رواية حور فتاة الثلج الفصل الثاني والعشرون 22 بقلم ندا عبدالله

رواية حور فتاة الثلج الفصل الثاني والعشرون 22 بقلم ندا عبدالله

رواية حور فتاة الثلج البارت الثاني والعشرون

رواية حور فتاة الثلج الجزء الثاني والعشرون

رواية حور فتاة الثلج الحلقة الثانية والعشرون

«اللهم أنت ربي لا إله إلا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي، فاغفر لي إنه لا يغفر الذنوب إلا أنت»
في قصر الغابة :
كانت ايميلي تجلس مع العم ماهر و تشرح له كل ما حدث
ايميلي : و بس هو ده كل اللي حصل ، هو حضرتك تعرف حاجة عن الحالة دي او معاك دواء ليها
ماهر : لا انا مش دكتور اصلا
ايميلي بتعجب : هاا….ازاي يعني يُومي قالتلي ان حضرتك هتساعد حور
ماهر في نفسه : منك لله يا يُومي قال انا اللي هساعد قال ، بعدها نظر الي ايميلي
ماهر : لا انتي فهمتي يُومي غلط
ايميلي : مش فاهمه حضرتك ازاي فهمتها غلط
ماهر : يُومي كانت تقصد ان لو حور تحولت اكون انا معاكي علشان متأذيكيش …قصدها كده
ايميلي : ازاي يعني و هي فاقده الوعي
ماهر : و الله يا بنتي مش عارف هي قالت كلامها علي اساس ايه لما تيجي
ايميلي : يارب تكون لقت الكتاب
ماهر : يارب . و بعدها سمعوا صوت بالاسفل فظنوا انها يُومي
ايميلي بفرحة : اكيد هي ، و نزلت بسرعة الي الاسفل و لكنها توقفت عندما رات الجد عثمان ، و العم ماهر من خلفها
ماهر : و قفتي ليه ….عثمان بيه ….
الجد بتفاجأ : ماهر ….ازاي …
……………………………………………….
في قصر الشافعي :
كان نديم يتحدث الي زين قائلا
نديم : يا بني مينفعش تروح هناك غير لما تقولها الاول انت نسيت
زين : ما هو انا رنيت عليها و علي صحبتها بس مفيش رد….و انا الصراحه مش قادر استني عايز اعرف لقيت امي و لا لأ
نديم : مقدر شعورك و الله ….بس مش لازم سلمي تعرف انك بتقابل حور ، و لو عرفت مش بعيد تشك انها هي اللي انقذت عمتك
زين : عارف يا نديم ، بس اعمل ايه
نديم بتفكير : خلاص انت تطلع من الباب الخلفي و انا هطلع بعربيتك بدالك و بكده الشخص اللي بيراقبك هيفتكر ان انا انت و هيمشي ورايا انا …ايه رايك
زين : فكرة حلوه ….مش عارف اقولك ايه يا صحبي
نديم : عيب عليك مش احنا اخوات بردو و لا ايه
زين : اكيد طبعا
نديم : طيب يلا بقي قبل ما سلمي تاخد بالها
زين : يلا
و نزل نديم الاول و بعده زين و كان الكل مجتمع قعدوا وشويه اتكلم نديم
نديم : طيب يلا يا زين و لا ايه
زين : يلا
الجد : علي فين …
زين : الشركة يا جدي
الجد : مش كنت واخد اجازة و لا ايه
زين : ايوه بس في شغل لازم اعمله فهروح
الجد : ربنا معاك
زين : عن اذنك يا جدي …يلا يا نديم
الجد : اذنك معاك
و بعدها خرج زين و نديم و نفذوا اللي اتفقوا عليه ، و بالفعل تم خداع المراقب لزين و ذهب خلف نديم معتقدا بأنه زين
………………………………………………
في قصر الغابة :
كان ماهر يجلس امام الجد يشرح له ما حدث معه متجاهلا التفاصيل ، و الجد يستمع له و لا يصدق انه مازال حيا و بعد ان انتهي ماهر من حديثه نظرا الي الجد الذي يبدو عليه الدهشة
الجد : يعني انت اللي تركت كاجيرو و حور قدام القصر…صح ؟
ماهر : اه….بالظبط كده
الجد : و انت كنت فين طول الفترة دي كلها …و ليه معرفتنيش انك كويس…
ماهر : اصل…ااااا….و لكن قطع كلامه دخول يُومي و هي تنادي علي ايميلي
يُومي : ايميلي ….ايميلي …
ايميلي و هي تنزل الدرج بسرعه : لقيت الكتاب ….هااا …لقتيه ….
يُومي : اه … لقيته …اتفضلي …هو عمو ماهر هنا …
قبل ان تجيب ايميلي ، اجاب العم ماهر
ماهر : اه هنا …اتأخرتي كده ليه
يُومي : عقبال ما لقيت الكتاب بس حضرتك ………لكنها صمتت حينما رات الجد عثمان ، بعدها نظرت الي العم ماهر و كانت علي وشك ان تشرح له ما حدث ، لكنها وجدته ينظر لها بوعيد ففضلت الصمت و التحدث اليه فيما بعد ، و من ثم تحدثت الي ايميلي
يُومي : عرفتي هتعالجي حور ازاي
ايميلي باستغراب : اه لقيت العلاج….بس …
يُومي : بس ايه
ايميلي : مكتوب ، من اجل اعادة درجة حرارة صاحب قوة الجليد الي طبيعتها ، يجب ان تقوم بغليان بذور زهرة الوستاريا في الماء ، ثم اخذ مقدار معين من الماء و إضافته علي الادوية التي يأخذها في حالة تحوله ، و بعد ان يأخذها ستعود درجة الحرارة لطبيعتها
يُومي بعدم فهم : هو مش المفروض ان زهرة الوستاريا بتأذي اصحاب قوة الجليد و لا ايه …. انا مش فاهمه …
ايميلي بتفكير : مش شرط …زي السموم كده، يعني مثلا في بعض الادوية الطبية تحتوي علي مواد مستخلصة من سموم الثعابين …يعني لو شخص تعرض للدغة ثعبان ، ممكن يكون العلاج مستخلص من نفس سم الثعبان ….ممكن يكون الامر منطبق علي الزهرة بردو
الجد : اعملي زي ما مكتوب في الكتاب …اختي كتبت كل حاجه عن قوة الجليد في حالة تعرض صاحبها لاي ضرر
ايميلي نظرت الي يُومي
يُومي : اعملي زي ما مكتوب ، مفيش حل تاني
ايميلي : طيب انا هنفذ المكتوب و الباقي علي ربنا ، و ذهبت لتحضير العلاج .
يُومي : عثمان بيه ، اكيد محدش عرف ان حضرتك موجود هنا صح و لا ايه
الجد : اكيد طبعا …بس….قطع كلامه دخول نتالي و هي تتقدم من يُومي ، و حدثتها بصوت منخفض ، فتحدثت يُومي الي الجد و العم ماهر قائلة
يُومي : عن اذنكم …هعمل حاجة وارجع تاني
ماهر : في حاجة يا بنتي
يُومي : لا مفيش دي حاجة بسيطة …عن اذنكم و بعدها ذهبت الي المكتب و نتالي خلفها
يُومي : ازاي يعني يجيى من غير ما يقول
نتالي : مش عارفة يا فندم ، بس نديم طلع بالعربية مكان زين و خدعوا اللي كان مراقب زين ، و الجاسوس اللي موجود في قصر الشافعي قالي و انا قولت لحضرتك
يُومي : احنا لسه معرفناش نحل موضوع اللي كان بيراقبه الاول ، لو حصل و عرفوا ان في العربية نديم مش زين ..يبقي هيعرفوا اننا علي دراية بكل اللي بيعملوه ….و غير كده حور مش في وعيها
نتالي : طيب و العمل يا فندم
يُومي بتساؤل : نديم وصل الشركة و لا لسه
نتالي : لو حسبنا الوقت اللي خرجوا فيه من القصر، فمن المفترض يكون في الطريق لسه
يُومي : كويس…كلميه يرجع القصر و يدخل غرفة زين ، من غير ما حد يلاحظه و يقعد فيها علي اساس ان هو زين
نتالي : طيب….و بالنسبة لزين
يُومي : انا هتصرف ، اعملي اللي قولتلك عليه الاول
نتالي : حاضر …بعد اذنك .
بعدها خرجت يُومي لكي تلتقي ب(زين) قبل وصوله للقصر.
………………………………….
كان نديم يجلس في السيارة متجه إلي الشركة وفي اثناء ذلك جاءه اتصال أجاب، و قد كانت نتالي
نتالي: مرحبا ..انا نتالي مساعدة الانسة يُومي
نديم : اهااا…..اهلا بحضرتك …في حاجه
نتالي: الانسة بتطلب من حضرتك انك ترجع للقصر فورا
نديم بتساؤل: ليه
نتالي: الانسة هتتكلم مع الاستاذ زين وهتوضحله كل حاجة، دلوقتي لازم ترجع القصر وتدخل غرفة الاستاذ زين وتقعد فيها من غير ما حد ياخد باله لحد ما هو يرجع
نديم : تمام ….. بعدها اغلقت نتالي الخط .
نديم للسواق : ارجع للقصر
السواق : حاضر يا بيه
وعاد نديم الي القصر وفعل كما قالت له نتالي.
…………………………………………..
في قصر الغابة :
بعد ان اعطت ايميلي الدواء لحور بدأت حرارتها تعود لطبيعتها تدريجيا و ايميلي بجانبها تتابعها
ايميلي : والله بيعمل مفعول …الحمد لله
حور وهي تحاول ان تستعيد وعيها كانت بتنادي باسم والديها، وكل تفكيرها في ما حدث في الماضي ولكن الغريب انها قد استعادت ذكريات الماضي بأكمله، بعدها بدات تفتح عينيها ببطئ، ورأت ايميلي بجانبها فنادت عليها قائلا
حور بتوهان : ايميلي ….ايميلي …
ايميلي : حور انا جنبك اهو…قوليلي انتي حاسه بايه
حور بتعب : دماغي مصدعه اوي….ومش قادره اتحرك، كأني متثبته
ايميلي : معلش ده تأثير الدوا …انتي ارتاحي وحاولي تنامي ..و…..ولكن حور قد ذهبت في نوم عميق بالفعل
ايميلي بفرحه: الحمدلله ، ونزلت بعدها تبلغ الاخرين
…………………………………………………………
عند يُومي :
كانت قد قابلت زين في الطريق ووقفت لتتحدث اليه
يُومي : لتاني مره مش بتعمل اللي بنقول عليه
زين : عارف ، بس انا اتصلت بيكي انتي وحور ومحدش رد
يُومي : تقوم جاي هنا
زين بنرفزة : اعمل ايه يعني…انا من وقت ما عرفت ان ممكن تكون امي لسه عايشه وانا مش مبطل تفكير
يُومي بتنهيده : معاك حق …اسفه بس فعلا الايام دي انا مش هقدر انشغل بيكي او بغيرك
زين : هو في حاجه
يُومي : لا مفيش …بس دلوقتي لازم ترجع القصر، نديم في غرفتك علي اساس انت
زين : انتي كلمتي نديم
يُومي : اه …وهو دلوقتي في القصر
زين : طيب وبالنسبة لامي
يُومي : والدتك لسه عايشه وهي بخير
زين بدهشه : بجد …طيب احنا ليه واقفين …قوليلي مكانها
يُومي : للاسف مش هقدر
زين : ليه
يُومي : مش هقدر اقولك التفاصيل ..بس حور فاقدة الوعي من امبارح، وحالتها سيئة جدا …اصبر شويه
زين بقلق : مالها…فيها ايه
يُومي : يعني ارتفاع درجة حرارة بسبب القوة بتحصل من وقت للتاني
زين : ينفع اشوفها
يُومي : مش هينفع دلوقتي لان عثمان بيه موجود في القصر
زين : تمام هاجي في وقت تاني …سلام . بعدها عاد زين الي القصر ويُومي الي قصر الغابة .
………………………………………………..
في احد الفنادق :
كانت تتحدث الي زعيمها
الزعيم بغضب : ماذا تفعلين حتي الان …لماذا لم تقومي بعملك
ديلفين : اعتذر ايها الزعيم ولكن …
الزعيم : من دون لكن، نفذي ما امرتك به
ديلفين : امرك يا زعيم ، اعطني فقط اسبوع
الزعيم : اسبوع؟ كثير …انهي هذا في خلال يومين أو أرسل كيفين يهتم بالامر
ديلفين : لا داعي لهذا ، سينتهي كل هذا في خلال يومين كما تريد
الزعيم : سنري …الي اللقاء.
ديلفين: الي اللقاء.
اغلقت ديلفين الخط وهي تفكر ماذا ستفعل في الايام القادمة .

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية حور فتاة الثلج)