رواية رؤيا الفصل الخامس عشر 15 بقلم دينا محمد

رواية رؤيا الفصل الخامس عشر 15 بقلم دينا محمد

رواية رؤيا البارت الخامس عشر

رواية رؤيا الجزء الخامس عشر

رواية رؤيا الحلقة الخامسة عشر

عند رانيا كانت بتتكلم في الموبايل
رانيا: ايه الأخبار عملتي اللي قولتلك عليه
ايوه سجلت كل حاجه وبعت التسجيل لحضرتك
رانيا: تمام، وقفلت الخط
رانيا كانت مبسوطه جدًا بعد ما سمعت كلام والد عاصي
كده بقى فاضل خطوه واحده وانا اللي لازم اعملها بنفسي
عند رؤيا في البيت
كانت قاعده هي وندى بيتكلمو عن عاصي و كانت فرحانه جدًا
جرس الباب رن
رؤيا: ندى معلش ممكن تفتحي الباب انتي عارفه ماما مش هنا
ندى: حاضر يا رؤيتي
ندى فتحت الباب لاقيت رانيا فتحت الباب ودخلت
ندى بعصبيه ايه قلة الذوق دي، نعم جايه هنا ليه
رانيا بإبتسامه متعجرفه ناديلي رؤيا بسرعه علشان معنديش وقت اضيعه معاكم
ندى: ايه اسلوبك ده احترمي نفسك انتِ هنا في بيتها يعني تتكلمي كويس
رؤيا خرجت من الغرفه
أهلا بيكي مدام رانيا اتفضلي
رانيا بسخريه: ياتري عرفتيني من صوتي
رؤيا بتتكلم بثقه: الحمد لله بعرف أحدد الأصوات من أول مره
رانيا: تمام اللي بتقوليه ده مش مهم بالنسبالي خلينا نتكلم في المهم اللي انا جايه علشانه
رؤيا بسخريه: وايه الحاجه اللي خلتني أتشرف بالزياره دي
رانيا: عاصي
رؤيا: ماله عاصي مش فاهمه
رانيا:لا فاهمه خلينا نتكلم بصراحه، عاصي بتاعي أنا ملكي أنا ومفيش حد يجرأ يأخد حاجه بتاعت رانيا رضوان
انا وعاصي كنا بنحب بعض وارتبطنا ببعض سنتين وكانو اجمل سنتين في حياتي وحياته، حصل بينا مشكله صغيره وافترقنا شويه ولما رجعتلو تاني كان بيكابر بس حبي كان لسه ظاهر في عنيه قولت شويه وهيرجع بس انا عارفه انه عنيد جدًا، لما شوفتك اتكلمت معاه وعرفت انه بيغظني أنا بيكي انتي وبعد كده واجهته قالي انه ماحبش حد غيري بس انتِ صعبانه عليه وخصوصًا لانه حس انك بتحبيه، اتفق معايا انه هيكلم والده في موضوع جوازكم وهو متأكد انه مش هيوافق وبكده يبقي رضا ضميره ويبعد عنك وهو مرتاح، وفعلا والده كان رد فعله صعب جدا حتي اسمعي (جزء من التسجيل لوالد عاصي) افتكر كده عرفتي الموضوع كله وانتِ برضو يا رؤيا مكنش ينفع تبصي للي أعلي منك أوي كده، المهم ابقي اتعلمي من غلطك، باي
رؤيا مقدرتش تستحمل اكتر من كده وفقدت وعيها
ندى كانت سامعه الكلام ومصدومه فاقت على صوت جسد رؤيا وهي بتصطدم بالأرض
جريت عليها وهي بتعيط ورشت برفان وحاولت تفوقها لحد ما فاقت
ندى: رؤيا حبيبتي انتِ كويسه صدقيني الست دي كذابه استاذ عاصي عمره ما يعمل كده اكيد في حاجه غلط
رؤيا بتتكلم بهمس: ندى وصليني للغرفه وسبيني شويه لوحدي
ندى: يارؤيا
قطعت عليها الكلام ندى علشان خاطري عايزه اكون لوحدي
ندى: حاضر حبيبتي تعالي
رؤيا لوحدها
بتفكر في الفتره اللي فاتت في حياتها هي عمرها ما كانت مندفعه ديمًا بتحكم عقلها وبتفكر في كل حاجه بتعملها ، المره الوحيده اللي قلبها دق كانت نهايته قبل حتي ما يبتدي، معقول اتخدعت فيه بسهوله كده، طيب ومشاعره اللي كانت ظاهره في كلامه وتصرفاته كلها كانت تمثيل
بس انا حبيته لان حاسيت ان مشاعره صادقه وقدرت توصل لقلبي، أنا غبيه ازاي صدقت انه ممكن يحبني اكيد صعبت عليه مش اكتر طلعتي غبيه أوي يا رؤيا
قطع تفكيرها رنه عاصي على الموبايل
مسكت الموبايل وردت عليه بكل الحزن والقهر اللي كان جواها
عايز مني ايه تاني كفايه تمثيل وخداع لحد كده، عارف كل الحب اللي كان جوايا ليك اتحول في اللحظه دي لكره انا بكرهك مش عايزه اسمع صوتك تاني وقفلت الخط
ندى كانت سامعه صوتها جريت عليها واخدتها في حضنها، عيطي يارؤيا طلعي كل اللي جواكي حبيبتي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية رؤيا)