رواية بناتي للبيع الفصل السادس عشر 16 بقلم محمد مالك
رواية بناتي للبيع الفصل السادس عشر 16 بقلم محمد مالك
رواية بناتي للبيع البارت السادس عشر
رواية بناتي للبيع الجزء السادس عشر
رواية بناتي للبيع الحلقة السادسة عشر
سلمي غاضبة ومستنكرة .. ايه التخاريف دي ؟!
سنتين ايه اللي فاضلين في عمرك بس يا ماما ؟!
انتي هتصدقي الكلام الفاضي ده ؟!
دا دجال !!
رضوي .. بس طنطك ام نيفين قالت انه راجل واصل اوي وسره باتع وناس كتير شكرت فيه !!
سلمي .. ما أظنش!!
ده باين عليه مشعوذ ودجال !!
الاعمار دي امور غيبية يا أمي ومحدش يعرف هنموت امتي .. ده ربنا قال وما تدري نفس ماذا تكسب غدا وما تدري نفس بأي أرض تموت
رضوي .. صدق الله العظيم ..
طب هو ليه قالي ان فاضل في عمري سنه او سنتين ؟!
سلمي .. بقلك دجال يا ماما .. بينصب عليكي عشان يسحب منك فلوس
رضوي .. بس هو مرديش ياخد مني فلوس واتعصب اوي لما شافها!!
سلمي بسخرية .. ههههه .. دي اول مرة بس عشان يحسسك انه مش بتاع فلوس لكن بعد كده هايقشطك ومش هيخلي حيلتك جنيه واحد !!
رضوي .. معقول ؟!
سلمي .. ايوه صدقيني .. ده دجال يا امي وواضح جدا كمان من اللي انتي حكيتهولي عن الحوار اللي دار بينكم .. انسي عشان خاطري الكلام الفارغ ده وقومي اتوضي كده وصلي ركعتين لله .. وادعيله انه يزيح عنك اللي انت فيه .. هو الوحيد اللي في ايده الشفا
رضوي .. ونعم بالله .. هاقوم حاضر .. بس فيه حاجة تاني محيراني ؟!
سلمي .. ايه هي ؟
رضوي .. قالي كمان ان انهارده لازم اكون في مكان ومحدش يسمعني خالص فيه ؟! ولما سألته ليه .. قام شاخط فيا وقالي امشي من قدامي ؟!!
سلمي .. والله دجال يا أمي ومتصدقيش منه ولا كلمه .. دا عايز يلعب بأعصابك مش اكتر .. طب بصي ادينا قاعدين اهوه وهتشوفي بنفسك مفيش حاجة هاتحصل خالص
رضوي .. ياريت يا سلمي مفيش حاجة تحصلي فعلا .. انا مرعوبة اوي !!
سلمي .. لا اجمدي اومال يا امي .. دا بيراهن علي اعصابك واللي بيخاف من حاجة بتحصله !! قومي يلا اتوضي وصلي ركعتين زي ما قلتلك وادعي ربنا كتير .. ماشي ؟
رضوي .. حاضر .. اديني قايمه اهوه
سلمي .. شطورة يا ماما .. ههههه
رضوي تبتسم لأبنتها وتتوجه الي غرفتها استعدادا للصلاة ..
صفحة مصطفي الصعيدي .. تقرا القصة وتكون مع ابطالها
ونذهب الي فؤاد الذي يجلس في مكتبه بشركته الخاصة وتدخل اليه سيدة تدعي داليا ومعها ابنتها رشا فتاه عمرها خمسة عشرة عاما في قمة الجمال ..
فؤاد .. اهلا مدام داليا اتفضلي اقعدي .. دي رشا صح ؟
داليا .. ايوه هي
فؤاد منبهرا .. قمر فعلا .. اقعدي يا رشا
رشا تخاف من منظر فؤاد البشع وتقول
رشا .. ماما الراجل ده وشه وحش اوي !!
انا خايفة .. يلا نمشي من هنا
داليا .. عيب يا رشا .. عمو يزعل
فؤاد .. لا ابدا .. سيبيها علي راحتها .. عمو فعلا وشه وحش اه .. بس قلبي جميل جداا زيك كدا .. اتفضلي يا مدام داليا .. الشيك اهوه .. فيه المبلغ اللي اتفقنا عليه
داليا تمسك الشيك وتنظر اليه وتفرح بشدة
داليا .. يااااه .. متصدقش حضرتك انا الفلوس دي محتاجاها اد ايه ؟! الف حمد والف شكر ليك يارب .. بس والنبي مش هوصيك علي رشا خلي بالك منها عشان خاطري .. انا محيتليش غيرها .. دي البنت الوحيدة اللي طلعت بيها من الدنيا وزي ما حضرتك عارف ابوها طفش من سنين وسابني وحدي اربيها
فؤاد .. لا مش عايزك تقلقي خالص .. رشا دي في عينيا الاتنين
داليا .. وزي ما اتفقنا خمس سنين وهارجع اخدها تاني ؟!
صفحة مصطفي الصعيدي .. اول اسم في بحث فيسبوك
فؤاد .. اكيد طبعا .. احنا اتفقنا خلاص
داليا .. طيب مش هشوفها خالص خلال الخمس سنين دول ؟!
فؤاد .. لا للأسف .. احنا اتفقنا انك مش هتشوفيها غير بعد خمس سنين .. اظن انا فهمتك كل حاجة ؟!
داليا .. ايوا فهمتني .. بس انا مقدرش اقعد خمس سنين من غير ما اشوف بنتي خالص !!
فؤاد .. دا شرطي للأسف .. بس ممكن تكلميها في التليفون وتتطمني عليها عادي مره كل شهر
داليا .. يعني اكلمها مره واحدة بس كل شهر ؟!
فؤاد .. ودقيقة واحدة مش اكتر
داليا .. وكمان دقيقة واحدة بس ؟! دا ذل بقي ؟!
فؤاد .. عايزة ترجعي في اتفاقك مفيش مشكلة .. هاتي الشيك وبنتك معاكي
داليا .. لا مينفعش تاخد الشيك تاني .. انا خلاص ظبطت حاجات كتير اوي علي حس الشيك ده ..
هتوحشيني يا رشا
تريد ان تحضنها ولكن رشا تمنعها ويبدوا انها غاضبة ولا تصدق ما تفعله امها
رشا .. ابعدي عني !!
انتي هاتعملي ايه ؟!
داليا .. هاحضنك يا بنتي !!
رشا .. تحضنيني ؟!
تحضنيني ليه وانتي بعتيني خلاص عشان خاطر الفلوس !!
داليا .. لا يا رشا انا مقدرش ابيعك يا بنتي !!
رشا .. ما انتي بعتي خلاص وقبضتي التمن اهوه !!
بجد انا مصدومة فيكي .. امشي مش عايزة اشوفك تاني .. امشي بقي !!
داليا متأثرة من كلام ابنتها
فؤاد .. امضي هنا يا مدام داليا وروحي انتي خلاص وانا هاهديها
وتوقع داليا علي ورقة لم تقرأ حتي ما بها .. ثم تنظر الي ابنتها وكأنها تودعها ولكن ابنتها لا تنظر اليها ثم تنصرف ..
فؤاد ينظر الي رشا ويبتسم في خبث شديد قائلا
فؤاد .. اهدي بقي يا رشا مش كده .. انتي هتنبسطي اوي وانتي معايا ..
رشا تنظر اليه وهي في حالة من القلق والخوف الشديد ..
ونذهب الي رضوي التي تكون نائمه في سريرها ثم بعد ذلك نري القط جيمي يدخل من شباك الغرفة المفتوح ينظر الي رضوي وينونو عدة مرات ولكن رضوي لم تشعر به لأنها في حالة من النوم العميق وفجأة يتحول هذا القط الي انسان .. انه تحول الي فؤاد ؟!!
ينظر الي رضوي نظرات غير طبيعية ثم يقوم بغلق الشباك وفجأة …؟؟!
رضوي هايحصل معاها موقف تقشعر له الابدان ..
ايه هو؟؟ .. توقعكم ايه؟؟
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بناتي للبيع)