رواية عودة ملوك الفصل الأول 1 بقلم زهرة عصام

رواية عودة ملوك الفصل الأول 1 بقلم زهرة عصام

رواية عودة ملوك البارت الأول

رواية عودة ملوك الجزء الأول

رواية عودة ملوك الحلقة الأولى

لكل منا حلم نسعي دائما لتحقيقه فمنا من فاز و ابتسم و منا من خاب و صابته هوله الاكتئاب و لكن دعونا نتفق أن إرادة الله هي الأنسب لنا حتي و لو كانت ضد رغبتنا…..
دخلت الجريدة بعد نجاح آخر مقال ليها و اللي جلب شهرة للجريدة و إسمها بقي يتردد أكتر و أكتر
– عم صحبي هات الفطار و حصلني على المكتب عشان أنا مش بعرف أركز غير وأنا باكل معلش يعني
هز الآخر رأسه بايجاب و قال:-
حاضر يا أستاذة يا مشرفنا يا منورنا يا مسيطة الجريدة و اللي فيها
وقفت بصتله بابتسامة و قالت:-
تدري أنا ليش متمسكة بيك يا عم صبحي ، لانك والله عارف دماغي و ماشي عليها طبل اكتر توصل لقلبي اكتر متنساش سندوتشات الكبدة و السجق
دخلت المكتب و قعدت مكنها و هي بتفر براحة و بتقول:-
يا الله اديش المكتب كان وحشني كله منك يا أبو كرش يا معفـ ـن بس هنروح من بعض فين أنا وإنت و الزمن طويل ..
هزت راسها باسي مصطنع و قالت:-
مش كان زمنا صحاب و أحباب لولا لسان أ.مك الطويل دا
كان فيها اية يعني لو طبلتي شوية زي الناس اللي بطبلي هناك دي كنت هتبقي حبيبي حبيبي اينعم منافق و كداب بس حبيبي حبيبي يلا ملكش في الطيب نصيب
…….
خبطت بايده على المكتب و قال:-
ايييية الفشلة دي حققت كل النجاح دا ؟
دي الناس بتشتري الجرنان باسمها دا إحنا شوية و هنغير اسم الجريدة باسمها هي أنا هتشل حرفيا
– معلش يا بوص هي الصراحة محدش يطيقها و لا يطيق أسلوبها بسطلما عاملة مبيعات جامده كدا و الناس بتطلبها بالاسم هتبقي خسارة لينا لو سبناها
– لا أنا مش نافعني الوضع دا يا عماد ، أنا ممكن يجرالي حاجة لو فضلت شايفها طول الوقت قدامي كدا
عماد بخبث :-
خلاص يا أستاذ سعيد خرجها مهمات اكتر منها تكون بعيد عندك و منها تجيب شهرة اكتر للجريدة
سعيد بابتسامة خبيثة:-
حلو شوفلي اية أكتر موضوع صعب محتاجين نكتب عنه الفترة دي و ياخد وقت طويل و كلفها بيه ، المهم ياخد وقت طويل يا عماد مش عاوز أشوف وشها قدامي لشهر قدام على ما أهل نفسي مرة تانية إني أشوفها قدامي و لو ليوم واحد
عماد بابتسامة خبيثة:-
حاضر يا أستاذ أوامرك أوامر
– كدا نبقي خالصين يا ملوك و يا أنا يا إنتي في الجريدة دي
سعيد بص قدامه و قال في نفسه :-
أنا اللي هخليكي تقدمي استقالتك بنفسك أما كرهتك في الشغلانه كلها ميبقاش اسمي سعيد السعدني
…..
– معرفتيش اللي حصل يا ملوك موضوع جديد بس اية هينقل اللي هيعمله في حته تانية خالص هيرفعه لفوق بمعنى أصح لو نجح هيبقي يا بخته يا هناه بجد
قالت كلامها و هي قاعدة على المكتب اللي قصدها و مركزة في الورق اللي قدمها
رفعت ملوك عينيها ليها و قالت:-
موضوع اية دا يا بسنت ؟
بسنت بحماس:-
فاكرة رجل الأعمال الفا.سد اللي الجرايد كتبت عنه قبل كدا و طلعوا بعدها كدبوا الخبر ؟
– أيوة أيوة كان اسمه تقريبا كمال منصور ؟
بسنت:-
هو دا دلوقتي تقريباً جه معلومات تانية عنه ميعرفهاش غير أستاذ سعيد بس أنا عرفت إنه تاجر مخدرات خليها في سرك بقي
لوت شفتيها باعتراض و قالت:-
طب ما مصر كلها عارفه أنه تاجر مخدرات اية الجديد بقي
بسنت :-
الجديد إن حد من الجريدة هيدخل وسطهم ينقل المعلومات أول بأول
ملوك بدهشة :-
دا هيبقي سبق صحفي هايل بس مين بقي اللي متكلف بيه ؟
قالتها و هي حاطة رجليها على المكتب و بتتلذذ بساندوتش الكبدة
– مش محتاجة كلام إنتي طبعاً
في لحظة كانت واقفة على رجليها و ضربت باديها على المكتب و هي بتقول:-
مين حمار قال الكلام دا دا أنا معداش على قعادي يوم
– دي أوامر عُليا يا ملوك من صاحب الجريدة يعني هتتنفذ هتتنفذ
نفخت بضيق و قالت:-
هو أبو كرش دا لسه حاطط امي في دماغة دا مكنش لقب دا
= عشان كدا هفضل ممرمطك و يا أنا ينتي في الجريدة دي
– يبقي أنا يا أبو كرش أصل مش ملوك مالك اللي يتعمل فيها كدا و إن كنت ناسي فـ أنا بنت ملك و جدتي منال فـ أكيد مش هطلع ملاك و كيوت لا اصحي دا أنا من إمبابة ياض …
ياض ؟!!
ملوك بابتسامة سخيفة :-
أيوة ياض عند عضرتك اعتراض يا فندم
بسنت حطت اديها على بوقها و كتمت ضحكتها و بصت لـ سعيد بشماته و قالت جوها:-
أحسن تستاهل يا سعيد مطلع عين الكل ولا حد بيعرف بتكلم معاك إلا ملوك بتديك على دماغك و لا بتعرف تتكلم معاها حرف ولا بتاخد حق ولا باطل
سعيد بغيظ :-
و هو برضوا يصح يا محترمة إنك تقولي كدا لمديرك ؟
ملوك ببرود:-
أيوة يصح أنا يعم واحدة مش محترمة جاي تتمحك فيا و تتكلم معايا لية ؟
– سعيد بغضب :-
إنتي بتتكلمي كدا لية إنتي ناسية إني صاحب الزفته اللي انتي شغالة فيها دي ، يعني ممكن بكل بساطة اطردك و استغني عندك !!
ملوك ببرود أشد:-
خلصت كلام ؟؟ و لعاشر مرة هقولك إني مش ناسية انك صاحب المخروبة دي و عاوزة برضوا تحط في دماغك إن لوليا كانت وقعت من زمان و إن مقالاتي هي اللي معيشاك العيشة دي و مخلياك تلبس بدل و كرشك مدلدل منها و عارفة برضوا إني باخد مرتب يكفي خمسة عشان مسبكاش و أروح جريده تانية و عارفة برضوا إنك بوق و متقدرش تطردني عارف لية عشان ساعتها مش هيبقي في سعيد السعدني
بصلها ببرود شديد و هي كملت تقدر حضرتك تبعتلي المعلومات و المطلوب عن الموضوع دا مع حد في البيت اصلي مش هقدر اقعد اكتر من كدا عشان ورايا مواعيد تانية و اه لحظة
مشيت لحد المكتب و جابت منه باقي السندوتشات و حطيتها في ايده و قالت:-
حلال عليك باقي السندوتشات دي يمكن تكبر كرشك كمان شوية سلام يا أبو كرش
خد بالك أنا مش بشتمـ ـك دا مدح بالنسبالي
…….
– بنت مش ناوية تجبها لبر مع سعد السعدني يا ملك الراجل كل ما يشوف خلقتها يتصل بيا يشتكي منها
– ما اكيد هو اللي بيعصبها و بيجي عليها هو أنا بنتي تعرف تعمل حاجة دي نسمة قطة وديعة ماشية على الأرض
قالتها و هي بتاكل ليب و بترمي القشر في الطبق اللي حطاه تحت دقنها بالظبط
مالك بصدمة :-
هي مين دي اللي قطة وديعة يختي بنتك قطة شوارع محدش بيسلم من لسانها
ملك ببرود :- لا تسيبه يهزقها و يجي عليها أنا اللي يدوس لبنتي على طرف تدوس ليه على أربعة و عشرين طرف
– وأنا بكلم مين ؟ طبليلها يا حبيبتي طبلي
– حاضر يا حلوة و هقوم اتحزم و أرقص كمان لو تحب ، اقولك تعال أرقص معايا أحسن اية هتسبني أرقص لوحدي
مالك بدهشة:-
الصبر من عندك يا صاحب الصبر يا رب صبرني عليها بدل ما اقتلهـ ـم كلهم و اخلص
فجأة سكت لما سمع صوت بنته العالي و هي بتقول:-
وحشتوني وحشتوني وحشتوووووووني
ملحقش يرد و كان شبشب ملك متوجه ناحيه بنته و هي بترد عليها و بتقول:-
أهلا أهلا أهلا أهلا باعز الحبايب أهلا
لية يا ملك العنف دا بس دا أنا حتي جاية بدري اقعد معاكي اسليكي
مالك بسخرية:-
يعني مش عشان اتخانقتي مع المدير و سمعتيه من كلامك السم كالعادة
ملوك بسخرية :-
يااااه يا جدع هو لحق بالسرعة دي يتصل و يشتكليلك ، ينهار ملون يا جدع
مالك بهدوء:-
إنتي يا بنتي مش ناوية تتلمي بقي و تشوفي شغلك عدل و تبطلي عمايلك دي
ملوك بهودء مماثل :-
والله يا حبيبي أنا نفسي مهز.قوش بس هو اللي بيجيب لنفسه الكلام بيجي يتحك فيا و بيجر شكلي يا مالك اسكتله
مالك بسخرية :-
لا يا روحي اديله على دماغه
ملوك بسعادة:-
مهو دا اللي أنا عملته
ملك بفرحه سفقت ليها و حضنتها و هي يترتب على صدرها بخفه و بتقول:-
تربيشي
مالك لسة هيتكلم الجرس رن و حد من الخدم فتح و دخل واحد معاه ملف اداه لملوك فتحته و عنيها وسعت و قالت:-
اه يا سعيد يا أبو كرش يا معفـ ـن طب والله ما ههنيك يوم يا أقرع أنا ملوك يتعمل فيا كدا…

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عودة ملوك)