رواية التقاء القلوب الفصل السابع والعشرون 27 بقلم حليمة عدادي
رواية التقاء القلوب الفصل السابع والعشرون 27 بقلم حليمة عدادي
رواية التقاء القلوب البارت السابع والعشرون
رواية التقاء القلوب الجزء السابع والعشرون
رواية التقاء القلوب الحلقة السابعة والعشرون
سيف اتصدم لما مالاقاش أمل في مكانها راح للحمام فتحه لكن مش موجوده
خرج يجري زي المجنون والخوف والقلق باينين عليه
بيجاد : سيف في إيه أمل كويسه ..
سيف : أمل مش موجوده يابيجاد ..
بيجاد: اهدى ياسيف يمكن تكون في الحمام ..
سيف: دورت عليها برضو مش موجوده ..
غزال : يمكن نقلوها أوضة تانيه اسأل الدكتور ..
بيجاد: تعالى ياسيف نسأل الدكتور ..
الدكتور جه لما شافهم
الدكتور:في إيه ياسيف بيه بتدوروا على إيه ..
سيف : إنتوا نقلتوا مراتي فين يادكتور هي مش موجوده في الأوضة ..
الدكتور : ماحدش نقلها هي لسه بأوضتها ..
سيف بصدمه : إزاي يعني ماحدش نقلها أومال هي راحت فين يارب احميها ..
رحمه : يارب استرها معاها واحفظها ..
تلفون سيف رن مسكه بإيد بتترعش
سيف بخوف : الو أيوه ياحضرة الضابط في حاجة. ..
الضابط : مدام أمل موجوده عندنا هنا طلبت إنها تشوف السجينة فريده ..
سيف : وإنتوا سمحتوا إنها تشوفها ..
الضابط : هنعمل ايه هي مصره إنها تشوفها بس الغريبه إنها كانت هاديه جدا..
سيف بغضب مكتوم : أنا جاي حالاً ..
سيف قفل التلفون ونزل يجري
بيجاد: سيف إستنى في إيه عرفت حاجة عن أمل ..
سيف : أمل راحت القسم عايزه تشوف فريده أنا متأكد إنها هتعمل حاجة ..
ركب عربيته واتحرك بسرعه على قسم البوليس
بيجاد : طنط اركبي معانا علشان نلحق سيف ..
************************************************
في قسم الشرطه دخلت أمل عند فريدة كان هدوءها مخيف
فريدة بشماته : ههههه البقاء لله يااموله ..
أمل قربت منها بهدوء ونظارتها كانت هاديه
فريدة : عايزه تضربيني يا اموله ولا إيه ..
أمل مسكت فريده من شعرها بقوة ونزلت فيها ض*رب بكل الغيظ اللي فيها
أمل بإنهيار : أنا هقت*لك يافريدة ..
فريدة وقعت على الأرض من قوة ضرب أمل
أمل خرجت تجري مسكت عصيا
ورجعت لفريده وفضلت تض*رب فيها بكل قوتها ضرب*تها في كل مكان في جسمها ماسابتش فيها حته سليمه
فريدة نزف*ت من كل حته في جسمها العساكر دخلوا يجروا مسكوا أمل
أمل بغل : سيبوني أقتل*ها دي لازم تم*وت ..
العسكري : طلعوها بره وانقلوا دي علشان ماتم*وتش ..
أمل : سيبوها تم*وووووت دي شيطانه ماتستاهلش الرحمه ..
في اللحظه دي دخل سيف جري عليها خذها في حضنه
أمل بدموع : سيف علشان خاطري قولهم يسيبوني أخلص عليها فريده مش لازم تعيش ..
سيف : أهدي ياقلبي هتاخذ جزاءها قومي معايا علشان نمشي من هنا ..
أمل : مش عايزه أروح قبل ما اقت*لها زي ماقت*لت بنتي ..
دخلت غزال تجري لعندها مسكت ايدها
غزال : أمل ياحبيبتي تعالي معايا ربنا هيجيب حق ملاك منها بلاش تضيعي نفسك علشان واحده زي دي ..
أمل بدموع : إنتي مش حاسه بيا ياغزال دي قتلت قلبي وروحي ..
غزال بدموع : حاسه بيكي ياحبيبتي إنتي ناسيه إني أنا اللي ربيت ملاك ..
بيجاد : سيف يلا نمشي من هنا خذها للبيت وحاول تبعدها عن أي ضغوطات ..
خرجوا من قسم الشرطه ركبوا عربياتهم واتحركوا ..
************************************************
مايا : أنا عايزه أعرف إنت متعصب ليه دلوقتي ..
خالد : متعصب علشان ممكن نعيش في الشارع ياهانم ..
مايا : شارع إيه ياخالد ما كل أملاك عيلة الشهاوي بإسمك ..
خالد : لا كل حاجه بإسم بيجاد بابا قبل مايموت ساب وصيه إن كل الأملاك لأول ولد ليا ..
مايا : يعني إيه إن إحنا بعد التعب دا كله مانملكش حاجة ..
خالد : للأسف حتى البيت دا بإسم بيجاد يعني هو يقدر يطردنا في أي وقت ..
مايا : أوعى تقول لبيجاد على مكان والدته ..
خالد : هو خلاص عرف إنها عايشه وهيلاقيها ..
مايا : مش هخليه يوصلها أبداً ..
خالد : إنتي عايزاه يطردنا من هنا ..
مايا : والدة بيجاد هي الورقه الرابحه علشان كل حاجة ترجع بإسمك ..
خالد : أوعي تعملي حاجة نندم عليها ..
مايا : إطمن أنا عارفه أنا بعمل إيه ..
************************************************
بعد ما رجع بيجاد وغزال للمزرعه
بيجاد كان قاعد سرحان بيفكر إزاي هيلاقي والدته ..
غزال : حبيبي بتفكر في إيه ..
بيجاد: بفكر إزاي هلاقي أمي ياغزال ..
غزال : إن شاءالله هتلاقيها ياحبيبي أمل قطعت قلبي ..
بيجاد : ربنا يصبرها فراق الولاد صعب أوي ..
غزال : بيجاد إنت لازم تتكلم مع أبوك ..
بيجاد بغضب : مش عايزك تتكلمي عنه مرة ثانية ..
غزال : بس هو اللي هيقولك على مكانها ..
بيجاد : تفتكري هو يعرف مكانها هو طردها من زمان إزاي هيعرف مكانها ..
غزال : جرب بس واساله يمكن يكون عارف ..
وقف بيجاد باس راسها ها بحب
بيجاد : أنا آسف ياحبيبتي عارف إني مقصر معاكي إنتي وإبني الفترة دي ..
غزال : حبيبي بتتأسف ليه المهم إنك تلاقي والدتك ..
بيجاد : إن شاءالله هلاقيها أنا همشي أوعي تفتحي الباب لحد ما أرجع ..
غزال : حاضر ياحبيبي ابقى طمني عليك ..
************************************************
في بيت سيف أمل قاعده في أوضتها دموعها مش بتقف ورافضه إنها تشوف حد
رحمة : سيف يابني ادخلها وخليك جنبها ..
سيف : أنا قلبي بيتقطع عليها هي مش عايزه تشوف حد وأنا مش عايز أزعلها ..
رحمة : أنا هدخلها يمكن أقدر أخليها تأكل حاجة ..
سيف : حاولي معاها ياماما يمكن تسمع منك أنا خايف عليها ..
رحمة : ربنا يصبرها اللي حصل معاها مش قليل ربنا يصبرها ويعوضها ..
سيف : ادخلي لها ياماما وأنا هقوم أعملها عصير ..
رحمة خبطت ودخلت
في المطبخ سيف غسل الفواكه علشان يعمل عصير فجأه سمع صراخ والدته
رحمة بصراخ : الحق ياسيف ..
************************************************
بيجاد وصل للفيلا نزل من عربيته دخل لجوا لقى أبوه ومايا قاعدين
خالد اتوتر وحس بالخوف لأنه كان فاكر إن بيجاد جاي علشان يطردهم. .
خالد : أهلاً يابني تعالى اقعد ..
بيجاد : أنا مش جاي علشان أقعد أنا عايز أعرف مكان ماما ..
خالد : وإحنا هنعرف مكانها منين ..
بيجاد : بلاش لف ودوران قولي مكان ماما وإلا صدقني هنسى إنك أبويا وهرميك في الشارع ..
خالد : عايز ترمي أبوك في الشارع يابيجاد ..
بيجاد : زي ما رميت أمي من غير ماتفكر ..
مايا : أنا عارفه مكانها خلينا نتفق من غير مشاكل ..
بيجاد : نتفق على إيه ياهانم ..
مايا : أنا هقولك على مكانها بس بشرط ..
بيجاد : إيه هو الشرط ..
مايا ٠٠٠٠٠٠
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية التقاء القلوب)