رواية شمس الفصل الثامن والعشرون 28 بقلم أمل السيد

رواية شمس الفصل الثامن والعشرون 28 بقلم أمل السيد

رواية شمس البارت الثامن والعشرون

رواية شمس الجزء الثامن والعشرون

رواية شمس الحلقة الثامنة والعشرون

بصيت لحماتي وأنا فعلا مصدومة ازاي جالها قلب تعمل كده وتبقى زي الناس اللي ما عندهمش رحمة بياذوا البني آدمين ما خافتش من ربنا ما فكرتش أن هو يعذب الناس اللي بتروح للناس زي دي كنت دايما أسمع عن القصص الناس اللي بتعمل أعمال لغيرها وتاذيهم افتكرت قصة الراجل اللي كان يعمل أعمال ويؤذي الناس اللي حواليه ولما مات ربنا ما جابلهوش والقبر اللي كانوا دفنينه في انفتح رجله طلعت لبره كانت العيال الصغيرة بتدوسي عليه وجسمه كان عامل زي البلاستيك كل ما العيال تدوس عليه يقوم ويفتح عينيه أهله خدوه ودفنوه في مقابر تانية برده أتفتحت من كل ناحية وكل ما يقولوا لمقبرة تانية يحصل نفس اللي بيحصل بعدين حفر حفرة تحت الأرض ودفنوا فيها علشان ما يطلعش وعملوا فوقه صبه وخرسانة علشان يطلعش تاني، قلت لنفسي إن ربنا خد لي حقي أنا مش شمتانه بس ربنا عالم باللي كان بيحصل لي والخوف اللي كنت فيه ما كانش بأيدي حاجة أعملها ربنا جابلي حقي منها إن هي تفضل نائمة على السرير وأنا ألا أخدمها كمان قمت وسبتها من غير ما أتكلم أو أقول حاجة أو ابصلها طلعت بره عمار وأنس ويونس كانوا يفطروا دخلت على اوضتي وجه في دماغي الحديث
عن عبد الله بن عباس رضي الله عنهما قال : كنت خلف النبي صلى الله عليه وسلم فقال لي : يا غلام إني أعلمك كلمات : احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك ، رفعت الأقلام وجفت الصحف.
كنت بقول لنفسي لسه في حاجة تانية الناس مخبياها عني ولا أنا لوحدي مش عارفة اللي بيحصل حواليا واللي هعرفه تاني من أقرب الناس نفسي اصحى في يوم ألاقي كل حاجة انتهت وحياتي بقت حلوه وأعيش زي الناس اللي عايشه ومبسوطة.
شفت عمار داخل الأوضة وقفلها وقعد جنبي
عمار: ماكلتيش ليه وبعدين مالك في حاجة أنتِ كنت كويسه من شوية إيه اللي حصل دخلتي عند ماما كنتي حلوه طلعتي هي قالت لك حاجة زعلتك
كنت عايزة أهرب من أسئلته بأي طريقة أنا مش هقول له الحقيقة أكرهه في أمة بعد السنين دي كلها هي بردة في الآخر أمه وأنا كمان عندي عيال في الآخر جبت سيرة أنس عشان أقدر أهرب من جوابه
شمس: مش أنس بره ازاي بقي دخلتي عندي مش أنتَ خايف على زعله مش قلت لي بلاش نتكلم في النهار وبالليل بس ولا إيه
عمار: سيبك من أنس دلوقتي وردي عليا مالك بتتهربي من سؤالي ليه لو مش عايزة تقولي ما فيهاش مشكلة هروح اسأل أنا
شمس: كنتش عايزة أزعلك بس هي جابت سيرة المو”ت وأنا زعلت بس ده الموضوع كله ما فيش حاجة
عمار: آه متزعلي نفسك مش أول مرة يعني وبعدين توافقي أعزمك على العشا النهاردة ولا هتحرجيني
مش عايز الرد دلوقتي كلميني
كنت لسه هرد عليه وأقول له ما ينفعش أسيب الأولاد لوحدهم، قرب مني فجأة لما يقرب مني كده ببقى في عالم تاني أبقي تايهة بيكلمني وأنا في عالم تاني
عمار: يا بنتي عايزة حاجة قبل مامشي
أنتِ معايا
شمس: كنت بتقول حاجة
عمار: كل ده ومش بقول حاجة يا نهار عسل بقول لك عايزة حاجة
شمس: لا
عمار: تمام لو عايزة حاجة أبقى رن عليا
تمام
شمس: تمام
عمار مشي وأنا خرجت بره أنس و يونس كانوا بيبصوا لي
شمس: في إيه مالكم بتبصوا لي كده ليه
أنس: مش أنتِ قلتيلي إنك هتبعدي عنه ولا كنتي بتضحكي عليا
شمس: كان جاي يشوف آنا زعلانة ليه استريحتوا كده قوموا شوفوا دروسكم وبلاش رغي كتير
يونس: أنا هتفرج على كرتون
مش عندي مذاكرة
شمس: طب ماشي
أنس: أنا هتفرج معاه
شمس: أنتَ مش عندك درس
أنس: مش هروح
شمس: أنتَ بتعاديتني صح اللي بيني وبين عمار ما لكش دعوة بيه أنتَ فاهم أبعد عنه ما بعدش عنه دي حاجة تخصني أنا وهو ما تتدخلش أنتَ مش ناقصك حاجة أنا جنبك طول الوقت أي حاجة أنتَ بتطلبها بتاخدها قوم ذاكر وروح درسك
أنس: مش معنى يونس يعني لما قال لك أتفرج على كرتون قلت له ماشي
شمس: ما فيش كرتون حلو كده لا أنتَ ولا هو أعمل حسابك أنتَ وهو تناموا بدري
يونس: ليه كده، عجبك كده يا أخويا نكدت علينا وهتنيمنا بدري كمان ومش هشوف الكرتون بسببك
أنس: بس يالا
يونس: شفتي بيشتمني ازاي عقبيه هو لوحده
شمس: امشوا من قدامي انتوا الاتنين
قعدت أفكر في موضوع العشا أروح ولا لا لو رفضت يبقى هبوظ علاقتي بيه وما صدقت إن هي اتصلحت فتحت الدولاب اطلع منه حاجة حلوه ألبسها شفت دريس أبيض تقريبا كان عمار جايبه أنا ما خدت بالي منه بس كان شكله حلو طلعته ورنيت عليه وقلت له إن أنا موافقة بعدين دخلت المطبخ أعمل أكل للعيال اللي جننتني دي وافتكرت حماتي أتعامل معها ازاي بعد الكلام ده قلت ادخل أقول لها إن أنا مسامحاها واللي حصل حصل دخلت بس كان شكلها نايم خرجت قلت على أعمل الأكل ادخل لها تاني تكون صحت
فعلا دخلت أعمل أكل بعد ما خلصت سمعت عياط ولاء رحت أشوفها كانت سخنة مولعة
اتصلت على عمار قال لي إن أجيبها على المستشفى لأنه الداخل يعمل عملية كمان شوية لمريض وإنه مش هيعرف يجي ما بقتش عارفة أعمل إيه اتصلت على شيماء أختي تيجي تقعد مع العيال على ما أروح وأجي هي وافقت إنها تيجي وخدت ولاء وطلعت على المستشفى عمار كان قايل للدكتورة آن هي تستناني خدت ولاء وعملت لها اللازم
وأنا قعدت استني عمار لغاية ما يخلص بعد وقت شفته بس كنت غيرانة أول ما شفته مع اللي أسمها الدكتورة مي دي وأنا مش بحبها من أول مكان يوصف شكلها بطريقة يخلي أي حد يحبها كانوا بيضحكوا اتضايقت وكنت هقوم أمشي لقيته جي عليا
عمار: شمس ولاء بقت كويسه
شمس: آه الحمد لله أحسن
مي: ازيك يا شمس عامله إيه ولاء بتشبه باباها أوي
شمس بغيظ: كويسه أوي على فكرة هي بتشبه مامتها مش باباها
مي بإحراج: آه فعلا، قربت من عمار بهمس أنا همشي مراتك شكلها غيرانة على الآخر وتنفجر فيك دلوقتي
عمار: تمام
شمس: هي كانت معاك في العمليات
عمار باستعباط: هي مين
شمس: مي مش أسمها مي برده
عمار: آه بتتكلمي عن مي آه كانت معايا ليه في حاجة
شمس: لا بسال عادي أنا همشي
عمار مسك أيديها: أنتِ غيرانه من مي احنا زملاء مش أكتر وأنتِ عارفة إن هي متجوزه يبقى ليه الغيرة اللي ملهاش أي لازمه وهي عارفة إن أنا بحبك وأنها ما كانتش وافقت تساعدني علشان تبقى معايا
شمس: مش من حقي أغير على جوزي
حبيبي وما تنساش إن أنتَ كنت خطيبها ولا كلامك عليها نسيت كل ده
عمار: إيه ده إيه ده ده أنتِ مولعة منها بقي مش قادرة تنسي طيب يا ستي من حقك كل حاجة روحي أنتِ
شمس: أمشى يعني طيب نسيت أنك قلتلي إن احنا نتعشى مع بعض
عمار: آسف جدا بس أنا مشغول ممكن ناجلها ليوم تاني لو ده مش هيضايقك
بصيت له وأنا متضايقة بعد كل ده يبقى مشغول ده أنا زعلت العيال بسببه ما كانش مشغول لما كانوا بيضحكوا
عمار: شكلك أتغير ليه كده
شمس: ما كنتش مشغول لما كنت بتضحكوا لما جيت عندي بقيت مشغول بسبب حضرتك أنتَ أنا زعلت أنس ويونس بسببك وفي الآخر تقول لي مشغول طيب تمام اللي يريحك
عمار: كل ده بسببي وما زعلتيش الطفلة دي كمان ولا زعلت جالها سخونيه شمس أنا آسف بجد الوقت مش ملكي دلوقتي في مريض لازم أتابعه هعوضك مرة تانية
شمس: تمام ما فيش مشكلة
عمار: لسه زعلانة صح
شمس: حياة المريض أهم مني هستناك على العشاء
عمار: تمام أحاول آجي على الوقت
شمس: همشي علشان تشوف شغلك أنتَ
سبتة ومشيت روحت نيمت ولاء وغيرت هدومي شفت شيماء بتتخانق مع يونس سبتهم ودخلت أبص على حماتي كانت برده لسه نايمه سبتها لغاية ما تصحى براحتها قعدت أتكلم مع شيماء شوية ورخامه يونس اللي مش بتخلص عدى الوقت وشيماء روحت ودخلت أبص على حماتي برده لسه نايمه قربت منها علشان اصحيها لكن ما كانتش بتصحى معايا بقيت خايفه قربت من قلبها أشوف في نبض ولا لا بس ما كانش في نبض جسمي بقي بيرتعش اتصلت على عمار يجي يشوفها وفعلا جه بسرعة قرب منها وفتح عينيها بقي يشوف نبض وأنا ببصلة كل ده وخايفه وفجأة لقيته بيغطي وشها وبيقول ودموعه بتنزل
إِنَّا لِلّهِ وَإِنَّـا إِلَيْهِ رَاجِعونَ أغمي عليا أول ما قاللي كده اتصدمت بقيت حاسة أنا السبب في موتها لو كنت قلتلها إن أنا مسامحاها يمكن ما كانش حصل كده الأيام كانت بتمر بس كانت شبه بعضها ما كانش فيها حاجة حلوه وبقيت حزينة ما كنتش مصدقة أني مر شهرين على وفاة حماتي
عمار: شمس هتفضلي حزينة كتير كده
شمس: أنا السبب لو كنت قلت لها إن أنا مسامحاها ما كانتش ما:تت
عمار: هو أنتِ اللي موتيها ده يومها وساعتها ما حدش يهرب من المو”ت وأنتِ عملتي اللي عليكي وادعيلها أحسن من اللي أنتِ عاملاه في نفسك ده لازم تكوني مؤمنة بقضاء ربنا
شمس احنا هنمشي من البيت ده أنا شفت شقة هننقل فيها نفسيتك ترتاح أكتر طول مانتِ قاعدة هنا هتتعبي وأنا هتعب معاكي والكل يتعب
شمس: أنا مرتاحة متقلقش
عمار: يلا قومي جهزي هدومك نمشي
ما فيش اعتراض
بصيت لقيته بيطلع هدومه بيحطها في الشنط كان مجهز كل حاجة قمت بصيت في البيت كنت بودع كل حاجة فيه ذكرياتي كلها بقت هنا وفي كل حتة فيه عمار مسك أيديا وطفي النور ونزلنا على العربية بعد شوية وقت وصلنا قدام عمارة نزلت وأنا مش شايفة أي حاجة قدامي ركبنا الاسانسير فتح باب الشقة أول ما دخلت ما كنتش حاسة بنفسي ولا شايفة قدامي وقعت من طولي ماعرفش إيه اللي حصل بفتح عيني شفت محاليل وعمار مبتسم مش عارفة ليه لقيته قرب عليا
عمار: ما كنتش أعرف أن الشقة دي من أولها كده يكون وشها حلو علينا مبروك قلبي
بصيت له وأنا مش فاهمة أي حاجة لقيته قرب وبأ”س خدي
مبروك أخيرا تبقى أم أولادي مبروك يا شموسه أنتِ حامل؟!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية شمس)