رواية معذبي 2 (ماسة 2) الفصل الثالث 3 بقلم منال عباس

رواية معذبي 2 (ماسة 2) الفصل الثالث 3 بقلم منال عباس

رواية معذبي 2 (ماسة 2) البارت الثالث

رواية معذبي 2 (ماسة 2) الجزء الثالث

رواية معذبي 2 (ماسة 2) الحلقة الثالثة

بعد أن كشفت الطبيبة فريدة على ماسه وسألتها بعض الاسئله …
فريدة : الحقيقه يا مدام ماسه انا شاكه فى حاجه ومحتاجه اعملك سونار علشان اتأكد من شكوكى …
ماسه بقلق : حضرتك شاكه فى ايه ..
فريدة : اللى اعرفه انك بتدرسي فى كليه الصيدله ..وحضرتك على علم ببعض المعلومات الطبية ف اكيد هتفهمينى ….بقلم منال عباس
ماسه : انتى كدا بتقلقينى ..فى ايه يا دكتور فريدة على دخول ساجد ..حيث لاحظ وجه ماسه الخائف المضطرب ..
ساجد وهو يقترب منها ويحتضنها :
خير يا دكتور فريده ماسه عندها ايه
فريدة : مبدئيا ومن خلال خبرتي مدام ماسه حامل فى الشهر الرابع …
ساجد وماسه باندهاش وفى نفس الوقت حامل !!!!
ماسه : ازاى وانا بيجيلى البيريود كل شهر ..
فريدة : دا اللى كنت عايزة اشرحه ليكى …فى نوع من الحمل اسمه الحمل الغزلاني
و الحمل الغزلاني دا عباره عن الحمل الذي يصاحبه نزول د*م. من الطبيعي أن يتوقف نزول الدورة الشهرية في فترة الحمل إذ يتوقف التبويض، وتلتصق البويضة المخصبة في جدار الرحم، ولكن في بعض الحالات تتعرض الحامل لنزول الد*م حتى مع حدوث حمل، ما يُعرف بالحمل الغزلاني، وسُمي كذلك نسبة لأن إناث الغزلان تحيض حتى في أثناء الحمل.
وكمان في حالة الحمل الغزلاني، فإن نسبة كبيرة من النساء لا يعلمنّ بوجود حمل إلا في الشهر الرابع أو الخامس حيث تبدأ البطن في البروز، وذلك نتيجة نزول دم في أوقات الحيض التقليدية، فلا يتوقعنّ حدوث الحمل خاصةً إذا كان غير مخطط له.
والحقيقة أن الد*م المصاحب للحمل في هذه الفترة ليس دم حي*ض، ولكنه دم يُعرف بن*زيف الانغراس، بعض السيدات يتعرضنّ لنزول الد*م مرة واحدة بعد مرور أسبوع إلى أسبوعين من الإخصاب أي في موعد الدورة الشهرية الأولى بعد الحمل، والبعض يختبرنه على مدار الأشهر الثلاثة الأولى من الحمل تزامنًا مع المواعيد المفترض نزول الدورة الشهرية فيها، لذا تظن غالبية النساء أنه حي*ض. ودا فى الغالب يا مدام ماسه هو حالتك ….بس علشان نقطع الشك باليقين ..ضرورة عمل سونار …ومتابعه مع الطبيب وخصوصا لو فى حمل …بقلم منال عباس
ساجد بفرحه : يعنى ممكن تكونى يا ماسه حامل ..
ماسه : انت فرحان يا ساجد
ساجد : طبعا حبيبتى …انتى متخيله أن فى بيبي وأشار على بطنها …هنا منى ومنك ..انا اسعد انسان فى الدنيا ..
ماسه : بس احنا لسه ما اتأكدناش ….
ساجد : أن شاء الله هيكون حمل ..انا حاسس بكدا …
استأذنتهم دكتور فريدة ..للمغادرة واوصت بضرورة زيارة ماسه لها فى العيادة …
ساجد : أن شاء الله ..هنكون عند حضرتك بكرة …
دخلت صبا والسيدة آمال للاطمئنان على صحة ماسه …قصت ماسه لهم ما قالته الطبيبة…
آمال بابتسامه : أن شاء الله حمل …ودا الحقيقه مش مفاجئة ليا …
ماسه : يعنى ايه يا طنط …
آمال : اصل وانا حامل فى ساجد ..حصل ليا نفس الكلام دا …وماكنتش مصدق نفسي ..لحد ما شوفته بعنيا فى السونار وهو بيتحرك …
صبا بفرحه لأختها : الف مبروك يا ماسه …كدا هكون انا خالتووو
ماسه : الله يبارك فيكى يارب..بس نتأكد الاول …
صبا : لا خلاص ..انا هعيش دور خالتووو من دلوقتى ليضحك الجميع لها ..
عند أحمد
فقد قرر احمد تكمله دراسته والحصول على شهادة الماجستير والدكتوراه من مصر وبدأ فى تدوين رسالته الطبيه حيث أنه قرر عمل بحث عن بعض المواد الكيميائية وضرورة منع استخدامها فى العقاقير ..لما لها من تأثير سلبي أكثر من إيجابياتها ومدى ضررها على صحه الانسان بمرور السنين …وكان موفق فى ذلك فلا ننسي أنه أيضا كان من الطلبه الاوائل على أقرانه وقد وهبه الله نعمه الذكاء وآن الاوان أن يوظف تلك النعمه فى محلها الصحيح ….
احمد : يعنى يا دكتور من خلال النتائج الاوليه اللى جربتها ومن خلال البحث على اكثر من ألف حالة خلال العام الماضى …أكد صحة فكرتي …
رئيس الجامعه : ربنا معاك يا دكتور احمد واضح أن ابن العز عوام …وعائلة عز الدين ما بيخرجش منها غير العباقرة ….بقلم منال عباس
احمد : اشكرك يا دكتور …وبستأذن حضرتك هستعمل المعمل النهارده لتجربه المكون البديل .. على صحه الفئران المصابه …بنفس المرض …
رئيس الجامعه : المعمل والجامعة كلها تحت امرك…أنت واللى زيك فخر ل مصر كلها …
شكره احمد واتجه إلى المعمل لبدايه تجربته العلميه ….
عند جون
يأتيه اتصال من البيج بوص
البيج بوص : هو انت والهانم اللى معاك نايمين على ودانكم
جون : حصل ايه ..انا مش فاهم حاجه
البيج بوص : انت وهى قاعدين عندكم بتعملوا ايه لما المعلومات توصلنا عن طريق ناس غيركم …
جون باستغراب : معلومات ايه ..وعن مين ؟!
البيج بوص : احمد دا طلع داهيه واحنا مش عارفين …وبيحضر للمعادلات كيميائية…هتقضى على الادويه بتاعتنا
وبالتالى هنخسر خسارة كبيرة …لو قدر يحقق معادلات بديله للمواد دى
وكدا خطه المليار مواطن اللى بنرتب ليها طول السنين دى كلها …هتفشل على ايدين احمد …وانت وبروك نايمين فى العسل ولا دريانين بحاجه …احنا غلطنا لما ركزنا كل تفكيرنا على ماسه ..ونسينا أن احمد هو كمان خليفه لعمه دكتور محمد ..
جون : طب مين عرفك المعلومات دى يمكن قاصد يعمل بلبله على الفاضى ..
البيج بوص : المسئول عن مناقشه رساله الدكتوراه بنفسه …انت ناسي أن لينا عيون فى كل مكان …
جون : تمام …واترك الأمر ليا وانا هتصرف .. بقلم منال عباس
البيج بوص : مش عايز تهور …وأحمد دا يكون تحت الملاحظه فى كل ثانيه
وخلى بروك تنفذ دورها والنهارده لازم تكون عند أحمد فى شقته بأى طريقه
واظن هى مش هتغلب
جون : أمرك …واغلق الهاتف
جون بتفكير : اخيرا بدأنا نعرف بدايه الخيط …وللاسف طلع من هنا
وقرر ارسال رساله خاصه الى جاك بالتفاصيل ….
عند سعيد
يجلس سعيد مع سميحه فى زيارة خاصه بها فى السجن
سميحه : يرضيك احمد طول السنه دى كلها مايجيش يزورنى ولا مرة واحدة
معقول انا هونت عليه ..انا أمه اللى بتحبه ..انا كل اللي كنت بعمله علشانه وعلشان مصلحته …
سعيد : انتى غلطتى غلط كبير يا سميحه وابنك ما طلبش منك تعملى كدا ..ثم البنات الغلابه ..بدل ما تعتبريهم بناتك وتحبيهم وتعوضيهم يتمهم من الاب والام ..كنتى قاسيه وظالمه ليهم …والرسول وصى باليتيم
سميحه : قول بقي انك جاى تشمت فيا مش تزورنى …
سعيد : لاحول ولا قوة الا بالله العلي العظيم..مش عارف اقولك ايه…ربنا يهديكى …عموما اتفضلى جايب ليكى الاكل دا …وخدى الفلوس دى …اكيد هتحتاجيها ..
سميحه وهى تشد من يده النقود : ايوا فعلا .دول كام وبدأت تعد فيهم
نظر إليها سعيد بحسرة وتركها وغادر …بقلم منال عباس
عند ساجد
أمر الخدم بعمل غداء الجميع وقرر أن يتناولوا الغداء فى حديقه الفيلا
وأرسل حسين السائق لجده شاكر بأن يحضره ..كما دعا عمه مصطفى للحضور….واتصل على مروان وكامى كى يحضروا ..ولكن مروان اعتذر واخبرهم بحمل كامى …وأنه يريد أن يحتفل معها بطريقته الخاصة
فرح الجميع لهم وباركوا لهم
وها قد اجتمعت العائله مرة أخرى…
بحضور كبير العائلة الجد شاكر على حفل شواء فى الهواء الطلق…
فكل هدف ساجد أن يرسل رسالة الامان والحب الى حبيبه قلبه ماسه ..حتى لا تشغل بالها بأى تفكير
إلى أن يذهبا غدا الى الطبيبه فريدة …
شاكر : ساجد ليه الحرس أمام الفيلا
عدده قليل ..
ساجد : الدنيا بقت هاديه يا جدوو ..الحمد لله …
شاكر : لأ كدا غلط …انا هتصل بشركات الأمن ترسل ليك مجموعه
احنا ما نضمنش العدو تفكيره ايه ..
ماسه : بس يا جدو. الموضوع عدى عليه سنه وتقريبا قصتى بدأت تتنسي
شاكر : لا يا ماسه يا بنتى قصتك لسه هتبدأ …على حسب معلوماتى ..انك طلعتى الاولى ومجموعك التراكمى خلال الخمس سنين فى الصيدله يؤهلك انك تبقي معيدة فى الجامعه
ودا هيخلى الأعداء ليكى كتير ..وخصوصا انك صغيرة فى السن
ساجد : صحيح يا ماسه انتى ازاى عندك 21 سنه وقدرتى تخلصى تعليمك بما فيهم خمس سنوات صيدله ..
ماسه بابتسامه : واحنا فى كندا قدرت اخد كذا سنه فى سنه واحدة ..لأن الليفل التعليمى بتاعى كان عالى ..
وكان الكل بيتنبأ ليا أن ممكن اخلص كل مراحل التعليم من قبل ما اخلص ال 18 عام …لكن للاسف بسبب وفاة بابا وماما ورجوعنا هنا مصر ..كل حاجه اتغيرت …
ساجد بحب : هتفضلى طول عمرك فخر لينا كلنا في مصر وفى العالم كله …
عمر : والحمد لله يا ماسه اختك طالعه ليكى وطلعت الاولى على الجمهوريه
وبكرة فى لقاء تليفزيونى معاها عندنا فى الفيلا …اتمنى وجودك مع صبا ..
ساجد : الحقيقه ممكن ماسه ما تقدرش تحضر علشان معاها ميعاد مع دكتور فريدة …
آمال : ما تقلقيش على صبا يا ماسه ..وروحى معاها …
احنا هنا أهلها وهكون انا ومصطفى وعمر معاها …مش كدا يا مصطفى ..
مصطفى : طبعا ..من غير كلام …كمان صبا ليها هديه كبيرة عندى ..على تفوقها …شكرته صبا وماسه
فقد شعرت الإخوان بأن الله قد عوضهما بأسرة طيبه ..
شاكر : ريحة وطعم الاكل فظيعه ….بجد تسلم ايديكم كنت محتاج اليوم دا …
ساجد : الحقيقه ماسه ليها خلطات سريه للاكل …وبقت تخلى فاطمه ما تطبخش الا بطريقتها …
آمال : اممم دا انت كدا محظوظ
ساجد : فعلا واضح أن حضرتك يا ماما داعيه ليا …
آمال : من كل قلبي بدعيلك …
جلسوا جميعا حتى انتهوا من تناول الطعام …وشرب العصائر ..
اقترب الوقت من الليل واستأذن الجميع المغادرة …
نظر ساجد بحب إلى ماسه
ساجد : تحبي نكمل السهرة هنا ولا نطلع اوضتنا ..بقلم منال عباس
ماسه : اللى تشوفه
ساجد : يبقي على خيرة الله…وحملها بسرعه ودخل بها إلى الفيلا وهما يضحكان وصعدا إلى حجرة النوم ..ليعيشا الحب سويا فالتهم شفتيها فى قبلات ساخنه ليطفئ النور
ويسكت الديك عن الصياح 🫣🫣🫣
عند أحمد
بعد أن تناول عشاءه مع والده …استاذنه والده للنوم ….
دخل احمد لأخذ شاور قبل النوم …سمع جرس الباب يرن ..لبس شورت قصير بسرعه ووضع الفوطه على جسده العقارى وخرج ليفتح الباب
ليجدها…….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية معذبي 2 (ماسة 2))