رواية كيد النساء وقهر الرجال الفصل التاسع والعشرون 29 بقلم منى محمود

رواية كيد النساء وقهر الرجال الفصل التاسع والعشرون 29 بقلم منى محمود

رواية كيد النساء وقهر الرجال البارت التاسع والعشرون

رواية كيد النساء وقهر الرجال الجزء التاسع والعشرون

رواية كيد النساء وقهر الرجال الحلقة التاسعة والعشرون

ياسين كان في البيت بيحضر نفسه عشان يروح المستشفى لجلال وقبل ما ينزل طلع تلفونه ورن علي اسماء
اسماء :
_ الو
ياسين :
_ فينيك ؟ واوعي تكوني لسه مجهزتيش هزعلك والله
اسماء :
_ للاسف مش هقدر اروح والله يا ياسين
ياسين كشر :
_ ليه بقا أن شاء الله ؟ احنا مش كنا متفقين ؟
اسماء :
_ ايلين سخنة من امبارح ولسه الحرارة منزلتش لحد دلوقتي ونونا لسه داخله من الباب مع امير وشكلها مرهق جدا بعملها ااكله حلوة كدة وهفضل جنبها هي وايلين مش هعرف انزل طبعا
ياسين :
_ ولما ايلين تعبانة من امبارح يا اسماء متصلتيش بيا ليه ؟ انتي بتهزري صح
اسماء :
_ براحة بس ومتخنليش صوتك .. دا دور برد عادي جدا وانا بديها الادويه بتاعتها يومين كدة وهيروح أن شاء الله مفيش حاجة
ياسين بضيق :
_ بقولك ايه انا معرفش كل دا البنت تعبانة من امبارح تروح تكشف ونتطمن عليها فرصه أن نونا عندك هعدي عليكم ب دكتور اطفال الاول واطمن عليها وبعدين اروح ل جلال المستشفى اشوفو تمام يلا سلام
اسماء :
_ استني بس يا ياسين الو ا
قفل ياسين السكة ومستناش يسمع منها أي اعتراض وغير وجهته ل بيت نوال عشان يطمن بنفسه علي ايلين
❈-❈-❈
هند حبت تدي فرصه ل الاء وعاصم أنهم يحلو خلافهم سوا عارفه أن اختها عنيدة ف بعتت رساله ل عاصم أنهم في المستشفى عند جلال عشان يجي ويصالح الاء وعاصم مكدبش خبر وسار كل اللي في أيديه ونزل جري ع هناك
في المستشفى الكل كان حوالين جودي وجلال
هناء :
_ بس الحمد لله يا قلبي انا حسه أن انتي انهاردة احسن من امبارح شويه
جدي ابتسمت بتعب :
_ الحمد لله يا حبيبتي … جلال انا عايزة اشوف جميلة بقا بالله عليك وديني اشوفها واشبع منها
جلال :
_ حاضر يا حبيبتي شويه كدة بس وهروح للدكتور واقولو حاضر
احلام :
_ هي عاملة ايه دلوقتي ؟
جلال :
_ الحمد لله هي كمان بتتحسن احنا كنا فين وبقينا فين الحمد لله يارب
شريف :
_ أن شاء الله يومين متعبين ويعدو وتنورو بيتكم تاني ومعاكم برنسس جميلة
جلال وجودي بتمني :
_ يااااااااارب
الاء :
_ ممكن يعني اسال سؤال ؟
هناء :
_ عايزة ايه يا لمضي هانم
الاء :
_ بغض النظر عن نبرة السخريه اللي في كلام حضرتك بس انا فضولي هيموتني ف لازم اتجاهل السخريه واسال سؤالي
جلال ضحك :
_ يا بنتي ايه كل دا اسئلي وخلصينا
الاء بتفكير :
_ هو ازاي كان في اتنين بيبي وازاي انت كل كلامك عن ان هو بيبي واحد و ولد ؟ افهم معلش
هناء بغضب مكتوم :
_ انتي متخلفه يا حبيبتي دا وقته دا هه
الاء حست انها عكت الدنيا :
_ احم سوري خلاص مش عايزة افهم حاجة
جودي ابتسمت بحزن :
_ جلال بس اللي كان عارف انهم تؤام ورفض يقولي لما حس اني خايفه اوي المرة دي ومتوترة ديما
شريف حب يغير الموضوع :
_ اديها ارضت فضولك يا الاء اي خدمة يا ستي
الاء ابتسمت باحراج :
_ شكرا شكرا … طب اخر سؤال معلش مين سماها جميلة ؟ انت يا جلجل ولا جودي ؟
هناء كشرت :
_ مش هنخلص من وصلة الزن دي صح
الاء كشرت :
_ انا عملت ايه بس والله انتي ام ظالمة علي فكرة بس هه
هناء :
_ انا !! انا ام ظالمة يا زفتة انتي
جودي ضحكت :
_ حرام عليكم والله تعبانة مش قادرة اضحك
جلال :
_ انا اللي سمتيها يا ستي ها في اي اسئله تانيه
الاء :
_ ومالك يا جلجل بتكلمني من تحت الضرس كدة ليه الا أكون مضايقاك ولا حاجة بسؤالاتي الكتيره
جلال ابتسم برخامة:
_ كلك نظر والله
شريف ضحك :
_ حرام عليكم والله كلكم جايين عليها كدة ليه
الاء بضيق :
_ قولهم يا بشمهندس اه يانا يا مظلومة يانا
هند تلفونها نور بصت فيه وقفلته وقامت وقفت
هند :
_ بقولك ايه بدل ما محدش طايقك كدة تعالي ننزل نجيب حاجة نأكلها ولا نشربها
جلال بسخريه :
_ انتم ليه محسسني انكم خارجين النادي تغيرو جو احنا في مستشفى والله
هند :
_ يعني هما الناس ف المستشفيات بيصومو يعني ولا ايه مش فاهمه
الاء :
_ انا اعرف يختي جايين نشوفو هو ومراته مش طيقنا كدة ليه زي ما نكون اكلنا رز وبسلة وهو لا
شريف وهو بتضحك :
_ اكلتم ايه ؟ هههههههههههههههه انتي بتقولي ايه ؟
الاء لسه هترد كانت هند شدتها ناحيه الباب :
_ انتي لسه هتردي يلا بقا اها عايزة اشوف اي سندوتش جعانه
بعد ما نزلو جلال خرج هو كمان يشوف الدكتور عشان جودي تشوف جميلة
وهناء انشغلت ب جودي بتحاول تأكلها تفاحة بالعافيه
شريف بص علي احلام لاقها مكشرة جدا وزي ما تكون عايزة تعيط بس كتمة الدموع في عينها مسك ايديها ودخلو البلكونة
شريف بقلق :
_ في ايه مالك ؟
احلام بعصيبه :
_ يا سلام ملاك اوي حضرتك ومش عارف مالي صح
شريف بقوة :
_ احلام صوتك ميعلاش في حاجة ضايقتك قولي علي طول لكن عصبيه وعلو صوت لا مفهوم ولا لا ؟
احلام بكسرة :
_ مفهوم يا يا باشمهندس عن ازنك انا معنديش كلام دلوقتي اقولو
سابته ودخلت وهو اتنهد بغضب وتعب مش فاهم مالها ومضايق أنه زعلها فوق ما هي زعلانة في نفس الوقت مبيقدرش يتحكم في نفسه لما بتعلي صوتها معاه
دخل وراها كانت قعدت مكانها تاني بهدوء وساكتة تماما
❈-❈-❈
عند هند والاء مجرد ما دخلو كافتيريا المستشفى اتفاجات الاء ب عاصم قاعد واول ما لمحها وقف وابتسم بحب وشوق
بصت الاء ل هند ب غضب ولسه هتتحرك علي برة مسكتها هند
_ من غير عصبيه ولا صوت عالي ولا هروب اي كان قرارك اي كان اللي جواكي هتروح دلوقتي وتقعدي مع عاصم وتخلصي كل حاجة وانا معاكي وجمبك في اي قرار هتاخدية لكن هروب تاني لا كفاينا هروب يا الاء
الاء بدموع :
_ مش قادرة اتكلم يا هند حرام عليكي ليه تعملي فيا كدة
عاصم من وراها بحزن :
_ انا مش هاخد من وقتك كتير اسمعيني بس لمرة أخيرة وبعدها احكمي عليا براحتك ارجوكي يا الاء
هند بصلتها بتشجيع لفت الاء من غير ما تبصله وقعدت علي تربيزة منعزله شويه وهند قعدت علي تربيزة تانيه قريبه منهم وطلبت قهوة وفتحت تلفونها تتشات مع امير
❈-❈-❈
عند عاصم والاء
الاء بدموع :
_ اتفضل قول ال عندك وخلصني
عاصم :
_ حاضر يا الاء هقول … باختصار شديد غيابي دا مكنش مهمة عاديه وانا بدتها عليكي غيابي كان بسبب ظهور عمتك
الاء بعدم استيعاب :
_ عمتي !! عمتي مين يا عاصم ؟؟ انت جاي تشتغلني ولا ايه بالظبط
عاصم :
_ عمتك كاميليا يا الاء ايه نسيتها ولا اية !
الاء بذهول :
_ ايه اللي بتقوله دا يا عاصم انا انا مش فاهمه حاجة
عاصم :
_ انا هحكيلك كل حاجة من الاول
❈-❈-❈
عند هند بعتت ل امير
_ هاي فينيك
بعد دقيقه امير رد :
_ هاي … في البيت انتي فينيك
هند :
_ في المستشفى … ايه هتيجي امتي ؟
امير :
_ مش عارف امتي بالظبط بس ماما نايمة تعبانة ف اسماء قالتلي اسيبها نايمة وانزل اروح ل جلال المستشفى عشان لو احتاج حاجة وابقي ارجع ع ياسين ابات معاه بس اسماء معاها تيا واولادها حاسس ان كدة بنتقل عليها ف مش عارف اعمل ايه
هند :
_ امير متقفلش الشات ثانيه واحدة اوك اوعي تقفل
امير باستغراب:
_ مع اني مش فاهم حاجه بس اوك
هند قفلت الشات وبسرعه اتصلت علي هناء
هناء :
_ اية يا نودا فينكم اتاخرتو اوي دا بابا وصل وبيسال عليكم
هند :
_ ماما عاصم هنا مع الاء في الكافتيريا بيتكلمو مع بعض عشان يصفو ال بينهم
هناء :
_ طلعتي مش سهله يا نودا اكيد دا من تخطيطك صح
هند بتوتر :
_ بصي بصراحة اه بس انا يعني مش مكلماكي عشان كدة
هناء :
_ في ايه يا هند
هند حكتلها أنها عرفت من امير أن نوال تعبانة واسماء كدة هتبقي قاعدة ب تيا واولادها ونونا كمان ف يعني كنت عايزة يعني احم
هناء ابتسمت :
_ عايزة تروحي تباتي مع اسماء عشان تساعديها يعني ؟ مش كدة ؟
هند :
_ بصراحة اه يا مامي ينفع ؟
هناء :
_ انا معنديش مشكلة بس خليني استأذن باباكي واقولك استني ثانيه واحدة
هناء غابت دقيقه ورجعت :
_ تمام يا نودا بابا موافق وقال ل شريف يوصلك بنفسه ل هناك وهو مروح
هند ابتسمت :
_ ميرسي يا مامي باي بقا الحق اكلمهم اقولهم اني رايحة باي
قفلت هند ورجعت ل امير تاني
_ امير انت هنا ولا قفلت
امير رد :
_ لا مستني افهم ايه الجنان دا
هند :
_ ولا جنان ولا حاجة بص يا سيدي انا استأذنت من بابا وماما وهاجي ابات انهاردة مع اسماء ونونا وشريف وهو نازل من هنا هيوصلني ف سكته ل عندكم
امير :
_ ليه كدة يا هند يعني أنا بفضفض معاكي عشان انتي تتعبي نفسك كدة لا طبعا انا هتصرف
هند :
_ والله هزعل منك يا أمير اولا اسماء صحبتي وانت عارف ان الفترة الأخيرة قربنا من بعض انا وهي رغم أن سننا مش واحد بس دماغنا تقريبا واحدة ثانيه نونا غاليه عليا اوي اوي اوي انا بعمل دا عشانهم يا سيدي مش عشانك
امير
لا رد
هند :
_ امير … امير رحت فين ؟؟ انت يا ابني ف. ايه ؟ متقلقنيش
امير :
_ مفيش حاجة معاكي … اوكي يا هند هستناكي ولما تيجي هبقي انزل المستشفى مع ياسين هو جاي ع هنا عشان ايلين بنت اسماء تعبانة وهو جايب دكتور وجاي هنستناكي ولما تيجي هبقي انزل وانا وهو ل جلال اوك
هند :
_ اوك سلام مؤقت
امير :
_ سلام
قفل امير وملامح وشه كلها حزن وكلما واحدة بس قدامة
فرق السن اللي قالتها هند بعفويه في كلامها عن أسماء فوقته ل حقيقه كان بيهرب منها فرق السن بينهم و وضعه الاجتماعي اتنهد باحباط وقبل ما يفرق في أفكاره السلبيه تاني جرس الباب رن وقام عشان يشوف مين
❈-❈-❈
عند الاء وعاصم بعد ما حكلها كل حاجة دموعها كانت نازلة لوحدها خايفة متفجاة مش مستوعبة مشاعر كتير كانت جواها وكل اللي قدرت تعملو أنها تعيط وبس
عاصم بحزن :
_ عرفتي أن كان غصب عني … انا دلوقتي تايهه يا الاء … مش قادر علي الحمل دا لوحدي … بابا حاسس اني متغير ومصمم يعرف انا مخبي عليه ايه وانا مش قادر انطق .. وفي نفس الوقت لازم الكل يعرف مش عارف اتصرف بجد
الاء مسحت دموعها :
_ انت ازاي كنت شايل كل دا لوحدك هه ازاي
عاصم ابتسم بحب :
_ ما انتي اللي مفتريه واختفيتي ومبقتش عارف اوصلك نهائي اعمل ايه بقا
الاء :
_ والمهله اللي انت ادتهالها اد ايه
عاصم :
_ شهر فات حوالي نصه كدة
الاء :
_ بابا لو عرف ممكن يجراله حاجة يا عاصم بابا وضعه كمان اسوء من وضع عمي كامل
عاصم :
_ عارف يا الاء عارف وهو دا اللي مخليني مش عارف اتصرف
الاء :
_ طب خلينا نقول ل عمي كامل الاول كدة كدة الكل هيعرف خلينا نقوله هو الأول ونشوف رأيه هيكون ايه هو ادري مننا وغالبا كدة هو اللي هيبلغ بابا ب كل دا احنا مش هنقدر نعمل دا
عاصم :
_ طب ينفع تيجي معايا ؟
الاء :
_ اوك تعالي نطلع ليهم فوق واستاذن من بابا أننا هنخرج شويه عشان تصالحني وكدة ونطلع ع الفيلا ونقوله اوك
عاصم ابتسم بحب :
_ اوكي يا روحي يلا بينا
❈-❈-❈
اتحركت هند مع شريف واحلام ل بيت نوال
واتحركت الاء وعاصم ل فيلا كامل
وفضلت هناء ومحمود مع جلال وجودي
أما في البيت عند نوال كان وصل ياسين بالدكتور اللي أكد كلام اسماء أنه نزلة برد عاديه ولما شاف الادويه اللي هي بتديها ل ايلين قالها تستمر عليهم بدون اي اضافه ونزل
اسماء بنظرة انتصار :
_ ياربي بس لو كانت الناس تسمع الكلام وتبدل مناهدة كان هيحصل ايه بس هه
ياسين بغيظ :
_ بقولك ايه بطلي تلقيح كلام ايه المشكلة يعني لما نطمن مخسرناش حاجة … نونا عامله اي يا أمير مش سماع صوتها يعني
امير :
_ اتغدت ونامت علي طول واحنا مش راضيين نصحيها هند جايه هتبات مع اسماء وأنا هنزل معاك ع مستشفى وبعدها هروح معاك علي البيت
اسماء بحرج :
_ انا والله
قاطعها امير :
_ انتي والله اسفه واسطوانه كل مرة والله يا اسماء لو كملتي الكلام دا لما تصحي نونا ل اقولها وهي بتعرف تتصرف معاكي كويس اوي بلاش أوضح بقا
اسماء بمرح :
_ لا وعلي ايه الطيب احسن انا هروح اعملنا طقم قهوة حلو كدة علي ما هند وشريف يوصلو
❈-❈-❈
عاصم والاء وصلو فيلا كامل بصو ل بعض بتشجييع وفتح عاصم وهو راسم ابتسامة علي وشه لكنها اختفت تماما اول ما شاف المنظر اللي قدامة

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كيد النساء وقهر الرجال)