رواية حب غير مشروط الفصل الثامن والعشرون 28 بقلم لولا

رواية حب غير مشروط الفصل الثامن والعشرون 28 بقلم لولا

رواية حب غير مشروط البارت الثامن والعشرون

رواية حب غير مشروط الجزء الثامن والعشرون

رواية حب غير مشروط الحلقة الثامنة والعشرون

حاتم بابتسامه عنيا بس كده
منه بدموع ووجع انا عملتلك اللي انت عايزه بس فعلا مش هقدر اتجوزك يا حاتم مش هعرف اعمل ده حتي لو علاقتي انتهت بادم نهائي انا مقدرش اشوف نفسي مع راجل غيره كفايه اوي الكسره اللي كسرتهاله مش هيقوم منها
حاتم بتنهيده قام وقف قدامها واكمل بابتسامه المهم ان نفذت كلامي وخليتك تترجيني واتراجتيني فعلا ارحم حبيب القلب وذلتيه قدامي وعمي رفضه انما فكره جوازك مني دي فسبيها لوقتها
منه بحده انت مبتفهمش انا مش هعرف اتجوزك تقبلها علي نفسك وانا معاك ابقي قلبي مع غيرك
حاتم مسك دراعها جامد واكمل بحده احترمي نفسك يا منه وانتي بتتكلمي علاقتك بلواد ده انتهت خلاااص وسيرته متجيش علي لسانك تاااني فااهمه انتي بكره هتبقي خطيبتي انا قدام الدنيا كلها يعني سيره راجل غيري تيجي علي لسانك هطلع عين اهلك وانتي وشوقك بقي عايزه شخصيتي الزباله تطلع عليكي انا معنديش مانع
منه بعياط يا شيخ روح ربنا ينتقم منك انا بكرهكك والله بكرهكك
حاتم بحده مطلبتش حبك مش هموت من غيره يعني ومسك فونه واتصل باحد رجاله
محمود الو يا حاتم بيه
حاتم الو يا محمود بقولك
محمود قول ياباشا
حاتم ابعد عن مراقبه ادم الشافعي ومتنفذش الخطه اللي اتفقنا عليها خلاص
محمود تمام يا بيه اوامرك
حاتم بخبث ولو حصل اي تغير هقولك سلام
محمود سلام
منه بعصبيه ودموع مسكته من قميصه واكملت اي تغيير ايه يا زبااااله انت هتبعد عن ادم فااااهم انت لو فكرت تأذيه ولا تقتله انا هموتك بااايدي.ساااامع يا حييووان ادم تبعد عنه نهااائي وتنساااه
حاتم بابتسامه اهدي بس ياروحي اعصابك مش كده وبعد ايديها عنه واكمل انتي وطريقتك اللي هتجبروني انسااه ولا افضل حاطه في دماغي وانفذ وانتي عرفاني والمصحف مابيفرقلي حاجه واعملها عادي وولع سجاره واكمل وهو بينفخ يكون في علمك انتي مش فرقالي علي قد مانتي تحدي لان حاتم الشريف مفيش ست اتخلقت تقوله لا واديكي اهو هتبوسي علي ايدي علشان اوافق انسي ادم خالص وده طبعا هيحصل لما تكوني انتي معاايا
منه بعياط حاتم انت ليه بتعمل فيا كده انا بنت عمك وبعدين بقولك بحبه ومش هقدر احب غيره .. كسرتني وذلتني وهددتني وخلتني اعمل حاجه كنت بموت وبتقطع من جوايا 100 مره وانا بعملها ارحمني بقي وسبني في حالي كفايه اللي شوفته ومريت بيه ووطت علي الارض واكملت بضعف ووجع انت خلتني كسرت اكتر حد بحبه في الدنيا كلها خلتني كسرت نورعيني اللي بشوف بيها خلتني كسرت حته مني ونص التاني والراجل الوحيد اللي شايفه اني اتخلقت من ضلعه اتخلقت علشان اكمله هو .. هو وبس انا مش حبيت انا عشقت ادم كان وبيكون وهيكون هو الراجل الوحيد اللي مالي قلبي وعيني ومش هقدر اشوف غيره مهما حصل ورفعت ايديها واكملت دبلته اللي جبهاالي في ايدي ومش هقلعها ابداا لان دي بتحسسني اني مربوطه بيه وفكره اني ابقي مربوطه بادم بتخليني هتطير من فرحتي ان ااشخص ده في حياتي انا بحبه اوي اوي يا حاتم وعلشان بحبه فمش هقدر ابداا اكون ليك … انت لو حبيت هتعرف معني كلامي كويس اوي واديني سمعت كلامك بس ارجوك كفايه خطوبه وشويه وكل واحد فينا يروح لحاله انا كده كده مش هرجع لادم لانه مش هيبص في وشي بعد كده خلاص وانت كسبت واتذليت ليك واترجيتك وجيتلك بنفسي اقولك موافقه علشان مسكتني فعلا مش من ايدي الوجعاني لا انت مسكتني من اكترر حد انا ممكن اموت علشانه واللي عملته فيه كسرني زي ماهو كسره واكتررر … ايديه اللي اتمدت عليا دي شايفه نفسي استاهلها واستاهل اكتر من كده فكفايه بقي يا حاتم ارجوك سيبني وارحمني بقي انا فعلا تعبت اوي وقلبي واجعني وفضلت تعيط بقهر ووجع واكملت بعياط انا اسفه يا ادم اسفه يا نورعيني مع ان اسفه مش هتشفي اي حاجه من جروحك ووجعك االلي انا عملته اسفه لان كنت بتهرب ليا من وجعك وانا اللي وجعتك اسفه لاني قفلت في وشك حضن كنت بتترمي فيه وقت خذلانك وتعبك اسفه لاني قللت من عمو وشغله ومستواك واكلمت بعصبيه ودموع واللي هما اصلا مش فارقين معاااايا والمصحف مش فارقين معايا حتي لو هعيش في الشارع المهم انك جوزي وهنام في حضنك انا مكنش فارق معايا غيرك وابوك ده جزمته فوق راسي يا ادم ده عمل فعلا اللي محدش يعمله راجل يشرف اي حد انما انا .. انا اللي وحشه اوي اوي وكنت هبعدك عني ازاي يا قلبي غير لما اكون واحده غير اللي انت تعرفها فالما عرفت ان عمو ابراهيم هو ده جاتلي الفكره دي علشان كنت لازم تبعد عني و كنت هبعدك ازاي بعد كلام ووعود اننا هنكمل ومستحيل نتفارق ودلوقتي بلذات بعد ماخلاص قربنااا نبقي سواا ااااه ياااقلبي ااااه يارررب كل كلمه طلعت مني ليك كسرتني وقهرتني اكتر منك يا ادم انا اسسسفه اسسسفه يا ادم انا اللي فقيره مش انت انا اللي حيوانه ومهزقه ومتربتش انا اسفه اني نطقت لغيرك حبيبي محدش غيرك حبيبي ولا حد غيرك يستحقها يانورعيني دموعك اللي نزلت بسببي موتتني ياريت موت قبل ما اكسرك بايدي يا ادم ياريتني موت قبل ماشوف نظره الوجع والقهر دي في عنيك مني يعني مش الدنيا بس اللي جات عليك ده حتي اللي قولت مراتك وحبيبتك ونصك التاني كسرتك يا نورعيني اااه يارب كنت اموت قبل كل ده يارب وفضلت تعيط بقهر ووجع
حاتم كان بصصلها وحاسس بلذمب اوي وفهم انها فعلا بتحب ادم اوي ومش هتقدر تكون ليه وحتي هو مضايق اوي ومش عايز يخطبها وميعرفش ليهه بس في نفس الوقت خلاص لازم يتخطبوا لان كل الناس عرفت ف اتخنق وخرج من الاوضه وراح الجنينه وكلم كريم صاحبه
حاتم بتنيهده الو
كريم ايه يا حاتم عامل ايه
حاتم بحزن مش كويس انت فين
كريم بقلق مالك ياض يعني هيحصل اللي اتمنيته بكره اهو حصل ايه
حاتم بوجع كريم تعاالي عايزك
كريم بقلق يابني في ايه طيب صوتك قلقني
حااتم بتنهيده متقلقش تعالي بس
كريم حاضر خمس دقايق واكون عندك
وفعلا شويه صغيرين وكان كريم جيه
كريم قعد قدامه واكمل بتنهيده مالك يا صاحبي فيك ايه
حاتم بتنيهده محتار اوي يا كريم محتار
كريم بتنهيده ولا ندمان
حاتم بصله واكمل بحزن ليه بتقول كده
كريم بحده انت مش شايف نفسك يا حاتم
حاتم بتنهيده انا مش عارف اللي عملته صح ولالا ومع اني هخطب منه بكره الا اني قلبي واجعني وحاسس بحزن عمري ماحسيته
كريم بتنهيده مش يمكن علشان اللي زمنها مموته نفسها عياط في االبيت دي
حاتم بتنيهده هي مين
كريم بحده انت هتستعبط انت فاهم قصدي الوحيده اللي حبيتك مع انك اكتر واحد كسرتها واغتصبتها واجبرتها تعيش معاك بلعافيه كمان
حاتم بقلق هي شهد فعلا ممكن تكون بتعيط
كريم بتنهيده انت مقتنع انك بتحب منه ??
حاتم يعني ايه
كريم اانا بصراحه مش مقتنع حبك لمنه ماهو الا تحدي علشان هي بنت حلوه وعجبتك تفتكر لو هي كانت وحشه كنت هتبصلها معتقدش وسيبك من شكلها خالص انت لما الموضوع قلب جد انت كشيت حسيت انك مش هتقدر تعمل كده وتكون لحد غير شهد انت بس بتعاند نفسك يا حاتم بس اللي عايز اوصلهولك اديك كسرت منه وخليتها رضيت وراضيت غرورك سيبها بقي في حياتها وارجع لمراتك وبنتك
حاتم بتنهيده انت بتقول اي كلام انا مش معني اني مضايق يبقي بحب شهد
كريم بضحك لا بتحب شهد وعارف ايه اكبر دليل
حاتم بتنهيده اممم قول
كريم بضحك اني قولت علي منه بنت حلوه وانت حتي مخدتش بالك انما ساعه لما قولت كده علي شهد انا لقيت نفسي اتخبطت في الحيط ورجلي كانت هتتكسر
حاتم بتوتر اممم في النهايه دي مراتي طبعا غير منه
كريم بخبث اللي بيحب مش هينقي مراتي ولا خطيبتي ولا بنت الجيران يا حاتم
حاتم بنفخ يووه انت عايز ايه دلوقتي يا كريم انا جايبك افضفض هتتعبني ليه
كريم عايز شاي
حاتم برفعه حاجب نعم تصدق بالله انت بارد
كريم بضحك قوم بس اعملي شاي بسرعه وتعالي عايزك في موضوع
حاتم بتنهيده والله انت بارد بجد وقام فعلا وكريم مسك فون حاتم وطلع وقف في الصالون
وحاتم عمل الشاي وخرج بيه شافه واقف
حاتم بستغراب طلعت من الجنينه ليه
كريم وهو بيتكلم في فون حاتم شاورله بانه يستني واكمل بقلق حاضر حاضر هقوله سلام
حاتم بحده انت بتكلم مين من فوني يا حيوان
كريم بقلق دي شهد اتصلت بتعيط اوي يا حاتم
حاتم بخوف نعم بتعيط ليه وحط الشاي علي السفره واكمل انا هروحلها بسرعه ها استناني هجيلك ولو معرفتش اجي خلاص اقابلك وقت تاني
كريم استني بس منه بتعيط فوق وخاربه الدنيا لسه كانت معديه دلوقتي منظرها صعب اوي روح شوفها الاول اهي فوق بعدين روح لشهد
حاتم بخوف لالا هروح لشهد وهبقي اجي اشوف منه يلا سلام ومسك مفاتيحه وكان رايح يطلع اوقفه كريم واكمل بابتسامه عرفت يا صاحبي انت بتحب مين ولا لسه
حاتم وقف وبصله بصدمه واكمل يعني ايه
كريم بابتسامه انا ولا كلمت شهد ولا شوفت منه بتعيط بس قلبك جري بيك علي اللي بيحبه واللي فعلا خايف عليه اكتر وتنهد واكمل فوق يا حاتم انت لو خطبت منه هتظلمها وتظلم نفسك وتظلم مراتك .. منه مكانتش اكتر من تحدي انت خدته مع نفسك علشان هي رفضتك وقرب عليه واكمل انما مرااتك وام بنتك متستاهلش منك كده ابداا
حاتم بحده يا شيخ تصدق انك بجد بارد اوعي كده علشان وقعت قلبي في رجليا وطلعت بتهزر الله يحرق اهلك علي المسا. ودخل الجنينه فكريم دخل وراه واكمل بضحك اه يعني هنلغي الخطوبه ولا ايه بقي خليني افرح
حاتم بتنهيده لا مش هلغي حاجه عمي عرف الصحافه والخبر انتشر ودي مهما كان بنت عمي يعني شرفي لما الغي الخطوبه فاجاه هتلاقي 100 ليه اتقالت وكل واحد عنده كلمتين هيقولهم علي النت
كريم بفرح بس معني كلامك انك مش هتكمل مع منه صح ??
حاتم نفخ بضيق واكمل مش عارف يا كريم حقيقي مش عارف وحط راسه بين ايديه
في بيت ادم
ادم واقف باصص للخبر بوجع ودموع واكمل بصوت مخنوق انا هنزل شويه
ساميه بدموع لا تنزل تروح فين انت مش هتمشي من البيت ابدا بلحاله دي انت فاهم وحضنته وفضلت تعيط
ادم بدموع ماما ارجوكي سبيني لوحدي شويه وانا هاجي تاني بس وحياتك عندي تعبان و عايز افصل شويه بعيد عن الناس
ساميه بدموع لا يا ادم لا متنزلش بلشكل ده ابداا لا
ابراهيم بحزن طب انت عايز تروح فين يابني
ادم بوجع المقابر
مالك بحزن طب زورهم الصبح
ادم بدموع لا محتاجلهم دلوقتي ارجوكم بقي يا جماعه
جيسي بدموع سبوه يا جماعه وخد عربيتي يا ادم روح بيها
ادم بدموع تسلمي يا جيسي انا حابب اتمشي
ساميه بستغراب جيسي وهي جات معاكم ليه دي كمان
جيسي مسحت دموعها واكملت علشان انا مرات ابنك يا ماما وطبيعي ابقي موجوده في المكان اللي جوزي فيه
ساميه بحده ودموع مراته ازاي يعني انت بردو اتجوزتها بعد اللي اختها عملته في اخوك دي عيله زبااااله كنت تقطع علاقتك بيها وادم باختها وفي ستين دااااهيه
مالك بحده ماما جيسي ملهاش دعوه كده كده كنت لازم اتجوزها
ساميه اتعصبت ورايحه تتكلم فاكمل ادم بتنهيده ماما اهدي بس ثواني واسمعيني انتي مينفعش تيجي علي مالك بسببي وفي نفس الوقت مينفعش تيجي علي جيسي بسبب منه جيسي حامل في حفيدك مينفعش مكانتش تتجوز مالك ده كده كده لازم يحصل والبنت كتر خيرها معترضتش تفضل معاكي دي جزاتها يعني ?? ثم انه انتي لو عندك بنت ترضي يحصلها اللي انتي بتقوليه ده
ساميه بدموع لا يا ادم بس
ادم بوجع مبسش انا كويس متقلقيش علياا انا مينفعش ازعل ياماما لان دي عواقب اختياراتي انا فمقدرش اتكلم ورايح يمشي
مالك بحزن طب خد عربيه جيسي طيب
ادم بتنهيده مليانه وجع اكمل لالا حابب امشي
ساميه بسرعه لالا بلاش عربيات
ادم بصلها وابتسم واكمل عارف انك خايفه اسوق وانا كده بس اطمني انا فعلا مش هاخدها ونزل
ابراهيم بحزن ياريتني ماشتغلت عند كمال
ساميه بحده ماقولتلك بس ازاي تسمع كلامي خليت بنت ولا تسوي بنت كلاب تذل ابني كده بس معلش كويس حصل كده علشان يعرف حقيقتها الو*سخه ويبعد عنها اشكرك واحمد فضلك يارب بلاش قرف لا عايزين كمال ولا بنته
جيسي بصت في الارض بحزن وعيطت بصمت
مالك بص لامه بحده وحضن جيسي واكمل وهو بيطبطب عليها بس بس يا حبيبي هي متقصدكيش انتي والله
ساميه تنهدت بحزن واكملت مش قصدي عليكي يابنتي ده انتي اللي حقك عليا علي اللي حصل بينك وبين مالك انتي متتقارنيش بمنه انتي ضحيه وملكيش ذمب حقك عليا وعيطت واكملت بس انا ام يا جيسي ..ام شايفه ابنها بيتقطع 100 حته بسبب واحده متستاهلش حبه ومش قادره تهدي ناره فغصب عني سامحيني بس ادم ده امانه ساره وسليم سبهولي وانا حسيت لما شوفته مكسور كده اني معرفتش اصون الامانه دي يابنتي وقلبي اتقطع عليه ده هو ومالك نورعيني اللي بشوف بيها وبكره لما تبقي ام هتفهميني يا جيسي وهتعذري كلامي
جيسي بدموع انا عذراكي يا ماما وفاهمه قصدك ويابختهم بيكي بس اللي انا مش قادره افهمه منه ازاي عملت كده في ادم دي بتموت فيه ده وصلت بيها مره هددت بابا تسجنه وتبلغ عنه لو فكر يأذي ادم او يقف في طريقهم وحلفت بكده علي المصحف انا مش قادره اتخيل انها تعمل كده بجد دي بتشتم حاتم اكتر ما بتاكل وادم مش بتبطل تتكلم عنه وعن حبها ليه وعياطها زاد واكملت دي بتنام حاضنه هدومه ياماما انا مصدومه اوي فيها بس حاسه في حاجه غلط
ساميه بدموع منا قولت زيك يابنتي وخليتها توعدني تحافظ عليه وتفضل جمبه لاخر يوم ومتسيبش الحرب ابداا وتبقي مع ادم من غير ماتتردد وتجبلي حفيدي او حفيدتي منه وهي وعدتني انها هتعمل كده وانها عمرها ماتتجوز غير ادم ولما شوفت حبها ليه ووقفتها جمبه يوم تعب ابراهيم وعياطها وخوفها اللي مكنش تمثيل ابداا. قولت البنت دي جوهره وست البنات صح فينك يا ساره شوفي مرات ابنك واختياراته القمر زي ابوه بس لا اديني انا اللي طلعت غبيه واول مره اقول علي حد كلام يطلع غيره خالص واختك حبت ادم سليم يا جيسي انما لما عرفت فيها ادم االي ابوه غلبان معدنها ظهر وبانت علي اصلها
ابراهيم بحزن انا كنت بسمعها مصدوم بس لا يا ساميه لابرغم كل ده حاسس ان في حوار وحوار كبير اوي خصوصا ان ادم قابل كمال زي مانتي عارفه وبصلها بصه هي بس فهمتها
ساميه فهمت انه ممكن يكون كمال لما شاف ادم وعرف انه ابن سليم هدد بنته واجبرها تعمل كده علشان يبعده عنها فاكملت بدموع مش هتفرق يا ابراهيم مش مهم عندي منه ولا ابوها في ستين داهيه كويس اصلا غاروا من حياتنا انا بس عايزه ابني يبقي بخير
مالك قعد وحط راسه مابين ايديه ودموعه نزلت بصمت
جيسي قعدت جمبه واكملت بحزن انا حاسه انها هتتعدل والله بس انا مستغربه اوي هي ازاي حيوانه كده دي كانت بتموت فيه يا مالك
مالك بدموع وهو محبش حد قدها يا جيسي ادم تعب اوي في حياته وفكر ان اختك العوض عن كل ده بجد ادم صعبان عليا اوي انا مقهور عليه ميستاهلش كده ده في عز وجعه وقف جمبنا وجوزنا وغمز لذياد وخلي صافي تروح معاه ادم بيدور يسعد الكل يا جيسي بس هو مش سعيد
جيسي بدموع ربنا يطبطب علي قلبه ويعوضه بلاحسن منها فعلا حب ادم كتير عليها اوي انسانه حيوانه
ساميه بتنهيده حزينه ادخل انت ومراتك يا مالك علشان تنام من صباحيه ربنا وانت صاحي وكنت في الشغل اليوم كله وكمان البنيه دي باين عليها تعبانه بردو ادخلوا ارتاحوا وهعملكم العشا واجيبه
جيسي بدموع لا يا ماما انا مش عايزه اكل
مالك بتنهيده جيسي مينفعش يا حبيبتي علشان الدوا وبص لامه واكمل ماشي اعمليه وقام وقف وشال شنطتها ودخل الاوضه
ساميه بابتسامه يلا ورا جوزك
جيسي هزت راسها ب اه ودخلت وراه لقيته مش في الاوضه وشافت حمام الاوضه مقفول ومنور ففهمت انه جوه وقعدت ورتبت كل هدومها في دولاب مالك وجهزت دريس حماله قصير لحد الركبه بيتي بتنام بيه واكملت وهي بتتاوب مالك اخلص علشان عايز اخد شاور قبل مانام
مالك فتح الباب وخرج وهو لافف الفوطه علي وسطه والتانيه بينشف بيها شعره واكمل ادخلي اهو يلا انا طلعت
جيسي شهقت ولفت واكملت بحده هو انت يابني ادم قاعد لوحدك حد يطلع كده بردو قدام ..قدام وسكتت
مالك جيه من وراها وحضنها من ضهرها واكمل بضحك سكتي ليه علشان لقيتي ان الجمله هتبقي قدام مراته وطبيعيه فسكتي مش كده
جيسي بتوتر مالك ابعد عني واتلم
مالك لفها ليه واكمل وهو بيبصلها بحب بلذمه لسه كاتب كتابي وقاعده معايا في اوضه واحده وعايزاني اتلم
جيسي شوف الراجل في ايه واحنا في ايه وضربته في صدره واكملت اوعي ابعد عني واتلم بجد انت فاكر نفسك عريس بجد ولا ايه يا عسل فوق كده ياروحي انا حامل هاا اتلم بعيد عني احسنلك وداست علي رجله فبعد عنها وهو بيتنطط واكمل بوجع ااه يابنت الجزمه انتي وبصلها بغيظ فضحكت وطلعتله لسانها وهي بتجري وبتقفل الباب ومالك فضل يضحك عليها وجاب بنطلون بيتي ولبسه وفضل من فوق زي ماهو وقعد علي السرير واتغطي ومسك فونه
بعد شويه خرجت جيسي وهي لابسه الدريس وبتنشف شعرها
مالك لما شافها صفر باعجاب واكمل ايه الحلاوه دي منتي طلعتي بتفهمي اهو ولبستي حاجه قمر
جيسي بضحك لا ياروحي انا بنام كده علطول ثم انه بلبس نفس الطول لما باجي انزل يعني مش نيتي اني البس كده قدامك لا انت فاهم غلط خالص وحطت الفوطه علي جمب وقعدت قدام التسريحه تسرح شعرها
مالك وهو باصص لفونه اكمل بحده ده عند امك انك تنزلي كده تاني بعد انهارده
جيسي بصتله في المرايه وهي بتسرح واكلمت بتنهيده والله يا مالك انا مش قادره اتخانق أجلها لبعدين
مالك بحده ولا بعدين ولا زفت انا اصلا مبتناقش معاكي انا بعرفك اللي هيحصل
ساميه خبطت فاكمل مالك وهو متعصب ادخل
ساميه دخلت وحطت الاكل علي التربيزه واكملت ايه يا مالك صوتك عالي مع مراتك كده ليه هو احنا لحقنا ياابني
مالك بتنهيده كبري دماغك يا ماما عادي احنا كده علطول مش حاجه جديده
جيسي سرحت وقامت واكملت بحب تسلم ايدك تعبناكي
ساميه بابتسامه الف هنا بس اهم حاجه تهتمي باكلك بقي لحسن انتي ضعيفه خالص يابنتي وكده الحمل هيتعبك اوي
جيسي بابتسامه والله يا ماما روحت للدكتوره من يومين وقالتلي نفس الكلام اني ضعيفه خالص كمان عندي انيميا بقي فبتخليني زي النحله الدايخه
ساميه يا حبيبتي يا بنتي وطبطبت عليها واكملت بحب شفاكي الله وعفاكي وقومك لينا انتي وحفيدي بخير يارب
جيسي بابتسامه اللهم امين يارب
ساميه يلا هطلع انا ولو مش هتدفي بلبطانيه اللي مالك مطلعها دي خدي اللي في الدولاب اتقل لحسن انتي لابسه قصير وجوزك التاني قالعلي التيشرت مش فاهمه ازاي مش حاسين بلسعه البرد اللي بتيجي بليل دي
جيسي بضحك حاضر يا حبيبتي تسلمي
وطلعت وقفلت وبتلف جيسي لقيت مالك باصصلها برفعه حاجه فاكملت بتوتر ايه مالك بتبصلي كده ليه
مالك بحده هو انتي عرفتي مين انك هتتنيلي تروحي لدكتوره مش مفروض كنتي عرفتيني او علي الاقل لما ترجعي تطمنيني عليكي ولا هو ابنك لوحدك
جيسي بتنهيده وهي بتقعد قدامه وبتجيب الصنيه اكملت مالك انا مجاش في بالي ومتعودتش اني احكي لحد قبل ما اعمل كل حاجه في حياتي
مالك بحده لا تتعودي بقي والاحسن يكون بسرعه ويلا علشان تاكلي علشان دواكي
جيسي بتنهيده حاضر وبلفعل اكلو وجيسي قامت غسلت ايديها وزيها مالك وحطت الصنيه علي جمب وخدت الدوا
مالك وهو بيقعد علي السرير اكمل هما دول بس اللي بتخديهم ولا ناقصك حاجه اجبهالك ??
جيسي لاالا هما دول
مالك بستغراب بعدين هي مدياكي مثبت ليه هو انتي حملك مش مستقر يا جيسي ??
جيسي لا يا مالك مش كده بس انا رفيعه اوي وضعيفه فعلشان كده هي بتثبت الحمل تحسبا لاي حاجه
مالك بتنهيده اااه ماشي
جيسي بستغراب بعدين انت عرفت منين انه مثبت
مالك بتوتر ايه ااه ومسكه واكمل بتوتر مكتوب بلانجلش مش معقول جاهل للدرجه دي يعني
جيسي بصت واكملت اممم صح وخدت كل ادويتها وشالتهم في الدرج
مالك نام وفتح ايديه واكمل تعالي
جيسي بحرج اجي فين اتلم بس وقولي كده هنام فين
مالك بضحك في حضني ودي فيها كلام
جيسي بحرج مالك بجد اتلم ورايحه تقوم مالك شدها لحضنه وحط راسها علي صدره وشدها ليه وباس راسها واكمل بحب وهمس نامي يا جيسي
جيسي اتوترت من قربها منه بلطريقه دي بس بعدين استسلمت ونامت في حضنه
في المقابر عند ادم قاعد قدام قبر ساره وسليم
ادم بدموع ووجع مشيتي ليه كنت محتاجلك اوي اترمي في حضنك دلوقتي يا ماما ودموعه زادت واكمل عارفه كنت بقول عن منه زيك واني حظي حلو زي بابا بس لا طلع بابا بيفهم اكتر مني واختار ست اصيله اختارته وهو سليم البسيط ووصلوا مع بعض واتجوزوا وخلفوا وحبهم منقصش لحد حتي مامشيوا مع بعض وقرب علي القبر اكتر واكمل بوجع ودموع هو مينفعش تطلعي دقيقه بس احضنك وامشي تاني والله انا محتاجلك اوي يا امي انا اخر مره حضنتك كانت اخر مره شوفتك فيه وانتي بتقوليلي ماما بتحبك اوي يا ادم وكنت 3 سنين .. طب بتحبيني تسبيني لوحدي ?? بتحبيني متكونيش معايا في اي حاجه كده ولا اول يوم مدرسه ولا في ثانويه عامه ولا اول يوم جامعه ولا حتي يوم تحقيق حلمك وتخرجي ده انا حتي لما اتنيلت حبيت مكنتيش جمبي هان عليكي تسبيني لوحدي يا ماما ?? وانت يابابا هان عليك تسيب ابنك لوحده في الدنيا كده ?? طب انا ليا مين دلوقتي اه امي وابويا مقصروش معايا بس انا محتاجكم ومش قادر اعيش من غيركم مشهد فراقكم مش بيروح من بالي انا اتكسرت بدري اوي يا امي اوي وقرب من القبر اكتر وسند راسه عليه واكمل بعياط انتي سمعاني طب لو سمعاني خديني عندك ارجوكي يا امي خديني عندك انا مبقتش مستحمل وقلبي واجعني اوي اوي منه كسرتني يا امي منه كسرتني وراحت لحاتم وضحك وسط دموعه واكمل وقالتله حبيبي واختارته عليا وخليته ذلني وقهرني هو وابوها وقللوا مني ووجعتني بكلامها … البنت اللي كنت بشبها بيكي وبترمي في حضنها بدالك هي كمان مشيت وسابتني طب .. طب هو انا وحش يا ماما ?? واتعصب بدموع واكمل ردي علياااا هفضل لحد امتي اكلمك وانتي مش معايا اصلاا هو انا وحش علشان يوصل بيا الوضع ان كلكم تسبوني وتمشوا طب انا اذيت مين علشان اتعاقب كده انا قلبي خلاص مبقاش فيه حته سليمه ومستني ايه انا وعياطه زاد واكمل مستني ايه انتي موتي هتردي عليا ازاي اصلا…. انتي موتي وسبتيني بدري اوي يا ماما اوي وقرب من قبر ابوه واكمل بدموع ووجع وانت ياعم سليم حبكت يعني تبقي رومانسي وتاخدها هي بس وتنزلوا تتعشوا برا طب وابنكم ده مش كنت تاخدني معاكم وكان زماني في حضنكم دلوقتي انتوا واختي بدل منا مقطوع من شجره كده وعياطه زاد واكمل شجره كل فروعها اختفت من الدنيا وانا بس االلي فضلت هنا طب ليه لييه انا بس اللي عيش لوحدي واعيش لمين اتبقالي مين اعيش علشانه اصلا وعلشان ايه انا موجود انا اصلا مش قادر استوعب ان منه تكسرني كده لحد دلوقتي انا خلاص مبقتش عايز اعيش وكان بيتردد في باله كلام منه
-شكي كنت هبله اوي علشان فضلت بحبك 4 سنين ومسألتش انت عايش فين ومين اهلك وعيلتك
– بصراحه عمري ماتخيلت انك مستواك كده للدرجه دي انت ازاي متعرفنيش حاجه زي كده هو مش انا هعيش معاك ازاي تخبي عليا حقيقه مستواك
-علي الاقل يكون زي حاتم معاه يعيشني نفس مستوايا او حد من اولاد رجال الاعمال انا وافقت اتجوزك وانت ابن دكتور سليم الشافعي واللي لحد الان حلوه انما مش ابن ابراهيم البواب عندي
-وانا زيك بلظبط ندمانه اوي يا ادم انا يمكن حبيتك بس بحب نفسي اكتر واعتبر اه مش الحب اللي في خيالك لاني مش هقدر اعيش اقل من مستوي اهلي وانت اكيد عرفت فيها بنت كمال الشريف وغنيه حبتني بقي
-بس يا حبيبي بس متضربش حد لايروح يبلغ عنك وتدفعله فلوس علشان يرضي يتنازل مش ناقصين المستوي ده يطلع منه اي حاجه علشان الفلوس
بعدين افتكر لما كان بيتكلم مع مالك
مالك بابتسامه وهي اصيله وشارياك وتستاهل الصراحه انك فعلا تحارب علشانها انا بعد اللي شوفته ده من منه بقولها بقلب مليان فعلا مش هيفرق معاها مستواك خالص
ادم بابتسامه منه بتحب ادم … ادم وبس مش حاجه تاني
بااااااك
ادم بعياااط ااااه قد ايه انا كنت غبي وفضل يضرب ايديه في الارض بقوه واكمل غبي غبي انا ازاي كنت معمي للدرجه دي ومش شايف حقيقتها الوس*خه ازاي معرفتش اني كنت مخدوع طول السنين دي ازاااي .. ابنك قلبه واجعه اوي يا امي اوي ونفسه يموت ويجيلكم خلاص مبقاش في حاجه افضل علشانها وكور ايديه بغضب واكمل هو بس هدفين يتحققوا ومش هيفرق معايا اعيش بعدها الاول اجيب حقكم اللي مش ناسيه ولا هنساه وانتقم من اللي كان السبب فاني بعيط قدام قبركم ومش قادر احضنكم واطلع وجعي ولا حتي شوفتوني في اي مرحله في حياتي والتاني لازم اوري منه مين هو ابن سليم الشافعي وهيبقي ايه وبص لقبرهم نظره اخيره وقام وقف واكمل بدموع ووجع انا عمري ماتكسرت قد دلوقتي لان هي اللي كانت بتهون عليا فراقكم بس حتي هي كسرتني وبعدت وجيت اداوي جرحي عندكم تعبت اكتر لاني حتي مش عارف اكلمكم واحضنكم ولو دقيقه واحده قد ايه احساس صعب اني لحد ما اموت مش هلمحكم تاني ولا حتي دقيقه احساس صعب ان يتحكم عليا الموت بلحيا من وانا طفل 3 سنين اني مشوفش اهلي تاني مدي الحياه قد ايه ده اصعب انواع الاشتياق في الدنيا اني اشتاق لحد مهما بحصل مش هشوفه انا بجد مهما اتكلم مش هوصف قهرتي ووجعي دلوقتي بس انتوا واحشتوني اووي
وخرج وهو بيعيط وعمر كان رايحله و لمحه واستغرب انه مشي عكس ما بيروح فا مشي وراه
بعد شويه من المشي ادم كان دخل بار وفضل يشرب وعمر استغرب انه دخل الاماكن دي ودخل وراه وفضل يدور عليه لحد ما شافه قاعد بيشرب وشكله صعب اوي
عمر راحله واكمل بوجع انت بتعمل ايه يا صاحبي من امتي وانت بتروح الاماكن دي ولا بتشرب
ادم ضحك بدموع واكمل انت كمان عرفت يا عمر شوفت خيبه صاحبك شوفت منه عملت فيا ايه وفضل يضحك واكمل تخيل بتقول لحاتم حبيبي وقدامي عادي لا وكان عايز يبوسها وفضل يضحك واكمل بوجع ودموع قد ايه دنيا قلابه ده لسه كانت بتحبني انا فاجاه تبقي خطوبتها بكره علي حاتم وبصله بوجع واكمل ابويا كان شغال عند منه يا حاتم وهي شافته فضلت تهيني وتقولي انت ابن البواب عندي وانها وطت مستواها كان مفروض تتجوز حد من ولاد رجال الاعمال او حاتم وان ازاي معرفهاش الحقيقه وانها ندمت انها حبتني ومبقتش عايزاني وفضلت تهين فيا قدام مالك وبابا وجيسي والكلب اللي هي فضلته عليا تخيل بقي ان منه تعمل كل ده ورفع الكوبايه شرب وبصله وفضل يضحك واكمل انت بجد مصدوم لا فوق كده فوق يا عمر متبقاش غبي زي اخوك واكمل بسكر وصوت متعب اخوك اتختم علي قفاه وبقي ماشي بمبدا توقع اي حاجه من اي حد
عمر بصدمه ودموع ادم انت بتتكلم جد
ادم بوجع ودموع اومال بهزر والله حصل وفضل يحكيله كل الكلام وهو سكران
عمر بدموع انت سكران ومش ناسي ولا كلمه معقوله !!!!
ادم ضحك بدموع واكمل بوجع وهو بيشاور علي قلبه لانهم كلهم محفورين هنا كل كلمه وكل مشهد خرج بخنجر في قلبي يا عمر فمستحيل يتنسي مستحيل دي البنت الوحيده اللي حبيتها في حياتي واديتها كل اللي جوايا بس هي صح والله واحده زي دي بنت كماااال بيه الشرررريف هتبصلي انا لييه انا اللي كنت غلطان من الاول بصيت لفوق اوي وهي قالتلي كده قالتلي بص لنفسك ومستواك وللي انت عايزها
عمر بصدمه ودموع ازاي تقولك كده المفروض ان الحب
ادم بعصبيه ودموع ومقاطعه الحب ده الاغبيه اللي زيي وزيك كانوا بيفكروا فيه وبيقولوا انه اهم حاجه انما اتضحلي ان الفلوس طلعت اهم ده اللي خلي منه اللي كانت بتتمنالي الرضا ارضي وعمرها ما ملت مني بعدت….. بعدت علشان الفلوس يا عمر يبقي ازاي الحب وفضل يبكي بوجع فعمر شال من ايديه الكوبايه وحضنه جامد فاكمل ادم بوجع ودموع كل اللي بحبهم بعدوا عني يا عمر كلهم
عمر وهو بيطبطب عليه اكمل بدموع اهدي يا صاحبي اهدي وادعي ربك وهنفهم هخلي تاليا تفهم منها
ادم بعصبيه ودموع لا يا عمرر لا منه خلاص ماتت في نظري زي اللي ماتوا سيرتها من انهارده مش هتتفتح تاني وكان هيقع عمر سنده واكمل بخوف تعالي معايا ايه االي عملتوا في نفسك ده يا ادم من امتي وانت بتشرب وضعيف كده
ادم وقف وبعد عنه ومسك كوبايه تانيه وشربها واكمل بسكر امشي انت روح لمراتك وسبني في حالي يا عمر
عمر بعصبيه مش همشي من غيرك انت اتجننت ايه القرف اللي انت بتعملوا ده يا دكتور يا محترم هات دي كده وبيشد منه الكوبايه
ادم بعصبيه وهو سكران اكمل ماقولتلك حل عني وسبني في حااالي ايه مبتفهمش
عمر شد منه الكوبايه واكمل بعصبيه فوق بقي لنفسك انت مش كده ومتبقاش كده بسبب حد محدش يستاهل وشدوا طلع معاه وركبوا العربيه بتاعته بلعافيه وقعد جمبه وساق وفونه رن
عمر بحزن الو يا خالتي
ساميه بدموع ها وصلتله يابني فعلا في المقابر ?
عمر بص لشكله واكمل بتنهيده اه لقيته بس ارجوكي اسمحيلي اخليه عندي انهارده
ساميه بدموع مش عارفه تغمضلي عين يا عمر وهو مش في البيت وعارفه ان حالته صعبه
عمر بتنهيده ارجوكي يا امي انا هعرف اخرجه من اللي هو فيه انما عندك هيجي يقعد لوحده
ساميه بدموع ماشي يابني خلاص خليه بس امانه عليك ياعمر لتخلي بالك منه
عمر بحزن عنيا حاضر يلا باي
ساميه باي
وقفل وبص لمنظر ادم بحزن
بعد شويه في بيت عمر
عمر بيخبط
تاليا مين
عمر افتحي ياتاليا ساند ادم فمش هعرف افتح
تاليا لبست الاسدال وفتحت وشهقت لما شافته واكملت بدموع ايه ده ادم ماله يا عمر
عمر قعد ادم علي الكنبه واكمل بدموع شايفه صاحبتك وصلته لايه يا شيخه ابو اليوم اللي فكر يحبها فيه
تاليا بعياط لالا يا عمر اكيد في حاجه غلط ازاي منه تعمل كده ازاي !!!!!
ادم بسكر ودموع انا قلبي واجعني اوي وعياطه زاد واكمل ليه يا منه ليه ده انا حبيتك اكتر من نفسي ليه توجعيني بلشكل ده انا حاسس اني هموت من كتر الوجع نا مش قادر اصدق مش قادر وفضل يبكي بوجع واكمل حااتم بقي حبيبك يا منه حاتم !!!! وبتستخبي مني اناا ورا ضهره وبتكسريني وتهنيني كده كل ده ليه ??? علشان الفلوس يا شيخه ابو الفلوس اللي تغير الناس كده ابو الفلوس اللي بقيت محور حياتكم وقلوب الناس دي اي عادي وبص لتاليا واكمل بدموع وهو سكران صاحبتك عملت فيا كده ليه يا تاليا انا قدمتلها كل حاجه كنت اقدر عليها تعرفي لو طلبت عيني مكنتش هقولها لا ولو طلبت حياتي فداها ده جزاتي يعني اني طلعت بحب بجد وهي بتسلي وقتها ولما لقيت مفيهاش فلوس خلعت
تاليا كانت بتسمعه وبتعيط علي كلامه وحاطه ايديها علي بوقها بصدمه
عمر بدموع ادم ادخل نام شويه
ادم بدموع مش عايز انام انا مش هتغمضلي عين غير لما ماما وبابا يجوا ياخدوني معاهم انا طلبت منهم كده انهارده
تاليا بدموع ووجع بعد الشر عليك يا ادم متقولش كده
ادم بدموع ووجع الشر صاحبتك عملته فيا واكتر صاحبتك موتتني بسكينه تلمه يا تاليا صاحبتك بللي عملته حسيتني بلغدر والوجع والخيانه والكسره والذل حسيت بكل حاجه ممكن تفكري فيها لو كنت موت اقسم بالله كان هيبقي اهون يعني مش كفايه اتيتمت من وانا 3 سنين واتقهرت علي امي وابويا لا صاحبتك جات كملت وحسستني فعلا اني وحش اوي علشان يحصلي كل ده وكل اللي بحبهم يسبوني كده وعياطه زاد واكمل انا لاول مره في حياتي احس اني محتاج امي وحضنها بلشكل ده بس حتي ده مش هعرف اطوله نفسي تيجي دقيقه واحده تضمني لحضنها وتمشي تاني والله بس حتي دي مش هتحصل والوحيده اللي كنت بجري لحضنها لما اتعب هي للي طعنتني بنفسها اااه ياااارب يااارب خدني بقي ورجع ضهره لورا وغمض عنيه بتعب ودموعه بتنزل واكمل بدموع مش بعترض يارب بس كتير كتير كتير اوي اللي بيحصلي ده اديني قوه احتمل يارب انا مبقتش قادر
عمر غمض عنيه بالم واكمل بدموع تاليا حضريلي الحمام علشان اساعده ياخد شاور
تاليا بعياط ووجع انا مش قادره ارد عليه يا عمر مش عارفه اقول كلمه واحده تهون اللي قاله كل اللي مش قادره افهمه ازاي منه تعمل كده ازاي انا دماغي هتنفجر من التفكير
عمر بدموع وبحده هتردي تقولي ايه مافعلا صاحبتك طلعت زباله ومنظره مبيكدبش
تاليا بعياط انا مش بكدبه طبعا بس اكيد عمو كمال قالها تعمل كده يا عمر منه بتحب ادم اوي وانت عارف
عمر بحده انا معرفش غير صاحبي .. صاحبي وبس واللي شوفته من صاحبي اول مره يسكر ويتعب بلشكل ده يبقي كل كلمه اتقالت صح ووجعته جداا وبعدين انا وانتي عارفين ان كمال بيه مكنش يقدر يتكلم لو منه نفذت الخطه اللي قولناها انما دي كبرت دماغها وماصدقت
تاليا بعياط ايه يوصلهم لكده بجد ازاي ده حصل
عمر حكالها كل اللي قااله ادم والحوار اللي حصل بينهم وتاليا كانت مصدومه وحاطه ايديها علي بوقها من الصدمه
وراح عمر سند ادم واكمل بدموع مش عرفتي كل حاجه ادخلي حضري الحمام يا تاليا ويظهر ادم عنده حق نتوقع اي حاجه من اي حد حاولي اكسبي مناعه ضدد الصدمات
تاليا فضلت تعيط ودخلت حضرتله الحمام وعمر دخل يساعد ادم ياخد شاور وساعده ولبسو تيشرت وبنطلون وطلع بيه سانده ودخل نيمه في الاوضه وغطاه
ادم وهو نايم اكمل بتخريف علشان خاطري يامنه متكسرنيش بلشكل ده انا بحبك وعارف انك بتحبيني والله
تاليا سمعته فضلت تعيط وعمر عينه دمعت علي صاحبه وقرب باس جبينه وفضل يطبطب عليه لحد ماهدي خالص واكمل بدموع كويس جبته هنا اللي عملت حسابه لقيته خالتي ساميه لو كانت شافته بلمنظر ده كانت هتموت فيها
تاليا بعياط انا اول مره اشوف ادم كده ده عمره مادخل بار ولا شرب سجاره علشان يسكر بلطريقه دي
عمر بوجع البركه في صاحبتك
تاني يوم الصبح تحديدا في معاد الخطوبه
منه قاعده لبسه دريس بيبي بلو ضيق من عند الصدر ولامع وبكم مطرز وواسع لتحت بكذا طبقه شيفون وحجاب من نفس اللون وبتحط ميكاب وطالعه شكلها حلو جداا
المكياب ارتيست بابتسامه خلصنا خلاص الف مبروك طالعه زي القمر
منه بابتسامه مكسوره شكرا
المكياب ارتيست يلا عن اذنك ونزلت
ووقفت منه تتفحص شكلها وعيطت بوجع وافتكرت
يوم عيد حبهم الرابع
ادم باس جبينها واكمل بحب كل سنه وانتي معايا يا ست البنات وعقباال العمر كله وانتي في حضني
منه بحب ودموع حبيبي يا ادم بجد ربنا يخليك ليا وميحرمنيش منك ابدااا
ادم مسح دموعها واكمل بحب وفرح بلاش دموع بقي وبوعدك هكون مصدر فرحتك طول الوقت علي قد ما اقدر ياست البنات
منه حضنته بدموع فرح
ادم بادلها الحضن بعدين رفع وشها باس جبينها ومنه سندت جبينها علي جبينه واكملت بحب الدنيا كلها مش فارقالي اللحظه دي كل اللي انا عايزاه في حياتي مبعدش عنك انت ابداا ولا اتحرم منك يوم حتي
ادم بحب هيحصل والله ياروح قلبي ومحدش هيقدر يبعدك عني بعد كده
منه بفرح بجد مبسوطه اوي وطلعت من حضنه بفرح ايه رايك في الدريس
ادن بحب واعجاب كله بيرفكت انهارده
باااااك
منه بعياط ووجع مش قادره يارب مش قادره بجد اعمل حاجه زي كده قلبي واجعني اوي ولقيت الباب بيخبط فمسحت دموعها واكملت ادخل
تاليا دخلت وشافتها واقفه جاهزه ولابسه بصتلها بصدمه ووجع
منه شافتها فرحت كانت رايحه تتكلم بس قبل ماتنطق كانت ضربتها بلقلم بقوه واكملت بعصبيه ودموع اخررسسسي خااالص مش عايز اسمع حسك اييه هتردي تقولي ايه هتقولي ايه يا عروسه وبصتلها بدموع واكملت بسخريه مبروك يا صاحبتي انا اصلا غلطانه اني جيت واتحايلت علي جوزي علشان يسمحلي اشوفك شويه بس وقالي هتضيعي وقت يا تاليا قولتله لا في حاجه غلط يا عمر ارجوك اروح الخطوبه ومش هطول بس لالا انا اتصدمت فيكي صدمه عمري
منه بدموع ووجع تاليا انا غصب عني
تاليا بعصبيه ودموع مهما يكووون مهما يكون يا منه انا وانتي عارفين كويس اوي ان ادم يقدر يجي ياخدك ويمشي ومحدش يفتح بوقه وكنا هنلجئ للحل ده لو ابوكي عند راسه واللي هيجنني انها كانت فكرتك انتي من الاول خالص بس يمكن كل ده عملتيه علشان تكسري ادم اكتر مش كده او لما عرفتي انه ادم الفقير عملتي كده صحح وروحتي للي شبهك
منه بعياط تاليا انتي بتقولي ايه انا تقوليلي كده ??? منه تعمل كده يا تاليا لااا ياتاليا ده لاعاش ولا كان اللي يكسر ادم ويقول عنه كده
تاليا بعصبيه ودموع انتي عيشتي وكنتي وكسرتيه … لا كسرتيه اييه ده انتي دمرتيه ادم بسببك امبارح راح االمقابر كان بيتخانق مع امه انها سابته لانه احتاج حضنها وعايز يشكيلها منك لانك كنتي انتي اللي بتهوني عليه وجعه بس انتي اكتر حد وجعه …. ادم بسببك فضل يعيط زي العيال الصغيره ويدعي علي نفسه يموت واتمني ده ……ادم بسببك حس بكسره ووجع وذل عمره ماحس بيهم ومش الدنيا بس جات عليه لا حتي انتي كمان اللي شافك كل الدنيا في نظره …. ادم بسببك نايم بيخرف وبيقول انا بحبك يامنه ليه كسرتيني وطول الليل جمسه بيتنفض ….ادم بسببك عارض مشيئه ربنا اكتر من مره وهو منهار علي موت اهله اللي حس لاول مره في حياته انه محتاجهم للدرجه دي ومش عارف يحضنهم واكملت بعصبيه ودموع ادم بسببك راح باااار وسكررر وهو عمره ماعمل كده انتي دمررررتيه وجايه تقوليلي لا عاش ولا كان روحي يا شيخه ربنا ينتقم منك ويوريكي اللي هو شافه انا برغم كل اللي سمعته منه وكنت مقهوره وبعيط علي عياطه حالته كانت صعبه اوي وعمر جايبه سانده مش قادر يصلب طوله وبرغم كل ده قولت لا منه مش كده اكيد في حاجه غلط لحد ماجيت وانا متوقعه اني هلاقي وجع وعياط بس لقيت عروسه لابسه وجاهزه
منه كانت مصدومه اوي وهي بتسمع كلامها ومش قادره تصدق ازاي ادم يوصل للمرحله دي وقلبها واجعها اوي وفضلت تعيط واكملت وديني ليه يا تاليا ارجوكي عايزه اشوفه ومسكت ايدها
تاليا شالت ايدها بحده واكملت روحي شوفي عريسك يا قلبي وادم انسيه خالص ويستحسن تقلعي دبلته لانه هو كمان لازم يقلعها كفايه بقي كفايه وجع لادم ادم شاف كتير اوي
منه حضنتها واكملت بعياط انا هقولك كل حاجه بس اوعديني انك متعرفيش حد يا تاليا احلفي علي المصحف ارجوكي
تاليا بحده حقيقه ايه هو في بعد كل اللي عملتيه
منه راحت جابت المصحف واكملت الاول احلفي وبعدها هقولك بعدها قرري
تاليا استغربت اوي بس حطت ايديها علي المصحف واكملت وللمصحف مش هعرف حد حاجه هاا
منه بدموع انا هقولك وحكتلها كل حاجه عن اللي حصل بينها وبين حاتم وكلامها لادم وليه فكرت في كده وكلامها الاخير لادم وتاليا كانت بتسمعها ومصدومه اوي
تاليا بدموع حتي لو صح هان عليكي ادم يا منه
منه بوجع وعياط مهنش ولا عمره هيهون ده نص التاني وحبيبي وكل ماليا بس خوفي عليه من حاتم وبابا اكبر من اي حاجه تانيه ياتاليا والمصحف ده اهلي يعرفوا ناس تقال ولو عايزين يأذوا ادم هيأذوا حتي لو نفذت خطتنا وروحت معاه بردو هيأذوا والمصحف هيأذوا وقدامي كان هيحصل ده قبل كده لما حاتم هددني ساعتها حد من رجالته كان هيموت ادم وانا قولت هبعد ادم عني ازاي وهو معمليش اي حاجه حاولت المحله باني هتخطب لحاتم لو معرفتش اتصرف كام يوم واسيبه بس ادم اتصدم فيا وقالي لا طبعا انتي بتقولي ايه وزعل اوي فكنت بفكر طب ادم مش راضي اني اهاود حاتم مؤقتا وحاتم لازم اسمع كلامه طب اعمل ايه كده لازم ابعد ادم عني ويزعل اهون من اني افضل معاه ويتأذي طب ابعد. ادم ازاي روحت لما عرفت ان عمو ابراهيم هو ده استغليت الفرصه ودخلتله من الحته دي علشان يبعد وقد كان وفضلت تعيط واكملت بوجع ولازم يفضل بعيد علطول حتي لو مكملتش مع حاتم وده اللي هيحصل انا مش هينفع ارجعله اخاف عليه من بابا وحاتم .. وجودي مع ادم كان هيأذيه يا تاليا وانا مقدرش اشوف فيه حاجه وحشه ابداا انا بحبه اكتر من نفسي بس هو اصلا مش هيفكر يرجعلي بعد اللي عملته فيه
تاليا بعياط مش عارفه اقولك انتي صح علشان فعلا ابوكي وحاتم مش ساهلين ولا اقولك غبيه كنتي خليكي مع ادم واللي يحصل يحصل واخاف بعدين يحصله حاجه بس اللي عايزه اقولهولك انك كسرتيه من اصعب حته يا منه
منه بعياط عارفه يا تاليا عارفه والله وعملت كده قصدي علشان يبعد نهائي عارفه دي بلذات ادم مش هينساها وهتبعده
تاليا بدموع كان سكران وسمعهم لعمر كلمه كلمه انتي قولتيها في حقه
منه بعياط انا نفسي اموت اوي ياتاليا اوي بجد انا مش هقدر اعيش من غير ادم بس غصب عني هعمل كده انا هموت من وجعي عليه يااارب وفضلت تعيط وتعبت اوي ودخلت رجعت كتير
تاليا بخوف مالك يامنه في ايه
منه بتعب وهي بتغسل وشها اكملت مفيش يا قلبي انا بقالي فتره كده برجع وتعبانه
تاليا بخوف يانهار انتي بتفكري في اللي بفكر فيه يا منه
منه بستغراب هو ايه
تاليا رايحه تتكلم الباب خبط ودخل حاتم
تاليا بتنهيده بعدين اقولك
حاتم خلصتي يا منه
منه بضيق ايوه
حاتم بابتسامه ازيك يا انسه تاليا
تاليا بابتسامه بارده مدام تاليا
حاتم اسف مكنتش اعرف انك اتجوزتي
تاليا ببرود لاولا يهمك عن اذنكم انا هستناكي تحت وعايزاكي في حاجه مهمه
منه بدوخه ماشي
ونزلت
حاتم لاحظ تعبها واكمل بستغراب مالك يامنه
منه بحده ملكش دعوه بيا جاي عايز ايه ها
حاتم لاحظ انها لابسه دبله ادم في الشمال فاكمل بضحك نقلتيها علشان تفضيلي انا اليمين كتر خيرك
منه بتعب وبحده حاتم عايز ايه انا مش طايقه نفسي
حاتم قعد واكمل بتنهيده اقعدي طيب
منه بضيق قعدنا
حاتم بابتسامه بصي ياستي اناا طول الليل امبارح منمتش و
منه بمقاطعه وحده يخش ماتشوف نوم ابداا يا بعيد
حااتم بضحك للدرجه دي عموما اسمعيني بس مش هتندمي والله
منه بضيق قول
حاتم بابتسامه المهم فكرت فيها ولقيت اني هسيبك انتي وادم تكملوا حياتكم يا منه بس
منه بدموع فرح انت بتتكلم جد يا حاتم
حاتم بابتسامه اه يا حبيبتي والله هسيبك وكررت كده من امبارح .. بيني وبينك لما الموضوع قلب جد حسيت ان انا فعلا خدتك تحدي علشان كنت رفضاني انما مفيش غيره عليكي من ناحيه ادم خالص انا طبعا بحبك جدا اختي الصغيره زي جيسي واكتشفت اني غبي اوي بجد لما ضايقتك طول الفتره دي وتنهد واكمل بس الحمدلله اديني فوقت بس المشكله ابوكي عرف كل الناس فامؤقتا ارجوكي وافقي نتخطب بس وبعد ما الناس تمشي انهارده بردو هنفك عادي بس علشان الناس متتكلمش عنك وتقول لغوا ليه فاجاه وهتلاقي كل واحد عنده حاجه بيقولها انتي في النهايه بنت عمي ومستحملش حد يتكلم عنك بس والمصحف خلاص فعلا هسيبك في حالك ووعد مني محدش هيقرب لادم
منه حضنته واكملت بدموع فرح انا بحبك اوي يا حاتم اخيرااا اخيرااا بقيت الاخ اللي عشت اتمناه عمري كله وكنت بدعي ربنا انك تكون سند لينا الحمدلله بجد
حاتم قام وقف وضمها ليه اكتر واكمل وهو بيطبطب عليها انا بحبك اكتر و بجد اسف يا منه حقك عليا يا نورعيني وباس جبينها واكمل بجد اسف اني فوقت متاخر اوي كده
منه بدموع فرح مش المهم المهم انك اتغيرت يا حاتم واكملت بتوتر بس بابا ممكن
حاتم بابتسامه ابوكي ميقدرش يأذي ادم
منه بدموع وخوف لا هو هددني انه
حاتم بمقاطعه مسح دموعها اكمل لالا من غير عياط منه ابوكي انا بعرف اسيطر عليه زي ماخليته يخطبك ليا بمزاجي هخليه ميقربش لادم بردو متقلقيش سيبي دي عليا واعتبري ادم في امان خلاص
منه بحب وفرح بجد ربنا يخليك ليا وحضنته وهي بتعيط بفرح
حاتم وهو بيطبطب عليها اكمل قولنا من غير عياط بقي
منه مسحت دموعها واكملت بغمز بس قولي يا حاتم انا طول عمري ببين اني مش بحبك وبحب ادم حصل ايه هاا ولا تكونش في مزه
حاتم بضحك ااه يا قرده انتي … هو اه بصراحه في مزه وبردو انتي لما اتكلمتي عن حبك لادم امبارح وانتي بتعيطي ده خلاني اعيد حساباتي وكريم صاحبي كمان عمل معايا كذا اختبار كده وعرفت اني بحب شهد وتنهد بحزن واكمل انا تعبتها اوي يا منه واتمني تسامحني
منه بحب لو بتحبك بجد هتسامحك وضحكت واكملت بس ادم وشهد بجد هيقلبوا علينا اوي بعد الخطوبه
حاتم قعد واكمل بتنهيده اسكتي بجد يا منه متفكرنيش علشان واثق هروح هلاقي بوز مترين ملوي في وشي
منه بستغراب تروح فين
حاتم بضحك لا ده حوار طويل اوي
منه قعدت جمبه واكملت بضحك لا ده انت تحكيلي بقي كل حاجه من طق طق لسلام عليكم
حاتم تنهذ بحزن انا اذيت شهد كتير اوي يا منه وغلطت معاها و
منه شهقت بحزن واكملت انت عملت كده بجد اخص عليك يا حاتم
حاتم بتنهيده منه انا عارف اني غلطت بس الشيطان صعب وشوفتها ساعتها عجبتني وفضلت اذي فيها كده لفتره وقولتلها لو حملت هبدهلها وكنت لما تتعب افضل جمبها وانا مش بفسر ده غير انه صعبانه عليا لحد ما مره مع مره حملت وخبت عليا ولما عرفت طبعا بهدلتها وروحنا للدكتوره وهناك
وفضل حاتم يحكيلها عن تعب شهد وخناقتهم الاخيره قبل مايجي وحملها واول مره عرفها ازاي وانه فضل حابسها في بيته
منه بصدمه ودموع بجد اخص عليك ليه كده حرام دي يتيمه
حاتم بتنهيده حزينه والله خلاص ندمت ومش هعيش غير ليها هي وملك
منه بابتسامه فرح ياروحيي انت هتسمي ملك
حاتم بابتسامه اه ده ملك دي هي الفرحه اللي جات فوقت ابوها بجد ابتدا من حمل شهد في ملك وانا حسيت اني بحبها وحياتنا اتغيرت
منه بابتسامه مليانه فرح ربنا يخليهالك يارب وقلب عمتو تقوملنا هي وامها بخير يارب
حااتم بحب يارب بجد ومسك ايديها واكمل يلا بقي ننزل علشان نخلص
منه بضحك يلا
ونزلوا وهي حاطت ايديها في ايديه زي العريس والعروسه ودخلوا الجنينه اللي كانت مزينه وفيها ناس كبار من كل البلد وكله سقف مجرد ماشفهم
في بيت عمر
عمر صحي وراح يشوف ادم في الاوضه ملقيهوش قلق واكمل راح فين ده وفضل يتصل بيه علشان يرد مكنش بيرد فاتصل بتاليا
تاليا ايوه يا حبيبي
عمر بخوف ادم جيه عندك يا تاليا
تاليا وهي بتبص علي كل الموجودين اكملت لا طبعا هيجي ليه هو مش هيقدر يشوف منه مع حاتم يا عمر
عمر بضيق يوووه هيكون راح فين واكمل بخوف طب اقفلي انتي يا تاليا سلام وانا هخليني وراه ولو كلمتي منه تعالي خلاص اديني ريحتك
تاليا بدموع مش هينفع يا عمر امشي انا في حاجه لازم اعرفها لمنه
عمر بستغراب حاجه ايه
تاليا قالتله
عمربصدمه انتي بتتكملي بجد
تاليا بدموع شاكه معرفش
عمر بقلق طب لما تعرفي طمنيني
تاليا بدموع بس بالله عليك متجبش سيره لادم لما توصله
عمر بقلق ماشي يا تاليا باي دلوقتي
في الخطوبه بعيد نسبيا واقفه شهد وهي بتبكي بصمت واكملت بوجع للدرجه دي يا حاتم هونت عليك ….. خلاص يا حاتم خلاص فرصك خلصت مهما تحاول تكسبني بعد كده مش هتعرف ورايحه تمشي خبطت في ادم واكملت بحرج انا اسفه معلش وتعبت اوي ورايحه تمشي كانت هتقع ادم سندها واكمل بخوف يا مدام انتي حامل وتعبانه اناديلك جوزك طيب فينه
شهد بوجع ودموع حتي لو ناديته مش هيفرق معاه
ادم بصدمه للدرجه دي !!! واكمل بوجع ده شكله مش اختياري انا بس اللي بشع
شهد بدموع لا وحتي انا حبيبت انسان مينفعش يتحب اصلا
ادم سندها كويس واكمل طب اقعدي طب انتي شكلك مكالتيش من امبارح وده غلط علي الحمل
شهد بدموع اممم ده حقيقي ولا خدت الادويه بس انت عرفت منين
ادم انا دكتور ووشك باين عليه اوي وبجد حرام عليكي صحتك وابنك
شهد بابتسامه فيها دموع بنتي
ادم بابتسامه ربنا يجمعك بيها علي خير يارب وبصلها واكمل هتزعلي مني لو سالتك جوزك عمل ايه يوصلك للمرحله دي ?? اصل عنيكي مكسوره اوي
شهد ضحكت بوجع واكملت بدموع ابداا بسيطه اصل انا جوزي العريس
ادم فتح عنيه بصدمه واكمل نعممم انتي مرات حاتم
شهد بدموع وتعب اه مراته للاسف
ادم سندها وراح بيها حته فيها مقعد بعيده شويه واكمل بقلق اهدي واقعدي هجيبلك حاجه تاكليها وجاي
شهد بتعب لالا انا عايزه اروح
ادم لالا استني بس حرام عليكي لو مش علشانك علشان بنتك
وراح ادم جبلها اكل وعصير واكمل يلا بسرعه كلي اي حاجه
شهد تعبت وحست انها عايزه ترجع وقامت رجعت علي جمب وكانت هتقع ادم سندها بخوف واكمل بعصبيه ابن الكلب ده اللي يتجوز ويرمي ولا علي باله
شهد ابتسمت بتعب واكملت وهي بتفتح ازازه المايه اللي جابها ادم وبتغسل وشها تصدق وتامن بالله انت غريب وخوفت عليا اكتر منه لان لو عامل اعتبار ليا مكنش راح خطب وانا علي ذمته
ادم سندها قعدها واداها الاكل بحزن واكمل بوجع مش لوحدك وبص لمنه اللي باينه من بعيد قاعده جمب حاتم وبتسلم علي الناس واكمل بدموع حتي انا راحت خطبته وسابتني
شهد بدموع وتفاجئ انت ادم ???
ادم بصلها واكمل بابتسامه متعبه اه هو انا معروف اوي كده
شهد بعياط علشان لما انت ضربت حاتم جالي ولما سالته مين عمل فيه كده قالي ادم حبيب منه عارف ساعتها عملت ايه لما شوفته لسه بيحبها كده ?
ادم سبتي البيت ومشيتي ??
شهد ضحكت بوجع واكملت بدموع كان المفروض كان حصل كده بس صعب عليا علشان كان جاي سكران وقالي قلبي واجعني خدته في حضني وداويت جروحه وهو بكل بساطه راح جرحني
ادم دموعه نزلت واكمل احنا زي بعض اوي يا
شهد بابتسامه حزينه اسمي شهد
ادم بوجع احنا زي بعض اوي يا شهد احنا الاتنين حبينا من قلبنا بس حبينا كلاب كل حاجه عندهم واهم حاجه هي الفلوس زي ماهو انتي هونتي عليه انتي وبنته ومعملش اي اعتبار للبيبي اللي جايه دي انا كمان هونت علي منه تعرفي انا بقالي كام سنه بحبها
شهد بدموع كام
ادم بتنهيده مليانه وجع اكمل 4 سنين 4 سنين وشهرين ونص بلظبط عشت احلم بيها كل يوم وادعي تكون نصيبي وحبيتها وفكرت انها حبتني بس طلعت بتحب شويه ورق اكتر مني عمري ماتخيلت ان الفلوس تعمل بني ادم وتغير كده وبصلها بوجع واكمل احلفلك اني عملت كل اللي ممكن يتعمل ومعوزتهاش اي حاجه بس الناقص هيفضل ناقص
شهد بوجع دموع حاسه بيك يا ادم لان حتي انا حسيت بنفس الكلام وحاتم كان بيذلني بسبب الفلوس وانه اغني منه
ادم بستغراب ازاي وانتي مراته. انا اسف علي السؤال بس هو انتي لو فقيره ايه يجبره يتجوزك
شهد بتنهيده هقولك
ادم تمام وكلي وانتي بتحكي وغلاوه بنتك
شهد بابتسامه تمام واكلت شويه وحكت ليه كل حاجه من اول يوم ماعرفت حاتم لحد اخر خناقه
ادم بحده ودموع ده حيوان وزباااله وانتي خساره فيه ازاي اصلا لسه علي ذمته
شهد بدموع اروح فين يا ادم انا مجبره وبنتي دي اوديها فين واربيها منين
ادم بحزن من اجلها شهد اللي بتقوليه صعب ده اعتدي عليكي وهددك وقعدك معاه بلعافيه ومد ايده عليكي لما حملتي بعدين اكتشف انه سبب تعب رحمك من القرف اللي عمله وفضل يكلمك عن منه ومش مراعي مشاعرك ده انساااان حيوووان وانتي وبنته خساره فيه زي منا خساره في بنت عمه الاتنين كلاب وبصلهم واكمل بوجع ودموع قاعده بتضحك وعادي وكأن اللي بينا حكايه يومين مش سنيين بنحب بعض ومش بنقدر نعدي يوم من غير بعض وبص لشهد واكمل بدموع ووجع عارفه انا مش قادر استحمل بس جيت علشان اجبر. قلبي الغبي يصدق انها بقيت ملك لغيره وانها متستاهلش الحب ده وانتي كمان لازم تقفي وتخلي عينك تشوفهم مع بعض كل شويه لحد ماقلبك يقسي من كتر الوجع
شهد بعياط وتعب مش قادره والله ماقادره برغم كل قرفه ده الا اني بحبه ومهما عمل بفضل احبه حتي لو بينت عكس ده بس كان وهيكون الشخص الوحيد اللي دخل قلبي
ادم بدموع انا ضعيف زيك يا شهد قدامها بس هما كسرونا هنفضل عايشين كده ?? طب انا راجل مخسرتش انما انتي
شهد بوجع وعياط خسرت كل حاجه علشانه خسرت شرفي وخسرت حياتي وخسرت فرصه اني احمل تاني بنسبه كبير وخسرت فرصه اني اتحب خسرت ايام من عمري ضيعتها محبوسه في بيته ونزلت لانه ساب مفتاحه لاول مره ينساه وينزل وميقفلش عليا وجيت علشان فعلا اقسي قلبي من ناحيته زي مانت قولت. وبرغم من اني خسرت كل حاجه بسببه الا اني بردو مش قادره اكرهو عارف ليه علشااان انا غبيييه غبيييه وفضلت تعيط
ادم قرب منها وهو بيبكي بوجع زيها وفضل يهاديها واكمل بدموع ممكن تهدي ارجوكي
شهد بعياط مش قادره مش قااارده يا ادم ناااار بتاكلني كل ماشوفه قاعد جمبهااا
ادم بوجع ودموع وانا زيك انا قلبي واجعني اوي بس بايدنا ايه نعمله يا شهد
شهد بعياط حسبي يالله ونعم الوكيل حسبي يالله ونعم الوكيل والله عملت كل الي يتعمل علشان اعجب وبردو بصلها وسابني
ادم بوجع تعرفي برغم انه زباله بس كان صريح معاكي انما انا عشت 4 سنين مفهماني انها مش هتشوف غيري ولا تقدر تتخيل راجل غيري ابو ولادها وبتموت فيا وبتحلف وتوعد بده وفي يوم وليله اهانتني وذلتني وراحتله
سمعوا اصوات الناس بتزغرط فهموا انهم هيلبسوا الدبل خلاص فاتقدموا شويه لقدام وادم واقف ساند شهد اللي منهاره
عند حاتم ومنه
منه بتوتر حاتم انا خايفه ادم يشوفنا اوي
حاتم بتنهيده حزينه اكيد مش هيجي علشان مش هيستحمل كده وانجزي وعديها هانت خلاص يامنه واكمل بضحك وهاتي ايدك واضحكي ابوس ايديكي يا شيخه علشان الناس متتكلمش متبينيش انك مغصوبه اوي كده
منه ضحكت غصب عنها علي كلامه واديته ايديها اليمين ولبسها الدبله قصاد عين شهد وادم اللي كان حرفيا يقسم ان حس باخر كسره في قلبه وكرهاا اوي وقسي وكأن قلبه كان مستني يشوف المشهد ده علشان يتاكد انها متستاهلش حبه حتي عنيها وضحكتها اللي مبسوطين ميدلوش ابداا انها حبته في يوم
ومنه مسكت ايد حاتم وهو بيبتسم وهمس بضحك اقسم بالله لو كانت هنا كان هيبقي يوم اسود ونكد نحمد ربنا مش بتنزل
منه ضحكت وهمست مش قادره اصدق بجد ان جات اللي ترعبك كده ولبسته الدبله وانطلقت الزغاريط والمباركات
وتاليا كانت واقفه بتعيط ومستغربه طريقه منه اللي بتبين قد ايه هي فرحانه
شهد بدموع ووجع خطب ..خطب يا ادم والليله بنت تانيه حالفها الحظ واتكتبت على اسمه بس محبتوش قدي مهما عملت هي محبتش في يوم غيرك اصلا حتي لو طلعت وحشه في الاخر
ادم بوجع ودموع منه محبتنيش ابدااا يا شهد والله ماحبتني ده منظر واحده حبتني
شهد بصت عليه بقهر بوجع واكملت بدموع لبس عريس وقدم ورد لواحده غيري وخاتم ودبله عشت احلم بيهم طول عمري الليله بص فـي عيونها وضحك وهو مبسوط وبدبلته دي وعدها بانها تعيش جمبه لاخر العمر وضحكت بوجع واكملت انما انا ام ابنه محبنيش ولا عمري حسيت انه معايا لاجلي ابداا دايما بيبقي علشان انا رغبه عنده وبس حتي لما بقي كويس فتره مجرد خلاف بسيط رجعلها .. بس تعرف يا ادم انا كنت غبيه علشان مستنياه يرجع كويس تاني او يحبني انا ياما اختبرته بالبعد عني لايام نساني عادي ومجتش في باله وكنت فاكره اني مش زي الباقي لاني الوحيده اللي قربلها وحلف ماتخرج برا بيته واني اخر مطافه واخر بناات الدنيا فـ عينه .. بس بقيت مجرد واحده عابره مع اللي عبرو من حياته .. وعياطها زاد واكملت بوجع وعياط نااار حاسه بيها جوايا برغم اني عارفه ان منه مش بتحبه وكدابه بس نار وانا شيفاه جمبها كده والله انا لما قولتله سيبني في حالي واطلع برا لما اتخانقنا كنت عايزاه ميصدقنيش كنت عايزاه يمسك فيا ويقولي لا يا شهد انتي بتاعتي وانا بحبك ومش هسيبك بس هو ما صدق وراح خطب ومشي وكسر قلبي .. مشي ومش راجع تاني لنفس مكانته عندي مهما عمل …طب اشمعنا هي اللي اختارها مع اني عيشت ارضيه.. ازاي فجأة اتحول الحلم من اني اتجوزه واعيش حياتي انا وهو و بنتي في سعاده وراحه بال لاني اتجاوزه واتخطاه ….. ازاي هواجه نفسي وابص في المرايه تاني بعد ما وقفت قصاد نفسي وحاربتها عشانه وقولت انا خلاص لنفسي بعلنها اني حبيتك يا حاتم …ازاي بعد ما جملت صورته قدام نفسي واكتفيت بيه وقولت خلاص حاتم اتغير يرجع تاني يبوخ صورته فـ عيني وعياطها زاد واكملت لالالا الدنيا مش منصفه حاسه اني روحي هتطلع ومع ذلك مش قادرة ادعي عليه مع انه كسرني وسابني مسكوره ومهموش ومن غير سبب حقيقي يعمل بسببه كده حتي لو في سبب ازاي هونت عليه يسبني ..سابني لاحساس اني مستاهلش ومش كفايه عنده هو انا مش كفاية يا ادم ؟
ادم بدموع ووجع انتي خساره في اهله وحبك الحقيقي ده مينفعش للاشكاال دي انا حبيت زيك واتكسرت يا شهد دول مكنش ينفع ليهم الحب وفضل يبكي بوجع وهو شايفها معاه
منه حست بدوخه ومسكت ايد حاتم اتسندت عليها
منه بتعب حاتم
حاتم بقلق مالك يابت في ايه
منه بتعب حاتم انا دايخه اوي ووقعت في حضنه وده خلي كل الناس اتخضت وحتي تاليا وجريت عليها وادم كان رايح يروحلها مسكته شهذ واكملت بدموع وقلق اهدي مينفعش في صحافه سيرتها هتبقي علي كل لسان لو بان عليك انك بتحبها
ادم بخوف ودموع مالها وقعت فاجاه كده ليه
شهد بابتسامه حزينه اهدي هنعرف وشوفت مجرد ماشوفتها كده نسيت وجعك منها ازاي وتنهدت واكملت فهمت ليه بعدي اغلاط حاتم في حقي يا ادم
ادم قعد علي ركبته واكمل بدموع وخوف فهمت اننا اغبيا بجد يا شهد
تاليا بحده ودموع وهي حاضنه منه اللي واقعه علي الارض اكملت بحده مشي الصحافه والناس خلاص يا حاتم
كمال بقلق بعتذر منكم بس منه تعبت فمش هنكمل خلاص
حاتم اتصل علي الدكتوره وهو هيموت من القلق
وفعلا شويه وكان كل الناس مشيت والصحافه ومتبقاش غير حاتم وكمال ومنه وتاليا وواقف بعيد شويه ادم وشهد
وفعلا الدكتوره جات وابتدت تكشف عليها واكملت بتساؤل هي اكلت انهارده
حاتم بقلق لالا مكالتش بس طمنينا يا دكتوره مالها
تاليا طلعت برفيوم وخليتها تشمه ومنه ابتدت تفوق واتعدلت في قعدتها
تاليا قومتها تقف وهي كانت دايخه واكملت بدموع مالك يا قلبي فيكي ايه
منه بتعب ودوخه مفيش يمكن ضغطي بس يا تاليا ولا حاجه
الدكتوره بابتسامه لا مش ضغط ولا حاجه الف مبروك المدام حامل
تاليا بفرح حامل وزغرطت
وهنا اتصدم ادم ودموعه نزلت بشده
شهد شهقت واكملت بدموع حامل ازاي
منه بخوف حامل ???
حاتم بصلها بصدمه وكمال زيه واادكتوره استأذنت ومشيت
كمال بعصبيه ضرب حاتم بلقلم واكمل بقي يا ابن الكلب قولتلك هخطبهالك تقوم تعمل كده في بنت عمك يا حيووووان
حاتم بحده عمي انت بتقول ايه انا ملمستهاش دي بنت عمي انا كنت بهددك بس انما مستحيل اعمل كده وبص لتاليا واكمل بحده بعدين ازاي تزغرطي هااا وبص لمنه واكمل بعصبيه انتي حامل ازاااي رددي علياااااا
منه بتعيط وخايفه اوي كمال مسك دراعها واكمل بعصبيه اما هو مش ابن عمك اللي عمل فيكي كده يا زباله يبقي اللي في بطنك ده ابن ميين هاااا
ادم من وراهم اكمل ابني اناا
كلهم بصوله بصدمه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)