رواية حرم اليزيد 2 الفصل السابع عشر 17 بقلم حياة

رواية حرم اليزيد 2 الفصل السابع عشر 17 بقلم حياة

رواية حرم اليزيد 2 البارت السابع عشر

رواية حرم اليزيد 2 الجزء السابع عشر

رواية حرم اليزيد 2 الحلقة السابعة عشر

مقتبس من اللحظات الجميلة بين تاليا وقصي
تاليا كانت واقفة عايزة تاكسي بتلاقي قصي وقف قدامها بالعربية
: اركبي
تاليا بضحك : لا شكرا اخاف اترش بالطين
قصي بضحك : لا المرادي سماح اركبي كده كده الاتنين رايحين الشركه
تاليا بضحك : ماشي
وبتركب معاه
قصي بتردد : الله قوليلي يا تاليا لو ما فيهاش تدخل يعني انتي اطلقتي ليه
تاليا بتتنهد وبتحكيله كل حاجه بانهيار وهي بتفتكر
قصي بزعل عليها : يااااه كل ده حصل معاكي وقدرتي تستحملي
تاليا ببكاء : اه بس حقي مش مسامحة فيه وحسبي الله ونعم الوكيل وربي ياخدلي حقي من كل حد ظلمني أو غلط فيا
وهووووب العربيه بتوقف
قصي : مش عارف مالها وقفت كده هنزل واشوفها
وببفتح الباب وبينزل رجله على طول وبيقع في الطين مكنش ملاحظ انوا الجنب بتاع كرسيه فيه طين
تاليا بتنزل تشوفوا
تاليا وبتمدله ايدها : قصي انت كويس؟
قصي لقيتها منهارة من العياط لسه فحب انوا يهزر معاها عشان تفرح
: ااااااه كله منك عشان قولتي ربنا ياخدلي حقي من اللي غلط فيا وظلمني واديني وقعت زي ما وقعتك
تاليا بتبصله ثانيه تستوعب الموضوع بعدين بدل ما كانت منهاره من العياط بقيت منهاره من الضحك
قصي بيفرح عشان ضحكها و بيسرح في ضحكتها
تاليا بخضه : مستر قصي!!!….. ايه اللي جابك؟
قصي باستغراب من خضتها : جاي عشان اخد منك ملف الاجتماع قيس قالي انو معاكي
تاليا بتوتر : ايوه معايا معلش مش هقدر اقوم هتلاقيه في الدرج اللي هناك خده
قصي بخوف : مش قادره تقومي مالك؟؟؟……..فيكي ايه يا بنتي؟؟؟
تاليا بتوتر : لا وجع عادي بس يلا خد الملف بسرعة عشان الاجتماع
قصي باصرار : في داهية الاجتماع أهم حاجه صحتك مالك اتصل بالدكتور
تاليا بقلق ملحوظ : دكتور ايه لا لا اخرج بس
قصي : يا بنت الناس مالك في… قطع كلامه صوت عياط طفله من تحت طاولة المكتب بتاعت تاليا
قصي بيبص على تاليا بشك وبيروح وبينزل راسه تحت الطاوله وبيلاقي سيلا
قصي بصدمة : جايبه معاكي بنتك الشركة!!!….. عشان كده كنتي عماله تمشيني!!!
تاليا بخوف : وربنا عارفه انوا ممنوع بس ماما وبابا سافروا عزاء قرايبنا واخويا عندو شغل وابوها برضو جاله شغل
قصي بعصبيه : وعشان كده اضطريتي تجيبيها الشركه!!!
تاليا بخوف بتنزل راسها : انا اسفة مش هتتكرر بس…
قصي بضحك : صدقتي ده انا بهزر معاكي يا بنتي مش مشكله بس خدي بالك منها…. بعدين بيكمل بجدية وهو بيرفع راسها….. بس اوعى يا تاليا تنزلي راسك لأي حد او لأي سبب مهما كان خليكي دايما رافعة راسك وبيسرح معاها شويه…. وعيونك حلوة اوي
تاليا بسرحان : هااا
قصي بيفوق على نفسه وبيستوعب اللي قاله : هاا اللي هوا ايه؟؟؟
تاليا : بسالك انت قولت ايه
قصي : مقولتش حاجه انا انتي قولتي
تاليا : انا مقولتش حاجه
قصي بتوتر : مقولتيش حاجه اه… اتاخرت انا على الاجتماع انا رايح…. وبياخد الملف وبيطلع بسرعة
تاليا بفرحة وهي بتتنطط بعد ما مشي : هو قالي عيوني حلوة
تاليا وهي بتجري ورا قصي في السلالم عشان تلحقه قبل ما يدخل الاجتماع
: مستر قصييييي
وبتتزحلق من السلم بس بيمسكها قصي في آخر لحظه وبيقعدوا كده مسافه “لزوم تيري ميري كاهاني 😂”
قيس وهو بيبص للساعه : هوا ماله قصي اتأخر كده قالي انوا وصل هروح اشوفه وبينزل وبيشوفهم كده
قيس بصدمة : انتو بتعملوا ايييييييييييه؟!!
قصي وتاليا بيفوقوا لنفسهم وبيبعدوا بسرعة
قصي وتاليا في نفس الوقت : وربنا انت فاهم غلط استنا هفهمك!!!
قيس بيضحك على خضتهم وأنهم بيتكلموا في نفس الوقت وبيطلع على طول بدون ما يرد عليهم وهما بيجروا وراه عشان يفهموه
قصي بتفكير : في حفله يا تاليا بتاعت الفنان الأجنبي **** النهارده هنا سمعتي فيها؟؟؟
تاليا بحماس وهي بتتكلم : اه سمعت وانا بحب كل اغانيه تحفه حرفيا وكنت عايزه اروح… وبتكمل بحزن….بس الحفله للكابلز للأسف
قصي : طب ايه رايك نروح انا وانتي
تاليا : ايه؟؟؟
قصي : لالا ما تفهميش غلط بس عشان يمررونا
تاليا بتفكير وفرح : تمام
في تمام الساعة 8
قصي واقف قدام بيت تاليا مستنيها وتاليا بتنزل
قصي بابتسامه وهو بيبص عليها بإعجاب : مزة… احم قصدي شكلك جميل اوي النهارده
تاليا : يعني كان شكلي وحش باقي الايام
قصي بتلقائية وسرحان : لالالالا شكلك حلو اوي دايما ومختلفة عن الكل بس النهارده شكلك بالفستان خطير تاليا بتبصله بكسوف وبتسكت
وبيروحوا للحفله وبينزلوا وبيدخلوا
في الحفلة كل كابلز بيرقص
قصي بابتسامة : ترقص؟!
تاليا بتومئ له وبتقوم معاه وبتتلاقى عيونهم مع بعض وكل واحد في دنيا تانيه والكل بيسقف لهم وبيدعيلهم انهم يكملوا مع بعض ويسعدوا في حياتهم لأن رقصتهم كان أجمد رقصك
مروة : معلش يا بنتي انا جايه الشركه هنا لابني ومش عارفه مكتبه ممكن تساعديني ؟؟؟
تاليا بابتسامة : اكيد هوا اسمه مين؟!
مروة : قصي
تاليا بصدمة فرح وبتسلم عليها : انتي ام مستر قصي بيه تعالى هاخدك لمكتبه بس
مروة : تمام… وبتاخدها وبتخبط الباب وقصي بيسمعلها بالدخول
قصي بتفاجئ : ماما!!!…. اهلا فيكي اقعدي ايه اللي جابك؟؟؟…. تعالي يا تاليا اقعدي ثانيه عايز اسالك من حاجات في الاجتماع
مروة : النهارده مفطرتش فجبتلك الفطار
قصي بضيق : ليه يا ماما تعبتي نفسك قولتلك هفطر بره
مروة كأي ام مصرية فضيحة : لالا تفطر من برا ايه فاكر لما كنت في الاعدادي لما ما سمعتش كلامي واشتريت فطور من بره وجالك وجع بطن من الاكل وكان معاك امتحان يومها ف اضطريت تمشي غصب عنك فمشيت بالبامبرز وانت عيل شحط في تالته اعدادي
تاليا بتلقائية : هههههههه
قصي بضيق واحراج وهو بيبص لتاليا : يا ماما ما خلاص ب…
مروة بإصرار : لالا مش خلاص ولا حاجه ولا عاجبك البامبرز وعايز تلبسه من تاني
قصي بسرعة وهو بيطلعها : خلاص يا ماما هفطر بس روحي
وبيلتفت لتاليا اللي لسه كانت بتضحك عليه
قصي بحمحمة : احمم دلوقتي نخش في الشغل بقى…
الباب بيخبط
قصي: ادخل
: ده الفطور اللي لسه كنت طالبوا يا مستر قصي
قصي : اه ايوه شكرا… وبياخدوا
تاليا : طب هسيبك انا تفطر واروح افطر برضو وارجعلك
قصي : ماشي
تاليا بضحك : بس نصيحة مني كل بامية امك عشان مش هتلاقي مقاسك
قصي بعدم فهم : مقاس ايه
تاليا بضحك : ولا حاجه استأذن انا بقى…. وبتطلع جري وهي بتضحك
قصي بعدم فهم : مش هتلاقي مقاسك!!!…. بعدين بيستوعب
قصي بضحك : خدي هنا يا بت…. وبيطلع يجري وراها وهي بتجري منه وكل الشركه بتضحك عليهم
وفي لحظات تانيه كتير اوي
قصي بفرحه : بحبها بحبها وهروح اقولها دلوقتي
غزل وصدمه : بتحبها ومنه طيب ؟؟؟
قصي بحزن وهو بيفتكر منه : هي خلاص ما بتحبنيش وكل مره كانت بتسمعني كلام وحش وأسوأ معامله انا كنت شاريها وهي باعتني وانا وهي حتى لما كنا عايشين عايشين كأننا اغرب وانا خلاص تعبت اني اكون الطرف الخسران دلوقتي لقيت اللي بحبها وبتحبني زي ما انا على طبيعتي ومتقبلاني زي ما انا
غزل : بس هي اتحرجت يا قصي من كلام الممرضة
قصي : وده يخليها تقول كل اللي قالته وتدعي على ابنها؟؟؟
غزل بتنهد : صح كلامك مكنش المفروض تقول الكلام الوحش اللي قالته… طب انت بتقول انك بتحب تاليا وبتحبك انت ازاي عرفت انها بتحبك؟؟؟
قصي بابتسامه : من عيونها…. سرحانها… ضحكتها وكلامها و بعدين انا هصارحها عشان اريح ضميري وهي ليها حريه القرار…. هروح اعرفها دلوقتي… وبيروح
مروة كانت ساكته ومتابعه كلامهم لبعض من الاول وهي بتقول بهمس وبصوت غير مسموع : يزيد!!!….. قصي بيعيد غلطه ابوه من زمان!!!
قصي وهو ماسك علبه الخاتم بفرحه وفاتحها ونازل على ركبه : تقبلي تتجوزيني وتكوني مراتي وبنتي وحبيبتي لآخر العمر
تاليا :

: مواااااااافقة
قصي بيفرح وبيلبسها الخاتم وبيلف بيها
قصي : خديلي معاد من الحج انهارده
تاليا بفرحة : بسرعة دي !!!
قصي : ايوه عشان انا مش مصدق متى تبقي معايا في أقرب وقت
تاليا بتبتسم بفرحة وبتروح البيت بسرعة وبتقولهم
تاليا بفرحة وهي بتتنط : واخيرا هبقى مراااااتو مرات ووو ياناااااس
نادر بزهق : ما خلاص يا تاليا من ما جيتي وأعماله تتنططي ده حتى بنتك ما تنتتطش زيك بعدين ده جاي يتقدم يعني مش فرح ولا كتب كتاب
تاليا بفرحة : مش مهم المهم اني هتجوز اللي بحبو وبيحبني
قمر بفرحة : ربنا يهنيكي يا بنتي ويفرحك دايماً
سليم : اتصلي ببسنت يا قمر خليها تيجي
قمر : ايوه عرفتها وهي في الطريق
سليم : تمام
قصي بحماس : حلوة البدلة دي ولا دي يا غزل؟؟؟
غزل بحزن : بجد يا قصي انت هتمشي تطلب ايدها ؟؟؟
قصي : لا رايح ارقص كيكي عندهم
غزل بجدية : بتكلم بجد انا يا قصي!!!
قصي بعد اهتمام : رايك ايه يا ماما البس البدلة السودة ولا البيضة؟؟؟
غزل بعصبيه و صوت عالي : قصي انا بتكلم!!!
قصي بحدة : خلاص يا غزل بقى انتي حابة تكسريلي فرحتي ليه؟؟
غزل بهدوء : قصي ومنه طيب؟؟ ؟
قصي : منه دي صفحة قديمة وانتهت من اليوم اللي كسر*تلي فيه قلبي بنفسها وكلكو عارفين الكلام اللي قالتهولي ولا عشان انا راجل معنديش مشاعر ولا بتجر.. ح ولا بحس زيكو انا شاركتها كلام ما بقولهوش لاي حد وهي عملت ايه بقيت تعايرني فيه وكسر*تلي قلبي وفرحتي معاها يعني انا معنديش حق افرح وانسى؟؟. .. وبيرمي البدلة في الأرض.. عشان انا ابن اليزيد مش من حقي افرح؟؟؟
مروة بخوف : خلاص يا قصي يا حبيبي حقك عليا البس البدلة البيضة حلوه وشيك
غزل : بس يا ماما
مروة بحدة : اسكتي يا غزل ولا حرف!!!
قصي بياخد البدلة من الأرض وبيروح يلبس ويركبوا العربية كلهم وهو متجنب غزل اللي بتحاول كل شوية تتكلم معاه بس هو ما بيديلهاش فرصة
قصي بينزل من العربية بحماس ومعاه امه وغزل وبيخبطوا على الباب والباب بيتفتح وو….
احببت اثنين… تكملة السابع عشر
ياترى حيحصل ايه لما قمر تشوف مروة وتعرف انوا قصي ابن يزيد؟؟؟… وايه موقف بسنت وتاليا وعلى لما يشوفوا غزل؟؟؟

والباب بيتفتح وكان نادر هوا اللي فتحوا
نادر بابتسامة وترحاب : اتفضلوا اتفضلوا
مروة بخوف : يزيد يزيد بالله عليك سيبني
نادر بخضه : في ايه يا خالتي انتي كويسه؟؟؟
قصي : الحاله جاتلها من تاني خدي يا غزل المفاتيح ورجعيها البيت!!!
غزل : بس..
قصي : مبسش خديها بسرعة لازم ترتاح
غزل بتنهيده : تمام…….وبتاخد امها.
نادر بيدايق بس بيسكت وبيدخل قصي
سليم : تعالى اقعد يا ابني نورت
قصي : البيت منور بأهله… وبيقعد يتلفت يمين وشمال يدور على تاليا
نادر بضيق : احممم
قصي بيلاحظ نفسه وبيتعدل
قصي : ندخل في الموضوع زي ما انت عارف يا عمي انا عايز اطلب بنتك على سنه الله ورسوله و…
سليم بابتسامة : عارف يا ابني و كمان شوفت وقفتك معانا مفيش سبب يمنعني أرفض بس هما اهلك فين ليه ما جوش معاك؟
قصي كان لسه هيتكلم بس قاطعهم صوت خبط على الباب نادر بيقوم يفتح بيلاقي بسنت وعلى وعبد الحميد وبيدخلهم وبيقعدوا في الصاله مع قصي وبتيجي تاليا تدخل صينيه الشاي وتقعد معاهم
بسنت بتشبيه وهمس : انا حاسه اني شايفاها قبل كده هوا من قرايبكم؟؟؟
قمر : لا مش من قرايبنا ده مدير تاليا بس فيه شبه من يزيد بس هوا مش زيه!!!
بسنت بتفكير : لا انا متأكده اني شايفاه هوا نفسه بعدين بتتعمق في التفكير وهي بتبص عليه بقوة
بسنت بصدمه وصوت عالي : افتكرت انت اللي كنت في المستشفى مع مراتك لما كانت بتولد!!!
الكل بصدمه : ايييييييييييه؟؟؟
مروة : ايه ده يا بنتي احنا رايحين فين وفين قصي مش كنا رايحين معاه
غزل : اه بس.. احم يعني زي ما انتي عارفه
مروة بتنهيده : طب ارجعي لازم نكون معاه ونشاركه في اليوم ده!!!
غزل بتنهيدة : ماشي يا ماما!!!
تاليا بصدمة : الكلام ده صح يا قصي؟؟؟
قصي : ايوه صح انـ…
تاليا وهي بترمي باقة الورد اللي جابها : اماااااااال بتعمل هنا ايييييييييييييييه؟؟؟
قصي بيقوم وبيتجه ناحيتها : تاليا افهمي الموضوع ان…
تاليا بصدمة وخيبة ورجليها مش بتشيلها وبتقعد في الأرض : كلكو صنف واحد لييييييه لييييه كل ما اقول هوا ده وافرح اتخذل واتجرح حرام عليكوووو
قصي بخوف عليها : تاليا اهدي وافهمي
تاليا بانهيار : أهدى!!!…. أهدى ازاي؟!!…. ها قولي لا وكمان مخلف وعندك عيل
قصي : وفيها ايه ما دام بنحب بعض ما انتي برضو عندك بنت وو
عبد الحميد بيتنرفز : لا بقى انا سكت كتير
سليم بشخط : عبد الحميد اقعد!!!
عبد الحميد بيقعد بإخراج وهو بيبص لنادر وعلي اللي متابعين بصمت مريب بصدمة
سليم : هديك فرصة اسمع اللي عندك مرة واحدة يا قصي وضح ايه ده؟!
قصي بتنهيدة : انا متجوز بس اللي حصل وبيحكيلهم مشكلته مع منه لما غلطت فيه هي محبتنيش وكل مره عماله تعايرني وتجر.. ح فيا بس وانا من وقتها بعدت عنها خالص ومعدتش في حاجه تربطنا مع بعض انا اساسا فقري مليش لأزمة في الحياة دي مش مكتوبلي السعادة ولا الحب ولا الفرح خالص خالص انا اسف يا تاليا انا بس حبيت اوضح لعمي بس اذا انتي مش هتقدري تتقبلي ابني فأنا اسف وكل حاجه قسمة ونصيب بس انا قولت ان انا وهي بنحب بعض فمفكرتش اقولك ومراتي هي اساساً..
تاليا بدموع : انا فعلا بحبك يا قصي بس انا افتكرتك متجوز وعايزني التانيه انا اسفة مكنتش فاهمة وابنك ده في عيوني ابني واخو بنتي
قمر في تفكيرها : مش عارفه ليه افتكرت يزيد يا ربي من الذكرى الوحشه دي لالا معقول تاليا يحصل معاها اللي حصلي
قصي بيبتسم بفرحة
سليم : مش يلا نقرأ الفاتحة بقى
نادر بيرفع ايدو غصب عنه و علي اللي كان ماسك قبضه ايده بقوة بعصبيه وعلى شويه رايح ينـ قض على قصي وعبد الحميد مستني رده فعل من علي ونادر
الكل بيرفع ايده عشان يقروا الفاتحه بس الباب بيخبط نادر ما بيصدق وبيقوم ينط من على الكنبه وبيفتح الباب وبيرجع
نادر : اتفضلوا اتفضلوا
قمر وبسنت بصدمة وهي بتبص على مروة : مروة!!!
: قمر!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حرم اليزيد 2)