستى كالعاده خالد جه البيت وعمل الشويتين بتوعه ( حكالها كل اللى حصل)
مريم بدموع: مستر ياسين انا عايزه اشوفها ارجوك
ياسين بتعاطف: حاضر هاخدك معايا و…
قطع كلامهم رن فون ياسين
سها بعياط : الحقنى يا ياسين موج اتخط*فت.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حي بداخلي)