رواية إعادة تأهيل معقدة 2 الفصل الخامس عشر 15 بقلم زهرة عصام
رواية إعادة تأهيل معقدة 2 الفصل الخامس عشر 15 بقلم زهرة عصام
رواية إعادة تأهيل معقدة 2 البارت الخامس عشر
رواية إعادة تأهيل معقدة 2 الجزء الخامس عشر
رواية إعادة تأهيل معقدة 2 الحلقة الخامسة عشر
لقيتهم يا ايمن لقيت عيالك…
بمجرد أن هتفت بإسم بناتهم هب واقف ينظر إليها كـ طفل صغير ينتظر ملابس العيد
– بجد لقتيهم طب هما فين و عرفتي مكانهم إزاي ؟
لوت شفتيها بسخرية قائلة:-
شوفت الشملولة بنتك الكبيرة على النت يخويا ، بنت فتحية وقعت على واحد حليوة و غني غناء فاحش و لفت عليه زي التعبانة لحد ما خليته يتجوزها و يصرف عليها هي و اخواتها
– إنتي جبتي الكلام دا منين يا ولية ولا دا تأليف من دماغك ألا أنا عارف انك شاطرة في الحته دي أوي
– لا يخويا مالفتش حاجة مهو دا الواضح و أكيد كل الناس بتقول كدا !!
بقولك راجل غني غناء فاحش هيبص لبنتك على اية مالها و لا جمالها
أيمن ببهتان:-
إنتي قصدك أنه اتجوزها خلاص ؟ يعني تمارة اتجوزت من غير أبوها دي .. دي لسة صغيرة
صغيرة اية دا إنت اللي صغير بنتك عندها ١٨ سنه لا و اتجوزت و صورها طلعت على النت اتفضحت يا أيمن في الحته كلها اتجوزت من غير شورتك يا راجل ولا معرفتك ، قولي بقي البنتين التانين هيعيشوا فين مع جوز بنتك ؟ أكيد هيدوا على حل شعرهم زي اختهم و يدورولهم على شباب روشين و يلفوا عليهم يوقعوهم على جدور رقبتهم
– اخرسي يا دولت أنا بناتي أشرف من الشرف دول تربية فتحية
دولت بسخرية:-
تربية فتحية ؟ تربية و سخة يخويا على الأقل أنا كنت رقاصة بشرفي لكن دور السهوكة اللي بناتك عاملينه دا مكنش فيا ، مش عارفه الجدع الغني دا متجوزها على اية أكيد غلط معاها ،او حامل منه مثلا ؟ تفتكر يا أيمن يومين و هيطلقها و لا لما تولد ياخد الواد و يرميها ؟
– لا دا انتي المسلسلات اللي بتتفرجي عليها دي كلت دماغك خالص ؟ غوري هاتي العنوان أما أروح اشوفهم ولا انتي عاجبك اللي هما فيه دا و كله بسببي و من تحت راسك يا رقاصة
دولت هزت كتفها و وسطها بحركة مغرية و قالت بدلع:-
الرقاصة دي اللي جابتك على جدور رقبتك يا حبيبي ، لا و طلقت مراتك و شردت عيالك بسببها دلوقت مش عاجبه ،
صوت التلفزيون علي مرة واحدة على صوت موسيقي و دولت رقصت عليها بدلع و بقت تقرب من أيمن بحركات متطلعش غير من رقصات فعلاً و تبتسم بنصر …..
أيمن يصلها و بلع ريقه بصعوبة و بدأ يركز مع رقصها و حركتها و هدومها اللي كاشفة أكتر ما مبينه
دولت قربت منه و قالت بمياعة:-
طب بذمتك مش ليلة معايا أحسن ما كل دا هتروح ليهم تعمل اية في الوقت دا ، تعال معايا و أنا انسيك نفسك هخليك تنسي أسمك شخصياً يا موني
سحبته من قميصه و هو ماشي معاها بدون رد فعل و على وشها ابتسامة نصر و هي بتقول في نفسها:-
و ادي يوم تاني يا بنات فتحية انتصرت عليكم فيه ، صبرا بس و هتيجوا خدامين تحت رجلي يا شوية أو.ساخ
…….
مساء الخير يا جماعة
كلهم بصوا ناحية الصوت بصدمة و وهيبة بصت لـ علاء و هي بتبلع ريقها بصعوبة و بتقول:-
بسنت إنتي جيتي برضوا مش قولتلك ترتاحي واحنا هنزوركم ؟
بسنت بابتسامة مصطنعة و هي بتبص لـ نوح بـ نظرات مش مفهومة لكنها غير بريئة بالمرة
قربت منهم و قالت:-
كان لازم اجي بنفسي اسلم عليكم يا طنط ولا اية ، بس شكل كان في حفلة هنا أكيد كانوا بيستقبلوكم صح ؟
وهيبة بتوتر:-
أيوة طبعاً كانوا بيستقبلونا ، إنتي مش متخيلة فرحوا قد اية إننا نزلنا من السفر
تمارة بصت ليها بصه بمعني :-
صادقة يا ولية صادقة وأنا هخليكي صادقة اكتر
بسنت بعجرفة:-
طبعا مش بقالكم مدة بعيد عن بعض لازم يفرحوا بلم شمل العيلة من جديد
وهيبة بضحك :- اه طبعا يا حبيبي تعالي أعرفك على نوح ، إنتي مش متخيلة كان مبسوط إزاي واحنا بنتكلم عنك
نوح بصدمة و قال في نفسه:- أنا مبسوط ؟!
– يا راجل
قالها بصوت عالي خلي كل الموجودين يبصوا عليه لما وهيبة قالت:-
دا حتي من كتر فرحته كان عاوز يجي يزوركم دلوقتي و إحنا اللي منعناه بالعافية
تمارة واقفة مش فارق معاها كل اللي بيحصل بتنفخ في ضوافرها و هي عاملة نفسها مش واخدة بالها لكنها كانت مركزة جدا و خصوصاً مع بسنت اللي قربت من نوح و مدت اديها عشان تسلم
نوح ابتسم ليها ابتسامة صفراء و قال :-
معلش اصل متوضي
لينا تلك الصغيرة التي لم تستطع كتم ضحكاتها فانطلقت محدثة صدي صوت في أنحاء المكان
– بسنت سحبت اديها بحرج لكن قربت منه بكل وقاحة و كانت هتحضنه و هي بتقول:-
شكلك محروج مفيش داعي على فكرة إحنا هتبقي زوجين
خلاص كانت هتحضنه لقت اللي وقفت قدامها و خدتها بالحضن و هي بتقول :-
طب و ماله طلما عاوزة تحضني و تبوسي تعالي يا اختشي
تمارة حضنتها جامد و ضغطت على عضمها و بسنت تألمت بصمت و هي بتقول:-
اي الغباوة دي ؟ إنتي مش عارفه أنا مين ولا اية مين اللوكل دول يا طنط
جوري فتحت عنيها بصدمة و قالت :-
ينهار ألوان الله يرحمك يا بسبس كنتي طيبة دا أنا حتي بدأت اتعاطف معاكي و كنت هجبلك أكل قطط
وهيبة بتوتر :-
متخديش في بالك يا بسنت دول ناس تبع نوح يعني ملهمش قيمة كبيرة يعني اكيد مش هتيجي لقيمتك
تمارة لفت حواليهم الاتنين بصمت مريب و نوح دعي جواه إن اليوم دا يخلص على خير بقي
بسنت هزرت راسها بايجاب و قالت:-
فعلاً يا طنط مين دي اللي هعملها قيمة بس شكلهم لوكال أوي
لينا ضربت على خديها بصمت و وهيبة كانت لسة هترد عليها لقت اللي رفعت صوبعها في وشها و قالت:-
اسمع صوتك يا ولية و هتحصليها في اللي هيتعمل فيها فـ بكل هدوء كدا تسمعيني صمتك عشان مقلش منك و إنتي عظمة كبيرة و مش هتستخملي
بعدت خطوة و وقفت قدام بسنت و هي بتقول:-
خلينا بقي في العظمة الصغيرة حتت البوفتيك دي ، صح يا سكر مش انتي بوفتيك ؟
سمعيني يا حلوة كدا كنتي بتقولي اية تاني علينا ؟!
اممممم كانت بتقول اية يا تمارة كانت بتقول اية يا تيمو ؟!
اه كانت بتبرطم و بتشتم بالفرنساوي!! أنا لوكال يا بت و بتشتمي الجماعة بتوعي ؟
بسنت رفعت حاجبها باستهتار و قالت:-
ششششش شوفي انتي راحة فين أكيد نوح كان بيعطف عليكي انتي و شوية الزبالة دول بس خلاص خلصت برة يلا
ذكية بصرامة:-
إنتي بتكرشيها من بيتي من غير اذني ؟ لا دا انتي زوتيها أوي ، شوفي شغلك معاها يا تمارة عشان حرقتلي دمي و أهو تعلمي حد هنا كدا الدرس عشان لو فكر يتمادي تاني يعرف مصيرة
تمارة بصت لـ بسنت بشر و قالت:-
بصي بقي يا قطة أنا من الصبح وأنا على أخري و كان عندي امتحان مطلع عين أهلي ، يعني قرف امتحان قرف استغفال اكتئاب ما بعد الجواز هيطلع عليكي دلوقتي
بسنت بثقة :-
ولا تعرفي تعملي حاجة ؟؟
تمارة بثقة مماثلة:-
حلو قللت من قدراتي يعني غلطت وأنا كنت مستنياها تغلط تعالي يا بيبي بقي
جذبتها من شعرها فخرج في يدها فاتسعت أعين الجميع و تعالت ضحكات نوح بينما قالت تمارة :-
طلعتي تقليد و فوتوشوب بس دا مش هيغفرلك برضوا
بسنت كانت هتمشي بعد كسفتها لكن تمارة حطت رجليها و وقعتها على الأرض و قالت:-
استعنا على الشقا بالله و كل حاجة هتحصل بما يرضي الله و يرضيني أوي يعني ………
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية إعادة تأهيل معقدة 2)