رواية الجحيم هو أنت الفصل الثامن 8 بقلم سولييه نصار

رواية الجحيم هو أنت الفصل الثامن 8 بقلم سولييه نصار

رواية الجحيم هو أنت البارت الثامن

رواية الجحيم هو أنت الجزء الثامن

رواية الجحيم هو أنت الحلقة الثامنة

قعدت على الأرض ودموعي بتنزل من غير توقف …قلبي كان وا جعني …مكنتش عايزة تحمل منه تاني …ده أنا كنت بأخد حقن عشان محملش منه ورغم كده حملت …وده اللي حصل في لما حملت في آية كنت وقتها بأخد برشام وحملت على البرشام …حطيت ايدي على راسي وانا مش عارفة اعمل ايه ؟!أنا مش عايزة اي علاقة تربطني بالانسان ده اكتر من كده …ضميت نفسي بإيدي ودموعي لسه بتنزل عقلي واقف ومش عارفة اعمل ايه في حياتي دي …مش عارفة ….
روحت لبنتي وحضنتها وانا لسه ببكي…وفضلت ابوس رأسها …كان لازم اخد قرار عشان عيالي …مش عايزة اظلـ م عيالي معايا …لازم يكون فيه حزم.مني مش هسيبه.يعك.كده كتير .. .
خلاص كنت قررت اعمل ايه …
….
بعد يومين ….
-عايز اعرف ايه مناسبة التجمع الغريب ده ..
قالها ابويا لما شافني عازمة حمايا وهو على العشا عندي ….
-هتعرف دلوقتي يا بابا …استني جلال خمس دقايق وجاي…
وبالفعل بعد دقايق جلال جه جلال وكان مستغرب من وجود ابويا وأبوه ….
..
-هو فيه ايه ؟!
قالها جلال بحيرة فقولت:
-عزمت بابا وحمايا على العشا…اغسل ايديك هحط الأكل على السفرة …
….
وفعلا حطيت الأكل على السفرة وكلنا بدأنا نأكل بهدوء …الكل كان مستغربني.خصوصا اني متكلمتش ولا قولت حاجة على السفرة. ..كنت باكل بكل هدوء .
……
خلصنا الاكل وشيلته وعملت الشاي …
…
شربنا الشاي وفضل بابا قاعد وقال:
-ها هتتكلمي ولا نمشي …
اتنهدت وانا ببص لجلال اللي بدأ يتوتر وبصيت لحمايا وقولت:
-أنا جيبتكم النهاردة عشان أنا فاض بيا بجد من جلال ..
-شروق اسكتي ..
قال جلال بإنفعال بس انا كملت في اللي أنا بقوله مكانش هاممني غير اني حامل واني لازم اعمل حياة حلوة لبناتي والا أنا اللي هند م في الاخر …
هزيت رأسي وقولت:
-لا يا جلال مش هسكت عشان سكتلك كتير وانت سوقت فيها
-ايه اللي حصل يا بنتي ؟!
قالها حمايا بإستغراب فرد جلال وقال:
-محصلش حاجة يا بابا …
بس انا أتدخلت وقولت :
-لا حصل يا حمايا ..اللي حصل أن ابنك بيخو.ني….بيكلم بنات وقدامي ببجاحة من غير ما يراعيني ولا يراعي بناته …ده غير أنه بيكلم بنات أنه بيطلب منهم حاجات مترضيش ربنا وبيهد.دهم كمان …أنا فاض بيا يا حمايا …أنا للاسف اكتشفت من يومين اني حامل تاني وانا مقدرش اعيش معاه وهو بالشكل ده …فأما يتصلح أو هتطلق منه وكل واحد يروح لحاله …
-مفيش طلاق ..
قالها ابويا فجأة بعدها قام وقال:
-أنتي كمان بتتأمري …ده هو لو جابلك واحدة البيت متتكلميش وتحطي جذ مة في بوقك لانك انتي اللي قبلتي بالوضع ده فمتتكلميش …..وأياكي تجيبي الطلاق على لسانك عايزة تتطلقي وتفضـ حيني مش كفاية فضـ.يحتك الاولى لما هربتي من البيت …بطلي دلع …
كنت بعيط وانا ببص لبابا وانا مصدومة …ابويا اتخلى عني …وده اللي كنت متوقعاه …بصيت لحمايا وانا بعيط فأدخل حمايا وقرب من ابنه وهو بيمسكه من هدومه وصرخ فيه :
-أنت مش هتبطل قر ف…يا ابني احمد ربنا معاك واحدة بنت اصول زيها صايناك ومراعية لبيتك وعيالك …وحامل تاني ….اتقي الله واتعظ من مو.ت ابنك يا بني حرام عليك كفاية …..
-معرفش انت جاي عليه ليه …هي اللي غلطا نة اللي سلمت لواحد زيه
اتعصب حمايا وقال لبابا:
-لو سمحت متتدخلش في الموضوع ده خلاص …شروق بنتي وانا اللي هجيب حقها …
بص لابنه وكمل:
-وانت اتفضل اطلع برا البيت …شوفلك مكان تاني ولما تبطل قر.ف ابقى تعالي البيت …يالا برا !!!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجحيم هو أنت)