رواية عبثيات سمر وزياد الفصل العاشر 10 بقلم يمنى جمال

رواية عبثيات سمر وزياد الفصل العاشر 10 بقلم يمنى جمال

رواية عبثيات سمر وزياد البارت العاشر

رواية عبثيات سمر وزياد الجزء العاشر

رواية عبثيات سمر وزياد الحلقة العاشرة

_كدا يا زياد ، كدا تخبى عليا فى حاجة زى دى .
_غصب عنى يا غالية والله ،انت عارفة مقدرش اقول حاجة زى دى ،وخصوصاً انت عارفة سمر هتتأثر جامد .
_عارفة يا حبيبي عارفة ، ربنا يعينك على انت فيه .
_معلش يا ام زيزو سامحينى يعلم ربنا بعمل كل دا لى .
_عايزة اشوفه يا زياد ، دا من ريحة الغالى ربنا يرحمه ( قالت كدا وقعدت تعيط )
_لى الدموع دى بس استهدى بالله كدا
_وحشنى اوى يا زياد ، خايفة عمك يروح زي ابوك ، خايفة عليكم ، كان هو ضهركم بعد ابوكم الله يرحمه .
_ ربك كبير يا حبيبتى (قولت كدا وانا ببوس أيدها ودماغها) سبيها لله .
_يلا قومى عشان م نتأخرش ، شوفى جارتك وانا هشوف عايزين اى .
_ربنا يعينك يا حبيبي ويصبرك على ال انت فيه .
_-_-__-_-_-_
_سمر ، سمررررر
_اى يابو حميد بتجعر لى كدا ، حد يندة على واحدة نسوانة كدا .
_جعان …امى فين
_فى المستشفى عند جارتنا ال عاملة عملية .
_طيب ماشى ،…جعان بردوا .
_ابعد عن وشى يا احمد ،مش قايمة من مكانى .
_سمرمر ، سمورة ….بليزززز.
_الوقت بليز ،وبتبصلى بعيون القطط دى ، انسا يا منسى …انسااا.
_كدا ، ماشى ،هنزل اجيب اندومى ومش هعمل حسابك .
_اندومى….،ابن عمى الغالى ،اخويا ال مش اخويا ، الحتة ال فى النث …
_والله ،والله بجد ..انسا يا منسى …هاااا انسا .
_اسمع بس هقولك ،م تبقاش هقفوش ، دا انا بختبرك يا عبيط .
(لقيته بصلى من فوق لتحت وهو بيقول ….تبيعى الدنيا عشان كرشك …زيرو كرامة والله…)
_مش هرد عليك عشان انا عاقلة وكبيرة .
_حوش حوش …اسمها عايزة اكل من ال هتجيبة ، اتكلمى صح بعد كدا .
_يبنى اسمع فرهدت امى ، انزل هات اندومى وانا هعملة وهغسل الاطباق ،قبل م امك تيجى وتقفشنا .
_احلفى انك هتغسلى الاطباق.
_لا حلفان على المنكر …
_منكر …!!
_ايوة ، دى ممنوعات يا صاحبى ، ممنوعاااات …قولت كدا وانا بزوقة برة الباب وبقفلة ورجعت فتحته تانى
_ابقى هات ليا كيسين عشان مش بشبع من واحد ها .
_ والله بتاكلى مش بيبان عليكى ويقولوا مش بنأكلك وانت اصلا مفجوعة …تعالى كلى رجلى بالمرة ياسمر .
_احمد انت عارف انى مش بميل للكوارع .
_غورى من قدامى ، حيوانة .
_-_-_-_-_-
_بس الحساب كدا كتير اوى حضرتك .
_العلاج والأجهزة المتركبة مش موجودين فى المستشفى وجايبنهم من برة عشان كدا الحساب كتير. واعمل حسابك أن الليلة فى العناية هنا فى المستشفى بمبلغ..— تقدر تنقلة مستشفى تانية لو حابب .
_لا لااا ، ادينى بس يومين والحساب هيكون مدفوع .
(قعدت على الكرسى وانا مش حاسس بنفسى ولا بجسمى ، بفكر بمليون طريقة اكمل بيها المبلغ ،لحد م خطر فى بالى ابيع التاكسى ، وقومت اكلم واحد صاحبى يشوفلى بيعة ليه النهاردة..)
_ الو … حبيبي… الله يخليك …كنت عايزك تشوفلى مشترى التاكسى …لا لا مستورة والحمد لله…تسلم …مستنى تليفونك أن شاء الله.
بدور لقيت امى واقفة ورايا وبتعيط .
_لا حول ولا قوه الا بالله العلي العظيم ،بتعيطى لى الوقت واى موقفك كدا .
_بردو يا زياد بردوا ، بتشيل لواحدك وكمان شيلة مش شيلتك .
_يا امى م تقوليش كدا ..
_ولا كلمة ،التاكسى مش هيتباع ..
_يا ام زيزو….
_لا يعنى لا ، معايا دهبى ، يعملوا مبلغ حلو اوى ، دا ال هيتباع .
_لا يا أمى ، دهبك لا
_ كلمة زيادة هبقى غضبانة عليك يا زياد ، تاكسى لا ،دا شقى عمرك ، انت فاكر شقيت ازاى ومن شغلانة لشغلانة عشانة، اوعى تفكر تبيعة .
_يا ام…ـي.
_الكلام انتهى .
_تيجى معايا البيت الوقت ، تاخدة وتسد المستشفى والباقى تطلع بيه على البنك تفتح حساب وتحطة عشان يبقى موجود وقت م تحتاجة.
_-_-_-_-_
_يا باشا بقولك لسة عايش .
_انت غبى اومال انا دافعلك ليه ، تخلص من الحوار دا النهاردة قبل بكرة ، وفتح عينك ، البوليس فى المكان .
_حاضر يا باشا .
_-_-_-_-
_دخلت عليها القوضة اسألها على الغدا لقيتها اتوترت وقفلت الدولاب .
_ايوة يا سمر ، كنتى بتندهى لى ؟
_مالك ، وشك قالب لى كدا ؟
_مافيش يا حبيبتى ،كنتى عايزة اى ؟
_كنت جاية اسألك عن الغدا ، هتطبخى اى ، العصر هيأذن ومطبخناش .
_معلش يا حبيبتى ،عشان مشوار الصبح دا ، هغير وهاجى اطبخ اهو .
_لا براحتك قولى وانا اساعدك على ما تخلصى .
_ الحاجة فى الثلاجة انا مقطعاها ، جاهزة على التسوية ، طلعيها وهحصلك .
(خرجت من القوضة وهيا ندهت لزياد وقفلت الباب وراها وبعد شوية هو خرج ونزل على طول ، مش فاهمة حاجة بس مشغلتش بالى)
_-_-_-_-
بعت الدهب والحمد لله جاب مبلغ كوي جدا وطلعت على المستشفى ادفع الحساب وخلصت الحسابات وكل حاجة تمم . كنا وقتها داخلين على العشا والجو هادى طلعت ابص على عمى قبل م امشى ، بس لمحت حاجة غريبة .

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عبثيات سمر وزياد)