رواية حياه صعبه الفصل التاسع عشر 19 بقلم حور طه

رواية حياه صعبه الفصل التاسع عشر 19 بقلم حور طه

رواية حياه صعبه البارت التاسع عشر

رواية حياه صعبه الجزء التاسع عشر

رواية حياه صعبه الحلقة التاسعة عشر

=ليه نفس الجرح بينز,ف جواكي
= تتفاجئ برجوعه: انت بتقول ايه
عاكف اقترب عليها: ليه نفس الجرح بينز,ف جواكي
حياه بارتباك :عاكف ابعت وبلاش توهم نفسك بحاجات مش موجوده
عاكف اقترب اكثر :جاوبي على سؤالي وهسيبك تمشي
حياه تحاول ان تضبط انفاسها :افتكر ان انا عطيتك اجابه على كل اسئلتك من قبل لو سمحت سيبني امشي
عاكف: لكن في سؤال لسه ما اخذتش اجابته
حياه :واضح انك حابب تعيش في عالم الاوهام
عاكف: لو انا فعلا عايش في عالم الاوهام ايه اللي رجعك المطبخ تاني
حياه: رجعت علشان اخد ميه يا ريت تفوق بقى وتفهم ان احنا خلاص ما بقيناش لبعض
عاكف :ليه بتنكري ان قلبك هو اللي رجعك لما احس ان انا انجرحت ليه دايما بشوف في عينيكي حاجه مخبياها ومش عايزه تحكيها لكنها واضحه رغم كل تصرفاتك
حياه : واضح انك بتتفرج على مسلسلات تركيه كتير
عاكف شدها لحضنه اكثر وبحب :ليه نفس الجرح بينز,ف جواكي
حياه لا تتمالك مشاعرها اكثر : لاني لحد دلوقت
عاكف :لانك لحد دلوقت ايه
حياه بارتباك :بح
ليان بنعس :ماما عايزه اشرب
ينتفضوا الاثنين ويبعدوا عن بعض
حياه تاخد ليان تسقيها وتخرج من المطبخ وتقول بصوت منخفض :انت انقذتيني ياليان
ليان: انقذتك من ايه يا ماما
حياه تشيلها وتبوسها :ده وقت النوم يا حبيبه ماما
عاكف كان يقف في البلكونه ويتذكر لحظاتهم مع بعض من دقائق ويبتسم وشيء بداخله ياكد له انها ما زالت تحبه وان في شيء غامض في كل اللي بيحصل ده
💫💫💫💫💫ف اليوم التالي💫💫💫💫💫💫
الزبون :انت ايه اللي هببته ده
علاء بتعب: انا اسف يا فندم الصينيه وقعت مني غصب عني انا بعتذر
الزبون: الله يخر,ب بيت البر,شام اللي بتبلبعوه
علاء: لو سمحت انا اعتذرت منك ويا ريت تتكلم باسلوب احسن من كده
الزبون يرفع ايده علشان يضر,ب علاء؟ !
ولكن جمال يمسك ايده ويوقفه: الشاب اعتذر وقال لك ما كانش قصده& يا تقعد باحترامك يا شايف الباب اللي هناك ده تخرج منه بهدوء
جمال يلتفت على علاء ويشوف علامات التعب عليه: مالك يا ابني في حاجه انت كويس
علاء يشعر بدوران :انا كويس الحم .&ولا يكمل ويسقط مغمى عليه بحضن جمال
جمال بخوف : علاء؟ !! جهاز العربيه فورا لازما ناخد للدكتور
الدكتور يخرج من عند علاء
جمال: في ايه يا دكتور علاء كويس
الدكتور : حضرتك والده؟
جمال: لا !! ممكن تطمني عليه
الدكتور :كانت غيبوبه سكر بس الحمد لله عديت على خير هيفضل ساعتين تحت الملاحظه وبعدين تقدروا تخرجوا
الجمال استغراب: سكر ؟هو علاء مريض سكر ؟
الدكتور: ايوه ولازم ينتبه على نفسه اكتر لان السكر عنده بيرتفع بنسب عاليه جدا واضح ان هو مهمل في جرعه الانسولين
جمال :متشكره يا دكتور ممكن ادخل اطمن عليه
الدكتور :اه طبعا اتفضل
جمال يدخل الغرفه :حمد لله على السلامه يالمض
علاء بتعب :حضرتك اللي جبتني هنا
جمال :ايوه حضرتي اللي جبتك هنا &لما انت يا ابني مريض سكر ليه ما بتهتمش بعلاجك
علاء لا يستطيع ان يقول له انه اوقات لا يستطيع ان يشتري حقن الانسولين لانها غاليه عليه: حضرتك كنت عندنا في الكافيه ليه
جمال بابتسامه : كنت بقابل واحد هنا في الكافيه وشفتك بالصدفه والزبون الرخام ده بيتخانق معاك
علاء: الزباين الرخمه اللي زي كده خلاص اتعودنا عليها المهم انا بشكر حضرتك علشان اللي عملته في الكافيه ولانك جبتني المستشفى
الجمال : ما فيش داعي للشكر احنا اهلا ولا انت نسيت ان احنا نسايب
علاء بعفوهيه :يا ريتنا ما كنا
جمال بابتسامه :انت ليه ما بتحبش مصطفى
علاء :انت تستغرب لو لقيت ان في حد بيحبه
جمال :يا للدرجه دي انت بتكرهه طيب ليه اختك اتجوزته برضاها
علاء: اه طبعا& هو انا ممكن امشي من هنا انا بقيت كويس خلاص
الجمال: اه طبعا بس يعني الدكتور قال خليك ساعتين عشان يطمنوا عليك اكثر
علاء ينزل من علي السرير: لا انا الحمد لله بقيت كويس
علاء كاد ان يقع لانه ما زال يشعر بدوخه ولكن جمال يمسكه :يا ابني على مهلك ارتاح الساعتين دول زي ما الدكتور قال وبعدين هتروح مش هيحبسوك هنا
علاء يرجع يقعد تاني وجمال فضل معاه
✍️✍️✍️✍️✍️بقلمي حور طه✍️✍️✍️✍️✍️✍️
مراد :فين مصطفى يا طلال
طلال: اديني يومين يا ريس وهجيبه لك
مراد: قل لي لو المهمه كبيره عليك هكلف حد ثاني بيها
طلال :يا ريس انا ما قصرتش بس مصطفى تقريبا ما بيخرجش من الفيلا وجمال ما من الفيلا كويس قوي طير الطاير ما بيعديش من قدام الفيلا غير باذنه
مراد بانفعال: انا قلت لك عايز مصطفى لو حتى تحت سابع ارض تنزل وتجيبه لي انت فاهم
طلال :تحت امرك يا ريس يومين بالظبط وهيكون تحت رجليك
مراد بتفكير: انت عملت التحريات اللي انا قلت لك عليها
طلال: ايوه يا ريس كلها في الملف اللي قدام سيادتك ده
مراد :طيب اسمعني كويس قوي وافهم اللي اقوله لك ده وتنفذه بالحرف الواحد
طلال :اوامرك يا ريس
💫💫💫💫💫💫💫💫💫💫💫💫💫
عاكف :لسه ما وصلتوش لرافت
بهار :الظرف ده احنا لقيناه على مكتبه من يومين
عاكف ياخذ منها الظرفه ويفتحه وباستغراب :طلب استقاله وليه ما قدمهاش قبل ما يمشي
بهار :مش عارفه والله يعاكف بيها واضح ان هو جات له فرصه شغل افضل عشان كده مش من غير ما يتكلم
عاكف : تمام قولي لي السكرتيره بتاعته تجيب لي كل الملفات اللي كان شغال عليها
بهار: شغل رافت كله راح لمصطفى بيه هو المسؤول عنه دلوقتي
عاكف بدهشه : ومن امتى مصطفى بيشتغل ولا بيهتم بالشغل عايزك تعملي نسخه من كل الملفات اللي كان شغال عليها رافت قبل ما يمشي وتكون عندي في اسرع وقت
بهار :حاضر يعاكف بيه بعد اذنك
يرن هاتف عاكف : احمد عامل ايه طمني عليك
احمد: فاضي تعدي عليا شويه ولا مشغول
عاكف: والله مضغوط اليومين دول في الشركه بس لو في حاجه مهمه انا معاكي اتكلم
احمد: لا الكلام مش هينفع في التليفون لو ينفع تعدي عليا تعالى
عاكف:تمام هحاول اعدي عليك النهارده
💫💫💫💫💫💫💫💫💫💫💫💫💫
حياه :انت بتعمل ايه ابعت عني
مصطفى: انت ليه مش شايفه حبي ليكي
حياه: لاني مش شايفاك بني ادم اصلا يتحب
مصطفى: للدرجه دي بتحبيه ومش قادره تشوفي حد غيره
حياه :ايوه بحبه وما فيش حد هيدخل قلب غيره
مصطفى: بس انا جوزك وطول ما انا عايش مش هسمح لكم انكم تقربوا من بعض
حياه: انا بقيت بقر,ف منك واحد مريض نفسي
مصطفى يحاول يقرب منها :وانا هور,يك المريض النفسي ده هيعمل ايه
حياه تد,فعوا بعيد عنها وتجري على الحمام وتقفلوا عليها: انا لو همو,ت وهيكون اخر يوم في عمري مش هسمح لك انك تلمس,ني
مصطفى بعصبيه يحاول يفتح الباب :انت ليا مهما عندتي ومهما عملتي في النهايه هتبقي ليا ومحدش هيل,مسك غيري
حياه وببكاء: انا اللي بيني وبينك اتفاق ومجرد ما هيخلص هتبعد عني انا واخواتي
مصطفى: انت واخواتك الز,باله دول اروا,حكم في ايديا ولو كنت مفكره ان اللي بيني وبينك اتفاق فتبقي غلطانه انا سايبك بمزاجي قلت خليها تيجي برضاها احسن بس من الواضح انك عايزاها بالا,جبار
حياه: مش هتقرب لي لا برضا ولا بالا,جبار وانا ما كانش ينفع اثق في كلام واحد زيك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حياه صعبه)