روايات

رواية هل نلتقي الفصل السادس 6 بقلم هاجر عصام

رواية هل نلتقي الفصل السادس 6 بقلم هاجر عصام

رواية هل نلتقي البارت السادس

رواية هل نلتقي الجزء السادس

هل نلتقي
هل نلتقي

رواية هل نلتقي الحلقة السادسة

مراد. جبتلكم نعناع سعودي ونعناع بلدي اخضر وجميل
نيللي. هو انت عندك مشتل ؟
مراد. عرفتي منين زرع جميل جدا هبقى اخدكم جوله فيه
جميله. انا بحب الورد اوي
مراد. ليكي زرعتين هديه
نور. سفرية الوقوع في الحب دي ولا ايه
نيللي. اسكتي يا بنتي انا نشوف اللي هيحصل
لبنى. يوسف مش ناوي نصفي اللي بينا
يوسف بتجاهل قام وبعد عنها
يوسف. وفين المشتل بتاعك ده هتبقى جوله حلوه انا متأكد
مراد. هتنبهر بيها انا بهتم بالزرع بشكل كبير
لبنى. انا مش جايه معاكوا عندي حساسيه
محمد في سره محدش قالك تعالي اصلا
نوح بتلقائيه . هو كده الزرع ميحبش الناس الصفرا
نور بتصنع الشرقه. يخربيتك هتروح في داهيه
نوح. انا قلت حاجه
محمد . لا يا كبير ولا اي حاجه خد نعناع
نوح. الشاي ميتشربش الا منعنع فعلا
الكل ضحك الا لبنى اتأكدت إن الكل مش قابل وجودها طريقتها مع الكل مش حلوه بس لازم تبقى مع يوسف عشان ترجعله تاني عيونها منزلتش من على نيللي حاسه إن يوسف بيحبها وهي مش عايزه يوسف عينه تبقى على حد غيرها قطع تفكيرها كلام يوسف
يوسف. ها ياشباب جاهزين نقتحم مشتل مراد
الكل في نفس واحد. جاهزين يا هندسه
مراد. ده انا اعمل التذكره بخمسه جنيه بقى هكسب بدل ما تدخلوا ببلاش كده
جميله. انت بخيل ولا ايه لا نظرتي عنك هتتغير كده
مراد. لا ياست بهزر ايه مبتعرفيش تهزري
نور بهمس لنيللي. جميله اتثبتت خلاص وهيبقى في جروبنا دبله قريب
نيللي. اتلمي يا بومه
عند كريم
كريم. السلام عليكم ازيك يا ماما
امل. وعليكم السلام يا حبيبي ايه اخبار خروجتك
كريم. حلوه
امل. بس
كريم. ايوه يعني هقول ايه
امل. هو انا ممكن اسألك سؤال
كريم. اتفضلي يا ماما اكيد
امل. انت رحت هناك تاني ليه
كريم بتوتر ولون وشه اتغير. اااعادي يا ماما قلت اغير جو
أمل. لسه فاكر بيتنا
كريم. اي بيت احنا سكننا في كذا واحد
امل. انت عارف يا كريم اقصد ايه
كريم. مش فاهم يا ماما
امل. شفت نيللي
كريم بصدمه. نيللي!! هشوفها ازاي مش فاكرها اصلا
امل. بالنسبه للجواب
كريم. ماما أنتِ مش معوداني على التجسس أنتِ بتتجسسي عليا
امل. عمري شوف عمري ما اعمل الحركه دي واكسر ثقتنا ببعض بس دخلت اشوفك لقيتك نايم وعيونك شبه مورمه من العياط والجواب صدقني مفتحتوش بس لما صحيت وقلتلي القاهره فهمت انا ام وافهم ابني من نظرة عين
كريم. مفيش الكلام ده متقلقيش انا اسف بس تعبان ممكن ادخل
امل . هعمل نفسي مصدقه
كان لازم اكلمها لازم اقابلها واقولها على اللي في قلب ابني هو وحيدي ومشفتش قلبه فرحان من بعد سفرنا كانت فرحته وحبيبته وكل دنيته انا ام واعمل كل اللي اقدر عليه عشان سعادة ابني لا انا بكرههم ولا بينا حاجه وحشه دي كانت زي اختي واكتر ونيللي زي بنتي هكلمها تاني بإذن الله ونتقابل
في اسوان
مراد. ده بقى جنتي على الأرض اتمنى تنبسطوا فيه
يوسف. ننبسط ايه بس ده انا منبهر من بره ما بالك لما ندخل ربنا يباركلك فيه ويرزقك من واسع فضله
مراد. تسلم يا هندسه اتفضل
نيللي. اول ما دخلت ارتاحت الالوان جميله وريحة الزرع تهدي الاعصاب فضلت ماشيه شافت الزرع وجماله افتكرت الحلم وعيونها راحت على مراد . اكيد الحلم له تفسير انا عايزه افهم ايه معنى الإشارات دي وازاي اقابل نفس الشخص ونفس الزرع بنفس الترتيب والألوان بس الفرق أن هو في الحلم غرقني وفي الحقيقه انقذني
يوسف. حلو الزرع تعرفي يشبهلك
نيللي. بشم…..
يوسف. قولي يوسف على طول انا مش البشمهندس الرخم دلوقتي
نيللي. انا دلوقتي بجد مش طايقه نفسي ولا عايزه ادخل معاك في أي جدال
يوسف. ممكن تتكلمي معايا هترتاحي
نيللي بنظرة شك. انا ايه يضمنلي انك مش هتستعمل كلامي ضدي وتضرني
يوسف وهو بيتمشى. تعرفي اللي بيني وبين لبنى ايه
نيللي. معنديش فضول اعرف
يوسف وهو بيكمل كلام ومسك ايده. انا اتأذيت منها جدا لو تعرفي وهي فاكره انها سهل تأثر عليا انا كنت هتسجن بسببها
نيللي. يا نهار ابيض اكيد موصلش للدرجادي
يوسف. ممكن اسيب سري عندك
نيللي. انا مبحبش حد يسيب عندي اسرار
يوسف. بس انا عايز ارتاح انا برتاح معاكي ملامحك بتهدي صوت قلبي وبدأ يتنهد كإنه هيبكي، رغم حبي ليها إلا انها عشان تنتقم مني عرفت حد بيجيب الامتحان وبعتته من تليفوني معرفش ازاي للدفعه وكمان قالوا إن الامتحان اتسرب وإن انا اللي سربته طبعا اتحولت للتحقيق وكل امتيازاتي كانت هتروح هباء بس لطف ربنا كان كبير وبقيت قدامك معيد وبحضر دكتوراه وبحبك يا نيللي المرّه دي بحب بجد واثق في مشاعري
نيللي بعد ما كانت متعاطفه معاه اتخضت . بتحب مين لا مستحيل لا وسابته وخرجت خالص بره المشتل
جميله لنور. ايه اللي حصل ما نيللي بتجري على بره ليه
نور. مش عارفه تعالي نشوفها
يوسف. غبي كل تصرف ليك اغبى من اللي قبله
نوح. جميله ماشيه ليه
جميله. هنيجي تاني مش عارفه نيللي مالها
نوح.محتاجين مساعده؟
نور. لا شكرا يا نوح
جميله. نيللي يا نيللي مشيتي ليه
نيللي. وهي بتمسح دموعها. مفيش اتخنقت
نور. في حد يتخنق في الجمال ده كله
نيللي طلعت صوره من شنطتها . ده مخنوقه عشان مش لاقيه ده جيت هنا عشانه وبس مش عايزه اتفسح انا جايه عشانه
نور بإستغراب. مش دي الرسمه اللي قولتي أنه حد عادي
نيللي. ده طفولتي وذكرياتي وكل حياتي ده مش عادي ده عمري كله
جميله. ثانيه أنتِ بتحبي ده
نيللي. ايوه
جميله. فوقي يا نيللي انت متعلقه بطفل
نيللي. محبتش غيره مفتحتش قلبي غير له
جميله. عشان قفلتي عليه ويا عالم هترجعي تشوفيه تاني ولا لا انا مش هقولك انك غلطانه انك قفلتي على قلبك كل ده بس ممكن تدي نفسك فرصه أنتِ عارفه اسوان دي اد ايه ولا تعرفي عنوانه هنا
نيللي. قعدت على كرسي معرفش معرفش عنه اي حاجه
جميله. بتدوري على ابره في كوم قش يا نيللي وجع قلبك ده مش في محله أنتِ متعلقه مبتحبيش
نيللي. أنتِ مش فاهمه حاجه يا جميله اسكتي
جميله. انا عارفه أننا مش قريبين من بعض بدرجه كافيه واللي قربنا السفريه دي لكن حقيقي نصيحه افتحي قلبك واطردي الشخص ده استقبلي حب جديد
نيللي. مش هقدر
جميله. ادي نفسك فرصه واحده اتنفسي بعيد عن القفص اللي قافلاه على نفسك ده
نور وهي بتحضن نيللي. جميله عندها حق أنتِ اللي هتنقذي نفسك حابسه نفسك في ذكريات الله اعلم هترجع تاني ولا لا
جميله. تعالوا نرجع تاني
نور. اه ما الهانم بتاعتنا وقعت
جميله بإبتسامه وكسوف. احترمي نفسك ايه وقعت دي
نور. ايوه يا اختي اعملي عليا الحركات دي مشفتيش يا نيللي نظرتها له ولا نظرته ليها يا ختااااي
جميله. هجيبك من شعرك اسكتي
نور. لا هاهاها
لبنى بمسكنه. ازيكم يا بنات ممكن يا نيللي نتكلم شويه
بصوا لبعض بإستغراب
نيللي بغيظ . اه طبعا اكيد
لبنى. شكرا ليكي بعد اذنكم يا بنات
نور. تفتكري هتموتها
جميله .لا يا ستي احنا هنفضل مراقبينهم لو حصل حاجه نتدخل
نور. أنتِ صح
نيللي. اتفضلي يا بشمهندسه
لبنى. انا عارفه إن يوسف بيتقرب منك وبيحاول يخليكي تحبيه بس ده مش حقيقي ده عشان يغيظني ممكن تصديه ومتتعلقيش به عشان هو مش صادق في مشاعره تجاهك ده بيحبني انا
نيللي بإستحقار. بيحبك ! أنتِ! على العموم دكتور يوسف مبيتقربش مني ولا حاجه وبيعاملني زي اي طالب بس كلنا شفنا هو اد ايه بيحبك ده كمان بيموت فيكي
لبنى. متصدقيش اللي بيعمله ده هو بس متضايق مني شويه
نيللي. أنتِ مش شبهه هو ابن ناس وطيب إنما أنتِ ،انتِ ما ينفعش تكوني جنبه حتى لو معيده صعب اوي
لبنى. أنتِ قليلة الادب
نيللي. الكلام الحقيقي مبيعجبش على طول
لبنى مسكتها من شعرها. انا هوريكي مقامك
جميله ونور ادخلوا
نور. ابعدي يا غلاويه سيبي نيللي
وجميله تحاول تسلك نيللي من ايد لبنى. أنتِ عديمة الانسانيه كده ليه ابعدي قال يعني طيبه ومحترمه وهنصدقك
نيللي وهي بتاخد نفسها بصعوبه . انا عايزه امشي من هنا عايزه امشي وبتعيط جامد
نوح خد باله من الخناقه وقال الباقي خرجوا جري
نوح. ايه اللي حصل مالكم
نيللي. محصلش حاجه ممكن نرجع
يوسف . انتِ كويسه
نيللي. وهي بتتعدل حجابها ايوه ايوه انا كويسه
يوسف. يلا هنتحرك دلوقتي شكرا يا مراد على الوقت اللطيف ده
مراد. العفو على ايه ده انا اتشرفت بمعرفتكم، لو سمحت يا انسه جميله ممكن تستني لحظه
جميله. معلش مش هقدر
مراد. ثواني بس هجيبلك الزرع
جميله بإبتسامه. انت صدقت
مراد. مراد قال يبقى حصل
جميله. تمام
مراد كتب جواب لها وفي نهايته رقم تليفونه لو وافقت على كلامه تبعتله بالموافقه ورقم والدها وهو هيتصرف. اتفضلي دي وردتها حلوه اوي هتعجبك ودي بردو بس عايزه شويه عشان تزهر لانها صغيره
جميله. شكرا جدا والله تعبتك معايا
مراد . يا ريت كل التعب يبقى كده
جميله. سلام يا مراد
مراد بتنهيدة سعاده. سلام

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هل نلتقي)

اترك رد