رواية سهر الفصل الخامس عشر 15 بقلم إسراء محمد

رواية سهر الفصل الخامس عشر 15 بقلم إسراء محمد

رواية سهر البارت الخامس عشر

رواية سهر الجزء الخامس عشر

رواية سهر الحلقة الخامسة عشر

وجه يوم الجمعه
وجه العريس ومامته
وزيدان استقبلهم ورحب بيهم
وقعدوا يتكلموا شويه
وبعدين نده سهر
سهر دخلت بالحاجه الساقعه
وسلمت علي ناهد ولسه بتلف عشان تسلم علي العريس
ديما : الحقي يا مامي ريتا وقعت من علي السرير
جريت سهر تشوف بنتها
وراحت شالتها واتطمنت عليها وحطتها علي السرير تاني ورجعت للعريس
سهر : انا اسفه علي اللي حصل بس غصب عني
ناهد : ولا يهمك مفيش حاجه
العريس : هي كويسه
سهر بتبص ناحية الصوت واتفاجأت باللي موجود
وقالت : انت هنا لي
سمير : البنت كويسه
سهر : اه كويسه انت هنا لي بقي
سمير : عشان اشوف عروستي عندك مانع
سهر بغباء : فين عروستك دي
سمير : شكل الخضه أثرت على تفكيرك
سهر : قصدك اي
سمير : قصدي ان انتي عروستي
سهر بغباء اكتر : انا ازاي
سمير : يعني اي انتي ازاي
سهر : يعني انت العريس اللي بعتلي مامتك الاسبوع اللي فات
سمير : اه ومامتي معايا اهي عشان تصدقي ان انا العريس
سهر : ولما انت العريس لي سألتني عملت اي مع العريس
سمير : كنت عايز اشوف ردك هيبقي اي لما اسألك لقيتك بتحوري بس عاجبني تحوريك
سهر : طب انا مش موافقه
سمير : لا هتوافقي
سهر : مش بمزاجك انا مش موافقه
سمير : لا هتوافقي وبمزاجك انتي وهتبقي مستريحه كمان وانتي بتوافقي
سهر : مين اللي قالك كده
سمير : عيونك اللي كل ما ابص فيهم بيقولوا كده
سهر اتكسفت وبصت في الارض
ناهد : عاجبك كده اهي اتكسفت
سمير : بص يا عمي انا جيت النهارده عشان سهر تعرف مين هو العريس لكن بالنسبالي انا نفسي نقرأ الفاتحه دلوقتي
قاطعته سهر : اي السرعه اللي بتتكلم بيها دي
سمير : سيبني اكمل كلامي
سهر : كمل
سمير : الجمعه الجايه ان شاء الله هجيب ابويا واختي ونقرأ الفاتحه
سهر : يعني اللي انت بتقوله ده مش بسرعه
سمير : فين السرعه احنا لسه هنقرأها بعد اسبوع
سهر بتريقه : لا ده كتير والله كتر خيرك انك مديني اسبوع بس اجهز نفسي فيه
سمير : وانتي عايزه مده اكتر من كده
سهر : اختك لما جت تتجوز قرأتوا الفاتحه بعد قد اي من مقابلة عريسها
سمير : قرأنها في نفس اليوم اللي اتقدملها فيه
سهر بخضه : نعم
ناهد بضحك : اصل جوزها يبقي ابن اختي وهما بيحبوا بعض من وهما صغيرين عشان كده لما اتقدم قرأنها في نفس اليوم
سهر : اممممم ده ابن خالتها انا بقي مش بنت خالتك ومكنتش عامله حسابي علي الجواز اصلا وانت عارف
سمير : عارف بس خلاص انتي وافقتي وخير البر عاجله
زيدان : خلاص بقي يا سهر وافقي واحنا عارفين سمير من بدري وعارفين اخلاقه
سهر : طب مش اعرف هنسكن فين مرتبه كام ولا هوافق من غير ما اعرف
سمير : عندي شقتي في نفس الشارع بتاع المطعم والقبض انتي عارفه انه مش ثابت
سهر : طب انا عشان اوافق ليا شرط
سمير : اشرطي براحتك
سهر : بابا هيعيش معانا
سمير : انا بحاول اقنعه من بدري بالموضوع ده وهو رافض فاقنعيه انتي
سهر : يعني انت معندكش مشكله
سمير : اكيد لا
سهر : خلاص يا بابا لو موافقتش تعيش معانا انا هرفض الجواز
زيدان : لا ملكيش دعوه بيا روحي انتي والبنات عيشوا معاه وانا هعيش هنا
سهر : لا خلاص مش هتجوز
ناهد : طب انت رافض لي يا استاذ زيدان
زيدان : عشان يبقوا علي راحتهم وكفايه عليهم البنات
سمير : انا هبقي مرتاح وانت معانا
سهر : موافقتي علي الجوازه دي واقفه علي موافقتك علي العيشه معانا شوف انت بقي عايز اي وانا هعمله
زيدان بقله حيله : هات يا ابني ابوك واختك الجمعه الجايه
سهر : يعني وافقت
زيدان : امري لله هعمل ايه
ناهد زغرطت واستأذنوا ومشيوا
مشيره سمعت الزغاريط
فهمت ان سهر وافقت
سمير وناهد وهما نازلين قابلوا احمد
احمد باستغراب : بتعمل ايه هنا
سمير : جاي اخطب
احمد : اه يا جزمه يعني عامل الفيلم ده كله عشان تعملها مفاجأة
سمير : احترمني طيب قدام امي
احمد : لامؤاخذه يا طنط
ناهد : مفيش مشكله
وبصت لسمير بمعني مين ده
سمير : احمد صاحبي وجار سهر وهو كان السبب في معرفتي بيها
ناهد : اهلا وسهلا
احمد : اهلا بحضرتك ، تعالوا اتفضلوا عندي طيب
ناهد : لا انت اللي هتتفضل ان شاء الله الجمعه الجايه عند سهر عشان قراية الفاتحه
احمد : بجد الف مبروك
سمير : الله يبارك فيك
ناهد : عقبالك
مشيره خرجت علي الكلمه
وقالت بانفعال : عقبال مين يا عنيا
سمير بضحك : البس
احمد باس راسها
وقال : طنط قالتها بعفويه عشان متعرفش اني متجوز بس
مشيره : طنط مين دي كمان
احمد : طنط دي مامت سمير خطيب سهر
مشيره بندم : انا اسفه حقك عليا
ناهد : ولا يهمك مفيش حاجه انا فعلا مكنتش اعرف انه متجوز
مشيره : حصل خير ، بس لحظه واحده انت قولت خطيب سهر
احمد : اه البيه طلع هو العريس وبيشتغلنا كلنا
مشيره : لولا ان حرام قتل النفس كنت قتلتك علي الخضه اللي انت عيشتنا فيها الاسبوعين اللي فاتوا
سمير بضحك : لي بس كده
احمد : اصلها عارفه انك بتحب سهر من اول مره جيت فيها وكانت مستغربه من ردة فعلك لما عرفت ان جايلها عريس
سمير : امممم معلش بقي لزوم الساسبنس
مشيره : طب تعالوا اتفضلوا
سمير : لا هنمشي دلوقتي وهنيجي الجمعه الجايه تكوني عملالنا كيكه الفراوله اللي انتي بتعمليها دي عشان نأكلها بعد قراية الفاتحه
مشيره : عيني
ناهد : تسلم عيونك
ومشيوا
ومشيره راحت لسهر
وقعدوا يتكلموا ومشيره كانت فرحانه ان سهر أخيراً هتتخطب وتشوف حياتها بعد ما كانت قافله الموضوع ده ومش راضيه تاخد خطوه فيه
ومر اسبوع من غير احداث جديده
وجه يوم الجمعه
وسمير وأهله جم
زيدان استقبلهم ورحب بيهم
وقعدوا وسهر دخلت قدمت العصير وكان مشيره واحمد موجودين والبنات كمان كانت موجوده
والد سمير ويدعي عبدالعزيز
قال : احنا يشرفنا اننا نطلب ايد بنتك لابني يا زيزو
زيدان باستغراب : انت عرفت منين الاسم ده
عبدالعزيز : فكر كده مين كان بيندهك بيه
زيدان : هو شكلك مش غريب عليا حاسس اني اعرفك
عبدالعزيز : انا بقي عرفتك من اول ما دخلت
زيدان : طب فكرني مين
عبدالعزيز : كنت انت وحد تاني من صحابك دلعكم زيزو
زيدان : ايوه صح بس انت عرفت منين
عبدالعزيز : ركز في الشكل وانت هتعرف
زيدان قعد يبصله شويه وفي الاخر
قال : عبدالعزيز
عبدالعزيز : ايوه يا زيدان
وقام خدوا بعض بالحضن
زيدان : وحشتني اوي يا زيزو
عبدالعزيز : وانت كمان والله
زيدان : انا كنت فقدت الامل اني هشوفك تاني وكنت زعلان ان اللي باقي من ذكرياتنا صور وبس
عبدالعزيز : اهو شوفنا بعض تاني وواديني جاي النهارده كمان عشان اخطب بنتك لابني
زيدان : انا مش مصدق والله
ناهد : انتوا تعرفوا بعض منين
عبدالعزيز : زيدان ده صديق الطفوله وكنا مع بعض لحد ما عزلنا من جنبهم بعد جوازنا ده حتي شهد علي عقد جوازنا
ناهد : ايوه افتكرت
سمير : طب ممكن تكملوا ذكرياتكوا دي بعدين ونقرأ الفاتحه دلوقتي
عبدالعزيز : لو زيدان قال اه يبقي نقرأها
زيدان : نقرأها طبعا
وقرأوا الفاتحه
وزغرطوا وباركوا لسمير وسهر
ومشيره قامت جابت الكيكه وقدمتها وسهر جابت حاجه ساقعه
سمير : بصي بقي قدامهم اهو انا مش هعمل خطوبه

يتبع…..

لقراءة الفصل التالي : اضغط هنا

لقراءة جميع حلقات الرواية اضغط على : (رواية سهر)