رواية غرام الفصل الرابع والثلاثون 34 بقلم زهرة الربيع

رواية غرام الفصل الرابع والثلاثون 34 بقلم زهرة الربيع

رواية غرام البارت الرابع والثلاثون

رواية غرام الجزء الرابع والثلاثون

رواية غرام الحلقة الرابعة والثلاثون

بدر قال بغضب…ازاي يعني…ده رأفت السيوفي ده ميت من عشر سنين
سامي اندهش جدا وقال بثقه…ميت…انت بتقول ايه ده من اسبوع كان معايا انا متأكد
محمود اتنرفز منو ولسه هيتكلم بدر قاطعو وقال استنى بس …انت متأكد ان رأفت هو الي دافعلك اتأكد كويس
سامي قال ….انا متأكد زي ما ماانا متأكد اني شايفكم بالظبط
بدر قال بغضب…انا كده فهمت هو مماتش هو عامل فيلم موتو ده علشان الحكم الي عليه ومعنى انو ظهر دلوقتي يعني عايز ينتقم لموت ابنو بس كده احنا مستفدناش حاجه لاننا مش عارفين هو فين دلوقتي ولا مخبي غرام فين
محمود فكر شويه وقال…لو رأفت فعلا عايش انا ممكن اكون عارف هيخبي غرام فين
بدر بصلو باهتمام وقال بلهفه….فين
محمود قال…في مخبأ سري بتاعو زمان كنا ديما نجتمع فيه وبعدها بقى مكانو المفضل حتى لما كان يهرب من ابوه كنا نلاقيه هناك
بدر ابتسم بفرحه وحس بأمل وقال…فين المكان ده يا بابا
محمود قال…انا جاي معاك وهوصفلك الطريق
بدر قال لا انا هروح مع عصام انت خليك علشان ماما بس اديني العنوان
عند غرام كانت قاعده بتبكي بحزن وخوف مرو يومين كل ثانيه بتستني بدر يطلعها بس من غير فايده حاسه بتعب شديد وصداع وكل تفكيرها في الحقنه التانيه الي هتاخدها وبتدعي حد يطلعها قبل ما يدهولها
رأفت دخل عندها وقال …سلامات يا حلوه ايه اخبارك اكيد وحشتك مش كده
غرام حاولت تتكلم معاه يمكن تقدر تخليه يسبها قالت بدموع..ابوس ايدك سبني امشي والله العظيم ابنك غلط معانا كتير و
رأفت قال بعصبيه …غلط معاكم …غلط انو حبك ..هو ده الذمب الي عملو ودفع تمنو عمره انا لما ابوكي بلغ عني واتحكم عليا ب٢٥ سنه سجن حلفت اني اندمو وكنت هنتقم منو فيكي واقتلك بس عماد رفض لانو حبك وانا علشانو مقتلتكيش وبعدها اتفقت معاه انو يمثل عليكي الجواز ويخليكي تحملي منو ويسيبك بس معملش كده ومقربش منك علشان بيحبك ولما دخلتي المصحه نويت اجننك على الاخر بس هو كمان رفض برضو علشان بيحبك دافع عنك لاخر نفس مات بسببك بس خلاص مبقاش موجود علشان يحميكي هتموتي بالبطيئ وريني بقى سي بدر بتاعك هينفعك بايه
غرام كانت بتسمعو والدموع في عنيها لما شافت الكره الي في عنيه اتأكدت ان مفيش فايده من الكلام معاه بس ارتعشت برعب حقيقي لما سمعتو بيقول لواحد من رجالته…نادي الدكتوره خليها تجهز الحقنه
عند بدر كان وصل العنوان الي قلو عليه ابوه وكان معاه عصام وسامي الي اصر انو يروح معاهم بدر وقف في نص الصحرا في مكان مفيهوش اي مخلوق بقى يدوس على الارض في منطقه معينه وهو بيتمنى يلاقي غرام
عصام قال…هو عمي متأكد ان المكان تحت الارض يعني ممكن يكون اتدفن مع كل السنين دي
بدر قال وهو لسه بيدور..بابا بيقول انو بيحب المكان ده و متأكد انو اكيد مخبي غرام فيه
فضلو شويه يدورو وسامي وعصام حسو بيأس اما بدر كان بيدور في كل مكان وحاسس انو هيلاقيها لحد ما داس في منطقه وحس انها بتتحرك تحت رجلو
بقى يبعد الرمل هو وسامي وعصام لحد ما لقو نفق متغطي بدر حس بسعاده لاتوصف وقال بسرعه…بص يا عصام انا هنزل انا وسامي وانت استنى هنا لو اتأخرنا يبقى هما فعلا تحت واحتمال نكون في مشكله بلغ البوليس على طول تمام
عصام قال…لا مش تمام انا نازل معاك افرض حصلك حاجه
بدر خدو على جمب بعيد عن سامي وقال..اسمع اكلام انا لازم انزل اشوف ازا كانو تحت او لا ومش هينفع اسيب الي اسمو سامي ده انا مش واثق فيه ابدا وخايف يكون متفق مع رأفت انت افضل هنا علشان لو مقدرتش اطلعلك انت تلحقني
عصام اتنهد بيأس هو عارف ان بدر مدام قال حاجه مش بيرجع فيها قال..تمام انزل انت ومتقلقش وبالفعل نزلو في النفق وكان فيه سلم طويل نزلو عليه براحه علشان ميعملوش صوت يكشف وجودهم وشافو اكتر من مدخل معرفوش اي واحد ممكن يكون مخبي غرام فيه
اما غرام فكانت بتحاول تفك نفسها بكل قوتها علشان متاخدش الحقنه بس كانو رجالة رافت مسكينها بشده بقت تبكي وتصرخ وتقول ..لا..لا حرام عليكم..ابني..لا..ابني هيموت ..حرام..وانبي..لااااااااا
بدر كان محتار يدخل منين بس سمع صوت غرام بتصرخ جري بسرعه على الصوت واول ما شافهم ماسكينها هيدولها الحقنه قال بصوت عالي وغضب شديد…سيبها.يا حيوان منك ليه
بقلمي…زهرة الربيع
الكل التفتلو والدكتوره وقعت الحقنه بخوف وبقت ترتعش برعب حقيقي
اما رأفت فكان مصدوم حرفيا ازاي قدر يلاقيه بس خفت صدمتو شويه لما شاف سامي معاه وعرف انو اكيد هو الي كشفو
بص لبدر بغضب وقال خليك مكانك لو لسه باقي عليها وعلى الي في بطنها وقرب سلاحو من غرام الي كانت دموعها بتنزل بغزاره بس مبتسمه بأمل وفرحه فكرة ان بدر موجود وحدها بتطمنها بصتلو بحب شديد وابتسامه جميله
بدر كان بيبصلها وكأن الدنيا وقفت عند وشها الجميل الي كان واحشو بشده فضل يتأمل ملامحها بعشق واضح في عيونو بس دموعها والخوف الي شافو في عيونها خلاه اتعصب وبقى كتله من الغضب بص لرأفت بغضب مرعب وقال…ابعد سلاحك عنها لاخليك تونس ابنك …انا مش بتاع تهديد والكلمه الي بقولها بنفذها
رأفت بصلو باستهزاء وقال بسخريه…انا لو في موقفك ده مش هفرد صدري كده انت في منطقتي وسط رجالتي وسلاحي يا ابن القاضي لو مش خايف على روحك خاف على مراتك وابنك
بدر بصلو باستهزاء وقال…واخاف عليهم من مين منك انت يا رأفت انت وابنك زي بعض اخركم تهوشو لاكن تعملو حاجه دي صعبه عليكم والدليل ابنك الغالي لعب معايا كتير وكانت ايه النهايه انا قدامك اهو…. وهو فين دلوقتي
رأفت اتعصب بشده قرب على بدر وقال بغضب…هقتلك يا بدر هقتلك وهقتل مراتك وابنك هقتلهم قدام عنيك وشاور لرجالتو مسكو بدر وسامي وربطوهم كويس
بدر كان بيزعق معاه وقال…اسمع هديلك فرصه تخلص نفسك خرجنا من هنا وانا هرحمك وهسيبك في حالك
رأفت ضحك بقوه وقال…لا والله كلك كرم وانسانيه انا بقى مش هسيبك في حالك وهاخد حق ابني من عنيك
بدر قال بغضب…ابنك كان لازم يموت لانو واطي زيك
سامي اتدخل وحب يساير رأفت علشان يقدرو يخرجو غرام ويخرجو من غير ما يقتلهم قال..اهدي شويه يا بدر الكلام اخد وعطا انا شايف انكو تتفقو وبص لرأفت وقال…يا رأفت بيه ابنك الله يرحمو والحي ابقى من الميت انت تتفاهم مع بدر وهو مش هيبخل عليك والي تعوزوه اضمنلك انو هينفذو
بدر بص لسامي وسامي شاورلو بمعنى يوافقو بدر اتنهد وقال…تمام وانا موافق الي تطلبو هديهولك بس نخلص
رأفت بصلهم شويه وقال..تمام وافقت..بس هتنفذ الي هقوله
بدر قال..موافق اخلص
عصام كان واقف بره النفق خالص وكان قلقان جدا على بدر ومضايق منو انو مخلاهوش يدخل معاه بقى يحاول يسمع اي حاجه بس مش سامع ابدا فحس انو مش هينفع يستنى اكتر وطلب البوليس وادالهم العنوان وفضل مستني مكانه بخوف شديد
رأفت قال انا مش عايز غير انفذ رغبة ابني حبيبي
بدر قال باستغراب…رغبة ابه دي
رأفت قال…. تطلق السنيوره الي قتلتو علشانها بس مش طلاق زي المره الي فاتت لا..تطلقها بالتلاته عماد لانو لسه صغير في العبه قدرت تضحك عليه اما انا مستحيل ها قولت ايه
بدر ضحك وقال بغضب…ده في احلامك..وحتي بعيد عن احلامك
رأفت بصلو بغضب وقال..لا هتطلقها والا هطلعك من هنا ميت …يلا طلقها حالا
بدر بصلو بتستهزاء وقال..ولا كأني سامعك اصلا
رأفت قال..انا هخليك تسمعني يا رجاله عايزكم تروقوه على الاخر عايز بس لسانو يبقى شغال هلشان يعرف يطلق الباقي مش مهم يلا شوفو شغلكم
واول ما قال كده فكو بدر ونزلو فيه ضرب بقوه وعن.ف بدر حاول يضربهم ويدافع عن نفسو بس كانو كتير جدا وبقو يضربوه اكتر لحد ما بقى ين.زف بشده وكل ما يضربوه شويه يسألوه ازا هيطلق..واول ما يرفض يرجعو يضربوه اكتر
غرام كانت بتبكي بشده وبتترجاهم يسيبوه وحتى سامي اتأثر ببكاها وبقي يحاول معاهم بالكلام لانو كان مربوط ومش قادر يعمل حاجه
استمرو في ضرب بدر فتره بس من غير فايده كل ما يسألوه يرفض رغم ان غرام بقت تترجاه يطلق علشان يسيبوه بس هو رافض….
غرام خافت عليه جدا فلتت ايد رأفت بقوه وقالت …انا هخليه يطلق ملكومش دعوه بيه.. هيطلق ..دقيقه واحده وقعدت جمب بدر ومسكت وشو وبقت تمسحلو الد.م من عليه وقالت بدموع….علشان خاطري كفايه…اسمع كلامهم ابوس ايدك..كفايه يا بدر مش قادره اشوفك كده ارجوك …ودموعها كانت بتنزل زي المطر
بدر بصلها وابتسم بالعافبه وقال بتعب والم….مستحيل….مستحيل يا عمري انتي…الموت اهون يا غرامي
غرام بكت بشده وبقت تحضنو وتبكي بالم ودموع
اتقدم واحد من رجالة رافت وهمسله وقال..يا باشا ده مش ناوي يطلق واحنا ضربناه كتير هيخلص في ادينا انت ايه رأيك
رأفت بصلو بغضب وقال ..انا عارف ازاي هخليه يطلق
وقرب على غرام مسك ايدها وشدها بقوه وقال سيبوه يا رجاله وفرو طاقتكم معاكم طلعه تانيه
بدر وسامي بصولو بصدمه ورعب حقيقي وبدر قال بتعب شديد…قصدك ايه ..سبها….هندمك… سبها احسنلك
رأفت ابتسم بمكر وقال مين حابب يتعشى يا شباب الي عايز يقرب
غرام برقت برعب لما لقت رجالتو بيقربو عليها بقت ترجع لورا بخوف بس واحد منهم مسكها ولسه هيقرب لها بدر قال بسرعه…استنى..هطلق وووووووو
الخامس والثلاثون والأخير
غرام برقت برعب لما لقت رجالتو بيقربو عليها بقت ترجع لورا بخوف بس واحد منهم مسكها ولسه هيقرب لها بدر قال بسرعه استنى…هطلق…هطلق…سيبوها
رأفت ابتسم باستهزاء وبص لسامي وقال…مش انا قولتلك قبل كده غرام القاضي قوتو وضعفو وبص لبدر وقال…طلقها…بالتلاته
بدر رفع عينه في غرام وفضل باصص لها شويه وقال…انتي…انتي
بس رأفت زعق فيه وقال…اخلص..يلا بدل ما اخليهم يحفلو عليها قدامك
بدر نزلت دموعو ولسه هيتكلم سامي قال بسرعه استني …استنى يا رأفت بيه تبقى بتغلط غلط عمرك لو خليتو يطلقها اسمع مني وانت تكسب
رأفت قال بزعيق ..عايز ايه لو فاكر اني هسمعلك تاني وانك بتعطلني تبقى بتحلم كده كده هيطلق
سامي قال بسرعه انا هستفيد ايه بس لما اعطلك انا عايز مصلحتك انت عارفني اهم حاجه عندي الفلوس وعندي ليك خطه تكسبك وتكسبني انت بدال ما تخليه يطلق تقتلو احسن ولما يموت غرام هتورثو
بدر كان واقع على الارض ومستغرب سامي ليه بيقول كده معقوله يكون باعو ولا هو بيعطلهم مش اكتر بس اتأكد انو بيعطلهم اما سامي بصلو وشاورلو على الحارس الي جمبو قاصد ان بدر يسحب منو سلاحو
رأفت استغرب كلام سامي وقال وانا هستفتد ايه لما تورثو
سامي قال هتستفاد ايه ازاي..انت تسقطها وتحبسها هنا لحد ما عدتها تخلص وتكتب عليها وكده تبقى فلوسها وفلوس بدر ملكك
رأفت لسه هيتكلم بدر سحب السلاح من ايد الحارس بسرعه ورفعو عليهم وقال…مكانكم الي هيتحرك هخلص عليه غرام لسه هترحلو رأفت طلع سلاحو وحطو في دماغها وقال..نزل الي في ايدك يا شاطر لتتعور وبص لسامي وقال تصدق عجبتني فكرتك وهو اصلا يستاهل الموت ولسه هيضرب البوليس اقتحم المكان هو وعصام وقال و سيب السلاح يا رافت
رأفت بص لبدر بحقد وبدر قال لعصام بألم …مابدري يا عصام كنت استنى لما اموت وتبقى طلعه واحده
عصام بصلو بخضه كان مضروب وبن.زف جامد قال…يا خبر..انا اسف والله انت قولتلي استنى شويه وجري على سامي فكو وغرام جريت على بدر الي مكانش قادر يقف حرفيا
رأفت مكانش حاسب كده مكانش فاكر ان عصام معاهم وانو هيتصل بالبوليس فضل متجمد مكانو شويه وبعدها رفع سلاحو وقال بتوتر..محدش يقربلي…هقتلكم…هقتلكم كلكم وبص لبدر وغرام وقال هموتهالك هحسرك عليها وفجأه ضرب على غرام بس بدر شدها وراه بحركه سريعه والطلقه صابتو بس في دراعو
غرام صرخت بقوه ورعب ومقدرتش تتحمل اكتر ووقعت مغمى عليها وبدر رغم الالم الي في دراعو لاكن اتخض عليها جدا وسامي وعصام جريو عليهم عايزين يشلوها بس بدر رفض وشالها بدراعو السليم وخرج بيها بسرعه
ظابط البوليس اول ما رأفت عمل كده ضرب عليه طلقه في ايده وقع من الالم والظباط مسكوه وطلعو بيه وهو بيتألم وبيتوعد لبدر
البوليس اخد رأفت على السجن وبدر وعصام وسامي طلعو بغرام على المستشفى
بدر اول ما وصل المستشفى قلبها حرفيا وفضل يزعق وفي دقايق اخدو منو غرام وهو كان ماشي وراها وبيقول..برعب..حامل…مراتي حامل..الحقوها بسرعه..هتبقى كويسه يا عمري…انا معاكي يا غرامي.. واول ما وصل عند باب الوضه رفضو يدخلوه وفضل واقف بره الباب بيبص عليها بخوف حتى رفض يدخل يعالج دراعو وبقى يزعق بهستريا ويقول…مش هتحرك انا هفضل مع غرام ..اناجمبك يا غرام بس الممرضين مسكوه لما لقو دراعو بينزف بشده وادولو حقنه مهدئه واول ما داخ اخدوه يطلعولو الرصاصه وييعقمو الجرح
بعد نص ساعه كانو اهل بدر مستنين بره مع عصام وسامي وجاتلهم الممرضه وقالت ان غرام فاقت
جريو كلهم بفرحه على اوضتها لقوها فتحت عنيها واول ما شافتهم قالت بدموع….عصام …بدر..بدر فين يا عصام…بدر كويس…هو كويس مش كده
عصام ابتسم لها وقال..هو كويس اتصاب في دراعو والدكتور بيقول ان الاصابه سطحيه متقلقيش
غرام قالت بسرعه…طب هو فين عايزه اشوفو
عصام قال في الوضه التانيه .. و
بس غرام مستنتش تسمعو قامت بتعب شديد وراحت اوضتو مع ان كلهم كانو بيمنعوها
اول ما دخلت الاوضه وشافتو نايم على السرير مشيت بالعافيه لحد ما وقفت جمبو وقالت بتعب…انا هنا يا قلبي غرامك معاك فتح عيونك الي بعشقهم بصلي كلمني يا بدر عمري …ومددت جمبو ونامت على دراعو السليم ولانها كانت تعبانه جدا راحت في النوم
سحر راحت تناديلها علشان تعبانه شافتهم نايمين في حضن بعض بصت لهم بابتسام ورجعت
عصام قال…ايه مرضيتش تيجي معاكي ولا ايه
سحر قالت بابتسامه…لا هتفضل معاه
بعد ساعه بدر فاق وهو تعبان جدا بس حاسس بشئ فوق دراعو بيبص لقاها غرام ابتسم بسعاده لاتوصف وقلبو دق بسرعه من كتر فرحتو نام على جمبو وبقى باصص لها بيتأمل في ملامحها و حاسس انو بقالو عمر مشفهاش كان نفسو يحضنها بقوه بس دراعو مش قادر يحركو
فضل باصص لها شويه وقرب عليها باسها برقه من خدها وعلى جبينها وقرب من شفايف.ها ولسه هيبوسها فتحت عنيها وقالت بلهفه…انت كويس..
بدر اتنهد وقال… لا مش كويس
غرام عنيها اتملت دموع وقالت…ليه ..موجوع مش كده انا اسفه
بدر قال بسرعه لما لقاها هتعيط…ايه..اهدي انا كويس والله انا بس كنت بعمل مشروع وباظ يلا خيرها في غيرها
غرام فهمت على طول انو علشان كان هيبوسها وهيه قامت ابتسمت عليه وقالت ..بذمتك انت في ايه ولا في ايه
بدر ضحك وقال..انا فيكي فيكي وفي جمالك وفي عيونك
غرام بصتلو بعشق وقربت منو وحطت ايدها على عيونو وقربت من شفايفو وباستو برقه بوسه جميله جدا جدا
بدر اتفاجأ جدا بس شدهاعليه اكتر بدراعو السليم وباسها بقوه وشغف وسند جبينو على جبينها وقال مش هتقوليها يا غراام
غرام قالت بحب..هقولها وهفضل اققولها عمري كلو …بحبك…بعشقك ..بموت فيك يا بدر ايامي
بقلمي…زهرة الربيع
بدر ابتسم براحه وقال…اخيرا…اخيرا يا غرامي
بعد مرور ٩ شهور كانت غرام ولدت بنتها غزل وكانت الحياه جميله ومستقره سحر حامل وقربت ولادتها وهيه وغرام بقو اصحاب جدا واخيرا عمرت السعاده قصر القاضي خصوصا ان رأفت اتحكم عليه بالاعدام والدكتوره ب١٥ سنه مع عدم مزاولة المهنه وسامي اعتزر من بدر وغرام وسافر والأجواء مليئه بالفرحه والاحتفال باليوم السابع لوالادة غزل القاصي والكل مجتمع في احتفال ضخم من احتفالات عيلة القاضي
غرام كانت واقفه مع الحضور بفستان راقي وجميل بيظهر اونوثتها وجمالها الي مفيش خلاف عليه
وبدر كان ببدله شيك جدا زي العاده اتقدم على غرام وقال…هاتي عنك اشلها شويه
غرام قالت…لا..لا يا بدر خايفه انك توقعها
بدر انزهل وقال انا اوقعها وقرب عليها وقال..ما انا ياما شلت امها عمري وقعتها
غرام ضحكت وقالت..اه وقعتها ومحدش سمى عليها
بدر ضحك وقال..دانا الي واقع ومش عارف اقوم تاني وقرب عليه وغرام قربت منو بس بعدو بخضه لما سمعو صوت حمحمه
بيبصو وكانو عصام وسحر ..سحر قالت طب ايه نمشي ونرجع تاني
غرام اتكسفت جدا وقالت..لا طبعا وحشتيني وحضنو بعض وبدر قال بضحك …اممم ايه امتى بقلولتك دي هنخلص منها
عصام ضحك وقال..والله مش عارف تحس ان شهورها مش بتنقص
بدر ضحك وسحر قالت بغيظ ..ياسلام مهم انتو لو بتحملو وتولدو متتريقوش كده يلا بينا يا عصام ماما زمانها مستنياني وسيب دول يكملو بوس
بدر ضحك وغرام كانت مكسوفه وعصام صعبت عليه غرام شد سحر وهو بيقول يا بنتي حرام عليكي
غرام بصتلو بغيظ وقالت…. عاجبك كده
بدر قرب منها وقال..بحبك
غرام ابتسمت وقالت…وانا كمان
بدر حط ايده على كتفها بحب وبقو يبصو على الفرحه الي ماليه المكان وغرام اتنهدت بارتياح وقالت ربنا يخليك لينا يا بدر انا مش متخيله ثانيه من غيرك
بدر بصلها بحب وقال…انا الي عمري ما اعرفت اعيش من غيرك ربنا يخليكي لقلبي يا …غرامي…
تمت………..

لقراءة باقي حلقات الرواية اضغط على : (رواية غرام)