رواية ليتني لم اذهب الفصل السابع 7 بقلم رحمة العواني

رواية ليتني لم اذهب الفصل السابع 7 بقلم رحمة العواني

رواية ليتني لم اذهب البارت السابع

رواية ليتني لم اذهب الجزء السابع

رواية ليتني لم اذهب الحلقة السابعة

وفجأه علي صوته انا هعلمك الادب من اول وجديد
وكمل بسخريه
مش بتقوله كده بالمصري برده
ايلين ليه محسسني اني من كوكب تاني
فارس بنظره جانبيه لا انتي مش هتكوني في كوكب تاني
وكمل بسخريه
انتي هتروحي ورا الشمس عرفها دي ولا لا
ايلين: انا معملتش حاجه
فارس بعصبيه: انتي لسه هتكدبي
ايلين بدموع: والله انا ما عملتلها حاجه فعلا انت دخلت علينا وانا مسكها بس مضربتهاش كده
فارس وهو بيسقفلها: برافه عليكي اكدبي الكدبه وصدقيها
ايلين بعصبيه: مش بكدب
فارس وهو بيبص نظره تحدي وبيقرب منها: اظاهر انك لسه متعرفيش مين هو فارس
ايلين بخوف بحاول تخبي: ومليش الشرف ان اعرف
فارس بنظره عصبيه: قريب اوي هتبوسي ايدي علشان اطلعك من هنا
ايلين: انت اللي قريب اوي هتترجاني اسامحك انت وهي
فارس بسخريه: وحضرتك بقي مين علشان اطلب منك تسامحيني
ايلين: نزلني الحبس
فارس قرب منها ومسك ايديها بعصبيه
فارس: انا لسه بكلمك يبقي تردي عليا
ايلين بوجع: ايدي سيب ايدي
فارس شدد من مسكته عليها: ولو مسبتهاش
ايلين بوجع: بقولك سبني
فارس بتحدي: متعودتش اسيب حد جه ع اللي مني
ايلين بصريخ: بقولك انا مجتش عليها ولا ليه دعوه بيها هي………….
فارس قطع كلها: اسكتي احسن
ونده ع اللي برا تعالي خدها ع الحبس
ايلين: انت عامل زيها ماشفتوش ساعه تربيه حتي
فارس بعصبيه: انا هوريكي اللي ماشفش ساعه تربيه ده هيعمل فيكي ايه
وطلع من جيبه مفتاح وسلاح ابيض وحطهم ع المكتب
تعالى يابني خدها من هنا بس مش ع الحبس واداله المفتاح ع الاوضه اللي انت عرفها
خد المفتاح منه ومسك ايلين
هنا ايلين حست بالخوف والقلق ابعد عني
فارس بشماته: علشان بعد كده متعمليش سبع رجاله ف بعض
وكمل بزعيق
خدها يابني من هنا
_________________________
نزلت ايلين الاوضه بخوف واول ما دخلت كانت
الدنيا ضلمه وكانت خايفه وبتعيط فجأه
حست بحركه وبصت جنبها وبدات تركز جنبها
شافت وش لشخص يكاد يكون واضح ملامحه خافت اكتر ورجعت لورا
ايلين بخوف: ابعد عني
حست بحركه ورها اتخضت وصرخت
ايلين: ابعده عني
ومره واحده نزل عليها الضرب من كل حته وهي كانت بتصرخ وتستغيث وحطت ايديها ع بطنها بإلم وتعب وبتصرخ ولكن لا حياه لمن تنادي مسبوهاش غير لما غابت عن الدنيا تماما
وبعد ما خالصه مهمتهم سبوها وطلعه
في اللحظه دي اتمنت لو مكنتش اتولدت ولا جت للدنيا
ابدا
________________________
عند يزن جاله اتصال
يزن: الو
الطرف التاني…………..
يزن بخضه: ازاي يحصل كده قولي المكان فين
الطرف التاني………..
يزن بضيق: خلاص اقفل انا هتصرف
يزن وهو بيخبط ع العربيه: غبيه بجد غبيه راحت للشر برجلها
يزن ركب العربيه وراح عند فارس في القسم استني شويه وبعد كده فارس امر بدخوله
فارس بترحيب: اخيرا نورتني هنا
سلم عليه يزن:
عامل ايه يا صحبي ليك وحشه
فارس انت مزهقتش من اللهجة المصريه دي يابني نص كلامك مش بفهمه
واول ما نطق الكلمه دي افتكر فارس ايلين وحس بخنقه من اللي عمله فيها بس حاول يكون طبيعي
يزن بمرح: محدش بيزهق من اصله يا فارس
فارس: ماشي يا عم قولي بقي اكيد الزياره دي
مش لله كده وكمان منظرك مبيقولش انك كويس خالص في ايه
يزن: ايلين هنا
فارس بستغراب: ايلين مين
يزن: اللي قولتلك عليها قبل كده
فارس: اه البنت المصريه
يزن: اه
فارس قام بفزع: انت بجد تقصد بنت مصريه
يزن: ايوه في ايه
فارس دي نفس البنت اللي ضربت لينا
يزن: انا متإكد انها معملتش كده يا فارس
فارس بعصبيه: انت جي تسال عن وحده ضربت اختي في نص بيتها يا يزن
يزن: اهدي يا فارس وخلينا نسالها الاول علشان نفهم منها ايه اللي حصل
فارس: انت اتجننت يا يزن بقولك دخلت لقتها ضربها
يزن قام من ع الكرسي: فارس اختك كدابه انا معرفش ايلين بقالي كتير بس هي مش ممكن تعمل كده هي ممكن تعمل اي حاجه علشان بس مبصش لبنت غيرها واكون معها
فارس بعصبيه: مش معني ان وقفت جنبك بعد اللي اختي عملته وبعد الظروف اللي وقعت فيها يبقي راضي ع اللي انت بتعمله دلوقتى
يزن بتنهيده وتعب: انت اكتر واحد عارف ان عارف اختك كويس والظروف اللي مريت بيها عرفيتني هي ايه كويس اوي يا فارس وانت كده بتظلم بنت بريقه ومعتقدش انك تحب تظلم حد مهما كان هو مين
فارس وهو حاسس ان في حاجه غلط وبيكدب نفسه: كل اللي هسمحلك بي انك تقوملها محامي كويس علشان الوقفه قدامي مش سهله وتشوفها خمس دقايق
وطلب من اللي بره يجبها علشان يزن يشوفها خمس دقايق وخبط الباب وفجأه

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ليتني لم اذهب)