رواية احببت شخصيتها الفصل الرابع 4 بقلم رحمة محمد

رواية احببت شخصيتها الفصل الرابع 4 بقلم رحمة محمد

رواية احببت شخصيتها البارت الرابع

رواية احببت شخصيتها الجزء الرابع

رواية احببت شخصيتها الحلقة الرابعة

عائشه بصدمه: اي اتجوز علي لالالالالا
انت مش هتعمل كده فيا صح
عاصم بغضب: لا هعمل كده وهتتجوزييه
عائشه: بس علي شديد اوي وانا استحاله اتجوزهه
ثم قالت بضعف طب صدقي هحاول اتصرف زي البنات حتي بوص جريت وجابت فستان وقالت له
وهلبس فساتين واللهي هعمل كده بس اني اتجوز علي لا الا علي انا مبحبوش
عاصم بعناد: ده اخر كلام عندي الاسبوع الجاي يوم الخميس هيكون كتب كتابكم
وانتي ي جميله فاهمه
اومأت جميله وهي تبكي علي حال ابنتها وقالت له
فاهمه ياخويا حاضر
مشي عاصم ودخلت عائشه اوضتها واخدت تبكي علي حالها وعلي ما وصلت له
حاولت جميله انها تتكلم مع عائشه بس عائشه كانت رافضه الكلام معاها
في نص الليل
خرجت عائشه من اوضتها وتاكدت انو جميله نامت واتسحبت لحد السطح
طلعت وخدت نفسها وفضلت تعيط
لقت حد بيخبط علي ضهرها لفت لقته مالك
تصنعت الجمود وقالت عاوز اي
مالك: غريبه يعني منزلتيش الورشه النهارده وانتي بتعيطي ليه كده حد مزعلك
عائشه: حاجه متخصكش خليك في نفسك
مالك بهدوء: اي حاجه تخصك تبقي تخصني
عائشه: انت اهبل ولا اي انت عارفني من شهر بس ولسه امبارح عارفني علي حقيقتي لحقت تاخد عليا
اعمل اي طيب انا باخد علي الناس بسرعه
تنهدت عائشه وقالت
يارب صبرني علي الجيران ديه
انا شايفك انك بقيتي حابه تتكلمي كانك بنت
انا اكيد حابه بس خايفه اوي
طب اي رايك تروحي لدكتور نفساني
اهه دكاتره المجانين دول تؤتؤ لا فكك
……………….
ها اول جلسه كانت عامله ازاي
يااااه كانت حلوه كويس انك قولتلي امبارح عليها
شوفتي بقا وانتي كنتي رافضه تيجي
طلعوا فعلا كويسين استريحت شويه لما اتكلمت معاها
اي رايك تيجي معايا وانا بزور اختي
اي لالالا روح انت انا هروح الورشه منزلتهاش امبارح والضغط كتير علي محمود
تمام هشوفك بليل في السطح؟!
معتقدش وانهارده بذات لا لانو ام سمر بتتطلع علي السطح كل يوم خميس وبتقضي اليوم لحد الفجر هي وعيالها وقرايبها
……….
روحت الورشه وبدات اشتغل وكنت مخنوقه اوي من كلام عمي انا اتجوز علي اكتر حد بكره واكتر حد شديد واكتر واحد متكبر
سمعت ام فوزي وهي بتقول لفوزي مخنوق روح اسمع قران ي ولا بدل ما انت نايم طول النهار وماسك التليفون
(محدش يستغرب هي ساكنه في العماره اللي جنب الورشه وكمان في الدور الارضي فصوتها مسمع الشارع كله)
سمعت كلامها وافتكرت اني فعلا بعيده عن ربنا واني يعتبر مبسمعش قران غير في العزا بس
خلصت شغلي وطلعت اتغديت مع ماما و دخلت اوضتي
وشغلت قران كانت سوره النور قعدت اسمعها واركز في كل كلمه فيها حسيت بكميه راحه يااااه اول مره احسها بجد
ولفتت انتباهي الايه ديه« فقال تعالى: وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا(النور: من الآية31)»
جبت معنها وفهمته وعرفت اني لازم البس الحجاب وقعدت في اليوم ده اجيب فديوهات كتير لناس بتتكلم عن الدين وعرفت انو ربنا لعن المتشبهات بالرجال قعدت اعيط كتير اوي يعني انا لولا اني سمعت قران وجبت فديوهات كان ممكن ادخل النار هو صح ماما لابسه حجاب بس انا عمري ما حاولت استفسر عنه وانو هي ليه لابساه محدش يستغرب انا فعلا كنت جاهله جدا في ديني وماما لما انا كبرت محاولتش حتي انها تقولي البسي الحجاب لانو انا بطبيعه الحال كنت اصلا رافضه فكره اني ابقي بنت
فات اربع ايام بالظبط انا عارفه انو كانوا قليلين اوي اني اعمل كل ده بس قدره ربنا بقا وان الله يهدي من يشاء وانا كنت قاطعه الكلام مع مالك و حتي كنت قاعده من الورشه وكنت بجيب بس فديوهات دينيه وبسمعها وبعرف عن ديني وحاولت اصلي بمجرد ما ركعت اول ركعه وانا بصلي الفجر عيطت وندمت علي كل وقت مصلتش فيه ومقربتش من ربنا فيه ومحاولتش اكون زيي ما هو خالقني
وحاولت بردو في اليومين دول اني اتكلم بصوت هادئ عشان ادرب نفسي لما انزل اتكلم مع الراجل وانا بشتري الادناء
خدت الخطوه ديه بسرعه جدا ونزلت جبتوا كنت بواجهه صعوبه وانا بتكلم مع الراجل شويه كنت بطخن صوتي وشويه لا
عمي من اليوم ده مجاش بس كان بيتصل علي ماما ويحظرها من اني احاول اهرب مروحتش للجلسه النفسيه تاني حسيت ان قربي من ربنا كان علاج ليا
عائشه تعالي عشان ننزل نجيب فستان كتب الكتاب و
ماما اتصدمت لانها كانت شيفاني وانا ببوص لنفسي في المرايا بعدت ما لبست الادناء
علفكره انا لما نزلت كنت شايله الشنب ولابسه الكاب بس
جميله بعياط: اللهم صلي علي النبي شكلك جميل اوي انتي عائشه بنتي صح
عائشه بعياط: ايوه ي ماما انا عائشه ربنا هداني
جميله: خليكي كده ي بنتي زي ما ربنا خلقتك بجد جمالك بان طلعتي حلوه اهو ي بت
عائشه: انا اصلا شويه كده وهلبس النقاب عشان احمي نفسي من الفتن
جميله: ربنا يثبتك ي بنتي صح ي عائشه ياله عشان ننزل نجيب الفستان
عائشه بدموع: انا مش عوزه اتجوزهه انا خلاص بقيت بنت اهو
جميله: ي حبيبتي مينفعش تقولي كده ده ناقص يومين واليوم التالت هيكون كتب الكتاب وبعدين عمك مصمم
وبعدين هتعملي اي في المنطقه اللي عارفه انك ولد ديه هتقوليلهم اي
عائشه بتفكير في سؤال امها وقد نست انو كتب الكتاب ناقص عليه ايام قليله قالت………..
……………….
في مكان اخر عند عاصم
علي بعصبيه: نعم انت بتقول اي بقا انا ارجع من السفر تقولي انو كتب كتابي بعد تلات ايام انت بتهزر ي بابا
عاصم بجمود: لا مبهزرش وانا من امته بهزر وكمان كتب كتابك هيبقي علي عائشه بنت عمك
علي بصدمه وغضب اعمي: انت بتقوللللل ايييي ازاي تقرر قرار زي ده من غيررر متاخد راييي لا وكمان علي عائشه المسترجله ديه مفهاش ريحه الانوثه انا استحاله اوافق بالمهزله ديه ابداااااا
عاصم بهدوء مخيف: هتوافق ولا ادي الشركه ل هاشم
علي بصوت عالي: لالالا كده كتير يعني انا دفنت شبابي ومتجوزتش وبقالي ١٢سنه ببني في الشركه ديه لحد ما بقت من اكبر الشركات وتيجي تقولي هتديها لهاشم طب ما تخليييي هاشممم يتجوزهااااا
عاصم وقد نفذ صبره: مينفعش هاشم عنده ٢٠سنه وعائشه٢٦ وانت عندك ٣٢ يعني انت الكبير وانا مصمم اني اجوزهالك انت
علي بيقول في سره وهو يقبض علي يده و بعيون بطلع شرار:
والله هتكون نهايتك علي ايدي ي عائشه المسترجله
نرجع عند عائشه تاني بقا
اه جتلي فكره انتي هتنزلي لي ام جمال وهتقوليلها انو ابنك عائش سافر والسفريه ديه مهمه وممكن يعيش هناك وانو الصبح جتلك بنت اختك عائشه وهتعيش معاكي وام جمال وليه فتانه ف هتقول للمنطقه كلها وبكده نكون خلصنا من عائش
جميله: تفتكريي هيصدقوا طب وبخصوص اسم عائش وعائشه
عائشه: حاولي تقولي اي حاجه مثلا اننا اتولدنا في نفس اليوم فسمتونا اسماء شبه بعض اي حاجه ي ماما بقا
وانتهي اليوم ومالك طول الايام ديه كان بيحاول يوصل لعائشه بس مش عارف ازاي كان بيطلع علي السطح كل يوم ويقعد في البلكونه علي امل انها تتدخل بس مكنتش بتتدخل
ومر يوم و جيه وعاصم هدد عائشه انها لو فكرت تلعب بدلها هتندم ومش بعيد يق، تلها
عائشه فضلت تترجاه وتقوله انها اتغيرت وهتعيش بنت وخلاص هي دفنت عائش ومبقاش فيه غير عائشه بس هو كان مصر وقراره كان قرار قاطع
عائشه: انا كده مقدميش غير حل واحد
طلعت علي السطح وكان مالك بيتكلم في التليفون وبيقول
مالك: حاضر ي ماما والله لما تيجي بنت الحلال اللي قلبي يحبها هتجوزها ربنا يطول في عمرك ي ست الكل متخافيش هتشيلي احفادك تمام انا هقفل سلام
لف وشافها
اعاااا انتي مين بسم الله الرحمان الرحيم خضتيني
انا عائشه
نعم عائشه ازاي انتي اكيد بتهزي انتي اني واحده من اللي سكانين في العماره
انا عائشه ي ولا اسكت بقي
عائشه شكلك جميل اوي الادناء والحجاب عليكي جميل اوي مشاء الله تبارك الرحمان
خض البصر بقا
بص في الارض وقال
استغفر الله العظيم انا اسف انا عارف ديني كويس جدا علفكره
قالت عائشه بصوت مرتبك
مالك تتجوزني
مالك وهو غير مستوعب: هااااااا……………

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية احببت شخصيتها)