رواية احببت محارب الفصل العاشر 10 بقلم نشوة عادل

رواية احببت محارب الفصل العاشر 10 بقلم نشوة عادل

رواية احببت محارب البارت العاشر

رواية احببت محارب الجزء العاشر

رواية احببت محارب الحلقة العاشرة

-نزل سعد وسابها لوحدها بتعيط وفى وسط شهاقتها ودموعها جاتلها فكرة وعزمت ع تنفيذها غيرت هدومها ونزلت جابت اكل ودخلت عند العطار
العطار: اؤمرى يا مدام
كارمن : حضرتك انا عندى فى الشقة فار او اكتر تقريبا فكنت عاوزة حاجة ليهم عشان بخاف
العطار: يعنى اجيبلك لزقة مثلا؟!
كارمن: لا لازقة لا انا بخاف منهم ومحدش معايا ممكن تجيبلى سم فيران ولما يموتوا ابقى اقول للحارس يطلع يشيلهم وخلاص
العطار: تمام
احضر لها السم واخدته ورجعت ع البيت غيرت هدومها واتزينت ولبست فستان قصير ومثير وانتظرت عودة سعد ولما رجع صعق بجمالها
سعد بصفير: ايه الجمدان ده هى كارمن القديمة رجعت ولا ايه؟!
كارمن بدلع: ايوة رجعت اصل مفيش فايدة من الخناق والعكننة ودلوقتى انت جوزى وابو ابنى حتى لو اطلقنا نقضى وقت لطيف مع بعض وهو فى الحلال ولا ايه يا بيبى
قرب منها سعد وقبلها بشغف وهى قرفانة منه ابتعد عنها وحملها ليذهب الى الغرفة
كارمن: استنى بس يا مجنون انا جعانة
سعد: جعانة ايه بس دلوقتى فيه حاجات اهم بصراحة وانا مش قادر اقاوم جمالك ده
كارمن بدلع: اخص عليك يا بيبى يرضيك يعنى ابقى جعانة كده طب عشان خاطر النونو طيب
سعد بغمزة: ماشى يا سيتى نستحمل عشان خاطر عيونك
كارمن: طب يالا تعالى كل معايا
سعد: انا مش جعان دلوقتى كلى انتى
كارمن بتمثيل الزعل: ايه ده بقى انا مستنياك من ساعتها تاكل معايا عشان تفتح نفسى وتشجعنى تقولى مش واكل طب خلاص انا كمان مش هاكل هيه
سعد: بس بس خلاص متلويش بوزك ده تعالى يا سيتى ناكل حاضر
قعدت كارمن ابتدت تاكل وتاكله بايدها بعد وقت بسيط ابتدى سعد يحس بوجع شديد ببطنه وكذلك كارمن
سعد بوجع: انت…..انتى حطيتى ايه فى الاكل
كارمن بعياط وبوجع: عملت اللى كان لازم يحصل كان لازم اخلص منك بعد ما اخدت منى شر..فى وابتزتنى وذلتنى وحتى مفيش عندك ذرة ندم ومكمل فى عمايلك السودة كنت لازم تموت اللى زيك حرام يعيش حرام يإذى الناس بوجوده وانا خلصتهم منك
سعد بوجع: مش هسيبك يا كارمن اااااااه
كارمن بضحكة قهر: متقلقش انا وانت مصيرنا جهنم سوى مكنش ينفع اكمل حياتى مكسورة واسمح لطفل من الحرام يجى ع وش الدنيا
كل واحد فيهم كان بيتألم من الوجع وبعد فترة بسيطة ابتدى ينزل من فمهم سائل ابيض ولفظوا انفاسهم الاخيرة فى نفس الوقت …. بعد يومين انتشر خبر وفاة بنت رجل الاعمال الشهير وزوجها مسمومين
مالك: احمد عرفت اللى حصل؟
احمد باستغراب: فى ايه يا ابنى !
مالك: بيقولوا ان كارمن وسعد ماتوا مسمومين وجثتهم فى المشرحة حاليا
احمد بصدمة: ايه؟! لا حول ولا قوة إلا بالله العلي العظيم ربنا يرحمهم ويسامحهم
مالك: انت مش زعلان عليها؟!
احمد: بالعكس والله زعلان عليها انها وصلت نفسها لكده مع انها مكانتش وحشة زى ما الناس فاهمة بس هى اللى حطت نفسها فى الشكل ده وكله بسبب اهلها
مالك: طيب هسيبك انا واروح اخد تقى للدكتور لانها بقالها فترة بتشتكى بوجع فى بطنها
احمد: اشطا وانا كمان هروح لسجى وضحى لجنة الامتحان عشان اشوفهم عملوا ايه
خرجوا مع بعض وكل واحد راح مشواره ….. عند احمد : ها طمنونى
سجى: الامتحان كان كويس الحمدلله
ضحى: كويس ايه يا ظالمة ده صعب جدا وانا سيبت تلات اسئلة معرفتش احلهم
احمد: مس مشكلة حصل خير ننسى اللى عدى ونركز فى الجاى ان شاء الله تعوضى فى الجاى يا قلبى
سجى: احم احم نحن هنا
احمد: هى قلبى وانتى روحى تمام كده
ضحكوا الاثنين واخدهم روحهم …. اما عند مالك وتقى بعد الفحص قالت الدكتورة: الف مبروك يا جماعة المدام حامل
مالك بفرحة: بجد يا دكتورة طب حامل فى ايه؟!
الدكتورة: لسه معرفش نقدر نحدد نوع الجنين فى الشهر التالت وهى لسه فى اول اسبوع
مالك: مش مهم كل اللى يجيبه ربنا كويس اكيد مع انى نفسى تكون بنوتة حلوة كده زيها
ابتسمت تقى بخجل وقرصته من ايده طلبت تقى من مالك يسيبها مع الدكتورة عشان عايزة تسألها ع حاجة خاصة ومحروجة منه فتفهم مالك ده وخرج
تقى: لو سمحتى يا دكتورة انا كنت مريضة كانسر واتعالجت منه الحمدلله هو ممكن ده يأثر ع الجنين فى حاجة؟!
الدكتورة:، لا متقلقيش نتيجة الفحص بتاعتك كويسة جدا وكمان كتبتلك ع تحاليل برضه عشان نطمن اكتر اهم حاجة تلتزمى بالفيتامينات والبروتينات عشان جسمك ضعيف
تقى بارتياح: شكرا جدا لحضرتك عن اذنك
يعدى الوقت ونتيجة ثانوى عام تظهر وتقى تدخل كلية طب اسنان اما ضحى فاختارت تدخل اعلام
احمد: اظن كده الحمدلله موال الثانوى ارتحنا منه وقدمنا بالكلية ايه رأيكم بقى نحدد ميعاد الفرح!
امل: مستعجل ع ايه بس يا ابنى
احمد: يا امى كفاية كده عليا والله بصراحة مش قادر ع بعدها اكتر من كده
مالك بضحك: الواد استوى الحقوه قبل البرج اللى فى عقله يهوى
يوسف: خلاص ان شاء الله كتب الكتاب اخر الاسبوع والفرح نخليه قبل الكلية ما تبدأ
احمد: اتفقنا
بالفعل اتعمل الفرح واخيرا جوز عصافير الحب التانيين دخلوا العش بتاعهم وبقت سجى زوجة احمد قولا وفعلا
بعد نهاية اليوم كان يوسف واقف ادام صورة ابوه بحب وبيقول: الحمدلله يا بابا الامنتين اللى اللى سيبتهم برقبتى بقوا فى ايد امينة تانية سجى النونو كبرت وبقت عروسة وتقى كام شهر وتجيبلى نونو يقولى يا خالو نام وارتاح يا حاج
مودة وهى بتحضنه من ضهره: الحمدلله يا حبيبى انت كنت ونعم الاخ والسند والزوج الصالح والابن البار والاب الحنون
يوسف: ومن حظى الحلو ان ربنا رزقنى بزوجة زيك كانت جنبى فى اصعب ايامى وعمرها ما قصرت اتجاهى انا لو عيشت عمرى كله الاقيلك بديل مش هعرف اعوض ضفرك يا نور عينى
حضنته مودة بحب وهى بتقول: يا بخت اللى ونيسها فى رحلتها راجل يسندها🤍
خلاويص كده الحدوتة خلصت يا حلويين ميرسى من قلبى ع التفاعل الجامد ده وان شاء الله الجاى يكون اقوى واحسن

لقراءة جميع حلقات الرواية اضغط على : (رواية احببت محارب)