رواية معذبي 2 (ماسة 2) الفصل الخامس 5 بقلم منال عباس
رواية معذبي 2 (ماسة 2) الفصل الخامس 5 بقلم منال عباس
رواية معذبي 2 (ماسة 2) البارت الخامس
رواية معذبي 2 (ماسة 2) الجزء الخامس
رواية معذبي 2 (ماسة 2) الحلقة الخامسة
وقف احمد مذهولا …بعد أن شاهد البيج بوص
احمد : حضرتك يا دكتور تبقي البيج بوص ..وكمان والد بروك !!!
البيج بوص : مفاجئة مش كدا ..
احمد : بس ازاى !! حضرتك هنا فى مصر فى الجامعه وكمان المسئول عن مناقشه رساله الدكتوراه ..وفى نفس الوقت ازاى بتكون موجود فى أمريكا ؟!! ….
البيج بوص : انت عارف انى منتدب لكذا جامعه يعنى مش موجود كل الايام عندك …فى أيام بكون هنا …وايام بكون فى كندا …ايه تانى عايز تعرفه ..انا هجاوب على كل اسئلتك …بس لازم تعرف ..أن بعد ما كشفت نفسي ليك ..اى تلاعب هيتم …هيبقي وراه رقبتك …انت فاهم …بقلم منال عباس
احمد : فاهم …كنت ديما اسأل نفسي
ازاى بروك كانت بتتكلم عربي بالطلاقه دى زيها زى اى بنت مصريه …كدا فهمت السبب …
البيج بوص: طيب تحب تعرف ايه تانى
احمد : انا ايه يضمنلى انك البيج بوص
مش فخ بتوقعنى بيه ….
البيج بوص : لان انا الوحيد اللى معايا مفاتيح كل شئ …كل الصفقات …
حتى المنحه لسفرك امريكا ..انا اللى رشحتك ليها وانا اللى رتبت لكل شئ …واعرف كويس كل قدراتك …انت وماسه واعرف كمان ..أن انت تقدر تحط ايدك فى ايدينا وهتحقق مستقبل معانا عمرك ما تحلم بيه …مفيش حد هنا يقدر يرفعك لفوق فى عالم البيزنس والعقاقير غيرنا …
احمد : طب ايه وضع جون ..ونظر إليه كى يحاول أن يفهم نظراته
البيج بوص : جون يبقي دراعى اليمين ..
جون : دلوقتى الأمور واضحه معاك ..والقرار قرارك ..ناوى على ايه يا دكتور احمد …….
عند ساجد و ماسه
يصل إلى فيلا عمر حيث تجتمع العائله
مصطفى : كنت متأكد انكم هتحضروا
ماسه : اكيد يا اونكل ازاى نفوت يوم زى دا …ونظرت لأختها بحب .. دلوقتى نقدر نقول اليوم يوم دكتورة صبا محمد عز الدين..
صبا بفرحه : الحمد لله …قدرنا نحقق حلم بابا وماما …
عمر : الحقيقه انتم بجد مصر كلها فخورة بيكم ..بقلم منال عباس
ساجد : اكيد يا عمر …
نظرت إليه آمال
آمال : حبيبي ..طمنى عملتوا ايه مع دكتور فريدة ..
صبا : ايوا صح ..خير ؟
ساجد : ماسه …طلعت ..ينتظر الجميع فى لهفه لمعرفه ما حدث
ليبتسم ساجد لتلك النظرات
ساجد : ماسه …حامل فى توأم ولد وبنت وفى الشهر الخامس …
يهلل الجميع بفرحه …ويباركوا لهم …
تحتضن صبا اختها وهى سعيدة لذلك
صبا : الف مبروك حبيبتي..تعالى استريحى …
ماسه : الله يبارك فيكى..وعقبالك يارب
صبا بخجل : إن شاء الله
ساجد : ناويه تقدمى كليه صيدله برضو يا صبا …ولا طب ولا ايه بالظبط
صبا : الحقيقه …صيدله …طول عمرنا واحنا حلمنا يكون عندنا فروع كثيرة للصيدليات فى مصر والوطن العربي …
يأتى صوت رساله ل ماسه
تفتح ماسه الرساله لتجدها ..عرض عمل من أكبر شركات الادويه للعمل معهم ومكتوب التفاصيل..
ماسه : ابتسمت وهى تقص عليهم الرساله …
مصطفى: وناويه على ايه يا بنتى .
ماسه : صبا قالت يا اونكل …دا حلمنا
وان شاء الله هنحققه …
مصطفى : أن شاء الله ….بالتوفيق …
عند محسن
يتصل محسن على شاكر …
شاكر : محسن ..اخبارك …
محسن : الحمد لله …كنت عايز ..ابارك مبدأيا …ل صبا …شوفت برنامج تكريمها ….
ثانيا ماسه اى عرض عمل هيجى ليها لازم تعرفنا …لان ماسه هدف لناس كتير داخل وخارج مصر …
شاكر : فعلا ..ولسه جاى ليها ..عرض شغل فى شركه ……للادويه
محسن : الشركه دى كويسه …بس اى حاجه لازم نعرفها ….وحاليا فى خبر هتعرفوه كمان دقايق …بس افتحوا التليفزيون حالا …بقلم منال عباس
شاكر : خبر ايه ؟!
محسن : هتعرفه حالا …يلا سلام
يفتح عمر التلفزيون ويجلس الجميع فى انتظار مشاهدة ذلك الخبر …
عند أحمد ينظر إلى ساعته
ثم يبتسم للجميع
بروك : فى ايه يا احمد …
احمد : ابدا يا بروك …انا بس عايز اعرف نسبتى كام فى كل اللى اتفقنا عليه دا …
البيج بوص : يرضيك كام 20 فى المائه
احمد : المفروض انا صاحب الأفكار كلها ..وانتم مجرد تسويق ..وفى الاخر
تقول 20
بروك : انت ناسي ..أن فى ناس كتير معانا …وبيحمونا ….
احمد : اللى انا شايفه …احنا الاربعه ..
ناس مين بقي …
أخرج البيج بوص من جيبه بورقه مكتوب فيها جميع أفراد المافيا ….منهم مصرين ومن الوطن العربي والامريكى …
احمد : هو دا الكلام ……
ليفتح الباب وتدخل الشرطه المصريه
ومعهم جاك ….يحاول البيج بوص الهرب …ليطلق جون عليه الر*ص*اص
بروك بصريخ : عملتها فينا يا احمد
والله لتندم
يتم القبض عليهم …وظهر ذلك فى بث مباشر على التلفاز المصرى
ماسه باستغراب : احمد …ومين الناس دووول …وايه علاقه جاك ب احمد !!
أخذت الشرطه أفراد العصابه
ليعلن مقدم البرنامج بأنه تم القبض على اكبر خليه لتجارة العقاقير والأعمال المشبوهة والفضل يرجع
الى الدكتور المصرى احمد سعيد عز الدين
صبا : احمد …الحمد لله ..كنت خايفه يكون متورط معاهم ….
ساجد : واضح أنه فعلا ندم على الماضى وبدأ بدايه صح …
ماسه : الحمد لله ….
يجلس الجميع فى جو أسرى جميل يحكى كل فرد عن أحلامه وكيفيه تحقيقها ….بقلم منال عباس
عند كامى
تذهب كامى مع مروان إلى عيادة الطبيبه مريم …
تقف مريم بسرعه عندما تشاهد مروان وتتجه نحوه باهتمام لاستقباله بترحاب…ثم تلاحظ وجود كامى خلفه …
مريم : اهلا مدام كاميليا …اتفضلى
كامى والشك يقلقها : اهلا دكتور مريم …
تقوم مريم بالكشف على كامى وتضع جهاز نبض القلب ليسمع كلا من مروان وكامى صوت نبضات قلب الجنين
مروان بفرحه يمسك يد كامى ويقبلها…
مريم : الدنيا تمام ..وحجم الجنين ممتاز ..هنحتاج بس نلتزم بالفيتامينات والحديد والمتابعة كل اسبوع
مروان : إن شاء الله…
مريم : دكتور مروان ..حضرتك ما جيتش الصبح المستشفى ليه ؟
مروان : مفيش حاجه …حبيت اكون مع كامى …اليوم دا …
مريم : ربنا ما يحرمكم من بعض …
شكرها مروان …وأخذ زوجته وغادر
كامى : مروان …فى ايه بينك وبين مريم دى ..
مروان : بينى وبين مريم …انتى بتقولى ايه يا كامى ؟!
كامى : انت مش شايف كلامها واهتمامها بيك
مروان : مع أن ما يصحش اقولك حاجه …بس انتى عندى اهم واللى هقوله ليكى اتمنى يكون سر بينا …
كامى باهتمام : قول يا مروان ما تتعبش اعصابي …
بدأ يقص مروان علاقته ب مريم
فلاش باااك
الحقونى يا ناس ماما بتموت تصرخ مريم فى المستشفى …
الاستقبال : لازم تدفعى الاول تمن العمليه …
مريم :طب ارجوكى ابوس ايدك …ساعدوها ..على ما اتصرف فى الفلوس ..
الاستقبال : دى قوانين المستشفى…
تجلس مريم وتبكى بانهيار …فهى لازالت طالبه بكليه الطب …وكل المعاش الذى تأخذه هى ووالدتها لا يكفى الدراسه …فكانت تعمل كى تكمل المصاريف المنزليه …كيف توفر هذا المبلغ الكبير …
يدخل مروان المستشفى ..
ليشاهد تلك الفتاة ..وصوت بكائها جعله يذهب إليها ..وسألها لما تبكى
تقص مريم بانهيار عن حالة والدتها ..
يرق قلب مروان ..ويقرر مساعدتها
ويدفع كل تكاليف العمليه ….
عودة من الفلاش
ومن اليوم دا ومريم بتحس أنها مدينه ليا …وعايز تقدم اى خدمه ليا …
ووالدتها ست محترمه …عايزك تفهمى يا كامى مفيش حد فى حياتى غيرك انتى ثم أشار إلى بطنها ..انتى والنونو القمر دا
كامى : ربنا ما يحرمني منك يا مروان وانا بحبك وبغير عليك اعذرنى
مروان : ولا يهمك يا قلبي …ويلا بقي نروح عند عمر الكل منتظرنا هناك
كامى : يلا بينا ….
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية معذبي 2 (ماسة 2))