رواية وجدت بك اماني الفصل الثالث 3 بقلم فراولة

رواية وجدت بك اماني الفصل الثالث 3 بقلم فراولة

رواية وجدت بك اماني الجزء الثالث

رواية وجدت بك اماني البارت الثالث

رواية وجدت بك اماني الحلقة الثالثة

# بعد اسبوع #
سماء : والله ما في حاجه يا جدي حصلت اكتر من اللي حكيتهالك… هو بينزل الفجر يصلي و يرجع ينامله ساعتين و ينزل في اوقات بينزل قبل ما بصحى اساسا بيرجع على الغدا و يتغدى و يسالني لو عايزة حاجه للكليه او فلوس او او و ينام ساعتين و ينزل و يرجع بعد العشا…. مفيش كلام كتير حصل من بعد ما نزلنا سوا
سالم : يعنى اتخانقتوا يومها يعنى يا سماء!!
سماء : والله ابدا… بالعكس كان يوم حلو اووي و خفيف كنت حاسه نفسي الطفله اللي غيث مسئول عنها و بياخد باله منها طول ما هما برا و اكلني برا و فرجني على البلد… بس من ساعتها و هو حرفيا بيجي البيت تعبان و عايز ينام
هو بيشتغل ايه صحيح يا جدي؟!
سالم : نعم يا بنت عبدالله سمعيني تاني كده… عايشه معاه بقالك اسبوع و مفروض مراته و مش عارفه هو شغال ايه…. انتوا هبل يا عيال انتوا ولا ايه بالظبط… اقفلي يا سماء علشان بوظتيلي ضغطي… تبقي اسأليه هو ياختي
سماء : احيه دا قفل في وشي 🤦🏻‍♀️… الراجل دا بيعاملني معاملة مرات الاب كده ليه…. الساعه داخله على اربعه اقوم اجهز الاكل علشان غيث… و خلينا نتكلم حبه بقى و نفهم شويه ايه اللي بيحصل
___________________________
# بعد شويه #
غيث : السلام عليكم يا اهل الدار
سماء : و عليكم السلام الاكل جاهز بس خش التواليت على ما انا محط على السفرة
غيث : تمم تسلم ايدك
سماء : احم هو احنا ممكن نتكلم شويه
غيث : معنديش مشكله… بس خلينا نخلص الاكل و يا ستي هعملنا كوبايتين شاي بالنعناع و نقعد في البراندا
سماء : براندا ايه؟!
غيث : احيه انتي مدخلتيهاش!!
انتي دخلتي اوضتي خالص يا سماء!
سماء بتوتر : لا والله ما جتش جنبها
غيث : يا الله 🤦🏻‍♂️
انا خلصت اكل انتي خلصتي؟!
سماء : اه الحمد لله
غيث و هو بيمسك ايديها : طب تعالي… تعالي يا سماء و متخافيش براحه بس متتوتريش كده… لا ايه دا انتي بشعرك.. طب خليكي هنا ثواني
سماء و هي بتفكر و بتتامل : اول مرة ادخل الاوضه دي… نفس الحاجات اللي كان نفسي فيها… نفس الالوان حتى العفش… الله دا فيها مرجيحه كمان دا ايه الظلم دا هو حاططها هنا ليه… و ايه البلكونه دي
غيث: تعالي يلا خشي
سماء : طب شعري!!!
غيث : خشي يا سماء متقلقيش
سماء ” بدات ادخل و انا متوترة انا عارفه انه غيور جدا… حتى لو بخاف منه بس عنده حاجات اساسيه في حياته كان دايما عنده اي حاجة كوم و حتة ان حد يلمح حاجه فينا دي كوم تاني خالص… لا ثانيه كده ويت يا جماعه…. ايه اللي انا شيفاه. دا… دي دي دي بلكونة احلامي انا ازاي مدخلتهاش قبل كده ازاي
غيث : و انا بختار البيت تعبت كتير لحد ما لقيت البيت و البلكونه دي علشان اعملهالك زي ما انتي ما عايزة ولا نسيت حاجه
سماء : نسيت حاجه!!
دي كانها طالعه من دماغي بالمللي و محطوطه فيها ازاي كده
غيث : سمو الاميرة سماء تحلم و احنا علينا ننفذ بكل
حب
” بصيتله ساعتها و سرحت حسيت اني مع غيثي ساعتها افتكرت من سنه و نص لما كنا في بيتنا و بنتكلم مع جدي ”
فلاش بااك #
عبدالله : شوف يا ابويا الهبله دي… قال ايه البلكونه و المرجيحه عندي اهم من العريس اصلا
سماء : متتريقش عليا يا بابا لو سمحت… خليه يسكت يا جدو
سالم بضحك : طب فهميني يا عيوني انتي عايزة ايه
سماء بحماس : بس هتتخيل معايا و من غير تريقه
سالم بضحك هحاول يا مجنونة انتي
دخل غيث فجأة و قال : من وجهة نظري تعالي و انا هحلم معاكي دول عواجيز خلاص كبروا… تعالي و انا هحققلك كل احلامك
سالم : مين دول اللي عواجيز يا ابن الاهبل انت… دا انا فيا صحه عنك
غيث باستفزاز : واضح واضح… يا جدي دا انت من كتر ما عجزت نقلنالك اوضتك تحت يا جدي… اقعد على جنب يا راجل انت
سالم بدأ يرفع العصايه و يجري وراه : طب تعالى يا جزمه انت انا هربيك من اول و جديد و اوريك العجوز اللي على حق تعالى يلا انت
سماء : ما تكبروا انتوا الاتنين بقى ايه هتسمعوني ولا لا
غيث و هو بيضحك و بيقعد على مقربه منها : احنا كلنا ليكي يا سمسمتي
سالم : دي سمسمتي انا بس يا جزمه انت
يلا يا عيوني قولي و خلينا نحلم معاكي
سماء و هي بتغمض عينها : نفسي تكون كبيرة بس مش اووي احط على السور ريحان و ياسمين و نعناع كتييير اووي و يبقى فيه كرسين و طربيزة صغننه يبقى نهاية اليوم بتاعنا فيه بعد الغدا و كوبايتين شاي بالنعناع مع قعدة حلوة نحكي فيها يومنا و في على جنب مرجيحه حلوة
الواحد يقعد يقرأ عليها و ينفصل عن العالم
غيث بمقاطعه : طب و الناس!!
سماء : ما البلكونه هيتركب فيها حاجه شبه الشبابيك تتقفل وقت ما نعوز نقعد بحيث متخليش اللي برا يشوفنا و تتفتح بعدين
غيث بتفكير : بس المرجيحه تبقى جوا الاوضه يعنى جنب البلكونه بحيث في الشتا او في الوقت العادي ممكن تفتحي البلكونه و تقفلي الستاير و تقعدي براحتك جوا…
سماء: صح صح جدا الله عليك
غيث : بس سمسم مين دا اللي عماله تقولي نعمل نعمل!
سماء : زوجي المستقبلي قرة اعيني
غيث : قرة اعينك!! قلتيلي طب انا ماشي يا جدي قبل ما اولعلكم في حد كده
باااك
غيث بتفاجئ : في ايه يا سماء سرحتي في ايه و بتعيطي ليه… طب في حاجه وحشه او اتعملت غلط فهميني
سماء ببكاء : انت ازاي كده… و ليه انا تعبت… ازاي فاكر كل حرف كنت قيلاه… ازاي حد يكون بي بيعمل كل دا و يأذيه في الاخر ازاي يا غيث ازاي
غيث : اخيرا سمعت غيث منك يا سمائي اخيرا
ممكن تهدي و انا هقولك كل اللي عايزة تعرفيه
سماء : متقولش سمائي لان انت مستحيل تحبني و تأذيني… سمائي دي كان اللي بيقولهالي بني ادم بيخاف عليا من الهوا الطاير مش انت لا مش انت
غيث : طب تعالي جوا اقعدي تعالي يا سماء و اهدي انا بعيد اهو
” قعدت على السرير و انا مش عارف هي مبسوطه ولا مضايقه ولا خايفه… كنت بحاول امسك نفسي بقدر الامكان اني مخدهاش في حضني و اطبطب عليها لحد ما تهدى… بس كنت خايف لو قربت تخاف يا رب… دي مش بتهدى هو بيحصلها ايه ”
غيث : سماء اهدي و احنا هنتكلم براحه بس اهدى حاولي تبطلي بكا يا سماء اهدي… لا لا يا رب
سماء انا اسف على اللي هعمله دا
” اخدتها في حضني ايوا… مش هفضل واقف بتفرج كده كتير عليها بتقاوم و بتضرب بس مش هسيبها ”
بس يا سماء اهدي و متخافيش اهدي انا معاكي و والله هعملك كل اللي تؤمري بيه بس علشان خاطري اهدى.. حاولي تنظمي تنفسك
ايوا كده براحه اهدي يا حبيبي اهدي
” بدأت اقرألها قرأن لحد ما نامت و هي في حضني.. مش هقول اني انسان برئ و هقوم و هسيبها لا… عايز افضل حاضنها كده العمر كله… بس هقوم.. و هرجع تاني لحضنها ”
# بعد ساعتين
سماء ” اهخ مش قادرة حاسه ان جسمي متدغدغ هو انا متكتفه ولا ايه… احييه دا انا في حضنه ازاي!! لحظات و كنت افتكرت اللي حصل… مش هنكر اني حسيت بالامان بس لسه عايزة افهم
تمم دلوقتي بقيت عارفه ان خلاص دا غيثي.. بس مفيش مانع نربيه حبه و احنا بنفهم منه ”
: عاااا انت بتعمل ايه جنبي على السرير و ازاي ازاي تهبب اللي هببته دا
غيث بكل هدوء : ايه يا سماء محدش يخض حد كده ابدا… و كمان اصلا انتي اللي على سريري برغم اني كنت مجهز الاوضه دي ليكي الا انك اختارتي التانيه فخلاص بقت اوضتي و سريري و كمان بهبب ايه ياختي ايه واخدك في حضني في المشكله هو انا شاقطك…
سماء : و مين سمحلك اصلا تلمسني و ايه شاقطك دي بقيت بيئة اووي
غيث بردح : مين اللي يسمح لمين ياختي انتي مراتي يعنى براحتي ياختي و كمان ياختي انتي بقالك ساعتين في حضني جايه دلوقتي تزعقي و تحمري و تخضري… بلا نيله بنات اخر الزمن
سماء بصدمه : ساعتين!!!
غيث : اه… دا انا قومت روقت الدنيا برا و غسلت المواعين و رجعت تاني.. هو كل يوم الواحد يقع في ايده الفرصه دي ياختي
سماء : احييه انت مستغل؟!
غيث : تخيلي
بقولك ايه قومي صلي العصر كده يا شاطره و تعالي البلكونه بس البسي حاجه على راسك علشان هفتحها… على ما اعملنا كوبايتين شاي و نتكلم في كل اللي انتي عيزاه
_____________________________________________
سماء : هينفع نحط في الشاي نعناع من دا؟!
غيث : دا زرعك يا سمسم انا بس كنت باخد بالي منه لحد ما تتنبنيه رسمي… يلا هاتي منه و حطيلي انا كمان
سماء : هو انت مش نازل تاني!! انت عادة بتيجي تاكل و تنزل تاني
غيث : لا كلمتهم في الورشه اني مش نازل النهارده تاني يخلصوا الشغل من غيري النهارده
سماء : ورشة… ورشه ايه دي؟
غيث : ميكانيكا… انا ميكانيكي سيارات يا سمسم
سماء : يعنى انت بتشتغل في ورشه طب ازاي انا عمري ما شوفتك جاي ايدك او هدومك مشحمه
غيث : احم.. انتي عارفه اني مهندس ميكانيكا فلما جيت هنا محبتش شغل الشركات ولا المصانع… انتي عارفه اني مبحبش يبقى حد مديري
فجيت المنطقه هنا و فتحت الورشه دي
سماء : يعنى دي بتاعتك انت… مش شغال فيها؟!؟
غيث : بالظبط… و بالنسبه للهدوم و الشحم فانا كنت بحاول قدر الامكان اني لما اجي هنا البيت تكون الهدوم نضيفه و لبسي و ريحتي و هدوم الشغل بغسلها هناك
سماء : طب ليه مش بتجيبها اغسلها هنا
غيث : صراحة خوفت تتقرفي من الشحم و كده فقولت بلاش
سماء بابتسامه : و انا هتقرف ليه يعنى ان شاء الله هنقعهوملك في حبة جاز الشحم هيطلع و بعد كده هقعدك تمرشهم لحد ما ريحة الجاز ما تطلع عادي يعنى 🤷
غيث بضحك : يعنى هغسلهم انا في الاخر… ماشي يا ستي مقبوله منك
سماء : انت اللي بعدتني من الاول عن حاجتك يبقى متستناش اعزم عليك تجيبهم علشان اغسلهم
غيث : مش القصد يا ست بس انا
سماء : انت ايه يا غيث؟!؟
خوفت استعر من شغلك يعنى و هدومك و لا خوفت من ايه
غيث باحراج : احم اكيد مقصدش انك تستعري بس انتي اميرتنا الصغننه… خوفت لوهلة انك تشوفيني مليقش بيكي او تخافي تقولي لصحابك يعنى
سماء : مش هرد عليك علشان جدو علمني ان احسن جواب على الهبل اللي بنسمعه نطنشه و بعد كده تيجي زي ما انت ما عايز و حاجتك تتغسل هنا في البيت و مفيش كلمه زيادة
و كمان استعر من ايه… انت بسم الله ما شاء الله مهندس و بتشتغل في اللي بتحبه و عندك ورشه و اكيد شغال معاك ناس كمان هستعر من ايه بقى يعنى
غيث : خلاص يا ستي انا اسف حقك عليا
سماء : ريحه الزرع حلوة اووي… شكرا
غيث : مش قولنا ان الاميرة سماء تؤمر و احنا ننفذ ولا انا غلطان
سماء : ليه يا غيث؟!؟ ليه وصلتنا لكده قولي
انا مش قادرة اصدق اني هونت عليك… طب سيبت ايه للغريب قولي… ليه عملت كده …. دي انا يا غيث ازاي غيث يأذي سماءه
غيث بدموع في عينه و ندم : والله ما كان قصدي يا سماء والله ما كنت اقصد
سماء ببكاء : مكنتش تقصد ايه هو انت كعبلتني و انت ماشي ولا ايه… يعنى ايه مكنتش واعي
و بعدها بيومين يجيلنا خبر ان مطلوب القبض عليك باتجار مخدرات… انت يا غيث… انت ياللي مش بتسيب فرض ربنا
ارجوك يا غيث فهمني… بقالي سنه بفكر و بحاول اطلعلك اسباب بس مش لاقيه مش قادرة اصدقهم ولا قادرة اقول عنك برئ حتى… فهمني يا غيث ارجوك
غيث ” حسيت ان جت اللحظه اللي المفروض الحقيقه كلها تتقال… لازم احكيلها علشان ترتاح علشان تبطل تشوفني الوحش علشان اطمنها بس هبدأ منين يا رب خليك معايا يا رب ” : بص الاول هتهدي و تسمعيني للاخر يا سماء اتفقنا
سماء ببكاء: حاضر بس ارجوك متقولش حاجه تخليني اكرهك او اخاف منك تاني يا غيث… انا كنت بدات احس بالامان تاني و انا معاك
غيث بصدمه : بقيتي تحسي بالامان تاني؟!؟
مش عارف اتبسط انك بقيتي بتأمنيلي ولا احزن اني وصلتك للمرحله دي اسمحيلي في اللي هعمله
سماء ” مرة واحدة لقيته ساحبني في حضنه و بيضمني بشدة كبيرة اوي كانه عايز يدخلني جواه… بيطبطب عليا و بيطمني… كنت سمعاه و هو بيقول انه عمره ما هيأذيني تاني و هو بيطبطب على قلبي لقيته شدني و قعدني في حضنه على شلت محطوطه على الارض… اكيد دي من دماغه لانه بيحب قعدة الارض اكتر انا عارفه ” : هو احنا هنفضل كده يا غيث ممكن تسيبني علشان نعرف نتكلم بعد اذنك يعنى
غيث : لا انا مرتاح كده خلينا كده علشان اعرف احكي بعد اذنك
سماء : يا غيث اوووعىى بقى
غيث : مهما تحاولي فلا… و لو عايزة نفضل كده باقي اليوم معنديش مشكله… بس خليني احكي و بعد كده نكمل مناقرة ممكن؟!؟
سماء : ماشي يا غيث انا سمعاك
غيث و هو بيحاول يتحكم في كل كلمة هيقولها و في توتره : فاكره عمر يا سماء؟!؟
سماء : اه عمر صاحبك مش دا اللي كان معاك من ايام ثانوي تقريبا
غيث: هو دا… عمر اتعرف على شلة وحشه شويتين تلاته و خلوه للاسف يخش في سكة الادمان و مكتفوش بكده بس… لا دخلوا في دماغه اني لو عرفت هقطع معاه و هفضحه و كلام كتير و وزوه انه محدش احسن من حد و انه يبدا يحطلي القرف دا في اكل او شرب او اي حاجه علشان ابقى زيه
هو غلط و انا كنت واثق فيه…. حاجه حاجه لحد ما لو هتفتكري بقيت مبحبش اقعد في البيت عايز انزل و على طول معاه… كنت ببقى متعصب و غير طبيعي اليوم اللي مش بنزل و عمر ما جه في بالي حاجه زي دي… لحد اليوم اياه… عمر مرة واحده مش بيرد على التليفون و مش عارف اوصله و طبعا محتاج اقابله علشان معاد الجرعه و انتي دخلتي مرة واحده حاولت اخليكي تمشي من قدامي لحد ما مرة واحده فقدت السيطرة على روحي و… و حاولت اذيكي… صدقيني مكنتش في وعيي ولا اعرف عملت كده ازاي والله…. محستش غير و جدك و بيضربني و بيطردني روحت لعمر و للاسف لما وصلت سمعته بيتكلم مع صحابه و عرفت كل حاجه… رجعت تاني بس كنت خايف اخش البيت.. كنت خايف اشوفك او اذيكي تاني… فخليت الغفر ندهوا لجدي من غير ما حد يحس و لما طلع طبعا ضربني و بستفني لحد ما حكيتله كل اللي سمعته كنت تايهه يا سماء مش عارف اتصرف ولا اروح فين جدي خدني لمصحه و علشان مكنتش باخدها بمزاجي ولا تعمقت في الحوار دا… مكملتش شهر و كنت سليم…. لما طلعت روحت لعمر بس كنت اتأخرت يا سماء
سماء : يعنى ايه اتأخرت؟!؟
غيث : قبل ما اخرج باسبوعين لقوا عمر ميت بجرعه زيادة… و جدي خبى عني…. بكيت و انهارت
سماء : بس ليه؟!؟
غيث : عمر كان عنده مشاكل كتير في البيت و دي الطريقه اللي الشله اقنعته انه هيرتاح و مش هيتاثر بحاجه بعد كده… عارفه يا سماء انا مكنتش رايح علشان الومه ولا اتخانق معاه و الله انا بس كنت اشده للصح… بس اتاخرت بس والله ما كنت هعرف اشده و انا واقع…. كنت راجع علشان اخده معايا و اقنعه يبقى احسن بس اتأخرت يا سماء… منهم لله كسروني في اخويا منهم لله
سماء” كنت بسمع منه و انا مش مصدقه معقول هو مر بكل دا السنه اللي فاتت و محدش يعرف.. طب جدي مقالش ليه و سابني كل دا في العذاب دا… فهمت كلمته دلوقتي لما قال منهم لله اللي كانوا السبب… محستش بروحي غير و انا ببكي معاه… ببكي على اخوه اللي كانوا مبيسيبوش بعض… ببكي على وجعه و حزنه و ان محدش كان حاسس بيه… ببكي على اني كنت ظلماه بس ليه و ازاي ” : في حاجه انا مش فهماها…. بما انك كنت في المصحه ليه جم يسألوا عليك و عايزينك ليه اتهموك التهمه البشعه دي
غيث ” كنت مبسوط انها صدقتني و عايزة تفهم كل حاجه محستش غير و انا بضمها زيادة بلزق ضهرها في صدري اكتر ” : بعدها بيومين كنت انا دخلت المصحه فعلا و جدي كان عرف الشله اللي ورا الحوار دا كله و كان هيروح يبلغ عليهم… بس هما للاسف كانوا عرفوا اني سامعهم و سبقوا بخطوة.. دفعوا فلوس لواحد يروح يتهمني اني ببيع القرف دا و علشان كده جم يدوروا عليا و فتشوا البيت… و بعدين جدي طلع معاهم و حكالهم كل حاجه و الشله اتقبض عليهم فعلا بس جدي مجابش سيرة عمر… لانه كان وعدني مش هيعمله حاجه غير لما اطلع و اتصرف انا معاه… و يا ريته ما وعدني و اتصرف هو معاه كان زمانه موجود دلوقتي
سماء : يا ريت بتفتح باب من ابواب الشيطان… دا قدره و نصيبه و احنا علينا ندعيله بالرحمه و نعمله صدقه جاريه… بس هي الشله دي عملت كده ليه
غيث : لانهم كانوا شيفنا احسن منهم فحبوا يدمرونا يا سمسمتي
سماء : انا اسفه يا غيث
اسفه اني ظلمتك و محاولتش حتى احطلك اي اعذار
غيث : انا اللي اسف يا سماء و الله اول و اخر مرة همد ايدي فيها عليكي… حقك على راسي يا ست البنات اني خوفتك مني
سماء : بس ليه جدي محكاليش من الاول كل دا
غيث : جدك كان عارف اني بحبك يا سمائي فكان عايز يوم ما تسمعي الحقيقه تسمعيها مني انا… فهمتي

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية وجدت بك اماني)