رواية لن أعشق سواك الفصل الأول 1 بقلم منى مرزوق
رواية لن أعشق سواك الفصل الأول 1 بقلم منى مرزوق
رواية لن أعشق سواك البارت الأول
رواية لن أعشق سواك الجزء الأول
رواية لن أعشق سواك الحلقة الأولى
-احنا هنتجوز بس عشان اهلي و اهلك اللي حطوا كل املهم علينا و لاني مش عايزه اكسر قلبهم بس جوازنا ده هيكون على الورق بس و هنتطلق بعدها بشهر او اتنين بالكتير
• ماشي يا نور زي ما تحبي انا مش هدافع عن نفسي تاني لان اللي في دماغك مش هيتغير
– ايوه يا عمر انا اللي في دماغي مش هيتغير واللي شوفته مش هيتنسي
• هو ايه اللي مش هيتنسي احلفلك بإيه تاني ان ساره دي هي اللي كانت بتطاردني و هي اللي جاتلي الشركه اليوم ده و…
– عمر وفر كلامك انا خدت قراري
• ماشي يا نور وانا موافق على القرار ده
( قاعة فرح راقيه)
++ المأذون وصل اهه يا عروسه يلا يا ستي عشان هيكتبوا كتابك يا نقاوة عيني
-ماشي يا ٱيه روحي وانا جايه وراكي
• طب مالك يا بنتي مكشره كده ولا كأنك رايحه تتجوزي معشوقك اللي جننتينا بيه
– مش مكشره يا ٱيه بقولك روحي وانا جايه
*طيب طيب خلاص يا ستي انا خارجه اهه بس اوعي تنامي في الحمام عشان انا عرفاكي يا صديقتي الصدوقه ممكن تنامي وانتي واقفه مكانك
( بتخرج ٱيه و نور بتبدأ تبص للمرايه و هي بتكلم نفسها و دموعها نازله و بتقول : معشوقي؟ حب عمري؟ يااااه انا مكنتش اتخيل ولا حتى في احلامي ان النهاية ممكن تكون كده ابدا.. بتتنهد و بتنشف دموعها و تخرج من الحمام و تروح للقاعه)
# اصوات زغاريط و فجأة صوت بينده نور : انجزي يابنتي يلا تعالي عشان نكتب الكتاب
- حاضر يا بابا
” نظرات حزن من عمر لنور و هي قاعده ادامه *
+ المأذون بدأ في اجراءات كتب الكتاب و حب يهزر مع العروسه فقالها ها يا عروستنا تقبلي عمر زوجا لكي ولا حد غصبك؟ ” نور بتبص لعمر بإبتسامة سخريه و بتقول للمأذون لا محدش غصبني.. بعدها بيكمل المأذون و بينهي اجراءات كتب الكتاب”
+ موسيقى السلو بتشتغل عشان ده ميعاد رقصة العرسان السلو لكن نور اول ما بتسمعها بتبص لعمر و بتقوله : قولهم ان رجلي تعباني و مش هقدر اقوم ارقص
* عمر بيبصلها بغيظ و بيقولها : ماشي تمام ما انا كنت هعتذر عن الرقصه دي بردو
+ جه وقت الزفه و خرج العرسان من القاعه و ركبوا العربيات
احمد صاحب عمر واللي هو كمان صديق ل نور كان هو اللي سايق عربية الزفه
=احمد : الاتنين المجانين اخيرا اتجوزوا و عشان كده انا بقى مجهزلكم مفاجأة صغيرة كده بس اكيد حلوه لانها مني يعني” بيشغل الكاسيت و بتشتغل اغنية نسيت الناس بتاعت حسام حبيب ”
نور بترفع عينيها فجأه بصدمه و احمد بيبتسم و يقول فاجئتكم صح؟ شوفتوا بقى ان اخوكم احمد حافظ كل تفاصيلكم حتى اول اغنية بعتيها لعمر لما قولتيله بحبك بعدها
* عمر رد بسرعه و قاله : طب يا سيدي شكرا ممكن تنجز شويه عشان اتهدينا النهارده طول اليوم
_ ياعم اتهديتوا ايه بس قول انك مستعجل و عايز تروح بسرعه يا عريس 😉ههههههههههه
++ العربية بتوصل تحت البيت ++
نور بتتنهد و عمر بيبصلها و بيقوم فاتح باب العربيه و نازل و بيلف يفتحلها الباب و بعد ما بيطلعوا شقتهم اللي كانت على مستوى فوق الممتاز.. شقه دورين ديكوراتها تحفه، شقه زي ما نور كانت دايما بتحلم طول عمرها بالظبط
نور بتدخل بسرعه عشان تمشي من الصاله بعيد عن عمر
بس بيوقفها صوت عمر فجأة و هو بيقول :
* نور لو سمحتى استنى ثواني انا عايز اقولك حاجه..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لن أعشق سواك)
جميله جدا