رواية وجدت بك اماني الفصل الرابع 4 بقلم فراولة

رواية وجدت بك اماني الفصل الرابع 4 بقلم فراولة

رواية وجدت بك اماني الجزء الرابع

رواية وجدت بك اماني البارت الرابع

رواية وجدت بك اماني الحلقة الرابعة

سماء ” اول ما سمعت الكلمه حسيت اني مش قادرة اتكلم او اتحرك… هو الجو سخن كده ليه… انا عايزة بابا عاااا…. انا عارفه انه بيحبني بس ايه قلة الادب دي تزايد ابقى في حضنه و يقولي انه بيحبني انا عايزة اوضتي يا مااااماااا ” : انت بتقول ايه ما تتحشم شويه ايه الكلام الماسخ دا وسع كده بس علشان انت قليل الادب وسع
سماء ” ما صدقت فكيت نفسي منه و في ثانيه كنت في الاوضه و قافله عليا الباب اه والله… انا عايزة اكلم ماما احكيلها… بس ماما مستحيل تسمعني
نفسي اعرف ايه اللي غيرها من ناحيتي نفسي اخش في حضنها و احكيلها كل حاجه دلوقتي…. لقيتني بعيط و بفتح الباب و بدور بعيني عليه لحد ما لقيته و جريت عليه ”
غيث ” طلعت اجري وراها ساعتها علشان الحقها و اشوف خدودها الحمر دول بس قفلت الباب في وشي بنت اللذين امنوا بس هتروح مني فين يعنى… قلت اقعد على الكنبه حبه لحد ما تطلع بس لقيتها بتفتح الباب و بتدور بعنيها على حاجه… هي بتعيط!! محستش غير و هي جايه بتجري و بتترمي في حضني هو ايه اللي حصل؟!؟ ” : سماء في ايه مالك… طب بتبكي ليه يا عيوني… سماء انتي بقيتي عيوطه على فكره في ايه دي تالت ولا رابع مرة تعيطي النهارده طب فهميني في ايه تعالي نقعد و بس ثواني هجيبلك مايه يا عيوني اتفقنا؟!
ممكن تشرحيلي بقى في ايه لو سمحتي…. انتي لسه كنتي محمرة و بتضحكي ايه اللي خلاكي تعيطي كده يا سمائي
سماء : عايزة اعيط بس يا غيث مش عايزة اتكلم
غيث : لو ماتكلمتيش مش هنفهم يا سماء ولا هعرف اساعدك يا حبيبي… طب انا ضايقتك طيب ولا في ايه متجننينيش و بطلي عياط لو سمحتي
سماء : ماما وحشاني يا غيث
غيث : خلاص يا عيوني يومين و نسافرلهم فين المشكله
سماء : انا مش فاهم… ماما بقالها فترة اسلوبها اتغير معايا بقت جامدة اووي معايا مش عارفه ليه… على طول مطلعاني مستهترة و ان سبب رفضي للجواز وراه انّ… معرفش ايه اللي غيرها كده يا غيث معرفش حتى بعد كتب الكتاب… كانت مستعجله انها تمشيني كاني عبئ عليها… انا ماما وحشتني اووي
غيث ” كنت باخدها في حضني و انا مستغرب طنط عمرها ما كانت كده دي كانت امي التانيه بعد ما امي و ابويا ما ماتوا… و انا عارف حنيتها اكيد في حاجه في الموضوع ” : سمائي بقولك ايه… انتي وراكي حاجه اليومين الجايين؟!؟
سماء : لا ليه!! انت بتفكر في ايه؟
غيث : يبقى قومي ناميلك ساعتين و بعد الفجر نتحرك هنوصل على الفطار بكرا باذن الله يلا قومي انتي لسه هتبصيلي ” حاسس اني هتشل هي رايحه فين كده “: انتي رايحه فين يا بت انتي تعالى كده
سماء : هروح انام في الاوضه في ايه
غيث : لا دا كان زمان عند امك ياختي…. انا مش هتنازل عن انك تفضلي معايا انسى يا حبيبتي
سماء : غيث ابعد كده بدل ما انت ماسكني زي حرامي الغسيل كده اوووف… ابعد
غيث : لا و يلا علشان انا تعبان و عايز انام حبه
___________________________________________
سماء : هو بما اننا وصلنا قصاد الباب فهنقولهم احنا ليه هنا… يعنى ايه سبب الزيارة دي مثلا
غيث : تيجي نلعب على جدك؟!؟
سماء : اياك تدخلني في حاجة… انا مش حمل عصاية جدك ياخويا… ربنا معاك انت يلا عن اذنك
# في البيت #
سماء : اوعوا تكونوا فطرتوا بدري انا جعااانه
عبدالله : سماء… انتي بجد… تعالي يا غالية وحشتيني اووي اووي
سالم : وسع كده يا عبدالله البت دي وحشاني… عامله ايه يا عيوني
عبدالله : انتي خسيتي كده ليه… انتي مش مهتميه باكلك ولا ايه؟!؟
سالم : الواد الجزمة ضايقك ومزعلك ولا في ايه… انتي كويسة يا حبيبتي
غيث : هو في ايه يا عالم انتوا هو انا كنت باكل اكلها ولا حاططها في معتقل… و كمان انا زيي زيها في البيت دا… هو انت مش جدي انا كمان يا راجل انت
سالم : زيك زي مين… انت عايز تجيب اميرتنا الحلوة ليك انت…. روح البس نضارة ياض انت و ابعد عننا يلا من هنا
سماء : 😂😂😂…. قلتلك بيحبوني اكتر منك مصدقتنيش 😝
غيث : بتطلعيلي لسانك يا سماء… اخص عليكي اخص بجد… وريني مين اللي هيجبلك الاندومي و يحطهولك في المطبخ
سماء : احم لا ما انت برضوا ولد الولد يعنى ليك غلاوة مختلفه عني في قلبهم ولا ايه شباب
سالم : بيعجبني فيكي يا سماء الثبات على الرأي… و علشان ايه اندومي… امشي من هنا يا بت انتي
غيث : ايوا برضوا فطرتوا ولا لسه احنا جعانين اووي
سالم : لسه ياخويا لسه
سماء : هي ماما فين… في المطبخ؟!؟
صفاء : انا هنا اهو يا سمسمه… تعالى يلا ساعديني علشان نحط الفطار بسرعه
سماء : حاضر يا ماما… هي قالت سمسمه؟!؟
عبدالله : على فكرة يا سمسمتي… امك كان في سبب لتغيرها الفترة اللي فاتت… و اكيد هي هتحكيلك… بس اتعاملي عادي اتفقنا
سماء ببرطمه: يا الله كل حاجه هو هيحكيلك هي هتحكيلك هو مينفعش حد يكمل حاجه للاخر يا ربي
سماء ” فضلت طول اليوم هموت و اعرف ايه اللي غيرها من ناحيتي كده… و ليه مش راضيين يقولولي كأنهم كلهم عارفين و انا الوحيدة اللي لا… اليوم كان حلو اووي هزار غيث مع بابا و جدي و مناغشتهم سوا و استفزازهم لبعض عليا…. هو انا قولت قبل كده اني بحبهم… حتى ماما كان تعاملها معايا لطيف… مش هكدب و اقول اني مكنتش مبسوطه… لا كنت مبسوطة جدا… مش عايزة اليوم يخلص ابدا… حسيت اني رجعت سنتين ورا… هو دا بيتنا من غير اي شوائب الفرق بس اني قاعده براحتي قصاد غيث و انه عمال يحضني يستفز جدو و بابا بس لسه حاسه بشعور غريب جوايا لسه عايزة افهم… خايفه اتبسط يحسن اقع على رقبتي ” : ايه حد بيكلمني؟!؟
صفاء : اه يا ست السرحانه بقولك تعالى معايا حبه نتكلم… عيزاكي
غيث و هو بيمسكني : ايه دا يا حماتشي انتي عايزه تاخديها مني ولا ايه… لا بقى لا مؤخذا انا و سماء كومبو مبنسيبش بعض… عايزة حد فينا تاخدي التاني عليه
سالم : انا ماسكها كده ايه يلا انت سيب البت
غيث : مراتي يا جدي الاه
سالم : حد يقولي احنا التلاته كنا فين و الواد دا بيتربى حد يفهمني…. سيبها يلا لا اقوم عليك بالعصايه دي
صفاء و هي بتشد سماء : ابعد يلا انت عنها… و لما ارجع متقلقش هعيد تربيتك تاني يا حبيبي
________________________________________
سماء : احم… خير يا ماما… في ايه
صفاء و هي بتاخدها في حضنها : موحشكيش حضن ماما يا ملاكي الصغنون
سماء بعياط : اكيد وحشني يا امي…. ليه يا ماما… لو عملت حاجه غلط فهميني
صفاء : لا يا قلبي انا اللي غلطت حقك عليا.. و م حقك تفهمي… ربنا يسامحها خالتك و ابن خالتك
سماء : و هم مالهم يا ماما
صفاء : هحكيلك بس متشيليش مني يا قلب امك…. خالتك كانت بتلعب في دماغي بكالمها من اول انتي ليه لحد الان رافضه عرسان… و ان قعاد غيث في البيت غلط و الله اعلم ايه السبب
سماء بصدمه : انتي بتقولي ايه يا ماما ازاي تفكروا كده و كمان غيث اوضته تحت جنب اوضة جدي… و جدي مانعه من زمان يطلع فوق طول ما احنا فوق او حتى يخش اي حته… و عمرنا ما قعدنا في البيت لوحدنا و كمان دا غيث يا امي تربية ايدك…. دا احنا عمرنا حتى ما حصل اي تلامس بينا ولا حتى سلام انتي بتقولي ايه
صفاء : عارفه يا بنتي والله… و انا رديت على خالتك و كنت بوقفها عند حدها… بس لما جدك مرة واحده طرد عثمان و انتي لما فضلتي في الاوضه و حابسه نفسك و الشرطه اللي جت بعدها… حسستني ان جزء من كلامها صح… و زنها فوق دماغي علشان تجوزك ابنها… كانت بتحاول تقنعني باي طريقه ان جوازك من ابنها هو الصح… و انك اتأخرتي بالنسبه للي في البلد على الجواز و ان في كلام بدأ يطلع عليكي و ان ابنها هينقذك من كل دا… و قال ايه حتى لو فيها حاجه احنا ستر و غطا على بعض
سماء : انتي بتقولي ايه يا ماما…. ايه استفادة خالتي من كل دا…. و انتي مشيتي وراها يا امي
صفاء : انا مش بحكيلك دلوقتي يا سماء علشان تشيلي مني…. خالتك كانت باصه على ورثك مستقبليا…. و طلع ابنها سبب من الاسباب في اللي حصل لغيث…. ايوا يا سماء احنا عرفنا كل حاجه حصلت لغيث و جدك قالنا انك كنت تعبانه ساعتها و حابسه نفسك لانك عرفتي دا و طبعا عارفين تعلقك بغيث عامل ايه…. و كل حاجه وضحت ساعتها
و مش هقولك اني صدقت خالتك و لا مصدقتهاش كمان انا كنت في صراع يا سماء علشان كده كنت مش عارفه اتعامل معاكي…. حقك عليا يا بنتي بس الشيطان كان شاطر و هما سبكوا دورهم كويس اوي يا بنتي…. حقك عليا… سامحيني يا سماء
سماء : لا يا امي…. انا مسمحاكي والله… بس مش قادرة اصدق بس…. اهدي انتي علشان ضغطك و نامي و بكرا يحلها حلال
صفاء : سماء
سماء : ارجوكي يا امي سيبيني لبكرا بس استوعب ارجوكي… تصبحي على خير
سماء ” مش قادرة حتى افكر او افهم طب ازاي… طب لو امي فكرت كده سابت ايه للغريب اليومين دول انا اتفاجئت بشكل يخليني مش عايزة اعرف حاجه لسنه قدام والله…. انا بس عايزة سريري… ايه دا ” : غيث!!! انت بتعمل ايه هنا
غيث : والله كنت عارف انك هتيجي على هنا يا شللي في الدنيا… بس عارفه اوضتك حلوة بقالي كتير مدخلتهاش… المهم ايه اللي حصل
سماء : غيث ممكن تنزل اوضتك انا عايزة افضل لوحدي
غيث : يااختاااي انزل فين يا بت انتي… يا شماتة سالم فيا…. جدك لسه زانقني تحت اسأله و انتوا عاملين ايه و بتعاملها ازاي… و هي بقت واخده راحتها ولا لا… عيزاني بعد كل الافورة اللي افورتها انزل تحت!!! يا شماتة ابنة ظاظا فيا والله
دا انا فهمته انك مبتقدريش تقعدي ساعتين من غيري اجي دلوقتي و اقوله لامؤخذا مراتي طردتني و كل واحد هيبات في اوضه…. ياختاي ياختاي ياختاي… انسي ياختي… لما تشوفي حلمة ودنك الاول و كما
سماء : بس بس… ايه ماسورة و اتفتحت و كمان انا عايزة افضل لوحدي لو سمحت… محتاجه استوعب اللي سمعته
غيث : همم تستوعبي… اوي اوي يا حبيبي
هو انا عندي كام سماء
ايوا تعالي كده بقى و احكي يا ستي اللي انتي عيزاه
سماء : يا الله يا غيث هو انت مينفعش تقعد غير و انت مكتفني كده؟!؟
غيث : اه مبعرفش اقعد غير كده عارفه لما كنتي صغيرة مكنتش بخليكي تقعدي على حجري غير كده
سماء بانزعاج : يوووه يا غيث انا مش فايقه لقلة ادبك دي دلوقتي انا… ممكن تسيبني في حالي
غيث : لا و مش هتتحركي من مكانك يلا احكيلي و مش هعيدها تاني… اتفضلي
سماء ” حسيت اني فعلا محتاجه احكيله كل حاجه… انا بفكر دلوقتي بشكل مش منطقي… هو هيفكر بعقلانيه اكتر… بس نفسي افهم ليه ام القعده دي… حكيتله كل حاجه حصلت و قلتله كمان على ان جدي مقالش على اللي حصل يومها و انهم عارفين الباقي… سمعني للاخر لحد ما سألني سؤال ”
غيث : يعنى انتي دلوقتي مسامحه مامتك ولا لا
سماء : مش عارفه يا غيث… انا مصدومه
غيث : مصدومه ليه بالظبط!؟
سماء : بعد كل دا و بتسأل ايه اللي صادمني انت بتهزر ولا انا كنت بحكي لنفسي… وسع كده
غيث : طب ايه علاقة سؤالي بانك تقومي دلوقتي
سماء : انا حاسه اني مخنوقه يا غيث مش قادرة اصدق هي ازاي تشك لثواني فيا… انت متخيل ان دي امي اللي مربياني… اومال سابت ايه للغريب يا غيث… ازاي دي قعدت سنه يا غيث… سنه انت مستوعب
غيث : انا مستوعب و فاهم يا سماء كل اللي انتي بتقوليه والله… بس متنسيش ان خالتك برضوا ليها اسلوبها… امك كانت بتحاول طول السنه دي انها متصدقش و في نفس الوقت مش عارفه تتكلم… امك لو كانت صدقتها يا سماء مكنتش سكتت ولا كان دا هيبقى اسلوبها ولا مؤخذا يعنى خالتك انا مش بحبها و لا برتحلها من زمان و انا و انتي عارفين اساليبها في الاقناع…. فان امك تعمل كده بس… دا معناه ان امك بذلت مجهود كبير علشان تحارب كلام خالتك بس الزن على الودن امر من السحر يا سمسم
سماء : ماشي ممكن يكون عندك حق بس برضوا ازاي يا غيث
غيث : ياااختاااي…. هو اللي هنفضل نعيده هنزيده
سماء انتي مسامحه امك… بس في حته جواكي معترضه… سكتيها بقى و تعالى نامي علشان انا اليوم كان طويل و عايز انام و مش هعرف انام غير لما سيادتك تنامي… بعد اذنك يعنى
سماء : مش هرد عليك على فكره و وسع من على سريري يلا على اوضتك
غيث : اممم احنا هنفضل ناقر و نقير كده كتير انا عارف والله
سماء بضحك : هخش اغير هدومي اطلع متكونش انت موجود هنا
غيث : ان شاء الله ياختي
سماء ” برغم ان كلامه صح… بس حاسه انه في حاجه جوايا مضايقه منها… بس انا تعبت.. و محتاجه ارتاح من الزعل و المشاكل بقى فهحاول اعدى الحوار… و اكيد متأكده اني هطلع هلاقي غيث لسه في الاوضه… و هنفضل على رأيه ناقر و نقير… ربنا يقويني… يلا تصبحوا على خير ” : هو كسر ايه برا بس معلش 😥🤦‍♀️ عااااااا غاااايثثث

سماء : على فكرة انا كان عندي حق لما قلت اني مجيش هنا تاني والله…. هو ايه دا كده كتير
صفاء : هاتي بس الواد اللي على ايدك دا كده… و بعدين هبدي زي ما انتي عايزة
سماء : حتى انتي يا ماما… طب اسأليني طيب مضايقه من ايه
غيث : ما هو احنا حفظنا خلاص يا حياتي موال كل مرة…. غيرانه
سماء : انا مش غيرانه
عبدالله : اومال ايه يا سمسمتي مضايقه ليه
سالم : وطى صوتك بس علشان متزعجيش عائش
سماء : عائش!!!! ….. يعنى مش كفايه مستولين على البت لا و كمان بتدلعوها و انا راميني في الزباله
سالم : رامينك في الزباله!!
سماء : اه انا قعدت ٢٢ سنه في البيت دا انا الاميرة الوحيدة فيه الدلع ليا كله…. بس من ساعة ما ولدت عائشه و انتوا مهملني تماما…. انا كنت البنت الوحيدة في البيت دا دلوقتي لما لقيتوا بنت تانيه رميتوني انا…. و كمان انا عاايزة بنتي… ملكوش دعوة ولا بيا ولا بيها…. و كمان يا جدو طب بابا ممكن دي اول حفيدة ليه… انما انا حفيدتك
عائشة : ددو… ايل
سماء : جدو شيل!؟!؟! يا بنت غيث
غيث : على فكرة انتي مأفورة اووي يا سماء بطلي غيرة بقى
سماء ” حسيت ساعتها اني غير مرغوب فيا… من بعد عائشه و هنا كلهم اتعلقوا بيها اووي… و كمان لما جبت عمر اتغيروا اوي من ناحيتي… معدوش بيهتموا بيا… كل مرة بنيجي بياخدوا العيال مني و انا بتنسى… فمشيت و سيبتهم طلعت اوضتي اعيط… اه اصلها بقت هوايتي المفضله الفترة اللي فاتت معرفش في ايه…. بس بجد هما راكنيني على الرف جامد الفترة دي… ” : انا جعانه… عايزة اكل رز اوزي
و يا سلام لو زيادة زبيب
غيث : انا برضوا قولت دي هرمونات حمل والله ما حد من التلاته تحت صدقني… عارفه ابوكي قالي هو كل سنتين ولا ايه انتوا مجدولينها
سماء : انت ايه اللي جايبك اوضتي هاا و كمان حمل ايه… اكيد لا انا يا دوب لسه فاطمه عمر
احييهه
انا عايزة ارتاح حبه… اكيد لا
غيث : ايه اللي جابني اوضتك ما هو الهانم لما بتتقمص بتيجي اوضتها… برغم يا جدع اوضتي اكبر والله…. و كمان هو حد ضربك على ايدك دا انتي غريبه اووي
سماء : انت اللي بترفض تخليني اخد اي موانع
غيث : اقعدي على جنب يا شيخه قال موانع قال… انا عايز فريق كوره… بس محتاجين نزود الرتم شويه
سماء : عاااااااااااااا…… يا باااااباااااا يا ماااااامااااا
تعالوا خلوا البني ادم دا يمشي من هنا
غيث : على العموم انا عملت حسابي و جبتلك اختبار خشي شوفي… بس هي الهرمونات دي انا عارفها اسمعي مني
سماء : عارف انا هعمله علشان ابينلك اني لا مش حامل و ان دا مش هرمونات و ان فعلا انتوا مزعلني
# بعد ١٠ دقايق #
سماء باذبهلال : انت صح… هرمونات حمل
😭😭😭😭😭عااااااا
غيث بضحك : طب بتعيطي ليه دلوقتي فهميني بس… انتي مضايقه انك حامل يا سمسمتي
سماء بعياط و بوز : مش هرد عليك
غيث بتفكير : انا عارف هقررك ازاي تعالي كده
سماء : يادي ام التكتيفه دي يا غيث وسع… انا اسمع ان البني ادم و هو بيحكي بيعوز يشوف رد فعل التاني على وشه مش على قفاه…. انت مستفيد ايه كده
غيث : لان كده يا سمائي بحس انك جوايا… انا ضامك من كل حته جنب قلبي… عارفه لو ينفع افتح صدري و احطك جنب قلبي هعملها… طب جربي حطي ودنك كده…. سامعه قلبي عامل ازاي … دا من قربك جنبه بس…. عارفه انا حاسس اني طاير دلوقتي حبيبتي في حضني… جدها و ابوها ملهيين بعيالنا و سيبنهالي براحتي من غير ما حد فيهم ما يرخم عليا ولا يقفلي و يقولي سيب البت يلا انت ولا وجع دماغ فتخيلي نجيب التالت يا سلااام
سماء : مصلحنجي دايما بتفكر في مصلحتك و بس
غيث : برضوا متوهييش سكرتي مالها!! ما هو متحاوليش تفهميني ان الاميرة سماء اللي مبتحبش في حياتها قد الاطفال مضايقه
سماء : مش كده يا غيث… بس كان نفسي اخد راحه جسمي فشول اووي… حاسه نفسي طخنت جامد و كنت عايزة بعد ما افطم عمر ابدا دايت و ارجع جسمي تاني و انت عارف ان الحمل بيبقى متعب و بعدها الدوكه اللي بنخشها… حاسه اني مهملاك و مهمله عائشة و سيباها لماما على طول… بس كنت عايزة وقت في النص ارتب اموري تاتي مش اكتر فاهمني!؟!
غيث : فاهمك والله يا عيوني بس تعالى هنا فين الجسم اللي فشول دا والله مش شايف غير بطايه في حياتي و كمان انتي ولا مهملاني ولا مهمله عيالك و يا ستي امك و ابوكي و جدك اصلا لو عليهم عايزين يطردوني انا و انتي و نسيبلهم العيال و انتي تقوليلي متقلين عليهم و كمان ما نتقل فيها ايه ان شاء الله… اصلا انا بفكر نفضل هنا ايه رأيك
سماء: ازاي و الورشه!؟!
غيث : انتي عارفه اني مبقتش معتمد عليها اووي و سايبها للصنايعيه اللي شغالين فيها اغلب الوقت و انا واثق فيهم… فبفكر افتح الورشه اللي عايز افتحها هنا و يومين في الشهر كده ننزل انا و انتي نشوف الدنيا هناك ايه و هسيب الشقه زي ما هي…. علشان لو في اي وقت عوزنا نروح… بس بما ان سمسمتي حامل فنفضل هنا احسن بدل ما بنشحطط ماما معانا ولا انتي ايه رأيك
سماء ” لقيتني بلف ليه و ايدي. على خدوده الاتنين و ببص في عينه بنظره تسبيل كلها رومانسيه و انا بقوله “: غيثي…. انا جعانه و عايزة فراولة بالنوتيلا احلي بيها
غيث ” لما لمست خدودي بايدها استغربت برغم ان بقالنا اربع سنين متجوزين الا ان سماء لسه خجولة معايا فازاي من نفسها كده ببص في عينها لقيت نظرة كلها حب بس الكلام اللي طلع منها خلاني احاول افتكر المؤخر كان كام بالظبط “: وسعي كده جتك القرف في فن اختيارك للتوقيت
سماء بضحك : طب انا قلتلك قبل كده اني بحبك
غيث و هو بيرجع تاني : ايه قول تاني كده
سماء و هي بتتعداه و بتطلع برا الاوضه : وسع كده علشان اقولهم تحت وسسع
عارف يا غيث… نفسي في توأم و اقفل على كده بقى و يبقى حد يقولي هاتي كمان و كده ابقى شاكره جدا جدا
غيث : تصدقي فكره و حلوة…. طب ايه
سماء : ياااا جدووووو
في متحرش هنا 😝😝😝 وسع
غيث : متجوز طفله و هبله و الله…. بس جننتني بحبها هي و عيالها…. هبله متعرفش ان احنا متعلقين بعيالها علشان منها 🤗
سماء : على فكرة سمعتك يا غيثي
و على فكرة اكتر بقى انا عارفه بس برضوا عايزة احس بدلالي عليكم و اني لسه مهمه و دا حقي
غيث : الاميرة سماء تؤمر و احنا ننفذ
سماء : اقولك سر خطير
غيث : ايه انتي اللي قتلتي موفاسا؟!؟
سماء : 😂😂 لا انا مش شريرة زيك
بس سر اخطر
غيث : هممم يا ترى ايه
سماء : انا حبيتك من زمان اووي يا غيثي بس الموقف اللي خلاني احس بكدا لما في شباب ضايقوني و انت وقفتلهم و اتخانقت معاهم ساعتها حسيت بالامان… حسيت انه خلاص كل حاجة هتبقى بخير غيثك معاكي… كنت بحس بالامان معاك كاني مع بابا و جدو… و بس يا سيدي
غيث : مش فاهم يعنى انتي حسيتي بالامان
طب ما طبيعي انا ابن عمك و كمان ايه علاقه الامان بالحب
سماء : لا مش شرط في كتير قرايب و لما بيشوفوا بعض بيخافوا و كمان مفيش امان يبقى مفيش حب يا سي غيث… الف باء حب هو الامان…. و انا لقيت فيك اماني يا ابو عيالي ❤️🌸
غيث : ما تجيبي بوسة علشان الكلمتين الحلوين دول
سالم بمقاطعه : احم احم
عايز ايه يا قليل الربايه انت
غيث : يا الله ما كنت ارتحت من ام الفزعات دي اتبطي ياختي طول ما جدك ورايا فانا هقطع خلف قريب فالامل في اللي في بطنك دا دلوقتي
سالم : اللي في بطنك؟!
سماء : ايوا يا جدو انا حامل تالت .. و غيث قال هقعد فترة حملي كلها هنا معاكم
غيث : انا قلت هنحاول على طول
سماء : يا سيدي انا بحاول اقول ببساطه افرض معرفتش على طول يقولولك انت مش قد كلمتك الحق عليا
سالم : بس ياولا انت و هي اكبروا بقى شويه
الف مبروك يا سمسمتي تعالي في حضني يا حبيبتي
غيث : الاه انت ايه اللي طلعك فوق يا جدي
مش عجزت انت على السلم!!
سالم : حسيت ان سمسمتي زعلانه بجد المرة دي فطلعت علشان خاطر عيونها
سماء و هي بتحضن جدها جامد : انا بحبك اووي اوووي يا جدي ربنا يديمك لينا ❤️

لقراءة جميع حلقات الرواية اضغط على : (رواية وجدت بك اماني)