رواية غرام الفصل السادس 6 بقلم زهرة الربيع

رواية غرام الفصل السادس 6 بقلم زهرة الربيع

رواية غرام البارت السادس

رواية غرام الجزء السادس

رواية غرام الحلقة السادسة

بدر شدها من شعرها بعنف وقال بغضب مرعب….هو انا كل يوم هجيبك من شقة واحد يا روح امك
غرام بصتلو بحده وقالت بغصب..ايدك يا حيوان انت ايه ماسك بقره
بدر فضل شاددها بغضب وطالع بيها من الشقه وبيقول…انتي لو بقره كنت دبحتك وخلصت اطلعي يلاااا
غرام ركبت العربيه وعصام كان سايق بدر قال بزعيق وغضب…بسرعه على القصر يا عصام
غرام بكره شديد..انت ايه يا اخي انا لو بفهم في حما.ر كان فهم ..بكرهك…مش بطيقك.. كرهت الدنيا بسببك سيبني في حالي بقى
بدر لقا صوتها علي جدا وخاف حد يجي يسأل قال بهدوء حاضر يا غرام هسييبك تمام بس شوفي البرفان ده ماما بعتتهولك
غرام بصت للعلبه الي في ايده باستغراب وقالت بعدم فهم …برفان …برفان ايه
بس بدر سبت دماغها بسرعه وشممها من العلبه الي في ايده بالعافيه
غرام ابتدت تهدى وحست بدوار وغابت عن الوعي بسرعه بدر شدها ليه حط دماغها على كتفو وراحت في دنيا تانيه
عصام قال بخضه…ايه الي حصل …عملتلها ايه
بدر بصلها بهدوء وقال… ولا حاجه ده مخدر متقلقش شويه وتفوق اطلع يلا على القصر بابا خايف عليها جدا
في القصر كانو قلقانين جدا على غرام واتفاجأو ببدر داخل وشايلها على ايده
محمود بخوف…مالها يا بدر ..لقتها فين حصلها حاجه مترد عليا يا بدر
بدر كان طالع السلم وقال…هي كويسه يا بابا نايمه شويه هبقى اقولكم كل حاجه متقلقوش وطلع من غير ما يفهمهم حاجه
سحر كانت واقفه متغاظه جدا وطلعت اوضتها لانها هتفضل في القصر زي ما اتفقت مع بدر
بدر دخل الاوضه ونيمها على السرير وقعد جمبها حاسس باكتر من شعور حاسس بغضب منها وخوف عليها وحزن على حالها فضل واقف في البلكونه يشم شوية هوا لحد ما حس بصوتها المرهق بتمتم بتعب شديد
بدر دخل وقف قصادها وقال…حمد الله على السلامه يا غرام هانم
غرام بصت حواليها وقالت بتعب…انت …جبتني.. القصر تاني
بدر باستهزاء…امال هوديكي فين تاني…اه مانتي مش متعوده على القصور…متعوده على ااشقق المفروشه الي كل يوم فيها واحده رخيصه ذيك
بقلمي…زهرة الربيع
غرام ضحكت ضحكات مرهقه وحاولت تقعد وبصتلو بسخريه وقالت…هو انت مش بتقول انك جوزي يا بدر بقى ازاي فيه راجل يقبل على نفسو يعيش مع واحده رخيصه بتاعت شقق ها انا اقولك ازاي.. لانك اصلا مش راجل ولا عمرك كنت ولا هتكون
بدراتعصب بطريقه ترعب شدها من شعرها بعنف وقال…مش واحده زيك الي هتقيمني اصلا مش محتاج رايك فيا لازم تعرفي اني مستحمل قرفك علشان عمي وصاني عليكي غير كده انا كنت حرقتك عايشه وزقها بعنف على السرير
غرام وقفت وقربت منو وبصتلو بحده وقالت…وانت كده بتنفذ وصية عمك يعني كده انت واخد بالك مني بقى على كده انا مبسوطه ومش ناقصني حاجه زي ما عمك وصاك
بدر حس بحزن من كلامها بس مردش سكت وحاول يهدى وبقى يقرب منها بطريقه تخوف وغرام كانت بترجع لورا بخوف من نظراتو وقال…كنتي بتعملي ايه في شقة هشام قضيتو اليومين دول ازاي كان بيبات فين وانتي كنتي بتباتي فين قرب منك صح احكيلي يا غرام بدال ما هعرف لوحدي وساعتها متعرفيش هعمل ايه فيكي وفيه
غرام لزقت في الحيط برعب وقالت بتهته..انت …انت عرفت ازاي انها شقة هشام..على فكره هو كان يعني
بدر قاطعها بعصبيه شديده وضرب على الحيط وراها بغل وقال..مش ده سؤالي ..سألتك قضيتو اليومين الي فاتو ازاي ردي على قد السؤال
غرام بلعت ريقها بتوتر وقالت بعصبيه مصتنعه …معملناش حاجه هنعمل ايه يعني هو مجاش الشقه اصلا وانا كنت وحدي و
بدر ابتسم بهدؤ يخوف وقال …تمام انا هعرف منو هو واتوجه ناحية الباب بس غرام جريت وقفت قدامو وقالت بخوف…هتعرف منو ازاي هترحلو البيت يعني
بدر ابتسم وقال…تؤ تؤ الي فهمتيه صح هو عندي اصلي انا وطالع اجيبك لقيتو نازل فاحلفت عليه ليشرب شاي ميصحش ينزل كده من غير ما يشرب حاجه
غرام برقت برعب حقيقي وقالت…هتعملو ايه ها ..انت مش هتأذيه صح
بدر بابتسامه مستفزه…لا متقلقيش هيشرب شاي بس مش هغديه دا مهما كان ابن خالتي
غرام نزلت على ركبها ومسكت ايده وبقت تبكي بشده وتشهق وتقول وسط دموعها…ابوس ايدك ..اققتلني انا ..انا مش قادره على ذمب تاني …سيبو وانبي يا بدر…ابوس رجلك تسيبو والله…والله ماعملنا حاجه..والله ما قعد معايا اصلا حرام عليك يابدر قلبي واجعني كفايه
بدر نزل لمستواها وهو بيتقطع حرفيا وقال وهو بيحاول يمنع دموعو ….انتي ليه شيفاني حيوان..او معنديش قلب…انتي مش لازم تترجيني كده..رفع وشها وقال….. انتي تطلبي بس يا غرام
غرام بصتلو بغضب وقالت ما انا طلبت قبل كده عملت ايه وقتها يا بدر فاكر عملت ايه… بس اسمعني كويس يا بدر هشام لو حصلو حاجه انا هموت نفسي وارتاح من ان الناس تتأذي بسببي من غير ذمب وسابتو ودخلت الحمام
بدر قام وضم ايده بغضب ونزل وقفل عليها الباب بعد ماقفل البلكون بالمفتاح علشان متحاولش تهرب تاني وطلع من القصر واتوجه للمكان الي حابس هشام فيه
بدر دخل المكان وهشام كام مربوط على كرسي ومضروب جامد بدر بصلو بستهزاء وقعد قصاده ببرود وقال.. ها يا اتش طمني ان شاء الله حبيت المكان اوعي يكون حد هنا زعلك
هشام بصلو وقال باستهزاء…عارف يا بدر انت بتصعب عليا اوي مش عارف توصل للي نفسك فيه فبتطلع غضبك على ناس ملهاش ذمب بس اوعى عقلك يصورلك اني هخاف منك انا عارف اخرك كويس
بدر بصلو بصه ترعب وقال بابتسامه خطيره…تؤ متعرفش…صدقني لو تعرف اخري مكنتش هتحب تجرب اولي حتى بس هعرفك على قد طاقتك علشان خاطر خالتي الله يرحمها
هشام كان بيصتنع القوه ومن جواه ميت رعب خصوصا لما بدر طلع سلاحو وبقى يعمرو ببطأ وبرود قدامو هشام قال برعب حقيقي..انت..انت هتعمل ايه..
بدر بصلو باستفزاز وقال ببرود شديد…امممم هقتلك اصلي فكرت ايه اسهل حاجه لواحد جبان زيك ملقتش اسهل من الموت بنسبه للي ممكن اعملو فيك هو اسهل حاجه وصوب المسدس على دماغو وقال…ها نفسك في حاجه
بقلمي..زهرة الربيع
هشام برعب…بص ..هنتفاهم…انا عارف عايز تعرف ايه..تمام انا هقولك اهوه..والله ما حصل بيني وبين غرام اي حاجه هي كانت طالعه تجري وخايفه علشان كده خبيتها خفت حد ياذيها وهي تعبانه بس والله ما قعدت عندها خالص وكنت برحلها خمس دقايق ومشي
بدر ابتسم بطريقه مش مفهومه وضرب رصاصه في رجل هشام خلت هشام صرخ بقوه ووقع من على الكرسي من شدة الالم
بدر قال باستهزاء …وتخبيها ليه يا هشام بس عاجبك كده لما بقيت بدراع ورجل يلا المسامح كريم وانا مسامحك لسببين اولا لانك مش هتكررها تاني وثانيا لانك ابن خالتي برضو وبص لواحد من رجالته وقال …مصطفى ابقى ودي هشام بيه مستشفى كويس علشان رجلو وخد بالك منو كويس وبص لهشام الي كان واقع وبينزف وبيتألم جامد وقال…باي باي يا اتش
بدر رجع القصر واتفاجأ بغرام قاعده معاهم تحت قرب عليها وقال باستغراب …انتي نزلتي هنا ازاي
غرام ببرود..على رجلي هنزل ازاي
بدر اتنرفز من برودها كان هيتكلم بس قاطعتو والدتو وقالت…اصل يا حبيبي دكتورة غرام جات تشوفها فاضطريت افتح لها بالمفناح الاحتياطي الي سبتو معايا وبعدين غرام حبت تقعد معانا شويه فنزلت مفيهاش حاجه يا حبيبي
بدر قعد بهدؤ وقال …وطمنتكم الدكتوره قالت احسن ان شاء الله
سحر قالت بغيظ …هي الدكتوره قالتلنا حاجه اصلا…اهي اتكلمت مع غرام شويه وقالت هي هتقلكم اخر التطورات والست غرام مقلتش حاجه قاعده ساكته
غرام بصتلها بابتسامه مستفزه وقالت…مينفعش اتكلم في حاجه مهمه تخصني من غير ما بدر حبيبي يكون موجود
غرام كانت بتبصلو بنظرات جميله تسحر وبدر كان متفاجأ بكلامها ورقتها الغريبه وفضل باصص لها باستغراب وسحر كانت هتطق من الغيظ وقالت بضيق…حبيبك اه
غرام بنفس الابتسامه والهدوء قربت من بدر وقعدت جمبو ومسكت ايده وقالت…طبعا حبيبي
بدر كأنو اتخدر من لمستها فضل باصص لعنيها واول مره تكون بالقرب ده منو فضل سارح في جمالها وكأن مفيش حد غيرهم فاق على حمحمه غيظ من سحر
بدر سحب ايده من ايدها بهدوء وقال بجديه بيحاول يفتعلها…احم وو قالت ايه الدكتوره بقى ايه الموضوع الي مستنياني علشان تقوليه
غرام برقه …كانت بتطمني على ابننا يا حبيبي
الكل برق بزهول وبدرقال باستغراب شديد…ابن ايه…
غرام بابتسامه …ابننا يا عمري مش انا حامل وووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)