رواية زواج تحت النظر الفصل الثاني عشر 12 بقلم ندى أحمد

رواية زواج تحت النظر الفصل الثاني عشر 12 بقلم ندى أحمد

رواية زواج تحت النظر البارت الثاني عشر

رواية زواج تحت النظر الجزء الثاني عشر

رواية زواج تحت النظر الحلقة الثانية عشر

بعد معاتبه رحيم لامه وانها دمرت حياته من قبل ما تبدأ خرج
بسرعه ركب عربيته والدنيا اسودت في وشه مش شايف غير
أفعاله مع ريم واد اي هو ظلمها واهانها كتير وكل اللي عمله فيها
شريط ادمه كأنه بيشوفه وهو منهار وبيبكي وبقي يفتكر اهانته
ليها وهي مستحمله
كان بيسوق علي سرعه عاليه زي المجنون ودموعه سبقاه عاوزه
تبعد عن أي ذكري في حياته
#فجاءه
طلعت عريبه نقل في وشه حاول يفاديها لكن قدر ربنا كان اسرع
وخبط فيها والعربيه انقلبت بيه وهو فيها
..ريم في شقتها محتاره بتكلم نفسها من ساعه ورجوعها من عند
الدكتور
ريم… ياتري فين رحيم مطلعش ليه ولا يكون مع مراته التانيه
وفي عز حيرتها فجاءه حست بغصه في قلبها وبعدها سمعت
صريخ حماتها (كريمه)
نزلت تجري علي تحت وتخبط علي شقه حماتها
ماما كريمه… افتحي…ماما كريمه ..ماما
ومحدش بيفتح بقت تزعق وندهت البواب يكسرالباب
ريم… عم ابراهيم …عم إبراهيم اطلع بسرعه الحقني اكسر لي
باب الشقه
وفعلا البواب بكل عزمه كسر الباب وريم دخلت الشقه
وتفاجأت ان حماتها مرميه علي الارض مغمي عليها وجنبها
الموبيل مرمي
ريم.. ماما …ماما فوقي بالله عليكي فوقي مالك فيكي اي وفين
رحيم
اتوترت ريم اكتر مش عارفه تعمل اي وانتبهت ان رحيم ومراته
رحمه مش موجدين
جرت بسرعه علي اوضه النوم وجابت بروفيوم وحاولت تفوء
حماتها وبدأت تشممها البروفيوم
واول مافتحت كريمه عينها بدات في الصريخ والبكاء
كريمه.. رحيم رحيم
ريم…ماله رحيم هو فين اصلا
كريمه رحيم عمل حادثه وديني ليه ابوس ايدك
ريم في حاله صدمه
مش فاهمه حاجه وعقلها فيه اسئله وحيره ياتري اي اللي حصل
وهي السبب ولا لا
وجريوا الاتنين علي المستشفي وبلغوا اخواته
…الطريق زحمه والناس اتلمت علي عربيه عامله حادثه والاسعاف
صوت انذارها في كل مكان والناس في حزن علي الشاب اللي زي
الورد في العربيه المقلوبه
عربيه الاسعاف نقلت رحيم واحنا منعرفش ياتري مات ولا اي
..
وصلت ريم وكريمه المستشفي في حاله لايرثي لها وسألت علي
الحادثه اللي وصله حالا. في قسم الاستقبال
ريم…من فضلك في حادثه جات من شوي
الموظفه… في غرفه العمليات الدور السابع
جريوا الاتنين لدور السابع ووصوا لغرفه العمليات وكان اخوات
رحيم موجودين كلهم
وقعدوا الاتنين يبكوا وكريمه بقت تأنب نفسها انها السبب في اذيه
ابنها وانها ممكن تفقده بسبب انانيتها وجبروتها
وريم شارده تايهه بتسأل نفسها ياتري هتشوفه تاني ياتري هتقدر
تسامحه كانت بتتمنى لو الزمن يرجع بيها كانت هتستحمل ظلمه
بس يكون بخير
وفي انتظار اي حد يبلغهم من غرفه العمليات وكل واحد فيهم
بيدعي ربه انه يطلع منها سليم
التوتر في كل مكان والبكاء هو لغاتهم المسيطره علي
اخواته الصبيان كريمه ريم
وفجاءه خرج الدكتور
جريوا عليه وأولهم كريمه والدته وريم
كريمه .. طمني يادكتور ابني بخير هيعيش بالله عليك
طمني انا هموت لو حصله حاجه
الدكتور .. الحمد الله ياجماعه اطمني ياحاجه ابنك بخير
نظر لاخوات رحيم. وطلب من اخواته علي انفراد في مكتبه
..وريم كانت دموعها ماليه وشها مش سامعه اي حاجه غير
صوت رحيم
اجتمع الدكتور مع اخواته الصبيان وطلب منهم يكونوا مستعدين
لأي طاريء يحصل الحاله غير مستقره الحادثه كانت كبيره
واثرت عليه ونزف كتير وهو في غيبوبه لو عدي 48 ساعه ان
شاء الله هيتحسن
اتنقل رحيم الي العنايه المركزه وهو فاقد وعيه والكل بره رغم
الدكتور رفض وجودهم الا ان امه وريم رفضوا انهم يمشوا الا لما
رحيم يفوء
مر يومن علي هذا الحال ورحيم لسه في غيبوبه الحاله غير
مستقره وهما في اسوء حاله منتظرين بصيص امل ان رحيم يفوء
وريم وهي منتظره خارج العنايه المركزه مع ام واخوات رحيم
شارده سمعت حد بيندهه عليها مدام ريم استاذ رحيم فاء
وعوزك انتي بس
قامت بسرعه دخلت الاوضه الاوضه كلها خنقه صوت نبضات
القلب وصفيره وجري الممرضات وتوترهم
ممرضه ١..بسرعه حد يندهه الدكتور اسامه المريض بيموت،
ممرضه ٢… جهزي الصدمات الكهربائيه
ريم ..شايفه دي وبتصرخ في اي رحيم هيروح مني ريم بتصرخ
اقوم يارحيم بلاش تمشي غير ماتفهمني
الدكتور طلب يطلعوها بره وهي بتصرخ
ريم… لا يارحيم اوعي تسبني ارجعلي وانا هسمع كلامك اوعي
تسبني
والدكتور والممرضات بيحاولوا في انعاش قلب رحيم وصفير
نبضات ورسم القلب كلها مؤشرات علي موت رحيم
وكل ماتشوف جسم رحيم ينتفض من الصدمات تصرخ لغايه ما
مااااااااغمي عليها……

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج تحت النظر)