رواية جايده وشريف الفصل الحادي عشر 11 بقلم نور رأفت

رواية جايده وشريف الفصل الحادي عشر 11 بقلم نور رأفت

رواية جايده وشريف البارت الحادي عشر

رواية جايده وشريف الجزء الحادي عشر

رواية جايده وشريف الحلقة الحادية عشر

~ها فهمتي
_ايوه
~فهمتي ايه
قالت جايده بحماس شديد
_اساعد الستات الكبيره و ادخلهم البيت لو مفيش حد عشان تعرف تاخد راحتها
~دي بوادر شلل باين ؟؟؟!
+لا يا ناهد طولي بالك كدا لسا بدري
كانو قاعدين بيندبوا حظهم وهما لسا لابسين الماسكات ومنظرهم مضحك جداً
*انا بقول نعملها اغنيه زي اللي سمعتها للأطفال
~بتاعت ايه دي
قبل ما عبير ترد دخلت ام ناهد و اتخضت لما لقيت الاربعه لابسين وشوش
^اسم النبي عليا اعوذ بالله من الشيطان الرجيم مين دول يا جايده يا بنتي ، وفين البنات
~جرا ايه يا ماما انتي عرفتي جايده و معرفتيناش احنا
^انتو لابسين دا ليه يختي منك ليها
-دي ماسات للترطيب يا طنط
^لا بقي دا انتو اتجننتو رطبوا براحتكم انا همشي من الهبل دا
قفلت الباب وسابتهم ومشيت
~ها يابت يا عبير كنتي بتقولي اغنيه ايه
*يابت الاغنيه بتاعت احنا نعمل بيبي في البوتي في البوتي واللي يعمل برا نوتي نوتي ، اكيد من هنغني علي القرف دا قصدي تخترع اغنيه ذي دي
~ هيا اه فكره ريحتها وحشه بس مش بطاله
+اللي يفتح للغريب نوتي نوتي واللي يدخله في البيت نوتي نوتي واللي يسأل الكبير شاطر شاطر
~يبت يا فاطمه يا جامده حلوه دي جتيها منين
+اخترعتها وانا قاعده معاكم دلوقتي
*هجيب الطبله و اجي
راحت عبير جابت الطبله وجات وقعدو البنات الثلاثه قدامها
~يلا ، واحد اثنين ثلاثه ابدا
“إلي يفتح لحد غريب نوتي نوتي و اللي يدخله البيت نوتي نوتي واللي يستأذن من الكبير شاطر شاطر
بصتلهم جايده ب اكتر نظره مستغربه
-انتو بتقولوا ايه
كانو بيغنو ويطبلوا ويسقفوا بطريقه هبله
~بنحاول نفهمك ان مينفعش ندخل حد غريب البيت
-طيب متقولوا كدا من الاول اسهل
~يعني انتي مفهمتيش من المشهد التمثيلي و من الاغنيه فهمتيها مباشر كدا
-ايوه
~طيب ياستي ، مينفعش نفتح لحد غريب ولا نصدق حد غريب
-ايوه ما شريف قلي كدا
*وفهمتي منه
– ايوه
+امال مقلتيش ليه من الاول حرام علي اهلك اللي منعرفهمش
-محدش سألني !
~دي بوادر شلل باين !!
+لا دي اعراض جلطه
-يلا خلص وقت الماسك اقلعوه
قلعوه وراحوا يغسلو وشهم
*يالهوي علي النعومه والحلاوه وشي شبه طزطوز البيبي
~إللاهي يقرفك ربنا يا عبير المقرفه انتي واغانيكي و تعبيراتك
*الله جرا ايه يا ناهد منا مشفتش حاجه ناعمه وطريه وكلها حنيه غير الحته دي في العيل
+دنا الواد مهيعرفنيش من نعومتي وحلاوتي
-لسا بدري علي الكلام دا ، دلوقتي وقت تفتيح المسام
~اعملي انتي البات اللي معرفش ايه دا وانا هجبلك مسلسلات من هعد جدي اللي ميت ليه سبعين سنه عشان تعرفي تتعاملي
+لن اعيش في جلباب ابي حلو ، هاتيه نعيده معاها
~جهزو التسالي و متنسوش طبق الكتفه التاني اللي في المطبخ و يلا علي جلباب ابي
قضو اليوم كلو يسمعو في المسلسل و يفهموها الحات الغريبه عليها ويحكولها في القصص الي مروا بيها و المشاكل اللي حاصله معاهم و ازاي يحلوها
+بس قمت قيلاله جرا ايه ياد ، ايه منعرفش نعدي في الشارع فاكر نفسك فتوه ولا فاكر نفسك فتوه ، لا دا انا بت السواقي يعني اللفك في فطيره و اكلك
~ومن هنا الواد وقع علي وشه و حبها
+حبه نغشش في نغاشيشي
-يعني ايه !
~لا سيبك منها دي تعبيراتها قذره زي حبها بالضبط
-ليه دول كيوت
~ما كيوت إلا انتي يختي دول تربيه مصنع الشباب كلو
-طب وجه لطنط مماتك قالها عرفك ازاي بقي
+جه يختي وكان لابس بدله شاحتها من صاحبه عوف و ملقيش جزمه فا جه بالشبشب اتقدم
~متنسيش التفاصيل كان لابس شراب علي الشبشب
+ايوه كان لابس شراب احمر علي الشبشب
-هوا دا عادي في مصر !
*دا مش عادي في اي حته مش في مصر بس، بس هما الاثنين معاقين بعيد عنك
-وطنط وعمو وافقوا
+رفضته اسمالله عليه من الرفض بس هوا اتقدم تاني بس المره دي كان لابس البدله و الجزمه المشكله كانت انو مكنش معاه كرفته فا قص طرحه اخته و لفها علي رقبته كدا كانها كرفته
-اتوافق عليه المرادي ؟
*لا ابوها طرده برا هوا و الطرحه اللي عاملها كرفته
+بس مستسلمش و جه اتقدملي تاني حبيب قلبي و المره دي كان معاه الكرفته الحقيقيه و الجزمه بس المشكله القميص ملحقش ينشف فا لبس تي شيرت احمر علي البدله
ضحكت جايده وهيا بتسمعهم و حاطين الماسكات و بيتسلو بالاكل “متقوليش اترفض ؟”
+عليكي نور يختي ابويا طرده و قاله لما تجيني لابس زي الناس ابقي اقبل اتكلم معاك
-طيب وعمل ايه
+الحمد لله المره دي كان جاي بالطقم كامل و قعد مع بابا و وافق بيه شفقه
-يالهوي قصه حبكم حلوه اوي
~مش بقلكم البت دي من ساعت قعدت معانا و مستواها نزل في الارض
*يلا ننام يا عيال الساعه اربعه الفجر ،هنغسل امتا البتاع دا ياختي
+هوا دا رقم كام انا بطلت اعد
~يمكن السابعه ولا حاجه انا عمر بشرتي ما شافت النضافه دي في حياتها
-دا اخر واحد النهردا قومي نغسله وبكرا نكمل
~دا فيه بكرا بقي
-ايوه دا تنظيف عميق للبشره اسبوع كامل
+ياااه يا حظك يابت يا فطوم جيتي في وقتك ،وش الواد حوكشه حلوه وهيشوفني و أنا مغيره جلدي
~يلا علي الحمام يابت منك ليها خلينا ننام
طلعو البنات يغسلو وشهم و جايده قعدت علي السرير عشان معملتش اخر واحد
كانت قاعده بتفكر في شريف و هل وصل للمكان ولا لاء وهل هيتأخر ولا لاء
هما البنات لطاف ومش مخليين عليها حاجه و بيعاملوها كويس جداً بس هيا اتعلقت ب شريف ،من اول ما نزلت مصر وهوا معاها ومهتم بيها ، هيا افتقدته من يوم !
مرت اللحظات اللي كان موجود فيها مر قرابه الثلاثه اسابيع وهيا هنا بين الناس الطيبه و شريف اللي كان عامل زي درع الحمايه ليها
من اول ما كان في المطار الهجوم اللي كان عليها حمايتها و الخطف الاهتمام بتاعه بيها كل حاجه عملها معاها كانت كويسه هيا قرفته فعلاً
وهيا بتفكر لقيت الجهاز اللي تحت المخده اتهز ، دا اللي كان مديهولها شريف قبل ما يمشي ، لقيت عليه رساله نصيه في الشاشه الصغيره بتاعته “عامله ايه !”
ضحكت لما شافتها و حاولت تفهم ازاي دا بيشتغل او بيبعد رساله لحد ما جات رساله تانيه
“لو حابه تبعتي رساله اضغطي علي الزر اللي لونه احمر و قولي اللي هتقوليه و هوا هيحوله ل رساله او لو صوت زي ما تحبي ”
قربته منها و اتكلمت “انا كويسه ، انت وصلت ”
بعتتها رساله فا جالها الرد “ايوه من بدري ”
حمدت ربنا علي وصوله وقالت “قربت تيجي ”
قعد حوالي دقيقه كدا و بعدين بعد “انا لسا ماشي !”
اضايقت وبعتت”ايوه هترجع امتا برضو ”
“هخلص و اجي ، تصبحي علي خير ”
قرأت الرساله و قالت بغيظ “مش هقلك تصبح علي خير ”
حطت الجهاز تحت المخده و نامت علي السرير في دخول البنات اللي عمال يتكلموا علي قد ايه بشرتهم بقيت حلوه
كانو لابسيت بجامات للبيت كلهم و عمال يتكلموا عن هعملوا ايه في البشره الحلوه دي لحد ما دخلوا الاوضه
~استني يا جايده متناميش بشعرك كدا تعالي اعملي ضفاير مرفوعه معانا
-ازاي
شدها فاطمه و قعدتها جنب عبير علي الارض فوق السجاده و هيا قعدت علي حرف السرير و بدأت تسرحلها شعرها و تعملها ظفيرتين لفوق و لفتهم زي ما عملت للبنات برضوا وقعدو يتكلموا لحد ما سمعو صوت ام ناهد من برا فا جريت كل واحده علي مكانها اللي هتنام فيه و عملوا نفسهم نايمين
دخلت ام ناهد قلت النوم و بصتلهم بيأس وهيا عارفه انهم طول اليل صاحيين و قفلت الباب براحه ومشيت
بصوا لبعض و قعدو يضحكوا و راحوا في النوم من التعب

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جايده وشريف)