رواية الجحيم هو أنت الفصل الخامس 5 بقلم سولييه نصار

رواية الجحيم هو أنت الفصل الخامس 5 بقلم سولييه نصار

رواية الجحيم هو أنت البارت الخامس

رواية الجحيم هو أنت الجزء الخامس

رواية الجحيم هو أنت الحلقة الخامسة

-أنتي بتعملي ايه بموبايلي ؟!
قالها فجاة …اتخضيت لدرجة اني نطيت من على السرير وانا ببصله بصدمة …كانت دموعي بتنزل من غير توقف …كنت حاسة انه كأنه مسك قلبي وعصـ ره جامد ….
رميتله التليفون على السرير وروحت على الدولاب وانا بطلع شنطتي….
قرب مني ومسك ايدي وقال:
-حبيبتي فيه ايه ؟!
كان بيتكلم ببراءة …كأنه معملش حاجة …غمضت عيني وانا حاسة بالقر ف منه …اللي كان اماني…اللي اعتبرته كل حياتي يعمل فيا كده …مكنتش مصدقة …مكنتش اتخيل انه يقتـ.لني بالطريقة دي ….
-ابعد يا جلال مش طايقاك …
قولتها بتعب …كان نفسي اصرخ فيه …اضر به بس مكنتش قادرة …كانت الدنيا بتلف بيا …حاسة وكأن حد ضر بني بالنا ر في قلبي …يارب أنا افتكرت ان أخيرا هرتاح بس يظهر ان ده بداية عذ.اب تاني …
-فيه ايه ؟!ايه اللي حصل يا حبيبتي ؟!
قالها جلال فانفجرت فيه وقولت:
-متقولش حبيبتك…أنا مش حبيبتك ..مش حبيبتك فهمت !!!!البنت اللي بتكلمها هي حبيبتك …البنت اللي بتقولها ان ابوك اجبرك تتجوزني …اللي بتقولها ان كلها شهرين وتطلقني …انطق مقولتش كده …طلقني يا جلال أنا مش عايزاك …خلاص مش عايزة اشوف وشك ولا تقرب مني ابعد عني….
فضل يتنفس بسرعة وهو حاسس بالتوتر فقال:
-طيب بس ممكن تسمعيني…اسمعيني بس
-مش عايزة اسمع حاجة …كفاية أنا تعبت ….
شدني وحضني وقال:
-انا اسف …أنا آسف…
وبعدين بعدني عنه وهو بيقعدني على السرير …حاولت أبعد عنه بس مسمحش ليا وقال:
-ممكن تسمعيني بس …افهميني وساعديني …صدقيني رانيا بالنسبالي ولا حاجة …وانا بكد ب عليها عشان بتساعدني في الكلية وفي الامتحانات …انتي عارفة كلية نظم ومعلومات صعبة شوية وانا عشان انجح محتاج حد ياخد بإيدي ..
.كنت ببصله بشك فكمل وهو بيمسك ايدي جامد:
-معقول بعد اللي عملته عشان نجتمع سوا اكون غبـ.ي واضيعك من ايدي يا شروق ؟!مستحيل أعمل كده يا حبيبتي …اعتبري اللي عندي ده مر.ض وحاولي تساعديني …..
مكنتش قادرة اتكلم …ده الشخص اللي اختارته واتحملت الضر.ب والاها نة عشانه …مكانش ينفع اني اسيب البيت وأمشي واروح لابويا اللي ممكن يطر.دني ويعا يرني بإختياري فسكت…سكت وحطيت لساني جوا بوقي واتحملت ..اتحملت وانا عارفة انه بيكلم غيري لحد بعد شهر كنت حملت في ابني الأول ….
…….
الحمل ده غير حياتي …معرفش للاحسن ولا للأ.وحش …بس جلال وقتها بطل يتكلم مع بنات وبقا معايا علطول بيساعدني لان اكتشفنا ان بعد حملي عمتي بدأت تعملي سحـ ر …وكنت فعلا بمو.ت بس جلال واهله مسابونيش لحظة بالعكس ساعدوني كتير …وقتها كان عندي آمل أن جلال حبيبي يرجعلي …
مرت شهور الحمل وانا حاسة ان روحي بتطلع فعليا ..لحد ما جبت ابني عمرو…وعيشت مبسوطة نوعا ما لحد ما بعدها بفترة مش كبيرة اووي حملت في بنتي التانية ….
ورجع تعبي بس وقتها جلال سابني زي ما يكون زهق مني ووداني لامي عشان تفضل معايا …وعرفت وقتها انه رجع لقذ ارته وكلامه مع البنات …
نفسيتي كانت سـ يئة جدا وانا في بيت اهلي وانا عارفة ان جوزي أكيد دلوقتي بيكلم غيري وبيقابل غيري والله اعلم بيعمل ايه تاني …
كانت علاقتي مع بابا اتحسنت شوية بس متخلاش عن كلامه اللي يسم البدن وانا كنت بسكت وبتحمل …وامي اللي كانت بتهتم بيا أنا وابني مالك …
…..
في يوم وانا لسه في الشهر التامن تعبت اووي واهلي وجوزي ودوني العيادة بسرعة والدكتور وقتها قرر اني أعمل عملية قيصري فورا عشان حالتي كانت خطـ يرة وبعد ساعات من الأ.لم أخيرا خرجت بنتي بس للأسف تم تشخصيها انها عندها ثقب في القلب عشان كده الدكتور قالنا انها هتقعد في الحضانة شوية …وبالفعل بنتي دخلت الحضانة وانا لما قومت وعرفت انها رت من العياط…
……
بعد يومين ..
روحت البيت وانا سايبة حتة من قلبي …آيه بنتي في الحضانة. ..قلبي كان بيتقـ طع عليها …كنت بدعي انها تطلع منها بخير ..واللي خلاني انها ر اكتر ان جلال مكانش معايا في حزني…أول ما طلعت من العيادة وداني لبيت اهلي وبعد ما اطمن اني كويسة راح يعمل اللي بيعمله دايما!!!
….
-مال عمرو يا ماما …
قولتها وانا شايفة ماما خارجة بإبني هي وبابا …
-سخن شوية وهنوديه الدكتور …
-يا حبيبي يا عمرو …هاتيه يا ماما ابوسه …
وفعلا ماما قربت عمرو مني وانا بوسته على دماغه وقولت:
-هو فعلا سخن شوية وديه يا ماما الدكتور وطمنوني عليه …
بعدين مسكته منهم وحضنته وبوسته تاني واديتلهم عمرو …
……
-عمرو …
صرخت بالكلمة وانا بصحي من كابوسي المر عب ده ….فتحت عيني واتصلت بجوزي واول ما رد عيطت وقولت:
-جلال أنا حاسة ان حاجة و حشة هتحصل لعمرو ابننا …
-شروق اهلك اتصلوا بيا وقالوا ان دي حاجة بسيطة ليه خايفة متقلقيش وارتاحي هما شوية وجايين ….
قفلت مع جلال وانا مطمنة شوية ولقيت ابويا داخل عليا وهو شايل عمرو:
-الدكتور قال ايه يا بابا ..
قولتها بلهفة وانا ببص على ابني اللي نايم زي الملايكة…بصلي بابا بحزن وقال:
-البقاء لله يا بنتي عمرو ما ت !!
وقتها حسيت وكأن حد خلع قلبي مني …وكابوسي الأسو د اتحقق

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجحيم هو أنت)