روايات

رواية حب غير مشروط الفصل الثالث والثلاثون 33 بقلم لولا

رواية حب غير مشروط الفصل الثالث والثلاثون 33 بقلم لولا

رواية حب غير مشروط البارت الثالث والثلاثون

رواية حب غير مشروط الجزء الثالث والثلاثون

حب غير مشروط
حب غير مشروط

رواية حب غير مشروط الحلقة الثالثة والثلاثون

في الطياره المسافرين كلهم ركبوا والباب اتقفل وخلاص الطيار بيستعد للاقلاع وفعلا الطياره بتبتدي تسيب الارض وتعلي في لحظه وصول منه اللي وقفت مصدومه وفضلت تجري علشان تلحقه بس الطياره طلعت فعلا وابتدت تبعد اكتر قدام عنيها وهي بتجري وقعت علي رجلها وبصتلها وهي طايره في السما بصدمه ووجع كبير واكملت بصراخ وعيااط ااااااااددم وفضلت باصه عليها وهي بعيد خلاص واكملت بوجع وصدمه ليه …. ليه ياادم ليه تبعد عني بلشكل ده ليه تقهرررني كده ده انا قولتلك استحمل اي حاجه الا بعدك عني وزعلك مني انا مكنش ليا غيرك وفضلت تعيط واكملت امي ماتت وانا صغيره واتحرمت منها ولما حبيبتك قولت انت عوضي عن كل وجع مريت بيه وبسبب حبي ليك بابا كرهني اكتر لانه كان مش شايفني اصلا اختي اعتبرتني موت بنسبالها وحتي صاحبه عمري ضربتني بلقلم ووجعتني وكل ده بسبب اني فضلت حياتك علي اني افضل معاك وتتأذي بسببي تقوم انت تمشي !!!!! انت يا ادم تكسرني بلشكل ده! !!! ده مكنش فاضلي امل في الدنيا غيرررك حرام عليك حرام عليك والله اقول لابني ايه ?? اقوله بابا فين ?? اربع سنين ليه ليه يا ادم وفضلت تضرب علي الارض بايديها واكملت بانهيار ليييه ليييه والله مطلبتش منك تثبتلي انك حاجه كبيره والله مش فارقلي واتعصبت واكملت بدموع ياااريت كان لسااااني اتقطع قبل ما قولك كده واهدم علاقتنا بلشكل ده بس محدش اتظلم غيري انا وابني انت سافرت تحقق حلمك وتثبتلي اني غبيه تاليا وعمر مع بعض مالك وجيسي مع بعض حتي حاتم مع شهد محدش ادمررر قدددي انا اللي اتكسرت وجوزي بعد عني وعن ابنه انا اللي هكمل لوحدي وعايطها زاد واكملت انت مش مجرد حبيبي انت كل الدنيا اصلا انا مش هعرف اقعد من غيرك 4 ساعات يا ادم مش 4 سنين وممكن تتوظف كمان فتطول وفضلت تعيط واكملت للدرجه دي هونت عليك ??? هونت عليك تسبني كل السنين دي لوحدي ??? طب سيبك مني ان هونت عليك انت هتقدر متشوفنيش كل ده ???? هتقدر تعدي يوم من غير صوتي ?? طب ولما تزعل مين هيحضنك بدالي ?? سيبك مني انا خالص بس انا مش فارقلي قد اننا فعلا مبنعرفش نعيش من غير بعض فازاي ازاااي جالك قلب تعمل كده ازاااااااي ياااا ااادم ازااااااي هتبعد عن منههه هو ده وعدنااااا لبعض هو دددده اننا هنكمل هووو ده محدش يقدر يبعدنا ادينا بعدنا ادي مشكله بعدتنا مشكله هدت حب وعشره ووعود سنين وعيطت واكملت عارفه اني غلطت بس والله علشانك انا مش قادره اصدق انا ازاي كسرتك للدرجه اللي تخليك تبعد عني وعن اهلك كده وانت مبتقدرش تستغني عننا وعيطت بقهر واكملت مني لله انا مني لله والله ما قادره استوعب لحد دلوقتي انك خلاص سافرت وسبتني يا ادم وفضلت تعيط
عند ادم في الطياره
ادم قاعد وساند راسه علي الشباك وقلبه واجعه اوي ودموعه مش راضيه تقف وبيفتكر
فلااااش بااااااك
لما ادم ومنه كانوا واقفين عند البحر
ادم فضل يضحك واكمل عارف كده كده
منه فضلت تبصله بحب
ادم بغمز ايه عجبتك ?
منه بحب ايه هي
ادم سند جبينه علي جبينها واكمل بابتسامه ضحكتي
منه بحب دي بتخليني اقع في حبك من الاول يا ابن سليم مش بتعجبني بس
ادم بصلها بحب واكمل وابن سليم فكل مره يشوفك بيقع في حبك اكتر من الاول وبص علي شفايفها
منه بضحك اوعي اوعي واتلم اياك تقرب
ادم بضحك حسيتي ولا ايه
مالك بضحك الله الله بتعمل ايه يا ادم يخربيتك
منه بعدت عنه ووشها كان احمر واكملت بهمس عجبك كده
عمر كان واقف عمال يضحك
ادم بحده ايه اللي جابك يا حيوان منك ليه
عمر بضحك النصيب ياخوياا يلا الناس عايزاكم
مالك بضحك لالا ملناش حق يا عمر جينا قطعنا اللحظه
ادم وطي يجيب توبه فاكمل مالك بضحك خلاص خلاص والله انا هسكت اهو
منه بصت باحراج لادم بمعني بص بسببك
ادم بضحك حقك عليا هربيهوملك والله … دلوقتي يلا علشان الناس عايزانا
منه مسكت ايديه واكملت بحب يلا
في مكان اخر مزين علي البحر فيه ترابيزه قاعد عليها المأذون وكراسي وعمر وتاليا موجودين شويه من صحاب ادم من الجامعه
منه شافت المكان وشكله مع موج البحر ابتسمت بدموع فرح واكملت هو ده بجد ???
ادم بنفس الابتسامه انا مش مصدق اصلا
عمر بحب يلا اقعد يا صاحبي
ادم قعد جمب المأذون
المأذون بابتسامه فين العروسه
منه بفرح انااا يا مولانا اناااا وقعدت جمب المأذون من الناحيه التانيه واكملت اكتب يلا
فكلهم فضلوا يضحكوا عليها
تاليا بضحك يابت اتقلي شويه
منه بضحك هنكدب علي بعض ده انا مستنيه اليوم ده اكتر من ادم
ادم ابتسم بحب واكمل متهيالك بجد انا محدش فرحان قدي وضحك واكمل هو ده بجد دقايق وهتبقي مراتي !!!!
مالك بضحك خليكم انتوا كده مش مستوعبين والراجل ده تعب من القاعده
المأذون بابتسامه ربنا يفرحهم يلا بينا نبدا
ادم بضحك هاتي ايديك يلا يا منمن هدخلي نفس عش النكد بنفسك اهو
منه مسكت ايديه واكملت بضحك عش نكد ماشي يا ادم هرد عليك بعدين
المأذون ضحك واكمل بسم الله يالا نبدا …وبص لمنه واكمل هل تقبلي ادم سليم سعد الشافعي زوجا لكي
منه بفرح وابتسامه اقبل طبعا
المأذون ابتسم وبص لادم واكمل هل تقبلي بلانسه منه كمال عاصم الشريف زوجتا لك
ادم بحب وفرح اقبل اوي
المأذون بابتسامه قولي ورايا يابنتي اني استخرت الله العظيم وزوجتك نفسي
منه بدموع فرح اني استخرت الله العظيم وزوجتك نفسي
المأذون علي كتاب الله وسنه رسول الله
منه بابتسامه مليانه فرح وهي بصاله اكملت علي كتاب الله وسنه رسول الله
المأذون وعلي الصداق المسمي بينا عاجله واجله
منه بحب وعلي الصداق المسمي بيننا عاجله واجله
المأذون والحضور شهود علي ذلك والله خير الشاهدين
منه بحب ودموع والحضور شهود علي ذلك والله خير الشاهدين
المأذون بص لادم واكمل قول ورايا يابني اني استخرت الله العظيم وقبلت زواجك
ادم وعنيه مليانه دموع اكمل بحب اني استخرت الله العظيم وقبلت زواجك وعمر طبطب علي كتفه بحب
المأذون علي كتاب الله وعلي سنه رسول الله
ادم دموعه نزلت وهو مبتسم وهو باصصلها بحب كبير واكمل علي كتاب الله وسنه وعلي رسول الله
الماذون وعلي الصداق المسمي بيننا عاجله واجله
ادم وعنيه مش مبطله دموع اكمل بحب وعلي الصداق المسمي بيننا عاجله واجله
المأذون والحضور شهود علي ذلك والله خير الشاهدين
ادم تنهد بفرح واكمل والحضور شهود علي ذلك والله خير الشاهدين
المأذون شال المانديل واكمل امضي هنا يا بني
فادم مضي علي العقود ومنه زيه والشهود عمر ومالك
فاكمل المأذون بحب قولوا ورايا بااارك الله لهما
الجميع بفرح ومن ضمنهم تاليا اللي مش مبطله عياط اكملوا بارك الله لهما
المأذون وبااارك عليهما
الجيمع وبارك عليهما
وادم ومنه باصين لبعض ومش مصدقين ودموعهم بتنزل بحب وفرح
المأذون وجمع بينهما في خير
الجميع وجمع بينها في خير
المأذون بحب مبروك وقام وقف وتاليا زغرطت بفرح وهي عنيها مليانه دموع
ادم قام وقف وزيه منه واكمل بضحك الحضنننن الحلاااال بقي تعاااالي وفتح ايديه
منه جريت حضنته واتعلقت في رقبته وهو قفل ايديه عليها وفضل يبكي بفرح وهي زيه وكل اصحابهم فرحانين ليهم اوي
منه بعياط وفرح ادم بجد اللي حصل ده! !!! هو بجد انا بقيت مراتك انا مش قادره اصدق والله وفضلت تعيط بفرح
ادم حضنها اكتر واكمل بحب ودموع دي احلي حاجه حصلت في حياتي كلها يا منه ومش هيجي احلي منها طول عمري انك بقيتي مراتي وحلالي دي اجمل حاجه ممكن تتعاش انا زيك مش قادر اصدق من فرحتي بس المهم ان محدش هيقدر يخرجك برا حضني مهما حصل
منه بحب ودموع اه يا قلبي خلاص منه بقيت ليك ومحدش هيقدر ياخدني منك انهارده انا مش كتبت بس كتابي عليك وبقيت جوزي انا كتبت عقد معاك اني هعيش وهفضل في حضنك طول العمر ومستحيل اخرج من حضنك ابدااا ولا ابعد عنك
ادم سند جبينه علي جبينها بحب واكمل بهمس بحبك ومبقتش قادر احدد بحبك قد ايه مفيش كلام يوصف ليكي احساسي بس بحبك من يوم ماشوفتك ‏انا متكعبلتش فيكي فحبيتك يا منه انا اختارتك من وسطهم اختارتك لاني شوفت فيكي ام واخت وصاحبه وحبيبه وزوجه شوفتك كل الادوار في حياتي ومتواضعه وطيبه وبتحبي الخير لغيرك حاجه كده مميزه مجاش ولا هيجي منها تاني
منه حضنته واكملت بدموع فرح انا بحبك اوي يا ادم وفرحانه وبشكر ربنا انه خلاني اعيش لليوم ده واشوف نفسي عروسه ليك ومراتك واشيل اسمك واوعدك يا ادم هتفضل انت الاول في قلبي مهما حصل ومهما حاولوا يفرقونا هنقع وهنقوم نكمل ده انا دنيتي قبلك مكتوبه غياب انا محستش اني فرحانه بجد غير لما انت دخلت حياتي يا ادم
ادم باس جبينها بحب واكمل عارفه يا منه لما حد بيسألنى وهو مستغرب بتحب منه اوى كده ليه ؟
ببقي مش بكون عارف ارد اقول ايه هو بجد ربنا يباركلي فيكي ويخليكي ليا يانورعيني برد اقول اد ايه هي حنينه عليا و ساندنى فى تعبى وبتفرح لفرحى. وتزعل لزعلى واصيله وجدعه و انا لو هونت على الدنيا كلها مش ههون عليها بتحبني بطبعي بشخصيتي بعصبيتي متقبلاني زي منا انا اصلا فوصلت لمرحله ببقي مش عارف ارد رد كافي يوفيكي حقك بس ببقي عايزك في حياتي وخلاص علشان انا مش هقدر اعيش من غيرك وانتي كمان نفس النظام .. تعرفي حبنا مكمل ليه يا منه
منه بحب ودموع ليه
ادم بحب علشان حبنا غير مشروط مالوش سبب نكمل علشانه ولو اختفي نفترق احنا بنحب بعض فكل الحالات ومهما حصل
منه حضنته وسندت راسها علي صدره واكملت بحب والله اه ده حقيقي
عمر بضحك انا بقول احنا نمشي وانتوا كملوا
ادم بضحك بالله انت بارد بتفصلنا ليه طب
تاليا ضربته في كتفه واكملت بدموع يا مفرق الجماعات وقاطع اللحظات سيبهم دول قمر اوي
مالك بضحك طب دول اتنين بيحبوا بعض انتي بتعيطي ليه
تاليا بدموع منتا معدوم المشاعر مش اختي وفرحانه علشانها
عمر ضحك واكمل بحب عقبالك يا توتي
تاليا بصتله بحب واكملت يارب يا عمر
ادم همس لمنه انا بقول نروح بيت رامز ونبقي نتكلم براحتنا
عمر بضحك بتقولها ايه مش عايزنا نسعمه يا برو كلام ميصحش ولا ايه طبعا مابقيت مراتك تلاقيك بتقولها يلا احنا نطير وسيبك منهم
منه اتحرجت اوي وخبت وشها في حضن ادم فاكمل ادم بضحك اقسم بالله انت ماهترتاح وقلبك يرتاح كده غير ماتاخد علقه محترمه مني
عمر بضحك لالا خلاص يابرو المسامح كريم
مالك بضحك طب يلا علشان ادم يلحق يروح
ادم بصله ورايح ناحيته فاكمل مالك بضحك بس بس متجيش والله اقصد انك تروح منه عند رامز وتيجي البيت علشان امك هتسال عليك غايب عنها بقالك يومين
ادم بضحك اه اتعدل كده
وفعلا ادم خلي منه ركبت جمبه وخلي عمر مع تاليا وروحها عند رامز ونامت وصحيت وكان نزل يجيبلها الطلبات اللي هتحتاجها للبيت وطلع
منه بصت للحاجات واكملت ايه كل ده يا ادم يالهوي هو انا هقعد سنه
ادم كلي اللي انتي عايزاه والباقي اهو في التلاجه هيروح فين يعني انا بنسبالي يكون موجود ويفيض احسن من انه تحتاجي حاجه متلاقيهاش
منه بحب ربنا يخليك ليا يا حبيبي بجد يلا تعالي كل بقي معايا
ادم بحب تمام اما نجرب نفسك في الاكل
منه بضحك جرب يلا اقعد مش هتندم
ادم قعد جمبها وبدا ياكل معاها واكمل بحب طب وربنا فعلا زي العسل ومسك ايديها باسها واكمل بحب تسلم ايدك ياست البنات
منه بحب الف هنا يا حبيبي ومسكت فونها بعتت لجيسي انها عند تاليا وهتبات كام يوم
ادم بتكلمي مين
منه بابتسامه دي جيسي بقولها اني هقعد عند تاليا
ادم اممم ماشي يا قلبي
وفضلوا ياكلوا
بعد الاكل
منه دومي معلش قبل ماتمشي اغسل المواعين عبال منا اخد شاور ممكن ?
ادم باس خدها واكمل بحب ممكن طبعا
ومنه ابتسمت ودخلت خدت شاور ولبست دريس احمر ستان حماله قصير لقبل الركبه وسابت شعرها اللي واصل لاخر ضهرها وحطت ميكاب هادي ابرز عنيها الرمادي وروج احمر يليق ببشرتها البيضه
ادم وهو بيجيب فونه اكمل منمن انا همشي انا بقي ها
منه من جوه بتهزر انت بجد هتمشي
ادم بضحك وهو بيفتح الباب اه علشان بقالي يومين مسافر ست الكل واحشتني وبعدين اكيد مش هفضل هنا يا
وسكت من صدمته لما خرجت كده وكانت زي القمر وبصلها باعجاب كبير وحب واضح
منه اتكسفت بس مبينتش واكملت بضحك هتمشي بردو ??
ادم قفل الباب ومشي ناحيتها وشدها ليه واكمل بحب وهو حاطط ايديه علي وسطها يخربيت اهلك ايه الجمال ده عايزاني اشوف القمر ده وامشي مش معقوله يعني
منه حطت ايديها حوالين رقبته واكملت بضحك ليه ما امك واحشاك
ادم بضحك بشوفها كل يوم بس مبشوفش القمر ده خالص وبعدين منا هروح لو مكنش دلوقتي حالا يبقي شويه كده مش هتفرق يعني
منه بضحك لا والله
ادم بضحك اه والله وابتسم بحب واكمل حقيقي زي القمر
منه بحب قولي بقي
ادم بحب ايه يا قلبي
منه بحب ايه رايك في التحضيرات بتاعتي
ادم بحب مابقولك زي القمر واحلي كمان وضحك واكمل بس يخرب عقلك يامنه متاكده اوي اني كنت هوافق علي خطتك ونتجوز فجبتي قميص
منه فضلت تضحك واكملت ده مش قميص يا حبيبي
ادم بصلها من فوق لتحت واكمل بستغراب لا معلش مش قميص ازاي يعني
منه بضحك والمصحف مش قميص ده دريس من بتوع جيسي خدته منها
ادم بصدمه نعمم هي جيسي بتلبس كده وتنزل عادي
منه بضحك اه عادي وانت فاكره قميص لالا هموت من الضحك مش قادره
ادم بضحك منه انتي بتتكملي جد وربنا
منه بضحك والله اه ده دريس لبسته مره في حفله عيد ميلادها
ادم وربنا انا لو جيسي دي خطيبتي ولا مراتي كنت كسرتلها رجلها ولا تنزل بلشكل ده ازاي يعني اي حد يشوفها كده لالا البت دي انا لازم اقعد معاها
منه بضحك عنيا هبقي اقعدك يمكن ربنا يجعل فيك البركه
ادم بتتشكي في قدرات جوزك يا منه اخص عليكي
منه بحب عارف ايه اكتر كلمه عجباني في الدنيا
ادم بحب ايه
منه بهمس وهي بتحضنه جوزك .. دي كفايه اوي
ادم غمض عنيه واكمل بضحك مش ناويه علي خير انهارده انتي يابنت كمال
منه بصتله وهي حضناه واكملت بضحك ليه بس انا عملت ايه
ادم بضحك قولي معملتيش ايه انتي بتقولي كلام بتخلي الواحد يفكر يرجع عن كراره
منه بصتله بستغراب واكملت ليه كررت ايه انت
ادم بحب اني مش هقربلك غير لما نعمل فرح
منه بصتله برفعه حاجب واكملت بقي كده طب روح بقي لامك يا روح قلبي وزقته في صدره بخفه ورايحه تمشي ادم شد وسطها ليه واكمل بضحك استني مش يمكن اغير رايي
منه بغيظ لا روح لماما ساميه يلا اجري
ادم سند جبينه علي جبينها واكمل بحب والله قولت كده علشانك خوفت تندمي بعدين اننا اتسرعنا واتجوزنا فقولت خليها لوقتها احسن
منه بحب عمري ما اندم علي جوازي منك يا ادم انا ممكن اندم علي اي حاجه الا اني اكون ملكك ومراتك دي احلي حاجه ممكن تحصلي اصلا
ادم بصلها بحب واكمل مراتي بس
منه بستغراب اومال هبقي ايه
ادم وهو ساند جبينه علي جبينها اكمل بحب في فرق بين مراتي قولا وهمس ومراتي فعلا
منه وشها احمر واكملت اممم قول كده بقي وهمست بحب موافقه يا ادم موافقه اكون مراتك قولا وفعلا واعيش ليك العمر كله
ادم قرب باسها بحب وهي حاطت ايديها حوالين رقبته واتجاوبت معاه وشالها بين ايديه ودخل اوضتهم
بعد شويه ادم وطي بيجيب قميصه من علي الارض وبيلبسه وبصلها لقاها مضايقه فاكمل بضحك عارفه والله ماعايز امشي واسيبك بس غصب عني
منه بضيق خلاص يا ادم
ادم قرب باس خدها بحب واكمل وحياتك عندي غصب عني ياست البنات انا خليت مالك يقولها ان صاحبي تعبان بسال عليه وجاي وهي مبتعرفش تقعد من غيري كتير وواحشتها هروحلها دلوقتي وهجيلك كل يوم وعنيا والله هحاول اقعد معاكي مره
منه رفعت الملايه عليها كويس وحضنته واكملت بحب شكرا انك في حياتي
ادم ضمها ليه اكتر وباس رقبتها بحب واكمل ده انا اللي بشكر ربنا كل يوم انه جعلك في حياتي ومن انهارده هشكره انه استجاب وجعلك مراتي شرعا وقانونا عقباال بقي مانشكره واحنا سوا قدام الكل وعلي البيبي كمان
منه ابتسمت بحب واكملت يارب اللهم امين يا حبيبي عارف يا ادم انا مهما احقق معاك حاجه هطمع في غيرها الاول كان نفسي تكون بتحبني زي منا بحبك ولما عرفت انك بتحبني بقي نفسي اوي اتجوزك ولما اتجوزتك بقي نفسي في حته منك ولسه هفضل نفسي احقق معاك كل حاجه حتي اننا نكبر عيالنا سوا ونجوزهم كمان المهم انك تفضل في حياتي
ادم قرب باسها بحب وبعد دقايق بعد واكمل بحب والله بموت فيكي انتي وكلامك ونفسي اكتر منك كمان وبحلم بليوم اللي هتحملي فيه بجد يا منه
منه بحب هيحصل باذن الله يا قلب منه بس خلينا متفقين انه هيجي شبهك لاني مبحبش في الدنيا قد ملامحك
ادم ابتسم بحب واكمل بضحك والله انتي ناويه انك تقعديني جمبك انهارده بس للاسف مش هينفع وقام من جمبها وقفل زراير القميص وجهز انه ينزل
منه بضحك مااشي يا ادم امشي
ادم باس خدها واكمل بحب والله غصب عني يا قلب ادم وغمز واكمل بضحك بعدين محنا قعدنا مع بعض خلاص بقي اروح لست الكل واحشتني
منه ضربته في صدره واكملت بحرج اتلم واتربي شويه
ادم بضحك عيوني
منه طب بقولك معلش نيمني وامشي. علشان خايفه ومش متعوده علي هنا
ادم قعد جمبها وخدها في حضنه واكمل بحب طيب تمام يلا ياست منمن نامي
منه باست خده واكملت بحب تصبح علي خير
ادم رفع ايديها باسها واكمل بحب يبقي هصبح عليكي
منه ابتسمت بحب ونامت في حضنه وهو فضل يطبطب عليها لحد مانامت وباس خدها وغطاها ونزل
تاني يوم لما راحلها بعد جامعته قبل مايروح شغله لقاها نايمه
ادم وهو بيقرب منها بت يا منه وبيخبط علي وشها واكمل بضحك يابت قومي يخربيتك
منه بنوم اممم
ادم بضحك اممم ايه انتي مروحتيش الكليه يانهارك اسود وانا اقول مكلمتنيش ليه تقولي انها نازله قبل ماتروح الجامعه وجاي مستحلفلك اتاريكي نايمه صباااحيه مباااركه ياعروسه الساعه 3
منه قامت اتعدلت واكملت بصدمه يانهار ازرق انا فعلا مقدرتش اصحي وكسلت تاليا رنت بس مش فاكره قولتلها ايه حاسه اني مرهقه ومهمده اوي اوووف ونفخت
ادم فضل يضحك بشده واكمل مرهقه ومهمده لا انا اتغشيت واضحك عليا ادوني عروسه لعبه ولا ايه
منه ضربته في كتفه واكملت باحراج ادم اتلم بجد
ادم فضل يضحك واكمل خلاص يا قلبي خلاص سكت اهو
منه بضيق مش كنت سيبتك روحت لامك مكنش ده بقي الحال والله
ادم فضل يضحك تاني فضربته واكملت بضيق بجد متعصبنيش حقيقي مهمده وعايزه انام ونامت تاني وبتشد الغطا فاكمل ادم بضحك لا فوقي كده يا قلبي وكفاياكي نوم ايه يا حبيبتي مش كده انتي من امبارح نايمه وبص في ساعته واكمل يانهار ازرق منه انتي عارفه ان بقالك 14 ساعه نايمه !!!!
منه بضيق كله منك
ادم بضحك كلي مني ايه انا كنت محترم ومروح بيتي انتي اللي جيتي لحد عندي وزي القمر ثم انه انا اللي اضحك عليا جايبنلي عروسه بتنام 14 ساعه اكمل معاها حياتي ازاي دي مش فاهم…. ده كده انتي موتي شويه يا حبيبي بس مش طبيعي ان حد ينام كل ده وفضل يضحك.
منه اتعدلت وضربته في صدره واكملت بضحك ادم اتلم بجد وبطل تحرجني
ادم باس خدها واكمل بحب طب يلا ياعمري قومي خدي شاور وفوقي
منه بحب دومي ممكن ننقعد علي البحر شويه
ادم بحب عنيا بس روحي خدي شاور
منه قامت ولفت الملايه عليها وخدت شاور وخرجت بلبورنص ووقفت تجيب هدوم
ادم حضنها من ضهرها واكمل بحب انا بقول نلغي البحر ونخلينا هنا
منه لفتله واكملت بضحك اتلم شويه انا من زمان نفسي نقعد مع بعض علي البحر بهدوء وامبارح كان كله خناق ومره بحكيلك ليه جيت دهب وحاجه اخر تعب اعصاب انما انهارده ابتسمت واكملت بحب هقعد مع جوزي حبيبي من غير مشاكل
ادم حط ايديه علي وسطها وقربها منه واكمل بحب ماحنا لو قعدنا هنا هبقي جوزك حبيبك بردو مختلفناش
منه بضحك ادم بجد اتربي واوعي عايزه البس
ادم بضحك يعني كده ?
منه بضحك اه كده واكملت وهي بتخرجه من الاوضه اتلم انت بس كده واخرج برا وقفلت الباب
ادم بضحك والله انتي مجنونه وبحالات وبتخرجيني من الاوضه والله انتي يا مجنونه يا عندك خال اهبل حاجه من الاتنين
منه وهي بتلبس اكملت بضحك اتلم يا ادم الراجل ميت
ادم ضحك واكمل الله يرحمه ياستي بس بنت اخته فعلا دماغها تعبانه بتطرد جوزها من الاوضه
منه بضحك علشان لو سبتك مش هتعديها علي خير خليك برا احسن وفتحتله كانت لبست ووقفت تظبط الحجاب
ادم دخل واكمل زي القمر يلا من غير ميكاب
منه وهي بتمسك الروج اكلمت لا استني بس
ادم بتحطيه ليه سؤال بس
منه بصتله بستغراب واكملت ايه الجديد يعني
ادم قرب عليها وخد الروج واكمل بحب انا بحب ملامحك وهي صافيه كده
منه بضحك ادم انا عندي حبوب في جبيني وتحت عيني باين عليه التعب من السهر والارهاق فين الصافيه دي بس
ادم بصلها بحب واكمل مش شايف حاجه من اللي قولتيها انا شايف بنت جميله اوي ولو انتي بتحطي ميكاب علشان تحلوي في عيني فعايزك تطمني انتي حلوه فكل وقت
منه خدت منه الروج وشالته في الدرج وحضنته واكملت بحب انا بحبك اوي
ادم بضحك عايزانا نقعد صح ?
منه طلعت من حضنه وخرجت من الاوضه واكملت بضحك يلا يا ادم
ادم ضحك ونزل معاها
قدام البحر كانوا قاعدين وبيتكلموا سوا وادم واخد منه في حضنه
منه بحب عارف انا مش عايزه غير افضل معاك كده وفي حضنك والدنيا كلها مش فرقالي
ادم بضحك طب يابت بلاش الكلام ده في الشارع علشان منتمسكش اداب هنا بفضيحه في الطريق العام
منه فضلت تضحك وضربته واكملت اتربي شويه بقي الله
ادم بحب انا مع البني ادمين اللي خلقها ربنا كلها محترم وكله يشهد ب ده الا انتي مبعرفش بصراحه
منه ضحكت واكملت بحب عارفه كده وواثقه فيك علي فكره
ادم رفع ايديها باسها بحب واكمل وانا بثق فيكي اكتر من اي حاجه
منه بحب زي اي مثلا
ادم بحب يعني لو قولتيلي يلا ننزل النيل دلوقتي هسمع كلامك وضحك واكمل مش علشان نموت لا وابتسم بحب واكمل بس لو انتي فعلا قولتي كده يبقي هيحصل اي حاجه تنجدنا هيكون في مركب قريب مننا مثلا او طوق نجاه او اي حاجه المهم اني مش هبقي في خطر وانا معاكي وبنفذ كلامك يا منه لان انتي عندي محطه ثقه كبيره اوي
منه عنيها دمعت واكملت بحب يارب اكون قدها يا نورعيني
ادم بحب انتي قدها كده كده وباس ايديها
وفي بنت لابسه قصير ولبسها مكشوف خالص وسايبه شعرها كانت واقفه شافتهم فبصت لادم باعجاب وغمزت وهو خد باله واكمل احمم وبص لمنه لقاها خدت بالها من الموقف ووشها اتغير خالص
منه بحده ايه عجباك اجبلك رقمها ??
ادم بت انتي اتجننتي انا لفيت وشي اصلا بطلي هبل لسه بنقول في ثقه بينا انا حتي لو انتي مش معايا مقدرش ابص لغيرك
منه رايحه تقوم ادم شدها واكمل بحده اهمدي متفضحيناش
منه بحده اوعي يا ادم
ادم قام وقف واكمل بحده يامنه صوتك ميصحش
منه بعصبيه انتي ازاي يا حيوانه انتي تغمزيله مش واخده بالك من الاباجوره مراته اللي جمبه
البنت سوري معرفش انك مراته
منه بعصبيه وهو هيحضن واحده مش مراته يعني انتي اتجننتي ولا ايه
ادم بحده يا منه يلا فضحتينا يخربيت اهلك
البنت بضيق اه فكرت شاقطك عادي لان اغلب الرجاله كده
منه شهقت ومسكتها من شعرها واكملت بعصبيه شاقط مين يا زباله انا جوزي مش من الناس دي انتي عبيطه ولا ايه
ادم وهو بيسلك بينهم اكمل بحده يا منه بس يا منه ميصحش كده خلاااص يخربيتك البت هتموت
منه بعصبيه انت مش سامع بتقول ايه
البنت بحده حيوانه صحيح معرفش مستحملك علي ايه جاتك الارف انا عارفه راجل قمر زي ده ايه يبليه بيكي ويتجوز حد يعمل في نفسه كده وهو ممكن يروح كل يوم ينقي واحده شكل
منه رايحه تتكلم اكمل ادم بحده اه واللي بيعمل كده ده بعيداا عني لاني مقدرش ابص لست غير مراتي بس اللي يعمل كده ده بقي مين هيحوش عنه نار جهنم
البنت رايحه تتكلم قاطعها ادم واكمل بحده مفيش رد يتقال لان مفيش دين حلل الزنا فمترديش بس اللي قولتيه غلط واللي بتعمليه غلط ادعي ربنا يغفرلك وتوبي هيجي يوم وساعه هتتمني ترجعي دقيقه تقولي يارب سامحني من اللي هتشوفيه في الاخره احنا جينا نعمل للاخره مش نعيش الدنيا حرام هتستفيدي ايه غير الرخص وقله القيمه وقله الكرامه وانه كله بياخدك لهدف معين ويرميكي في عز مانتي كنتي ممكن تعيشي حياتك مع واحد بس وتبقي اجمل واحسن وتكسبي اخرتك كمان فسيبك من اللي مراتي عملته خالص هي ست بتحب جوزها وغيرانه وربنا يغرفلك ويسامحك بس بلاش كده انا والله بكلمك زي اختي
البنت بحزن تسلم وشكرا لكلامك ومشيت من قدامهم بندم واضح
منه برفعه حاجب لا يا شيخ ماتروح توصلها الجامع بلمره
ادم بضحك منه مش عايز اهزقك
منه بحده اصل شايل هم اخرتها اوي انت مالك انت مايخش تولع
ادم بتنهيده يا حبيبتي انا نصحتها وهي براحتها بقي
منه نفخت بضيق واكملت تمام يا ادم
ادم بضحك ليه محسساني اني انا اللي غمزتلها مش فاهم
منه بحده وانا هستناك تغمزلها كمان !!!!!
ادم بضحك خلاص خلاص اهدي بقي مش كفايه الفضيحه اللي فضحتيهالنا في الشارع
منه وقفت قدام البحر بغيره واضحه وفضلت تفرك علي كتافها وهي حاضنه نفسها
ادم بردانه ولا ايه
منه اممم شويه
ادم بضحك انا قولت بردو انك طمعانه في الجاكت وخلع جاكته وحطه علي كتفها
منه ضحكت واكملت بحب خده يا ادم انت واقف بنص كم
ادم بحب مش مهم انا المهم منمن حبيبت قلبي متبردش
منه بضحك طب ايه رايك لسه بردانه
ادم بضحك محلوله بردو وخدها في حضنه وضمها اوي واكمل بحب اعتقد كده امان
منه همست بحب اممم امان اوي كمان واكملت بضيق بس البت دي مضيقاني بجد ياادم
ادم بحب منه حبيبتي انتي مش بتثقي فيا ??
منه بحب ثقه عمياء
ادم باس راسها بحب وهي في حضنه واكمل بحب يبقي خلاص انا مش بقولك متغيريش بس اعرفي اني مش شايف ولا هشوف غيرك
منه بحب انا بحبك اوي بجد يا ادم يارب مايحرمني منك ابداا
ادم بحب وانا بموت فيكي ياروح وقلب ادم وضحك واكمل انا بقول نطلع البيت بقي
منه بحرج بردو مش هتتربي
ادم بضحك عمره مايحصل يلا ولا ايه
منه بضحك يلا بس لاني نعست
ادم بضحك لااا نعستي ايه ده انا اعتذرت من الشغل وقولت هقعد معاكي فوقي كده الله يرضي عنك
بااااااااك
ادم دموعه كانت بتنزل بغزاره وهو بيفتكر فمسح دموعه واكمل رغم البعد اللي بقي بينا الا انه مفيش أقرب منك لقلبي يا منه ولا هعرف انساكي ابدااا
في بيت حاتم وشهد
شهد اه يعني روحتلها البيت عندها خبط ملقتهاش
حاتم وهو بياكل تفاحه اكمل اه وبرن عليها مش بترد فخلصت شغلي وجيت علي هنا لحد ماتكلمني تشوف هنعمل ايه
شهد بتنهيده ربنا يهديهم علي بعض يارب
حاتم بحب يارب .. معلش يا شوش كوبايه قهوه مصدع اوي وتعبت انهارده
شهد بابتسامه حاضر ودخلت تعمله قهوه
بعد شويه الباب خبط
حاتم حاضر جاي وبيفتح لقي منه بتعيط فاتصدم
منه حضنته واكملت بعياط اخر امل راح يا حاتم انا قلبي واجعني اوي وفضلت تعيط
حاتم اتصدم من كلامها وفضل يطبطب عليها واكمل راح ازاي يعني في ايه يا حبيبتي
وسمع صوت كوبايه اتكسرت بيبص هو ومنه لقي شهد واقفه بتبصلهم بصدمه فساب منه وبعد عنها بسرعه واكمل بضحك اوعي تفهمي غلط والله انا بهون عليها
شهد بسخريه يااا حنيييين بتهون عليهاا اه طب مش والباب مفتوح مش لازم اللي طالع واللي نازل يشوف قد ايه انت حنين ومفيش منك وبصتله بحده واكملت جتك الارف ولا عمرك هتتغير ورايحه تدخل
منه بدموع شهد لو سمحتي
شهد بحده نعم
منه قفلت الباب وراحت ناحيتها واكملت بدموع عارفه انك بتكرهيني بس ممكن تسمعيني مره متحكميش عليا زيهم
شهد صعبت عليها فاكملت بحزن منه انا مبقولش انتي بس حاتم
منه قاطعتها واكملت بدموع حاتم عمره ماحبني حاتم خدني تحدي لاني قولتله مش عايزاك وهو ربنا يحميه شاب وسيم اوي وذكي ومهندس وظروفه ااماديه حلوه جدا فا بلعقل ميترفضش انما انا علشان حبيت رفضته هو فهمها ان مين ده بقي اللي تختاريه عليا فازاد تملكه عليا اكتر وقال هاخدها يعني هاخدها واكملت بتوتر وكدب وبابا بعد كده فاجئنا انه حدد خطوبتنا وقالي ان لو موافقتش بحاتم انه هو هيقتل ادم
شهد اتصدمت واكملت يقتله !!!
حاتم فهم ان منه مرضيتش تقول ان هو فاكمل بحزن لا يا شهد انا اللي هددتها بكده
منه وشهد بصوله بصدمه ومنه رايحه تتكلم فاكمل حاتم لا يا منه خليها تعرف كل حاجه لاني معتش هخبي حاجه عليها
شهد بصدمه وده علي اساس ايه انها حاجه تشرف يعني بجد انت حيوان واتعصبت واكملت ده محدش غير ادم اللي سند مراتك لما كانت هتقع من طولها وانت تخرب حياتهم بلشكل ده حقيقي كل شويه بتقل من نظري وواضح فعلا انه بتحبني من قبل الخطوبه
منه بدموع شهد اسمعيني هو حاتم لما هددني كان فعلا مادركش انه بيحبك وخلي بابا رفض ادم وانا اضطريت اقبل بيه خوفا علي جوزي ومحدش كان يعرف اننا اتجوزنا قولت ههاود حاتم فتره لحد ماعرف اتصرف بس حاتم سهلها عليا وقالي يوم الخطوبه كل اللي انتي عارفاه واتفقنا انها خطه بس انتي وادم شوفتونا
شهد بدموع ووجع وشوفت كسرته اللي انتي السبب فيها انتي موتيه بلحيا بس مش انتي السبب علي قد ماجوزي السبب وبصت بعتاب لحاتم
منه بدموع محدش معصوم من الغلط وجوزك فعلا اتغير انا كنت بخاف اسلم عليه بس دلوقتي محدش بقي معايا كله كرهني فجيت رميت نفسي في حضنه لانه بقي بنسبالي فعلاا اخ وشوفت ده في عنيه حاتم اتغير فعلا يا شهد اتغير علشان حبك اللي دخل قلبه فارجوكي انسي اي ماضي بس انا اللي فعلا خسرت وفضلت تعيط واكملت انا بحب ادم اوي بس هو كسرني اوي كسرني وسابني لوحدي
حاتم بستغراب منه انا عديت عليكي نروحله ملقتكيش كنتي فين وايه سابك دي
منه بعياط ادم سافر يا حاتم سافر ومش هيرجع قبل 4 سنين
شهد شهقت بصدمه فاكمل حاتم بصدمه نعم ليه كل ده
منه بعياط علشان يثبتلي ويثبت للكل انه هيبقي حاجه علشان انا اهانته اوي وقعدت علي الارض واكملت بدموع ازاي قدرت اهون عليه بلشكل ده معقوله هيقدر يقعد من غيري كل السنين دي والله انا بحبه ومش عايزه غيره يا حاتم انا مش فارقلي كل ده والله العظيم
شهد بصت لحاتم واكملت بدموع ربنا يسامحك علي كسره قلبها وبعدها عن جوزها بلشكل ده وهي حامل ومحتجاه
ادم وطي لمستواها واكمل بدموع انا اسف يا منه وممكن اكلم ادم احكيله كل حاجه
منه بحده ودموع هو مستناش اصلا يسمع واتخلي عني وبقي عادي بنسباله يبعد كل السنين دي ده حتي مجيش يودعني خليه بقي براحته مش كرر يسافر بمزاجه انا بقي اكرر امتي اسامح بمزاجي وفضلت تعيط
شهد بدموع طب خليه يكلمه يمكن يرجع
منه بحده ودموع مش هيرجع يا شهد والله ما هيرجع هو دفع وقدم علي منحه وسافر فخلاص لازم يكمل تعليمه وهو اصلا كان بيقولي نفسه يسافر برا اوي يكمل تعليم فا ده هدف من زمان بس كان نفسي يستني كان نفسي احس اني باقيه عليه شويه او حتي يعرفني انما هو مشي مهمهوش انا اكتر واحده اتظلمت فكل ده حتي لو هو غصب عنه وعارفه ده كويس وعذراه بس كان يسبلي فرصه مش يمشي كده
حاتم بدموع طب انتي عايزه ايه مني وانا عنيا ليكي
منه مسحت دموعها واكملت تيجي معاايا لحماتي واخوه وصاحبه وتعرفهم اني مش زي ماهما فاكرني وادم هو اللي اختار البعد
شهد بدموع هتقدري علي بعده يا منه
منه بدموع مش هقدر بس هعيش لابني بس مش هاجي علي نفسي اكتر بجد وطلما سابني ومهموش وكان عايز يموت ابني كمان يبقي ميجيش يزعل بعدين لاني مش هعرفه ان ليه ابن هو اصلا مهموش وكان هيموته وفاكره مات وانا اللي مسكت في ايد الدكتوره وكنت هبوس عليها علشان تسيب البيبي وحاولت اكلمه مرضيش يسمعني واخره سافر وسابني ومش هيعرف يرجع يبقي هو اللي اختار
حاتم بحزن طب خليكي معايا انهارده وبكره نروح لحماتك
منه بدموع لا دلوقتي
حاتم مسح دموعها وقومها واكمل منه حبيبتي انتي تعبانه خالص ارتاحي بس وبكره والله هنروحلها وعد مني
منه بدموع هروح بيتي
حاتم لا وده بيت اخوكي خليكي هنا انهارده وبص لشهد واكمل ساعديها تاخد شاور واديها اسدال تنام بيه
شهد بحزن تمام تعالي يا حبيبتي
منه راحت معاها وهي عنيها بتدمع بصمت
وحاتم قعد حاسس بلذمب اوي
في بيت عمر وتاليا الباب بيخبط
تاليا ايوه حاضر وفتحت واكملت بستغراب ماما
سهير ازيك يا قلبي انا جيتلك انا ونسرين نعتذر منك هتدخلينا ولالا بقي
تاليا بحب اتفضلي يا حبيبتي اتفضلي وفتحت الباب. كويس ودخلوا قعدوا
عمر مين يا تاليا وطلع اتفاجئ بامه ونسرين فقعد واكمل بتنهيده ازيك يا ماما
سهير بحب بخير يا حبيبي وانت ومراتك
عمر زي الفل متقلقيش
تاليا بحب اعملكوا حاجه تشربوها
سهير مسكت ايديها واكملت لاالا خليكي عايزاكي
تاليا قعدت واكملت بحب اتفضلي يا ماما
نسرين بخبث متزعليش يا تاليا حقك عليا وادي راسك اهي ياستي ببوسها. انا اسفه
تاليا اتفاجئت واكملت بصدمه لا ياحبيبتي انتي زي اختي خلاص محصلش حاجه
سهير بتمثيل انا اس فسكتتها تاليا واكملت لالا ياماما انا زي داليا مينفعش تعتذري مني ابداا حصل خير خلاص انا عاارفه انه غصب عنك
عمر بصلها بحب واكمل طول عمرك بنت اصول يا نورعيني
تاليا بحب حبيبي دي زي امي فعلا فمينفعش
سهير ابتسمت واكملت حقك عليا يابنتي
تاليا بابتسامه خلاص والله محصلش حاجه
سهير بدموع ادينا ندمنا وجينا راضينها يا عمر علشان خاطري ارجع بيتك يابني
عمر باس راسها واكمل طب من غير دموع يا ماما واهدي
سهير مسحت دموعها واكملت طب ها هتيجي معايا ولا هتزعلني بقي بعد ماجيت لحد هنا وتنزلني مكسوره الخاطر
تاليا بحب اه يا عمر يلا بصراحه البيت واحشني اوي وداليا كمان
عمر بابتسامه طب يلاا قومي حضري الشنط
تاليا بفرح هوا وتكون جهزت
نسرين ابتسمت بخبث واكلمت طب يلا يا قلبي بسرعه
في المصحه عبدالله خلاص جهز حاجته ولم شنطته وخرج واتعافي 100 %
داليا كانت واقفه مستنياه برا واكملت لما شافته بفرح اخيرااا الف مليون مبروك بجد
عبدالله بحب الله يبارك فيكي يا قلبي كل من دعواتك
داليا بفرح والله يا جدع كفاره انا مفرحتش كده في حياتي
عبداللع باس ايديها واكمل بحب باذن الله كل اللي جاي فرح وبس
داليا بحب بجد حاسس بايه اوصفلي
عبدالله بحب حاسس فعلا ان انهارده اول يوم ليا في الدنيا وشايفها بشكل مختلف خالص وكاني اتولدت من جديد
داليا ابتسمت بفرح واكملت اللهم لك الحمد بجد
بعد عده ساعات الطياره بتهبط في مطار امريكا وبينزل ادم وهو ساحب شنطته وبيتكلم في الفون
ادم بضحك هروحلها طبعا دي قلبي دي واحشتني جداا بجد
رامز بحب تمام يا حبيبي وانا هخلص شغلي واجيلك اسلم عليك
ادم بحب مستنيك يا غالي بجد بقالي 3 سنين مشوفتكش يا كلب
رامز بضحك منا هجيلك بقي
ادم بحب مستنيك
وخرج ركب تاكسي وقالوا ااعنوان ووصل الفيلا ودخل خبط فتحله الخدم فدخل و شافها واقفه في الجنينه ساب شنطته وراح اتسحب وحط ايديه علي عنيها
سالي ايه ده ايه البواخه دي اوعي كده مين وبتلف لقيت ادم
سالي بدموع فرح وصدمه اااادم وحضنته بقوه
ادم ضحك علي رده فعلها وضمها ليه اكترر واكمل بحب واحشتيني واحشتيني اوووي يا سالي
سالي بدموع وفرح وانت اكتر يا حبيبي بجد
ادم بحب فين مارو
سالي وهي عنيها مليانه دموع ومش مصدقه اكملت بفرح مروان مراون تعاالي
مروان طفل 3 سنين وشهور شاف ادم جري بفرح واكمل باااابا ادم انت جيت وراح ناحيته بجري فادم وطي لمستواه واكمل وهو بيحضنه بحب قلب بابا ادم من جوه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)

اترك رد

error: Content is protected !!