رواية ملاحقة زوجتي الفصل الثالث 3 بقلم نور محمد

عند ادهم ومراد في العربيه قدام الكباري’ه **

مراد بضحك:ههههه حلم حياتي بيتحقق ادهم السعدني حيدخل كباري’ه برجله اخيرا

ادهم بضيق ومش طايق نفسه:اسكت يامراد انا على اخري والله بقى مرات ادهم السعدني تدخل مكان زي ده

مراد بخبث:والعمل ديلوقتي ايه ياكبير حندخل ازاي بقى

ادهم بخنقه:حندخل كزباين طبعا بس تحترم نفسك جوه يامراد فاهم كلامي طبعا

مراد بضيق:يووه بقى كابت حريتي كده علطول انت يادهومي

ادهم:ياله ياض انا مش ناقص ديلوقتي

ولبسو هدووم شيك اوي ودخلو الكباري’ه **

مراد بخبث:ها مراتك قاعده فين هنا ياباشا

ادهم وهو ينظر لشمس التي تتحدث مع المدير المكان:هناك اهه ده نهار ابوها مش حيعدي معايا بت حاتم ايه الي لبساه ده

مراد بضحك ومشاغبه:بس الفستان حياكل منها حته والله

ادهم بغضب مفرطه لمراد:مررراد لم نفسك ياض دي مراتي

مراد بخبث:الله متروح تلمها هي احسن

ادهم بضيق:تمام تعالى لما نشوف اخرتها ايه

وقعدو على الطاوله في المكان وادهم شاور لجارسون هناك

ادهم:عاوز المدير هنا بسرعه ض

الجارسون:حاضر ياباشا..ونادى على المدير واجت معاه شمس كمان

المدير باحترام:نعم ياباشا تطلب حاجه معينه

ادهم وهو بيبص على شمس بغضب وغيره:اه عاوز احسن حاجه هنا

المدير شاور لشمس تاخد بالها منهم وقال:شوفي طلباتهم انتي ياشمس انا عندي شغل ممكن

شمس بمياعه:حاضر يامستر جميل

مشى المدير ومراد بص على شمس بضحك وقال لادهم:دي انحرف’ت وبقت شعبيه شعبيه

ضربه ادهم في جنبته وقال:لم نفسك ياض احسن ألمك في السجن النهاردا انا

مراد بخوف:خلاص ياعم مكنتش كلمه يعني

شمس وهي بتبص على مراد باعجاب:وانتو تطلباتكم ايه ياباشا منك ليه

مراد بتوتر:هي بتبص عليا كده ليه قولها متجوز انا والله

ادهم بضيق:لا شوفيلنا على زوقك انتي ياقمر

شمس وهي ليسا بتبص على مراد بتمعن:من عنيا ياباشا احلا حاجه هنا حتاجي ليك..ومشت من قدامهم

مراد بضحك:هي ليه مراتك كل مره معجبه بيا انا مش المفروض القلب بيحس برضو بحبك والا ايه

ادهم بغيره:اسكت خالص يامراد علشان انا على اخرى منها والله

بعد عشر دقايق اجت شمس ومعاها بنتين زي القمر

شمس بمياعه:اهو احلا مز’تين في المكان كله شوفو شغلكم بقى يابنات

البنات بسهوكه:حاضر يأبلتي

مراد بخوف وهمس: يشوفو شغل ايه ياادهم لا ياعم احنا متفقاش على كده

ادهم بضحك عليه:اثبت ياض امال عامل مقطع السمكه وديلها ليه وانت بتخاف كده من الاول

مراد بتوتر:لا ياعم انا كونت بهزر معاك بس ده لو اميره حبيبتي عرفت حتخلعني

ادهم بضحك:ههههه وبعدها نقول عليك خلعتك زي عمر وسلمي كده

قربت البنات وقعدو جنبهم ومراد بعد بخوف ومسك في ادهم

مراد بخوف:ابوس ايدك طلعني من هنا عاوز امشي

ادهم بحده:ابعد ياض وانشف كده حيقولو عليك ايه ديلوقتي ومش بعيد يطرودنا من هنا كمان

مراد وليسا ماسك فيه:لا يطرودنا احسن انا عاوز امشي والنبي

قربت بنت االاولى من مراد بدلع:في ايه ياباشا اهدى كده وخليك حلو وانت زي القمر وتهبل

مراد بخوف من شكلها:ابعدي ايدك يابت عني انا مش كده على فكره

البنت بضحكه عاليه:ههههه الله وطلعتي نوسه يابيضه

ادهم بضيق:اهو شوفت جبت الكلام لنفسك ازاي ابعد عني بقى

مراد بخوف وهمس:وحيات امك ماتسيبني ليهم والنبي

ادهم زقه بعيد بضيق:ابعد يخرب بيتك ليقولو انك منهم ياض وتضيعني معاك

قربت البنت تانيه من مراد وهو بعد اكتر:في ايه ياباشا اهدى كده انت جديد هنا والا ايه

مراد بقرف منها:ايوه جديد وابعدي ايدك الوسخ’ه دي عني

البنت نفخت بضيق وقامت:خساره اهو انتي الي خسرانه يانوسه

مراد بغيظ منها:اهو انتي الي نوسه يابت مش انا

ادهم بضحك:لا عرفت ترد فعلا يافرحه امك بيك ياض

مراد بضيق:قوم ياعم شوف مراتك فين خلينا نمشي من جهن’م دي

ادهم بضحك:حاضر يامرمر وخد بالك من نفسك لوحدك كويس

مراد بخنقه:ماشي ياعم ادهم ماشي

راح ادهم بيدور على شمس لقاها مع المدير بتتكلم قرب منهم

ادهم بغيره:ممكن اتكلم معاكي لو سمحتي

بصت عليه شمس برفعت حاجب:اسفه عندي فقره ديلوقتي بعد مااخلص ياباشا

ادهم بصدمه وغضب :نعم فقره ايه دي ياحلوه

شمس ببتسامه سخريه:فقره رق’ص ياعنيا امال احنا بتشتغل هنا ايه ياباشا

وسابته وراحت على المسرح في المكان بص عليها ادهم بغضب جامح وماسك نفسه بالعافيه منها علشان ميطلعش روح’ها في ايده ديلوقتي

ادهم في نفسه بهدووء شويه:اهدى ياادهم دي مريضه متعرفش بتعمل ايه بس كله حيطلع عليها لما تخف بس

وراح عندها على المسرح ووقف بودي جارد ليها من الناس الي حوليها السكران’ين

وعند مراد كان قاعد ليسا خايف وبيبص حوليه على الناس بقرف منهم وفجئه قربت بنت ملكه جمال منه وحطت ايدها عليه ليتفض هو منها.. وبعد بعيد عنها

البنت ببتسامه:مالك ياباشا كده خايف دنا حتي سبت كل الي في المكان واجيت عندك انت علشان عجبتني بصراحه

بص مراد عليها بقرف منها:لا شكرا روحي شوفي شغلك بعيد احسن

قربت اكتر منه:الله طب اهدي كده تصدق انت احلا واحد هنا ومز اوي كمان

مراد بتوتر:روحي يابتي الله يسهلك مش عاوز حاجه انا

البنت بخبث:طيب قاعد والا طالع بره

مراد بعدم فهم:نعم قصدك ايه

البنت بضحكه عاليه:ههههه قصدي ليلت’ك هنا والا في مكان بره

مراد بعد مافهم قصدها:لا هنا والا بره اتكلي على الله ياحلوه انا مجوز وبحب مراتي ياماما هش من هنا بقى

البنت بضيق:الله امال جاي هنا ليه مدام متنيل على عينك بتحبها عالم تقر’ف بصحيح

مراد بغضب:امشي يابت احسن اتغابى عليكي ومنه لله الي كان السبب ياشيخه..بصت عليه بقرف وقامت

نروح عند السبب احم قصدي ادهم وشمس **

كان ادهم زي التور بيتفرم في النص وهو بيبعد الناس عنها لحد مااجه واحد سكرا’ن طينه وقرب منها وهي خافت رجعت ووقفت في مكانها من الخوف ادهم خد باله بسرعه وقف قدامها

ادهم بحده:على فين يااخ انت ارجع احسلك

الراجل بسكر:ابعد ياشاطر ده مش شغلك انا بدفع فلوس هنا

ادهم بغضب:عارف لو قربت خطوه انا حندمك على الحركه دي

ضحك الراجل بصوت عالي وقرب برضو منها اتعصب ادهم وضربه في وشه وقع اغمى عليه

اجه المدير ومعاه البودي جارد المكان بسرعه

المدير بغضب:مين عمل كده في الباشا عصام

ادهم بقوه:انا عملت كده ولو حد قرب حفرمه كمان

المدير بغضب اكبر:شوفو شغلكم معاه..وهو بيشاور لبودى جارد حواليه

شمس خافت واستخبت خلف ادهم الي حاوطته البودي جارد كتير بعد ادهم شمس عنه وشمر كمامه واستعد للمعركه فضل يضرب فيهم بس كانو كتير اوي وضربوه وخلاص يخصر لولا مراد صاحبه لحقه طبعا وخلصو عليهم بص ادهم على شمس ومسك ايدها

ادهم بحده:تعالى معايا بسرعه..امالت له واخد وطلعو

عند العربيه بره **

شمس بصت على جرح ادهم في وشه بحزن وطلعت علبه مطهر وقطنه كانت معاها وقربت تطهرله الجرح وادهم ابتسم على خوفها عليه

مراد بص عليهم بتأثر وقال:اهو مسلسل العشق الممنوع ابتدء جميل اوي والله

ضحكت شمس عليه:طيب الاول شكرا ياباشا على وقفتك معايا

ادهم:العفو ده واجبي والله وربنا يرحمني بقى من ام الحوار ده

شمس ببتسامه:طيب ياباشا قاعد والا طالع

ادهم بعد فهم:نعم قصدك ايه؟!

مراد بضحك:قصدها ليلت’ك هنا والا بره في حته تاني

ادهم بعد مافهم قصدها:لا طبعا شكرا مش عاوز

مراد ضربه في ايده وهمس:انت بتقول ايه واقف خلينا نخلص بقى

ادهم بضيق:لا ياعم انت عاوزني اشق’ط مراتي يعني

مراد بضحك:مش احسن ماحد تاني يشق’طها منك

ادهم بغضب:مرراد انت بتخرف بتقول ايه

مراد بخوف:الله هو الي بيقول الحق يبقى بيخرف ياادهومي

خرج راجل من المكان وبص علي شمس وهي واقفه قرب منها

الراجل بخبث:ايه الجميل فاضي النهاردا لينا والا ايه

بصت عليه شمس بدلع:اكيد ياباشا يا…قاطعها ادهم ومسك ايدها

ادهم بسرعه وغيره:لا ياشبح دي معايا انا الله يسهلك انت بقى

بص عليه الراجل بضيق ومشي وادهم اخد شمس جوه العربيه وساق لشقته

دخلت شمس وانبهرت بالمكان للمره التانيه:الله ايه الحلويات دي كلها

مراد بضحك على شكلها:اموت واعرف هي ليه بتنبهر كل مره بنفس المكان ده

ادهم بغيره:طرقنا بقى ياحلو كفايه كده

مراد بمرح:اهو انتو كلكم كده تاخدنا لحم وترمونا عظم الله يجازيك ياشيخ اهئ اهئ

ادهم ضحك غضب عنه:طب ياله ياظريف من هنا احسن اتغابى عليك

مراد بخوف ومرح:اميره اميره حب حياتي انا جاي اهو ياحياتي

ضحك ادهم عليه:ربنا يهديك يامراد على هبلك ده

بص على شمس ملقهاش دخل على اوضه النوم لقاها قدام الدولاب

ادهم:انتي بتعملي ايه عندك

شمس ببتسامه:بشوف لبس حلو هنا والا لا

ادهم:اه تمام انا حطلب اكل وانتي خدي راحتك خالص

خرج يطلب اكل وشمس لقت هدووم كتير حلوه اخدت منها فستان ضيق وقصير بس عسل عليها لما لبسته

دخل ادهم بأكل انصدم من جمالها وبلع ريقه وهو بيبص على الساعه لقاها٥٥ :١١ دقيقه على منتصف الليل

حط الاكل وقربت شمس واكلو سوى بعد ماخمس دقايق خلصو بص ادهم عليها لقاها سارحه ومش بتتحرك

ادهم بخوف:شمس ياحبيبتي مالك ردي عليا

بصت عليه باستغراب:ادهم انت كونت فين ياحبيبي وانا ايه الي لابساه ده بس

ادهم ببتسامه بعد ماعرف انها فاقت اخير:انا جنبك ياحبيبتي ممشتش والله وبعدين ايه الجمال ده كله ياقمر

شمس بخجل ووشها حمر من كلامه:بجد يادهم انا جميله كده

قرب عليها وقبلها بحب واشتياق:احلا شمس في حياتي كلها.. وغمز ليها..ووحشاني اوي كمان

بعدها شالها وهي دفنت وشها في حضنه بحب وزهبو لعالمه الجميل ربنا معاهم بقى

تاني يوم الصبح صحي ادهم بتعب وملقاش شمس زي كل يوم

مسك فونه بضيق ورن:ها يابني فين المره دي كمان

الراجل على الفون:هي هي بصراحه دخلت في قصر المهدي ياباشا وسئلت قالو بتشتغل هنا يعني قصدي

نهض ادهم بفزع:قصر المهدي وبتشتغل هناك كمان يعني بقت خدامه نهار اسمر عليا انا حاجي فورا وامري لله

يتبع ….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاحقة زوجتي)