رواية 30 يوم حياة 2 الفصل الثالث والعشرون 23 بقلم أميرة أسامة
رواية 30 يوم حياة 2 الفصل الثالث والعشرون 23 بقلم أميرة أسامة
رواية 30 يوم حياة 2 البارت الثالث والعشرون
رواية 30 يوم حياة 2 الجزء الثالث والعشرون
رواية 30 يوم حياة 2 الحلقة الثالثة والعشرون
أبتسم هيما بحزن.
هيما….يا اخي انت شايف ان اللي انت فيه ده وجع بس الحاجه الوحيده اللي تغفر الوجع ده انك عارف انها بتحبك يا صاحبي وانت بتحبها اه قولتلها احنا اخوات وهي حست انك بتعاملها علي انكم أخوات
بس كان جواكم حب لبعض ياعامر أظن ارحم كتير اوي يا صاحبي من انك تحب من قلبك بجد وحبيبتك تبقي بتحب صاحبك💔
عامر….تقصد ايه😳 ولا انت بتتكلم عن نفسك انت حبيت
حد غير منه وصاحبك مين ده انا مش فاهم حاجه تقصد ايه
هيما….مش انا يا عامر
عامر…امال مين
هيما…كريم يا عامر
صدمه شلت كل حاجه فيه احساس بالعجز صعب حد يفهمه احساس بالوجع
وفجأه بقي أحساس بالتخبط سرح عامر للحظه وأفتكر كريم…
……
عامر….طيب انا ومش حابب اعمل الخطوه دي عشان نفسي احقق حلمي انت بقي ايه مش ناوي يا صاحبي
كريم….لا معلش مش فاضي
عامر…بضحك ياعم انا مش بهزر
كريم…عايز ايه ياض متبقاش مزعج بقي
عامر…رد عليا مش ناوي
كريم…لا مش ناوي
عامر…طب ليه
كريم…ياعم انا حر انت مالك
عامر…تصدق ياض انت مش جدع وادي دقني اهي لو جيت اتكلمت معاك تاني
كريم…بضحك مسك ايده طب اعد خلاص اعد بقي
عامر…😒
كريم…ياض متبصليش كده هزعلك عايز ايه
عامر…رد عليا
كريم….ياعم مش ناوي متسألنيش ليه عشان انا نفسي مش عارف او بمعني اصح مش عايز خلاص
عامر…هو ايه اللي خلاص اللي يسمعك وانت بتقول خلاص دي يقول ان الواد حب قبل كده واتوجع واتعقد عشان كده مش عايز
كريم….بحزن طب مانا فعلا حبيت واتوجعت عشان كده بقول خلاص بقي
عامر…لا يا شيخ ودي مين ست الحسن والجمال بقي اللي عقدتك من الحب واتوجعت بسببها وامته اصلا ياض انا اتولد لقيتك ادامي ومن يومها مشوفتكش مره بتحب
كريم….لا يا سيدي حبيت بس محكتش لحد
عامر…ليه بقي محكتش
كريم….احكي اقول ايه اقول ان اللي حبيتها بتحب صاحبي وصاحبي بيحبها
عامر….😳😳انت بتتكلم جد ولا بتصيع عليا
ضحك كريم بصوت عالي وفضل يضحك كتير ضرب عامر علي كتفه شربتها يا هبل
عامر…بتهزر صح😡
كريم…بضحك طبعا بهزر بس ايه رأيك بعرف أمثل
عامر…والله انا عيل اني اعد اتكلم معاك
كريم….طب بزمتك صدقت
عامر…اه والله العظيم صدقت انا حسيتك حزين بجد وانت بتحكي
كريم….بغرور مش انت لوحدك اللي عندك موهبه وبتغني انا كمان عندي موهبه وبمثل🙄 طلبوني كتير اوي المخرجين وانا رفضت🥴
ضربه…عامر وحيات امك😡
فاق عامر علي صوت هيما…
ايه سكت وسرحت في ايه كده
عامر….كريم كان بيحب حد وصاحبه بيحبها طب ازاي وعرفت ازاي اصلا ومين هي ومين صاحبه احنا ملناش غير بعض تقصد حد من صاحبنا قالك ايه يا هيما وليه قالك انت ومقاليش انا انا كنت اقرب حد لكيمو ازاي ميقوليش
هيما…عشان انت اكتر واحد مكنش ينفع يقوله
عامر….ليه بيحب منار اخته مثلا وعرف اني بحبها ما تقول كلام يتوزن
ابتسم هيما بحزن
لا يا صاحبي عشان انت اخوها
عامر…😳
هيما….وصاحبه يبقي لاحه يا عامر
صدمه مضاعفه وكأن شخص ضربه علي رأسه عده ضربات
وأفتكر جمله كانت مكتوبه علي تابلوه ومعلقها كيمو في المحل بتاعه. وكانت ديما محل سخريه وهزار من عامر
نحب من ليس لنا💔والبعض يعشقنا دون علمنا💔
ولكن يبقي للنصيب حكايه أخري💔..
عامر…بزهول نطق وهو شارد كيمو كان بيحب شهد أختي
وجه مشهد كريم في باله
……
عامر…مش عايز تلج
كريم….بلاش هبل انت صغير حط كريم علي راسه الفوطه
وبص لشهد شهد روحي يلا ذاكري انا هأعد معاه
شهد….لا لا مش مهم المذاكره انا هأعد معاه وانت مش هينفع تأعد عشان الشغل بتاعك
كريم…ملكيش دعوه بالشغل بتاعي انا يا ستي مش هفتح انهارده خالص روحي انتي يلا ذاكري امتحانك فاضل عليه أسبوع
شهد…طيب حاضر لو محتاج حاجه نادي عليا وهجيلك علي طول
كريم….بأبتسامه شكرا ياشهد شهد…بعد اذنك يا كيمو
كريم…اتفضلي…شهد
شهد..نعم
كريم…ذاكري كويس
……
عامر….كريم كان بيحب شهد يا هيما..
هيما….بحزن ايوه يا عامر
كان بيحب شهد
عامر…ازاي وازاي اصلا محكاش معايا حتي لو مش هيقولي انها شهد ازاي مقاليش انه بيحب
هيما….عامر صدقني كريم مكانش هيقول لاي حد اصلا وعشان دماغك متلفش انا عرفت بالصدفه مش اكتر ورحمه امي يا عامر ما في اي حد يعرف اللي بقوله ده غيرك انت الوقت وقولتهولك لسبب
عامر…احكيلي ياهيما
هيما….اللي عرفته من كريم انه كان معجب بشهد في وقت معين وكان ناوي يتقدملها
طبعا اللي بحكيه الوقت ده عرفته يوم ما كريم حكالي اصلا يعني اللي هقوله ده عن لسانه.. يوم ما صلاح كنا فالقهوه وفاتحك انت وايهاب ادامنا كلنا انه عايز يتقدم لشهد وحابب يجي يطلب ايدها من ايد عم حسني بس حب يا خد رأيكم الاول
وقتها انت وايهاب قولتوله انكم معندكوش مانع ورحبتوا بالفكره وقولتوله اتقدم وشوف رأي ابويا ورأي شهد يومها انا حسيت بعد الكلام ده ما خلص كريم وشه جاب الوان وبعد ما كان بيضحك ويهزر سكت مره واحده لدرجه تتلاحظ حتي كلنا علقنا واتكلمنا مع بعض فالحوار ده إلا هو لاحظت تغييره وسألته مالك قال مصدع عديت الحوار عادي ومجاش في بالي اصلا قولت فعلا اكيد مصدع.
بعدها بكام يوم كان صلاح حدد مع ابوك معاد وفعلا جالكم وابوك وافق وشهد كمان وافقت وقرأتم الفاتحه
في نفس اليوم بليل ادهم قاللي اننا محتاجين الادويه والكورسات اللي الشباب بياخدوها فالچيم وطلب مني اروح اجبها من الراجل اللي بنتعامل معاه في وسط البلد خدت عربيه ابويا جبت الحاجه وانا راجع لمحت كريم اعد عالكورنيش لوحده فالاول أستغربت قولت مش هو بس لما قربت اكتر لقيته هو ركنت العربيه وقولت اروح اطب عليه
فلاش باك…
نزل هيما من العربيه وهو بيضحك مشي براحه لحد ما وصل لكريم
هيما….بضحك قفشتك يا خبيث بتقابل ولا ايه…لكن اتصدم هيما لما شاف كيمو بيمسح عينه بسرعه
كيمو بابتسامه انت لتعمل ايه هنا
اعد هيما جمبه بقلق كريم انت بتعيط
كريم….لا لا انا بعيط ايه بس انا كويس
هيما…كويس ايه انت بتعيط يا كيمو تقولي مالك ولا اعرف بطريقتي
كريم….بحزن هيما الله يخليك انا مش ناقص قولتلك انا كويس
هيما….طب قولي مالك
سكت كريم مش عارف يقوله ايه لكن اتجمعت دموعه بسرعه وهربت دمعه سريعه من عينه مسحها كريم بضهر ايده بسرعه
هيما…كريم في ايه متقلقنيش عليك يا صاحبي انا في حياتي كلها عمري ما شوفتك في خالتك دي انا اول مره أشوفك بتعيط
كريم….مفيش يا صاحبي مخنوق شويه
هيما…حد زعلك متخانق مع حد طيب
كريم….لا خالص
هيما…طيب انا مش هسكت لما اعرف في ايه وايه اللي جابك هنا اصلا
انت بتحب ياض ولا ايه
نزلت دموع كريم اكتر يمكن بش خلاص مبقاش ينفع يا صاحبي
هيما…هو ايه اللي يمكن بس مبقاش ينفع انت بتقول ألغاز
وبعدين حتي لو بتحب ايه اللي مضايقك اوي كده هو الحب وحش ياض احنا ريقنا نشف عشان تفكر فالموضوع اصلا
كريم….بصله بحزن اللي مضايقني انه مبقاش ينفع يا هيما مبقاش ينفع يا خويا خلاص اوقات يا هيما التأخير في القرار بيخليك طول حياتك تندم انا حبيت اوي يا هيما واستنيت قولت اظبط نفسي اكتر عشان ابقي اد المسؤوليه دي بس كانت النتيجه انها راحت لحد تاني
هيما…بحزن ارتبطت بحد تاني يعني بص انا هقولك حاجه لو بتحبك يا صاحبي كانت هتستناك وتستحمل ظروفك لحد ما تتقدملها انما هي معملتش كده فا مينفعش تزعل او تبكي عليها حتي
كريم….بس هي مكنتش تعرف للأسف يا هيما انا حبيتها بيني وبين نفسي ولما حسيت ان هي دي اللي حابب اكمل معاها مرضتش اتكلم ولا اقول اي حاجه غير لما اظبط نفسي عشان لما اروح اعد واتكلم ابقي بتكلم بثقه مش فاضي يا هيما..يمكن كان قرار غلط عالاقل كان المفروض افتح الموضوع حتي لو هترسي علي اتفاق لاكن انا اتأخرت اوي وراحت لغيري
المشكله مش في كده يا هيما المشكله ان اللي راحتله دي يبقي صاحب عمري
هيما😳😳 كريم اوعي تكون تقصد قاطعه كريم..
هي يا هيما شهد اخت عامر
هيما…انت بتقول ايه انا مش مصدق اللي بسمعه ده وازاي اصلا مخدت بالك ان صلاح بيحبها ده كان كل تصرفاته بتقول كده وانا نفسي كنت عارف بس مكنتش بتكلم عشان ميبقاش الموضوع في حساسيه ادام عامر وايهاب
كريم…انا مخدتش بالي من اي حاجه غير منها ياصاحبي
انا اللي واجعني بجد اني حبيتها بجد وهي حبت صاحبي وصاحبي حبها
هيما….انا مش عارف أقولك ايه يا كريم بس كل اللي عايز اقوله انه مبقاش ينفع
يا صاحبي عشان حجات كتير اولهم ان شهد بتحب لاحه وان لاحه يبقي صاحب عمرك والاهم من دول عامر وايهاب مينفعش ياصحبي.
ضحك كريم وهو بيمسح دموعه انت عبيط ياض مانا عارف انه مينفعش خلاص خلصت يا صاحبي تحرم عليا ليوم الدين من يوم ما صلاح قال علي مشاعره ناحيتها وهي اتحرمت عليا يا صاحبي ورجعت نزلت دموعه تاني بس ميمنعش يا صاحبي ان قلبي واجعني اوي الوحيده اللي خلت قلبي اتحرك من غير ما تقصد الوحيده اللي خلتني قررت اتجوز مش عشان الجواز لا عشان بس اكون معاها…فالاخر تروح من ايدي لحد تاني ويطلع صاحبي انا مش مستوعب يا هيما انا تعبان بجد
خده هيما في حضنه طبطب عليه وفضل كريم يعيط ولاول مره هيما يشوف كريم رمز الصحك والهزار والقلب الكبير اللي بيساع الكل مهزوم وضعيف وحالته تحزن
هيما….لمعت الدموع في عينه حاول يداريها…اجمد ياض في ايه خلاص اللي حصل حصل انتي اقوي من كده وبعدين انا مش متعود اشوف كيمو كده بس عارف ياض اول مره أحس ان شكلك حلو وانت بتعيط
ضحك كريم من بين دموعه وهو بيضربه وحيات امك
هيما….ياجدع انا بتكلم جد تصدق انا حاسس اني حبيت وبفكر كده افركش مع منه وارتبط بيك😉😉
ضربه كيمو وهو بيقومه من جمبه…قوم ياض من جمبي ياض الله يحرقك هتخوفني منك ليه
فضل هيما يضحك…ايوه كده فك يا صاحبي عايز اقولك كلمتين جد…
الدنيا غريبه ياصاحبي اوي وغصب عننا هيتفرض علينا حجات لازم نعيشها بس الجدع فينا اللي هيقدر يتخطي حاجه زي دي
كريم…متقلقش عليا انا هقدر يمكن لو شهد كانت اتخطبت لحد تاني مش مننا مكنتش هقدر وقتها اتخطي حاجه زي دي لكن شهد اتخطبت لاخويا وصاحبي وانا قولتلك من لحظه ما عرفت مشاعر لاحه وهي اتحرمت عليا خلاص ولو عالوجع يا صاحبي مع الوقت الايام هتداويه كفايه اني اشوفها هي ولاحه مبسوطين
هيما…بحزن انت تستاهل احسن واحده فالدنيا وصدقني ربنا شايلك حد يستاهلك ويحبك عشان انت تستاهل تتحب
كريم…بابتسامه سخريه لا خلاص انا اعتزلت الحب يا صاحبي
هيما…متقولش كده الحياه مابتقفش علي اي حد
كريم….ربك كريم المهم اللي سمعته ده
قاطعه هيما عيب ياصاحبي اللي سمعته من وقت مانت خلصت كلام اتردم عليه واتنسي وسر بيني وبينك
كريم…ربنا يطمنك يا هيما
هيما…طب ايه يلا بقي نروح
كريم…يلا بينا
……
بااااااااك
هيما…وهي دي حكايه كيمو مع شهد يا عامر…كريم اتوجع كريم حب واللي حبها محبتهوش وحب صاحبه وصاحبه حبها ياراجل في وجع اكتر من كده
نزلت دموع عامر..
هيما…انا مش بقولك عشان انكد عليك واضايقك بس بقولك عشان احسسك انك في نعمه كفايه انك بتحبها وهي كمان بتحبك اوعي تكون فاكر ان منار بتحب انس كلنا عارفين انها عملت كده عشان بس تحس وتحسس الناس حواليها انها قادره تعيش من غيرك لاكن هي كل تصرفاتها بتقول عكس كده ويمكن ده بسبب ان الكل بعد كده عرف حوارها معاك وعرف اللي عملته فا طبيعي هي حابه تبان اقوي حابه تبان مش ضعيفه حابه تبان محافظه علي كرامتها حابه ترفضك عشان تعوض جزء بسيط من التنازل اللي عملته حتي لو هتدوس علي قلبها منار في حيره بين انها تكمل معاك او ترفضك وتوجعك زي ما عملت فيها منار يا صاحبي مش لاقيه بر ترسي عليه وبصراحه هي كا بنت حقها طول بالك عليها…متسبهاش يا صاحبي خليك معاها عشانك انت وعشانها وعشان كريم عرفت من زين ان كريم كان بيتمني انك انت ومنار ترتبطوا بجد….حقق حلمه يا عامر كريم كان بيحبك كريم كان نفسه يشوف حبك انت ومنار بيتحقق كان نفسه يشوف نفسه فيكم كان نفسه تعملوا اللي هو مقدرش يعمله مع اختك يا صاحبي انا كنت واخد عهد علي نفسي محكيش السر اللي بيني وبينه ده لاي حد بس انت لكريم مكنتش اي حد خصوصا انت اخته بتتوجع نفس وجعه الوقت وهو حاسس بيها وبيك فهمت يا صاحبي
مسح عامر دموعه بوجع
عامر….كل فتره بحس اني هديت وبحاول اتأقلم مع موت كريم واحس ان حياتي خلاص هتمشي وهكمل أكتشف اني برجع للصفر كريم وحشني يا هيما اوي
خده هيما في حضنه ونزلت دموعه هو كمان ادعيله يا صاحبي ادعيله هو حاسس بينا بلاش نوجعه ونشيله الهم خلينا نفرحه يا صاحبي خلينا نعمل كل حاجه حلوه عشان لو فعلا الميت بيحس يبقي هيحس بينا كريم ميستاهلش يتوجع فا لازم نفرحه اتفقنا.
خرج عامر من حضنه بوجع مسح دموعه وهز راسه
ضربه هيما علي راسه…كفايه نكد بقي الله يحرقك الاوضه دي مفيهاش حاجه تتاكل ولا ايه
ضحك عليه عامر….معلش نسيت انك بقالك نص ساعه ولا ساعه مكلتش قوم التلاجه هناك اهي
هيما…بقولك ايه قوم يلا خد دش كده ويلا الساعه داخله علي 7 ادهم مش طايقني عشان لبسته في اليوم لوحده انا اصلا من الصبح رايح جاي في مشاوير مأعدتش ساعه علي بعضها في الصاله وخلاص مفيش وقت المفروض نروح لزين
عامر…اه ماهو احنا المفروض نكون هناك علي الساعه 8
هيما…طب اخلص الساعه سبعه إلا ربع يادوب نلحق
عامر….اه يادوب وعايز بس اعدي اجيب حاجه حلوه
هيما…طيب اخلص بقي لسه عايز اغير هدومي دي انا بيها من الصبح
عامر….ماشي عشر دقايق واخرج
هيما…مستنيك
…….
عدت الوقت بسرعه كانت الساعه قربت علي 8 ابتدوا الكل يجوا عند زين كانت الحلقه هتتعرض 9 لاكن ادوهم ساعه بدري علي بال ما يتجمعوا وياكلو مع بعض
فعلا الكل كان موجود حتي منار اللي جت مخصوص عشان تطمن علي عامر وكانت واثقه انه مش هيجي رغم ان المفاجأة تخصه كانت واثقه بعد ما اختفي من امبارح واستنتجت انه بات بره انه مش هيجي كان قلبها مقبوض وقلقانه عليه
لاكن خيب عامر أملها لما خبط علي باب زين
زين….كل ده ياض
عامر…بأبتسامه بسيطه معلش حقك عليا التأخير ده عندي طب اخلص الساعه 8 والاكل البنات بيحطوه يلا بقي عشان نتعشي مع بعض قبل الساعه 9
دخل عامر وسلم عالكل وجه عند منار مد ايده وسلم عليها وهو مش باصصلها
سهر…..علي طول متأخر كده
عامر….تصدقي انك مفتريه انا اكتر حد مواعيده مظبوطه
سهر…بضحك ده باماره ايه
عامر….شغلي علمني التركيز في الوقت
عادل….علي غكره فعلا عامر من اكتر الناس اللي مواعيدهم مظبوطه بجد هو والواد چو وزين
عامر….اهوووو شهد شاهدآ من اهلها
سهر….بضحك انا بنكشه بس يا أستاذ عادل
عامر….ماشي يا ستي بس هتنكشي فيا اكتر من كده
يوسف…بصوت واطي كنت فين ياض من الصبح
عامر…بابتسامه سخريه ونفس صوت چو الواطي قصدك من امبارح يا روح امك اول ما أفتكرت اني مش موجود
يوسف…من امبارح بجد ولا بتهزر انا جيت امبارح علي عشره نمت محستش بالدنيا وانا عارف انك في العيد ميلاد وهتتأخر
عامر..ماشي يا ابن روحيه اروقلك بس وهنفخك انت وامك
يوسف…طب قولي مالك بجد
عامر….بعدين ابقي احكيلك
يوسف…مع انك قلقتني بس ماشي صحيح مش هتقولي عالمفجأه اللي جامعينا عشانها دي
عامر…لا الساعه 9 هتعرف
يوسف…ياض انا صاحبك خبر حصري كده
عامر…ياعم اتنيل قال حصري قال
زين…يلا يا شباب الاكل هيبرد ومفيش وقت يلا اخلصوا
قام الكل وابتدوا ياكلو الكل كان مندمج معادا عامر اللي مش علي طبيعته باصص في طبقه بياكل وبس مبيرفعش عينه ليها ابدا اما هي فا كان حالها يشبه حاله لاكن كانت كل شويه تبص عليه بطرف عينها اغلب الموجودين كانوا مركزين في سكوت عامر ومنار. خصوصا عادل اللي واخد باله من حالت اخته من ساعت ما رجعت لاكن فضل انه يتجاهلها وميسألش إلا لو هي حبت تحكي وكالعاده محكتش وهو الوقت أتأكد ان الموضوع يخص عامر.
سهير…تسلم ايدك يا وعد نفسك حلو فالاكل الله اكبر
وعد…ربنا يخليكي ليا يا سوسو
توته…فعلا الاكل تحفه واصلا شكله جامد
ادهم…بضحك تحسي ان طريقه الغرف ماشيه مع دراستها
زين…بضحك مهندسه ديكور😂😂
وعد…ايه ده انتوا بتتريقوا شكلكم
زين رفع ايده ببراءه والله ابدا انا اقدر هو اللي بيقول
ادهم…انت هتلبسني مصيبه طب والله بتكلم جد تصدق وتأمن بالله انا عارف بعد البوء ده اني هتعلق شوف يا اخي انا اتعزمت عندكم كلكم وعد احسن واحاده رصت ترابيزه السفره بالشكل الجامد ده.
توته مسكت السكينه 🔪🔪😡😡نعم يا خويا وانا اللي هاريه نفسي ديكورات واعملك الخيار ورده والجزر فيونكه تصدق انت مبيطمرش فيك
ضحكوا كلهم علي توته
ادهم…يابت هو في زيك انتي استاذه
وعد…طبعا توته استاذه كفايه اصلا اكلها
منه….هو في زي اكل توته وجمال اكل توته
هيما….مش اوي كده
توته….هو انت واخوك عليا وربنا اصور قتيل
احمد العربي…مالكم بيها ياولاد الكلب توته دي ست الستات
توته…يالهوي يا ناس والنبي هو اللي فيكم برنس كده في روحه😍
ادعم…انت يا بت بتعاكسي ابويا
ضحكوا كلهم علي توته وادهم
بعد وقت بسيط شالوا الاكل وخلصوا اعد الكل بره كان فاضل عشر دقايق بالظبط علي عرض الحلقه ساعدوا البنات وعد بسرعه في المطبخ كل واحد فيهم كان بيعمل حاجه عملت توته الشاي والقهوه ليهم بره
خرجت رحاب الحلو
منه خرجت الاطباق
زين…يلا ياوعد فاضل دقيقه اخلصي.
احمد العربي…هو في ايه انا مش فاهم حاجه
زين…مفجأه حلوه يا عم احمد أتقل انت بس
سهير…هو انت طالع في التلفزيون يا زين
زين بضحك…..لا ياسوسو تلفزيون ايه بس استني بس متستعجليش الوقت تعرفي
سهير…ماشي يا اخويا وادي اعده
عادل….مش عارف حاسس ان في حاجه فالتلفزيون انا كمان
شمس….اه والله وانا😂😂
خرجوا كلهم وأعدو
مسك عامر الموبايل. اتصل علي ابوه
حسني…اول ما افتكرت يا واد
عامر…بضحك قبل ما تشتم بقولك ايه هات قناه ……عندك عالتلفزيون بسرعه زي ما قولتلك امبارح
حسني…جايبها اهو انا والجماعه
عامر…طب روح بقي اتفرج بقي وهخلص واكلمك
حسني…طيب يا حبيبي انتو كويسين
عامر…اه الحمد لله بخير
حسني…ماشي ياحبيبي يلا سلام
عامر…سلام يا عم حسني.
زين….يلا اجهزوا الاعلانات قربت تخلص.
اعدوا كلهم ساكتين ومركزين ومستنين المفجأه اللي قالوا عليها.
خلصت الاعلانات اخيرا وابتدا تتر برنامج مني الشاذلي…كلهم ابتسموا بقوا يبصوا لبعض بأستغراب.
دخلت مني الشاذلي وأبتدت تقول المقدمه وهما لسه مش فاهمين في ايه. عامر اعد نربع ايده وباصص عالتلفزيون كأنه ميعرفش اي حاجه..
دخلت مني الشاذلي وسط تصفيق الجمهور وتصفير الشباب.
مني….شكرااا
انهرده يوم جديد ويوم ميلاد نجم جديد نجم قلب السوشيال ميديا في فتره قصيره جدا كل اعماله الفعليه هي كليب واحد بقي ترند في فتره بسيطه وبعدها بفتره بسيطه انتشرله فديو بسيط وعادي لاكن الناس اعتبرته مش عادي وقلب الدنيا خلال ساعات معانا ومعاكم النجم الصاعد المطرب عامر حسنيييي
من اول ما ابتدت تقول المقدمه وهما حسوا ان الموضوع يخص عامر وبمجرد ما نطقت اسمه وشافوا عامر دخل كلهم قاموا عليا هاااااااي
يوسف….يا واطي متقوليش
ادهم…عملتها ازاي دي يا ض
صلاح…ايه ده انت اهو ياض يا عامر
عادل…يا ابن الاعيبه
سهر….طب والله حسيت مبروك يا عامر
احمد…اعدوا بقي خلينا نسمع
منار كان قلبا بيدق بعنف فظيع حاسه ان قلبها محلق فالسما من فرحتها بيه
الكل كان مبسوط هديوا خالص وابتدوا يسمعوا الحقله بتركيز واهتمام
سهير…الله اكبر عليك يحرسك لشبابك ولينا يارب
ضحك عامر وبعتلها بوسه فالهوا
ادهم…اتلم ياض😒
فضلوا يضحكوا ويتفاعلوا مع كل حاجه بتحصل في الحلقه خفه دم عامر كانت طاغيه علي كل حاجه
ابتسم يوسف وطبطب عليه وهو بيشكر عامر فيه وبيتكلم عن مفجأته ليه بعرض الكليب في الشارع..
ضحكوا ملهم وفرحت روحيه بأعاده تشغل المقطع بتاعها هي وعامر في المركب.
روحيه…انا اهو يا واد يا يوسف
يوسف…بضحك بقيتي مشهوره يا اما
سهير…مين ادك يا روحيه
فضلوا مركزين في اللقاء واجابته علي سؤال مني الشاذلي اللي لفتت نظرهم
مني الشاذلي….من اول ما أعدت يا عامر وانت بتقول في كل جمله صحابي حتتي جيراني واضح ان المكان واهل المكان مأثرين فيك اوي
ابتدا عامر يقول عن حبه ليهم وجدعنتهم وشهامتهم وعن علاقت الناس ببعضها في الشارع الكل كان مبسوط
……
صدمه منار في سؤال مني الشاذلي ليه وهب بتسأله عن الحب في حياته وفجأه الكل وجه نظره لعامر ومنار
حست منار بضربات قلبها بتزيد وافتكرت كلامه معاها فالعربيه لما قالها استني لحد يوم الخميس المفجأه اللي عايز اقولهالكم هتعرفي فيها حجات كتير خست منار وقتها انها نفسها الارض تتشق وتبلعها وكانت خايفه من تهور عامر يقول حاجه عنها…حطت ايدها علي قلبها وترقبت اجابته علي السؤال
فضلت مني الشاذلي تسأله عن حبه وهو يجاوب وكل ما يجاوب علي حاجه تحس ان هي بتلج اكتر سمعت اجابته علي سوء الفهم وعلي الاختيار فالحب بين حبيبته واخوها سمعته بيتكلم عن حب عمره اد ايه هو بيحبها
الكل كان جواه حزن من نبره صوت عامر وحزنه عامر كان معاهم ومش معاهم ساكت ولا كان اب حاجه بتحصل حواليه وكأنه دخلت تاني جوه اللقاء ومع كل سؤال كان بيردد اجابته من اول وجديد من الداخل اتجمعت في عيون منار دموع حاولت تسيطر عليها علي اد ما تقدر وعد كانت اعده جمبها وماسكه أيدها جامد
خلص الكلام علي منار وابتدا الجو المرح يرجع للحلقه تاني وهما معاه..
وابتدت تقوله عاللعبه الخاصه بحضل او محصلش واللي اعلنت فيها ان ايهاب اخوه انضملهم
ادهم…ايه ده ايه ده
هيما…ايه في ايه انتوا رحتوا امته
رحاب…ايه ده انت مقولتليش
ايهاب…بضحك ماهي مفجأه اقولك ازي
صالح…ايه ياض الحلاوه دي
ايهاب…دي اقل حاجه عندي
احمد العربي الحلقه دي يا ولاد هتكسر الدنيا
يوسف…فعلا حلقه فظيعه
ناريمان…الحلقه حلوه ومفجأه ان عامر. يطلع ومفجأه اكبر وجود ايهاب بجد حلوه اوي
ابتدوا يتابعو تاني باقي الحلقه وماتوا من الضحك علي اعترافات عامر بالمصايب وعلي ايهاب اللي شايل كل مشكله وعلي تزوير امضت والده وهما صغيرين اتبسطوا من غناهم الاتنين مع بعض كملوا الحلقه كلهم واختتموها بحضن عامر وايهاب
الكل صقف لهم والفرحه والسعاده كانت ظاهره علي وشوش الجميع بحب.
خلصت الحلقه اخيرا وبمجرد ما هلصت بض عامر علي منار بطرف عينه
شهد بحب حضنته هو وايهاب.الحلقه حلوه اوي يا حبايبي
احمد العربي…براڤو يا ولاد حلقه من احلي الحلقات والله بجد جميله وحاسس ان بعدها ربنا هيكرمكم جدا
عامر…يارب يا عم احمد
زين…مبروك يا صاحبي مبروك يا بوب الحلقه نجحت وشويه وهتلاقي التفاعل عليها رهيب
هيما…حلقه دمها خفيف وكلها ضحك مش ممله بس حصل ازاي ده يا سوسه
رحاب…هو بس اللي سوسه ايهاب سوسه اكتر منه😡
ايهاب…بضحك والله ابدا حبيت بس افاجئكم اصلا عامر مكنش يعرف اني رايح كانت مفجأه ليه بردو.
عامر…الاعداد كلمني يوم ما كنت رايح اجيب العربيه واتفقوا معايا وروحت علي طول وفعلا اتفاجئت بوجود ايهاب مفيش حد كان عارف غير زين وهو اللي قال هنتجمع هنا نشوف الحلقه سوا
سهير…مفجأه جميله وحلقه اجمل ولا روحيه اللي محدش ادها
يوسف….مبروك يا صاحبي
عادل….علي اد ما كان مضايق من الكلام اللي اتقال وخاف ان أنس ممكن يشك بس كان مبسوط من نجاحه وكان مبسوط اكتر انه قدر يوصل رساله بطريقه غير مباشره لمنار…
خلص اليوم وابتدوا كل واحد فيهم يمشي…
طلع عامر الشقه واول ما طلع اتصل علي عادل.
عادل…الوووو
عامر…سكت شويه وكمل بصوت حزين…حقك عليا عارف انك اضايقت بس غصب عني دي كانت فرصه اقولها عاللي حصل وعلي اللي جوايا مكنتش هتتكرر اختك مش مدياني فرصه يا عادل انا اسف يا صاحبي.
ابتسم عادل بحب…وانا مش زعلان يا عامر يمكن شايل هم انس يفهم حاجه بس فالعموم كان لازم يحصل كده
عامر…بجد يعني مش مضايق
عادل…لا طبعا والحلقه كانت جامده والاهم من كل ده ان حاسس انها أثرت في منار
عامر…بسخريه تفتكر
عادل…ماتقلقش يا صاحبي صدقني
عامر…ماشي يا عادل يلا روح نام بقي تصبح علي خير
عادل …وانت من اهل الخير
اما عند منار فا من اول ما طلعت البيت دخلت اوضتها وكأنها بتتلاشي عيون عادل فتحت موبايلها وجابت مقاطع متسجله من الحقله وفضلت تجيب المقطع الخاص عن كلامه عنها ودموعها نازله لاول مره تحس بصدق كلامه وبالرغم من انها كانت حست ان عامر حبها بس كانت ديما مكدباه لكن صدق كلامه لاول مره يدخل قلبها قررت منار تحسم امرها…مسكت موبايلها وهي دموعها نازله
وجابت رقمه واتصلت وأستنت الرد🙄🙄
في صباح يوم جديد
الجو كان قالب بطريقه مش معقوله..اغلبهم كان اجازه
الناس كانت بتجيب حاجتها بسرعه وترجع أستعدادا للعاصفه اللي هتضري البلد
فالوقت ده عامر كان لسه صاحي
اتصل عليه والده.
عامر…صباح الفل با عم حسني
حسني ..بقي انت واخوك يا ولاد الكلب بتزوروا امضتي ده انا هعلقكم علي باب البقاله لما ارجع.
ضحك عامر بكل قوته
حسني…اضحك يا ابن حسني بقي كل البلاوي دي كانت بتحصل من ورا ضهري
عامر…بضحك قلبك ابيض بقي ياعم حسني المهم الحلقه حلوه عجبتك
حسني…روعه انت واخوك كنتوا زب القمر قلبي كان طاير يا ابني والله دعوتي ليكم من اول يوم جيت فيه استجابت صدقني ياعامر اللي جاي حلو اوي انا واثق
عامر…متبطلش دعا يا عم حسني
حسني…داعيلك من قلبي يا حبيبي انت واخواتك الجماعه بيصبحوا عليك وبيباركولك عالحلقه..اتكلم معاهم عامر وسلم عليهم كلهم وباركوله
وبعدها قفل..تابع عامر التفاعل علي الحلقه اللي كان مش مصدقه ومش مصدق التفاعل وكم الكومنتات الايجابيه كان فرحان رغم حزنه..
عدت الساعات وبعد العصر اتقلب الجو اكتر
وابتدت العاصفه🙄🙄🙄🙄🙄 وفجأه😵😵😵
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)