رواية حب غير مشروط الفصل الحادي والثلاثون 31 بقلم لولا
رواية حب غير مشروط الفصل الحادي والثلاثون 31 بقلم لولا
رواية حب غير مشروط البارت الحادي والثلاثون
رواية حب غير مشروط الجزء الحادي والثلاثون
رواية حب غير مشروط الحلقة الحادية والثلاثون
مني بابتسامه عملتلك اللي انتي عايزاه وسبنا البيبي ايه مزعلك بقي يا ست منه
منه لفتلها واكملت بدموع اللي حاله اللي وصلتلها مع جوزي .. كرهو ليا ولابنه اللي لسه مجاش اللي وصله انه يعمل كده ودي مش عادته ولا طريقته
مني بحزن انا معرفش ايه اللي يوصلكم لكده بس ربنا يهديكم وتتصالحوا قبل ما بطنك تكبر وساعتها هيعرف اننا كنا بنكدب عليه
منه بدموع تمام وشكرا يا مني تعبتك اوي وحضنتها
مني طبطبت عليها واكملت بحب انا اصلا مكنتش حابه اعمل كده و ولا تعب ولا حاجه ده اصلا المفروض يتعمل
منه ابتسمت واكملت يلا همشي انا
مني استني اقول لادم علشان قالي اطمنه
منه ابتسمت بسخريه واكملت لا والله طب قوليله زي الفل انا مش هستني عن اذنك يا مني وشكرا مره تاني
ومشيت
في عربيه جيسي كان مالك بيسوق وجمبه جيسي وورا ادم وامه
فون ادم رن فرد
ادم ايه يا مني
مني الحمدلله منه قامت وزي الفل خلاص فقولت اطمنك
ادم بتنهيده طب هاتي اكلمها
منه بتوتر ما .. ماهي مشيت
ادم بحده مشيت راحت فين
مني بتوتر معرفش يا ادم بس لبست ومشيت
ادم نفخ واكمل استغفر الله العظيم يارب .. تمام يا مني باي تعبتك
مني ولا تعب ولا حاجه باي
وقفل
مالك بصله من المرايه واكمل ايه منه مشيت من المستشفي يعني
ادم وهو رافع الفون علي ودنه اكمل اه
جيسي طب وفيها ايه تلاقيها راحت الفيلا
ادم بتنهيده لا اتخانقت مع ابوكي خناقه لرب السما معتقدش هتروحله
ساميه شهقت واكملت بحزن يعني مش هتروح بيتها ولسه مسقطه والله واعلم فينها كمان شوف مراتك يا ادم مهما عملت فاهي دلوقتي علي ذمتك
ادم بحده برن والله برن مش ساكت بس مش بترد انسانه بارده
في الشارع كانت منه ماشيه ودموعها علي خدها وبتفتكر
فللااااااش بااااااااك
جيسي بعصبيه ودموع اختك ماتت من انهارده انتي فاهمه
مالك بحده مطلبتش رايك يا منه هاانم انا كده كده هتجوزها
تاليا ضربتها بلقلم بقوه قبل ماتنطق واكملت بدموع وعصبيه اخررسسسي خااالص مش عايزه اسمع حسك ايه هتردي تقولي ايه هتقولي ايه يا عروسه وبصتلها بدموع واكملت بسخريه مبروك يا صاحبتي وانا اصلا غلطانه اني جيت واتحايلت علي جوزي علشان يسمحلي اشوفك شويه بس وقالي هتيضعي وقت علي الفاضي يا تاليا قولتله لا في حاجه غلط يا عمر ارجوك اروح الخطوبه ومش هطول بس لالا اانا اتصدمت فيكي صدمه عمري ……. ادم بسببك راح بار وسكر وهو عمره ما عمل كده انتي دمررتيه وجايه تقولي لا عاش ولا كان روحي يا شيخه ربنا ينتقم منك ويوريكي اللي هو شافه اانا برغم كل اللي سمعته منه وكنت مقهوره وبعيط علي عياطه حالته كانت صعبه اوي وعمر جايبه سانده مش قادر يصلب طوله وبرغم كل ده قولت لا منه مش كده اكيد في حاجه غلط. لحد ماجيت وانا متوقعه اني هلاقي وجع وعياط بس لقيت عروسه لابسه وجاهزه
كمال بحده في ستين داهيه زيك زي اختك الحيوانه مش عايزكم
ادم بعصبيه بقول اللي سمعتيه ياروح امك هو مش بمزاجك ترجعي لادم او تسيبي ادم ولا علشان خطيبك خلع وجري ورا مراته ?? واكمل بابتسامه كلها شماته اصل في النهايه دي ام بنته يا منمن والوحيده اللي قربلها وهو كان اول راجل في حياتها انما انتي امله انه يقربلك ويفوز بيكي طار خلاص مفروض مقولش ليكي كده بس انتي اصلا متعرفيش يعني ايه كسوف واحترام فهقولك وقرب عليها وهمس بوقاحه من لاخر احنا كشباب بنقولها بقيتي بنسباله مستعمله فاهمه قصدي ?
باااااااااك
منه بعياط ووجع قعدت علي الرصيف و حطت ايديها علي بطنها واكملت مبقاش لينا حد يا حبيبي هنكمل الرحله لوحدنا كله كرهني وانا كان كل قصدي احمي ابوك .. كان عندي استعداد احميه بروحي مش ابعده عني بس انا مش وحشه زي ما كله فكرني كده والله مش وحشه انا بحب ابوك اوي بحبه لدرجه كبيره واكتر من نفسي علشان كده عملت المستحيل وسبتك تعيش بس ادم ظلمني اوي ظلمني ومسمعش مني ووجعني وعياطها زاد واكملت انا صعبانه عليا نفسي اووي صعبان عليا ان مفيش حد واحد وثق اني مش كده غير ابوك وبعدين صدق من اللي عملته فيه انا عارفه انه غصب عنه بس ده حتي حضنه حرمه عليا وانا مفيش حاجه كانت بتهون عليا غير حضنه انا تعبانه اوي يا حبيبي تعبانه اوي ومش عندي هدف اعيشله غيرك هو شهر لو ادم مسامحنيش هتضطر امشي من هنا علشان بطني هتكبر وانا مش عايزه حد يعرف اني حامل فيك انا هحميك بحياتي كلها المهم انك تيجي ومشت ايديها علي بطنها بحب واكملت بعياط ده انت اجمل هديه ادم سبهالي
ولاحظت ان فونها بيرن فمسكته وردت
منه وهي بتمسح دموعها الو
ادم بعصبيه فينك يا هااانم ومش بتردي علييااا ليييه هفضل ارررن سسسنه
منه بعياط مسمعتوش والله .. وانا قريب من المستشفي لسه
ادم بحده ومشيتي لوحدك ليه ?? عندك مكان تروحيه ??
منه بوجع ودموع ارض الله واسعه متخافش انت عليا
ادم بسخريه وانتي مين قالك خايف عليكي كل الحكايه انا راجل وانتي لسه علي ذمتي فمينفعش حتي لو مراتي دي حيوانه اسيبها في الشارع
منه بوجع ودموع تشكر كتر خيرك
ادم صوت عياطها وجعه بس نفض لمشاعره واكمل بحده متتحركيش هنفوت عليكي وقفل
في العربيه
مالك خف شويه يا ادم هي استوت بما فيه الكفايه ولسه قايمه من عمليه وتعبانه
ادم بحده ركز في طريقك واسكت يا مالك
ساميه بحزن هي كانت حامل في قد ايه
ادم بتنهيده شهرين
ساميه شقهت واكملت شهرين !!! واكملت بحزن بجد يعني مش عارفه اقولك ايه يابني
ادم بحده ماما ارجوكي قفلي علي الموضوع ده
وراحوا فعلا المكان ولقي قاعده علي الرصيف فاضايق اوي لما شافها كده بس مبينش ونزل الازاز واكمل بحده يلا اركبي
منه رايحه تركب جمبه اكمل بحده لفي واركبي جمب ماما
مالك لا متخليهاش تلف علشان العربيات ركبها جمبك واخلص
ادم نفخ واكمل بحده اخلصي وفتحلها ودخل شويه جمب ساميه وهي علي الحرف وقفلت الباب والعربيه طلعت
مالك هوديك فين ?
ادم بتنهيده شقتي
مالك هز راسه بتمام
ومنه ابتدت تنعس فدخلت في حضن ادم وحطت راسها علي صدره وهو نفخ بضيق ورايح يتكلم همستله ساميه بحزن سيبها هي تعبانه ولسه قايمه من عمليه مش هينه بردو
ادم تنهد وسكت وبص علي ملامحها لقي وشها مليان عياط وحزن فمسح دموعها وقرب باس خدها بحب ولاحظ انها بتتنفض من البرد فضمها لحضنه اكتر وقفل الازاز وفضل يطبطب عليها ويضمها لحضنه اكتر ويبوس خدها وجبينها كأنه عايز يشبع منها قبل ماتصحي وكان متابعه مالك وساميه وجيسي بحزن وملاحظين حبه الكبير ليها
منه بتخريف ادم
ادم بحزن ايه يا منه
منه بتخريف ادم انا بحبك والله بحبك وابتدي صوتها ينخفض واكملت بس بس هما
ساميه عنيها دمعت واكملت طبطب عليها يا ادم
ادم دموعه نزلت وطبطب عليها واكمل ياريت كلامك صح يامنه بس للاسف لا كل اللي عملتيه بيقول انك محبتنيش دقيقه واحده
جيسي بصتلهم من المرايه وعنيها دمعت واكملت في سرها ربنا يهديكم يارب بقي
وفعلا بعد شويه مالك وصله قدام العماره
ساميه بحزن هتنزل اخوك يستناك ولا هتفضل فوق ?
ادم بتنهيده لا جاي بس متستنوش هعملها تاكل الاول
جيسي بحزن طب خلي بالك من نفسك وانت جاي
ادم بابتسامه متقلقيش حاضر يا حبيبتي
ونزل وشال منه بين ايديه وطلع وهما مشيوا
في الشقه بتاعته اللي جهزها علشان يعيشوا فيها اول ما دخل شاف صورهم اللي علقها اللي ماليه كل الحيطان ولون جدار البيت الفانيليا اللي منه كانت مختاراه والاساس المودرن حزن علي كل تحضيراته وتعبه اللي راح علي الفاضي واكمل بوجع ودموع وهو شايلها اهو انا من يوم ماحبيتك وانا بدفع تمن الشقه دي وكل حاجه فيها جايبها بلتعب علشان بس كنت اشوف الفرحه في عنيكي في الاخر بس انتي كسرتيني وكسرتي فرحتي وتنهد بوجع ودخل اوضتهم اللي كانت واسعه وكبيره جدا وفيها دريسنج روم وحمام واخر حيطه في الاوضه كانت صوره ليه هو ومنه يوم كتب كتابهم بطول الحيطه كلها ومن الجناب ستاره ملمومه بشكل رائع وحط منه علي السرير بهدوء وابتدي يقلعها الكوتش والطرحه وساعدها تقلع الفستان وكانت لابسه تحته دريس بيتي حماله قصير فسابها بيه وغطاها وقعد جمبها يملس علي شعرها بحزن ونام جمبها وضمها ليه ودفن وشه في حضنها وفضل يبكي بوجع واكمل بدموع حرام عليكي يا منه بجد حرام عليكي انا لا عارف اكرهك وارتاح في بعدك ولا قادر افضل احبك وارتاح في قربك انا مش عارف اعمل ايه بجد علشان اخلص من وجعي منك وقام مسح دموعه ودخل المطبخ يحضرلها تاكل
بعد ساعتين منه ابتدت تفوق وفتحت عنيها بستغراب لقيت نفسها في مكان غريب عنها بس انبهرت بيه وعنيها اتملت بلدموع وشافت صورتها هي وادم اللي واخده الحيطه وشكل الاوضه فقامت ولاحظت انها مش لابسه الدريس ففهمت ان ادم اللي عمل كده وطلعت وفضلت تبص لكل ركن بانبهار شديد ولمعه في عنيها ولكميه الصور اللي ليها هي وادم فاماكن كتير علي الحيط اتبسطت اوي وعنيها اتملت بلدموع وراحت المطبخ شافته مديها ضهره وبيعمل اكل فحضنته من ضهره واكملت بدموع فرح بجد ايه الجمال ده انت جبت البيت و عملت كل ده امتي
ادم لفلها واكمل بجمود صحيتي يلا علشان تاكلي و رص الاكل علي الصنيه وطلع بيه من غير مايرد عليها ومنه اتوجعت اوي بس سكتت وطلعت وراه
منه بوجع واضح في صوتها اكملت انا .. انا هاخد شاور و اجي اكل علشان تعبانه
ادم بجمود تمام وهتلاقي كل هدومك جوه خليت جيسي راحت الفيلا جابتهم
منه هزت راسها بتمام ودخلت خدت شاور وسابت دموعها تنزل بغزاره ووجع تحت الدش واكملت انا تعبت بجد تعبت من كل حاجه هفضل لحد امتي شايله الهم وقلبي واجعني كده انا نفسي احكيله بس هل هيسمعني ?? طب ولو سمعني هيصدقني ?? انا السبب فكل ده تعبت اوي يارب وفضلت تعيط وخرجت وهي لافه علي نفسها الفوطه بس ورجليها اغلابها باين
لقيت ادم بيدور علي حاجه في الدرج فلما حس بيها لف
ادم بتوتر واعجاب واضح بس حاول ميبينش بص للارض و اكمل انا اسف كنت بجيب النسخه التانيه من المفتاح معرفش انك هتطلعي دلوقتي
منه قربت منه بحزن ورفعت وشه ليها واكملت والدموع متجمعه في عنيها وبتحط عينك في الارض ليه يا ادم انا مراتك وحلالك للدرجه دي مش عايز تشوفني !!!
ادم بحده علشان انا مش بعتبرك مراتي بس كده لا اكتر ولا اقل
منه بدموع مهما تعمل هفضل مراتك ومش هتقدر بكلامك تنكر الحقيقه دي وحضنته واكملت بعياط مهما حرمته عليا هيفضل حضنك الحضن الوحيد اللي حلالي ومش هتقدر تمنعني منه مهما قولتلي يا ادم
ادم غمض عنيه بوجع واكمل منه ارجوكي
منه بمقاطعه وعياط رفعتله وشها واكملت ارجوك انت كفايه و متعاقبنيش انا تعبت يا ادم والله تعبت وممكن استحمل اي حاجه الا بعدك عني وزعلك مني بلشكل ده بيموتني
ادم بوجع واضح في نبره صوته ومكنتيش بتموتي وانتي بتقهريني بكلامك ?? مكنتيش بتموتي وانتي بتذليني وتقلي مني ?? مكنتيش بتموتي وانتي بتقولي لغيري حبيبي ?? واتصعب واكمل مكنتيش بتموتيي وانتييي بتتخطبي لعدوي وانتييي علي ذمتييي وواقفه تضحكي ?? لااااا يااا منه لااااا انسي انتي اني ارجع زي الاول ورايح يمشي
مسكته واكملت بدموع طب الوجع هيتنسي والجرح هيتنسي انما حبك لمنه يا ادم هتقدر تنساه ?
ادم الدموع اتجمعت في عنيه واكمل مفيش وجع بيتنسي بس بيهدي هو انتي ينفع تولعي في بيت ولما تطفيه تلاقيه زي ماهو ???? اكيد لا هو بيطفي اه انما بيبقي محروق ومش زي ماهو ابدااا زي ما المثل بيقول تبات نار تصبح رماد في النهايه هي رماد يا منه مش زي ماهي ابداا وبعدين عايزاني انسي ازاي وده وجعي منك انتي ..من اكتر واحده بحبها ده انا قولتلك مره لو قولتيلي يلا ننط في النيل هنط وكلي ثقه اني مش هموت طلما انتي قولتي كده يبقي اكيد في حاجه هتساعدنا انما معاكي مستحيل اكون في خطر …. عايزاني انسي ازاي وانا المفروض اجيلك اشكيلك واعيط في حضنك كلعاده لانك انتي كل الدنيا في عيني بس مجتش عملت كده روحت اشتكيت لامي منك وده فكرني اني مش هقدر احضنها هي كمان واعيط فلقيت نفسي لوحدي ومسكور .. عايزاني انسي ازاي وانا شايفك عروسه لغيري في الاخر بتقوليلي بيتنسي! !!! ده انتي طيبه جداا بجد علشان فاكراني هنسي مهما حصل اه اعترف انا بحبك وبعشقك ومش هكرهك طول منا عايش ولا هتجوز غيرك ولا هشوف ست غيرك في الدنيا وهتفضلي اول واخر حب في حياتي بس مش هنسي
منه فضلت تعيط واكملت واما انت بتحبني كده سامحني وانا اوعدك اني هنسيك كل ده
ادم بحده ودموع مش هنسي يا منه وريحي نفسك انا كل ما بشوفك بفضل اتعذب اكتر لاني بفتكر قد ايه كنت مغفل انا اه ههدي لكن مش هنسي واكمل بوجع في نبرته زي كده مدحت صالح لما قال في الاغنيه محتمل جايز وممكن ان يوم الجرح يسكن بس ارجع لالا يمكن يبقي بينا حياه كل حاجه حلمنا بيها فااجاه ضاعت مش لاقيها كدبه عشت انا عمري بيها مش مصدق لا …. اهي دي بقي بتوصفك في نظري انتي اكبر كدبه عشتها في حياتي يا منه ومهما فضلت بحبك مش عايزك وبردو مش هطلقك مهما يحصل هتفضلي علي ذمتي لاخر يوم في عمري
منه بدموع وانا يكفيني شرف اني افضل شايله اسمك طول عمري يا ادم
ادم بصلها بوجع واكمل بدموع كانك بتحبيني اوي
منه بدموع انا فعلا مش بحبك .. انا بعشقك وعلشانك اعمل اي حاجه حتي لو هموت
ادم ضحك بدموع واكمل طب بجد بس بالله عليكي كفايه علشان انا ضعيف قدامك لوحدي فبلاش كلام كله كدب بس للاسف انا بصدقك لاني متعودتش انك تكدبي واكمل بوجع خصوصا في مشاعرك ناحيتي
منه اتقدمت عليه واكملت بوجع ودموع وهي بتحط ايديها حوالين رقبته وبتقرب منه. عيني يا ادم .. عيني مش قادر تحدد بتكدب عليك او بتقولك فعلا انها بتحبك
ادم بصلها بحب واضح واكمل بوجع عينك دي اكتر حاجه واجعاني واثبتتلي اني اكبر مغفل لانك مهما كدبتي عليا كنت بعرفك وبشك فيكي من عينك مش قادر اصدق ازاي عينك قدرت تمثل الحب و تكدب علياا
منه بوجع ودموع تمثل الحب !!!
ادم نزل ايديها بعيد عنه واكمل بحده اه زي ما سمعتي كده .. واللي انتي فيه ده بيتنا وحط المفتاح قدامها واكمل وادي المفتاح اشتريته لما كنت عايز افاجئك وافرحك ونعيش فيه بس للاسف بقي وبما انك مراتي فطبيعي مش هرميكي فاقعدي فيه ومتروحيش الفيلا ورايح يمشي منه مسكته واكملت بدموع وانت يا ادم
ادم بحده انا متفكريش فيا ولا ليكي دعوه بيا تاني ويستحسن تنسي ان كان في كلب في حيااتك بتتسلي بيه اسمه ادم لاني ناوي مشوفكيش تاني
منه بخوف ودموع ازاي يعني
ادم بحده هتعرفي ساعتها عن اذنك
منه داخت ومسكت فيه فاكمل بقلق مالك في ايه
منه بتعب مفيش شويه دوخه
ادم بقلق طب انتي كالتي الصبح
منه هزت راسها ب لا
ادم طب غيري هدومك وهجبلك الاكل وجاي
منه بتعب ماشي وسابته ورايحه تجيب الهدوم كانت هتقع
ادم سندها واكمل بقلق مالك يخربيتك في ايه
منه بتعب ضغطي اكيد وطي خالص انا لما بزعل بيوطي اوي منتا عارف
ادم قعدها علي حرف السرير وراح جابلها بيجامه بدي حماله وبرموده وقومها واكمل معلش هغيرلك انا
منه هزت راسها ب اه بتعب وهو شال الفوطه وساعدها تلبس البيجامه فاكمل بستغراب انتي النزيف وقف عندك ?
منه بتوتر ايه لا طبعا كان بينزل وانا باخد شاور بس علشان لسه واخده شاور فمنزلش اي حاجه دلوقتي
ادم هو مش المفروض ان طلما اجهضتي متاخديش شاور اصلا غير بعد كام يوم
منه بتوتر هو انا بسمع بس غسلت جسمي شويه وطلعت يعني مش زي العاده بتاعتي بس خدت شاور سريع لاني تعبانه علشان كنت قرفانه من دم الاجهاض وكده
ادم قلبه وجعه واكمل بحزن واضح طب تمام علي راحتك بس اعملي الصح علشان صحتك وقعدها واكمل هجبلك الاكل هنا
وطلع
منه بدموع منتا هتموت عليه اهو وزعلان ليه تعمل فينا كده بس يا ادم
ادم دخل واكمل ادخلي شويه علشان احط الاكل وفعلا قعد جمبها وحط الاكل علي السرير وبدا يساعدها تاكل وكان عاملها شوربه خضار وفراخ
منه قرفت من ريحه الفراخ بس سكتت علشان ميعرفش
ادم هو بياكلها اكمل بحزن يلا علشان تعوضي فقد الدم
منه كلت منه وهي قرفانه من الاكل بس بتحاول تبقي طبيعيه واكملت بوجع هو انت فعلا مكنتش بتحب ابننا يا ادم ??
ادم مبصلهاش واكمل وهو بيملي المعلقه شوربه يلا كلي يا منه واخلصي
منه بدموع ارجوك رد عليا
ادم بحده مش هرد ممكن تاكلي علشان اغور من هنا وبعد وشه بعيد عنها ودموعه نزلت بوجع ومسحها بسرعه
منه بدموع يعني انت شايف كده تمام يا ادم واكلت منه من غير مااتتكلم تاني بس من جواها كانت مليانه وجع
وبعد شويه خلصلها الاكل وقام مسك مفاتيحه والفون واكمل انا ماشي منه رايحه تتكلم فاكمل واعملي حسابك مش جاي تاني هتكون اخر مره تشوفيني فيها
منه اتصدمت من كلامه واكملت للدرجه دي ههون عليك متجيش تشوفني?? ..تمام هاجي اشوفك انا وانت وضميرك بقي
ادم ضحك بسخريه واكمل تبقي تنوري يا قلبي يلا باي
منه بدموع ادم ممكن اخر طلب
ادم وقف قدامها واكمل بتنهيده اطلبي
منه بدموع ممكن احضنك لاخر مره طلما مش هتيجي تشوفني تاني
ادم اتنهد تنهيده كلها وجع وعنيه اتملت بلدموع وفتح ايديه فجريت حضنته وفضلت تعيط بانهيار وباست خده وحضنته تاني كأنها بتودعه
ادم دموعه نزلت وضمها اكتر وفضل كده شويه مش عايز يسيبها وبيشبع من حضنها ورفع وشها ليه وباسها بحب كبير .. منه اتفاجئت وحطت ايديها حوالين رقبته وقربته منها اكتر. .. وبعد لما حس انها عايزه تتتنفس وسند جبينه علي جبينها فاكلمت منه وهي بتتنفس ارجوك خليك معايا سبني انام في حضنك انهارده بس وانزل ارجوك
ادم بتنهيده وحزن طب يلا تعالي ومسك ايديها ونام وخدها في حضنه وفضل يمشي اييديه علي ضهرها وهو ضاممها لحضنه ويطبطب عليها لحد مانامت بعمق فقرب باسها بحب وغطاها وقام وقف واكمل بدموع ووجع وهو باصصلها هتوحشيني اوي يا منه اوي وعلي عيني ابعد عنك بس انتي اللي وصلتينا لكده لازم اثبتلك واثبت للكل اني هوصل وهبقي ليا اسم
ونزل
في بيت ادم
ابراهيم يعني حتي هو طلع متجوز من ورانا حلو والله
ساميه بتنهيده حزينه خلاص يا ابراهيم اللي كان كان وخلصنا واتخانقت مع ابوها وسابلته الفيلا فابنك وداها بيته
ابراهيم بحزن انا مش قادر افهم ازاي ادم يعمل كده وهان عليه العيل اللي لسه متولدش
ولقيوا الباب بيتفتح وادم دخل واكمل مساء الخير
ابراهيم بصله بعتاب واكمل مساء النور
ادم بحزن عرفت صح
ابراهيم بحزن عرفت اه بس عرفت اني معرفتش اربي بقي ابني انا يتجوز من ورايا ومراته تحمل ويروح يجهضها اخص عليك يا ادم بجد اخص انا لولا عارف انك تعبان واللي فيك مكفيك كنت ضربتك قلم يمكن يفوقك صح
ادم راح قعد علي الارض قدامه واكمل بحزن اللي انت زعلان عليها دي هانتك وقللت منك ومن ابنك اللي المفروض جوزها وابو اللي في بطنها ومهماش حد عايزني انا ازاي اعرف ان واحده زي دي حامل مني واسيبها تكمل حملها. بعد كل ده وانا عارف اني مش هرجعلها بص يا بابا يمكن هما محدش فهمني ولا يعرفني قدك انت وماما بص لابنك كويس هتلاقي قلب مكسور … لا مش مكسور بس … ده متدمر وشاف خيانه ثقه وغدر ووجع وقهر كتيير اوي وفوق كل ده وجع فراق واشتياق لاهلي القلب ده شاف بما فيه الكفايه في الدنيا دي يابابا كنت عايزني ازاي اجيب طفل احكم عليه من قبل مايجي امك وابوك منفصلين لا يابابا لا مش هقدر اظلمه
ساميه بدموع يا حبيبي منتا كنت ممكن تدي نفسك فرصه وترجعوا
ادم بدموع مش لو رجعنا خلاص يا امي هي خلصت ومنه مش هخليها تشوف وشي تاني علشان ترجعلي اصلا
ساميه بقلق ازاي يعني مش هتشوفك
ادم بحزن هقولك شويه كده وبص لابوه واكمل انا مكنتش معتبر ده جواز اساسي انا بس كتبت عليها علي حسب رغبتها هي وطلبها اني اكتب لان ابن الكلب حاتم ده كان عايز يعتدي عليها
ساميه شهقت واكملت يعني كان عايز يعمل فيها كده واتخطبتله
ادم بوجع وحزن اومال انتي فاكره ايه اسكتي يا امي اسكتي بجد دي طلعت حد غير اللي انا اعرفه خالص وتنهد واكمل فعليا مش قادر اصدق لدلوقتي وبص لابوه واكمل بدموع بس اتجوزتها في دهب يوم عيد حبنا الرابع كتبنا الكتاب وروحتها علي شقه رامز لان كمال كان مسافر خوفت اوديها الفيلا وحاتم لوحده يجرب يتعرضلها وكنت عاقد النيه متتمش جوازنا غير لما اتقدملها ونعمل فرح بس بيني وبين نفسي قولت كده منه مكانتش تعرف ويادوبك وصلتها بيت رامز وعملنا ناكل وبعد الاكل للاسف معرفتش امنع نفسي عنها …اكتر بنت حبيتها بقيت مراتي وحلالي قولت مش هتفرق كده كده مش هسيبها لحد علشان اتجوزتها فاني اتمم الجواز مش هتفرق كتير وبقيت اروح كل يوم قبل ما اروح اقعد معاها شويه وناكل ونتكلم وانا واخدها في حضني وده بلنسبالي كان عوض عن التعب بتاع طول اليوم بعدين كنت اجي انام هنا وقليل كنت بقولكم عند عمر وافضل معاها وبعد اسبوعين من جوازنا روحتلها كنت بقالي 4ايام مشوفتهاش اليوم ده بطنها تعبتها وكانت نفسها مسدوده وده شكله تحديدا يوم حملها لحد ما كملت شهرين وانا مش باخد باالي من ان ممكن يكون ترجعيها ده حمل واخره عرفنا لما اغمي عليها يوم الخطوبه فالقيت نفسي بكل غضب قولت لا مش عايزها هي جايه ترجعلي علشان حاتم خلع وجري ورا مراته وانا المفروض انسي كل الوجع اللي شوفته منها
ساميه بصدمه هو متجوز
ادم ومراته زي القمر وحامل في بنت وهي بجد انسانه طيبه اوي وبتموت فيه بس الوساخه في الدم بقي
ابراهيم بحزن هي عيله كلها زباله اذا كان حاتم ولا عمو .. خلاص يابني اللي انت كنت شايفه صح عملته اللي جرا جرا ربنا يعوضكم
ادم بستغراب بس اللي مش قادر افهمه انت ليه اشتغلت هناك
ابراهيم بتوتر عادي كنت مش لاقي شغل وكمال ده كان هناك وعرض عليا وافقت
ادم بحزن تصور طلع يعرف بابا
ساميه اتصدمت واكملت بتوتر يعر رف سليم ازا ازاي يعن يعني
ادم استغرب توترها واكمل هيكون ازاي يا ماما عرفه لان بابا كان معروف وليه اسمه ووضعه في البلد
ابراهيم ابتسم واكمل بتوتر اممم ده حقيقي ربنا يكرمك زيه واكتر يا حبيبي وتثبت للكل انك مش قليل
ادم باس علي راسه واكمل بحزن منا هشتغل علي ده الفتره الجايه خلاص و حقك علياا علي كل كلمه اتقالت في حقك يا بابا يخش لسانها كان اتقطع قبل ماتتكلم عنك بلوحش
ابراهيم بحزن مهما عملت مراتك يابني متقولش كده بعد الشر عليها واتمني والله ربنا يهديكم حاسس في عنيها حب كبير ليك وكل اللي عملته ماهو الا تهديد
ادم ضحك بسخريه واكمل ده علشان انت قلبك ابيض وطيب يا حج بس اصلا انا اتجوزتها علشان كده علشان لو حد فكر يهدد تقوله جوزي واخبط راسك في الحيط وتمشي معايا انما دي ماصدقت
ساميه بحزن طب ازاي وهي صاحبه الفكره يابني
ادم بحزن ماهي كانت هتعمل كده فعلا انا مقولتش لا بس لما لقيت ادم الفقير فندمت وغيرت رايها وتنهد بوجع واكمل صدقيني كل حاجه واضحه بس احنا اللي مش عايزين نصدق … سيبكم من السيره اومال فين مالك وجيسي
جيسي وهي خارجه من المطبخ ماسكه صنيه اكملت بضحك انا اهو كنت بعمل بسبوسه ومالك جوه في الاوضه
ابراهيم بضحك طب نلحق احنا نتصل للاسعاف
جيسي بضحك كده ياباابا طب ربنا يسامحك
ادم بضحك من امتي بتدخلي مطابخ انتي
جيسي وهي بتقطع حته اكملت بضحك من اليوتيوب طبعا بس سمعت مالك بيقول نفسه فيها قولت اجرب وراحت عند ادم واكملت افتح بوقك وبجد قول الحقيقه مش هزعل
ادم كل منها واكمل باعجاب برفكت يابت يا جيسي برافو
جيسي بفرح والنبي بجد حلوه
ادم باعجاب اممم والله تحفه جداا تسلم ايدك يا قمر
جيسي بفرح يعني هتعجب مالك
ساميه بضحك مالك متقلقيش حتي لو وحشه طلما انتي عملاها هيقولك حلوه
جيسي راحت ادتهم واكملت طب دوقوا انتوا الاول وشوفوا بعدين ادي مالك
ادم بضحك ماقولتلك حلوه هو انتي يابنت الجزمه للدرجه دي خايفه متعجبوش فبتجربي فيناا احنا الاول
جيسي بضحك لااا ده انت فاهم غلط خاااالص انا بخليكم انتوا تقولوا الاول لان لو طلعت وحشه مش حكايه خايفه متعجبوش علي قد ماهيتحفل عليا منه لسنه قدام
ادم فضل يضحك واكمل في دي عندك حق مالك مش بيسيب حد في حاله
ابراهيم بحب طب والله جميله تسلم ايديكي يابنتي بجد
جيسي سقفت بفرح واكملت وانتي يا ماما
ساميه بحب زي العسل يا قلبي
جيسي بفرح الف هنا يلا اروح الحق اكل الواد جوزي ومسكت الصنيه وراحت علي اوضتهم ففضلوا يضحكوا علي طريقتها
ساميه بضحك اهي دي ازاي بنت كمال انا معرفش حاجه سكر وطيبه اوي
ابراهيم بحب حقيقي مفيش بنت من بناته زيه خالص
ادم ابتسامته اختفت واكمل لا في منه زيه واكتر ودخل اوضته اللي اخر الطرقه ورزع الباب
ساميه بتنهيده حزينه نفسي انام مش شايله هم ان ادم موجوع
ابراهيم بحزن ادم شاف كتير اوي يا ساميه اوي
في اوضه مالك
مالك بضحك يابت اخلصي مخبيه ورا ضهرك ايه الله يحرقك علي المساا
جيسي بتمثيل حزن بقي كده يا لوكا وانا اللي تعبت وجبتلك مفاجاه
مالك غمز واكمل بضحك ايه هتنفذي كلامك فجبتي بدله رقص ?? لو كده فا يلا بس علي مهلك علشان الحمل
جيسي بضحك والله انت مش محترم وانا غلطانه اني جيتلك ورايحه تطلع مسك ايديها واكمل بضحك استني بس والله خلاص بهزر وريني جبتي ايه
جيسي بفرح عملتلك بسبوسه وبينتها من ورا ضهرها واكملت هااا ايه رايك
مالك اتفاجئ واكمل بضحك بتهزري !! انتي اللي عملتيها بجد ??
جيسي بضحك شوفت بقي يلا دوق وقولي رايك
مالك ابتسم بحب واكمل من غير ما ادوق كفايه انك وقفتي وتعبتي وعملتيلي لما عرفتي ان نفسي فيها وانتي اصلا عمرك ما دخلتي المطبخ
جيسي ابتسمت بحب واكملت معلشان كده دوق بقي وقولي رايك
مالك بحب حاضر ياست البنات ومسك الطبق منها ودقها واكمل باعجاب والله العظيم تحفه اوي تسلم ايديكي يا قلبي
جيسي بفرح يعني عجبتك
مالك وهو بياكل اكمل بحب اممم اه والله زي القمر
جيسي سقفت بفرح واكملت يس علشان تعرف ان مراتك جامده
مالك حط الطبق علي السفره واكمل وهو بيشد وسطها ليه بغمز من ناحيه جامده فاهي جامده و اوي كمان
جيسي بتوتر ماالك اتلم علشان مناديش علي ماما
مالك بضحك تنادي عليها ?? ليه محسساني ان هتضربني كده يا جوجو انتي مراتي يعني ماما ملهاش دعوه بينا اصلا
جيسي بتوتر طب ابعد عني واتلم وغمضت عنيها
مالك حاوطها بين وبين الحيط واكمل بهمس انتي لسه بتخافي مني يا جيسي ??
جيسي بتوتر لا مش مش كده والله يا مالك بس انا مش متعوده انك قريب مني كده فاهم
مالك ضحك واكمل اه فاهم بس في ايه يستدعي كل التوتر ده اهدي
جيسي بتوتر طب هتبعد ولا انادي ماما
مالك ضحك واكمل ناديها
جيسي برفعه حاجب بقي كده طب تمام … يا مااااماا يا ماا وقبل ماتكمل تاني كان قرب منها وباسها وبعد دققتين الباب اتفتح واكملت ايه يا جيس ولم تكمل اتصدمت
فجيسي زقت مالك بسرعه باحراج ومالك بص لامه وضحك واكمل يعني انتي بتيجي ليه دلوقتي ما تسيبك منها تنادي زي متنادي
جيسي باحراج شايفه يا ماما شايفه ابنك اللي مش محترم
ساميه دخلت وقفلت الباب واكملت يعني يا حيوان مراتك حامل ينفع اللي انت بتعمله ده ??
مالك بضحك يانهار اسود هو كل ده علشان بوستها
جيسي بصتله بحرج وضربته في صدره واكملت اتلم
ساميه برفعه حاجب لا مش علشان كده يا قليل الربايه علشان انت مكنتش هتوقف علي كده فاحترم نفسك مراتك لسه في الاول وبعدين هي خايفه متنساش ان اللي مرت بيه قبل كده مش سهل فمش هتبقي طبيعيه معاك حتي بعد ما الحمل يعدي فتره الخطر
مالك بتنهيده والله عارف يا امي من غير ماتقوليلي
ساميه لجيسي بصي يابنتي اي وقت تلاقي نفسك خوفتي واتوترتي وهو بردو مهزق تعالي جمبي واجبله ابراهيم هنا
مالك بضحك لااااا لااااا خلاص والله هتربي تجيبيلي ابرهيم هنا ايه قلبك ابيض وشد جيسي لحضنه واكمل بضحك انا عايز مراتي وهحترم نفسي حاضر
ساميه برفعه حاجب اما نشوف او اسمع انك بتضايق مراتك يا مالك
مالك بتنهيده ماما انا مش قصدي اضايقها والمصحف انا بحبها
ساميه عارفه يا حبيبي ومراتك عارفه انك بتحبها اوي كمان بس هي اصلا ففتره صعبه من الحمل ومن اللي مرت بيه نفسياا صعب فقربك منها حتي لو كان حضن ممكن يتعبها فاخليك مع راحتها هي لحد ماتحس انها كويسه 100% وانت د
مالك بماقطعه لانها كانت هتقول دكتور فاكمل ايوه منا عارف يا امي وحاضر والله هعمل كده
ساميه ماشي يا حبيبي يلا تصبحوا علي خير يا حبايبي
جيسي بابتسامه وانتي من اهله
وطلعت وقفلت
مالك بضحك بقي بتفضحيني كده ماشي يا جيسي مااشي
جيسي بحزن مالك انا عايزه اعمل حاجه بس قولت اعرفهالك الاول قبل ما اعملها
مالك فرد جسمه علي السرير واكمل ايه يا حبيبتي
جيسي راحت جمبه ففتحلها ايديه فدخلت في حضنه واكملت بحزن عايزه اروح لدكتوره نفسيه
مالك بستغراب دكتوره نفسيه ?? وده ليه
جيسي بحزن مالك انا مش هرجع طبيعيه معاك بسهوله انا لسه لحد دلوقتي مش قادره انسي حاجه ولما بتقرب مني بحس بكهربا في جسمي كله وخوف مع انك مش بتعملي حاجه وكمان مشاكل نفسيه جوايا بدات بموت ماما واهمال بابا فحاجات كتير
مالك باس راسها واكمل بحب حبيبتي لو عليا استناكي تبقي
كويسه العمر كله انما حته التعب التاني دي مش هقدر اعالجها للاسف بس اقدر اعوضك
جيسي بحزن حتي لو ارجوك وافق اروح انا في حاجات كتير محتاجه اعالجها جوايا علشان اتأهل اني ابدا حياتي من جديد ولا انت مش عايز توديني علشان بيقولوا علي اللي بيروح لدكتور نفسي مجنون
مالك لا طبعا ايه الجهل ده ايه الكلام ده يا جيسي كلنا عندنا حاجات بتتعبنا نفسيا ياحبيبي ولو عالجناها بنبص للحياه بنظره حلوه من جديد وحياتنا بتتغير مش مجانين ايه الكلام ده لا طبعا طب ده انا بحب الطب النفسي جدا وجايب كتب في علم النفس بقراها وبقدره جداا فا لا متخافيش يا عمري انا مقدرش اقول عنك كده ده انتي ست البنات وطلما ده هيريحك فتمام روحي
جيسي حضنته واكملت بحب ربنا يخليك ليا يا مالك بجد
مالك بحب ويخليكي ليا يا قلب مالك
في اوضه ادم بيتكلم في الفون
رامز يعني انت متاكد من اللي هتعمله ده ?
ادم بتنهيده متاكد يا رامز ولو مش هتعبت الفلوس خلاص انا ممكن
رامز بس بس انت عبيط ولا ايه انا بتكلم علشان انت مش هتقدر علي البعد يا ادم صدقني اابعد مش سهل ابداا وتنهد بوجع واكمل انا اهو بقيت 24 سنه ولسه بحبها ومش قادر علي البعد وبرغم كل اللي حصل والمفروض ان خلاص انساها بعد ما اتجوزت غيري وخلفت بس انا معرفتش اتجوز واشوف غيرها فصدقني مش سهله ابداا
ادم بدموع عارف يا رامز عارف بس خلاص انا مبقتش قادر افضل وكلمت واحد صاحبي وبدات في الاجرائات كمان
رامز بحزن خلاص يا ادم هبعتلك الفلوس واعمل اللي انت عايزه
ادم بحب تسلم بجد يا صاحبي ومجرد ماقف علي رجلي انا هر
رامز بماطقعه بس يا اهبل ترجع ايه احنا اخوات متقولش كده
ادم بحب تسلملي بجد يا غالي يلا باي
رامز باي
في اوضه ساميه وابراهيم الباب خبط
ساميه ادخل
ادم صاحين ?
ابراهيم اه يابني ادخل
ادم بتنهيده نا كنت جاي اقولكم حاجه
ساميه بحب قول يا حبيبي
ادم بتنهد بوجع واكمل شكرا علي كل حاجه علمتوهالي شكرا علي سهركم شكرا علي تربيتكم شكرا علي. انكم علمتوني كبرتوني واعتبرتوني زي مالك واكتر منه شكرا لانكم كنتم قد الامانه والوعد انتوا مش مجرد اب وام انا فعلا بعتبركم امي وابويا اللي اتحرمت منهم انا ملقتش الدفا والحنان غير منكم انتوا ملقتش الامان غير هنا في البيت ده كبرت هنا واتربيت هنا وهنا بدات كل مراحل حياتي عرفت يعني اي ام حنينه منك كنتي تسهري لحد ما اخلص مذاكره انا ومالك وتنامي وتعملي لينا كل اللي نمتناه والمكرونه والبانيه اللي بطلبهم من هنا بلاقيهم قدامي من هنا باجمل طعم من احن ام خوفك وحبك ودلعك ليا وكل حاجه عملتهالي مهما شكرتك عليها مش هوفيكي وانت يابابا كنت جبل ساند نفسك وساندنا كلنا وعمرك ماتهزيت ووفيت بوعدك معايا لصاحب عمرك ووقفت جمبي لحد مابقيت دكتور وبقي عندي 24 سنه وتنهد بوجع واكمل والدموع متجمعه في عنيه يمكن انا خدت قرار صعب اوي بس هو اللي هيرد كرامتي وكبريائي اللي اتهانوا وهكبر بسببه مع انه صعب عليا اوي وتنهدت بوجع واتسجمع شجاعته واكمل انا قررت اسافر امريكا هكمل الماجستير والدكتوراه هناك وده هياخد مني حوالي اقل حاجه 4 سنين فجيت اعرفكم انا خلاص بجهز للسفر
ساميه بصدمه ودموع ايييه تساااافر! !!!!!!
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب غير مشروط)