روايات

رواية ونيسي الفصل الأول 1 بقلم حبيبة أحمد

رواية ونيسي الفصل الأول 1 بقلم حبيبة أحمد

رواية ونيسي البارت الأول

رواية ونيسي الجزء الأول

ونيسي
ونيسي

رواية ونيسي الحلقة الأولى

انهارده اول اجازه ليه من الجيش مش هنكر اني مفتقده ووحشني جدا واني مكنتش مطمنه ودايما خايفه وهو مش موجود
كنت بكتب دا في مزكراتي لحد الست ساره قطعتني
ساره: اي يجميل قاعد لوحدك بتعمل اي
نور: انتي رخمه خضتيني مش فيه باب تخبطي عليه
ساره: سيبك بس من الجو دا وريني بتكتبي اي ومندمجه كدا
نور قفلت المذكره وحطتها في الدرج
نور: انتي مالك
ساره: اوكي بس متجيش تعيطي لما اقول لكريم انك خرجتي مع صحابك وكان فيهم شباب ماشي
نور: اعمليها لو جدعه دانا اكلك علقه تحلفي بيها طول حياتك
ساره قعدت علي السرير: مفتريه وتعمليها اجهزي علشان ننزل قبل مكريم يوصل علشان نستقبله
نور: اديني عشر دقايق بس واكون جاهزه
………
بعد نص ساعه كان وصل وكان بيسلم علي الكل بابتسامته الجميله
كريم: ازيك يانور
نور : كويسه انت عامل ايه
كريم: فل الحمدلله
ماما: يحبيبي انت عملتلك كل الاكل الي بتحبه
كريم وهو بيبوس ايدها: تسلميلي ياست الكل منحرمش منك
ساره: علي فكره انا عملت مع خالتو صح يا سوسو
ماما: صح ياعيون سوسو عملت السلطه ههههه
ساره: مش احسن من ناس معملتش حاجه خالص
نور: اتلمي ياساره بدل مجيلك
ساره: انا كلمتك يابت
كريم: بس انتو الاتنين اي شغل الاطفال دا
ماما: سيبك منهم ياكريم اقعدي يحبيبي علشان تاكل
كريم: فين محمد و وفارس
ماما: في الشغل يحبيبي اكيد علي جاي واحده فيكم تيجي تجيب باقي الاكل
ساره: هروح انا علشان تعرفي اني جدعه بس
نور: حبيبتي ياسوسو
كريم بحب: وحشتيني
نور بصت الناحيه التانيه باحراج
(نتعرف بابطالنا
نور بنت عسوله وهاديه في تانيه كلية اعلام
كريم ابن عم نور مهندس معماري وماسك شركة ابوه وعمه
ساره اخت كريم بنت جميله في اولي كلية صيدله
وفارس اخو كريم كلية هندسه وبيساعد كريم في الشغل وماسكين هو ومحمد شغل الشركه مكان كريم
ومحمد اخو نور في كلية آلسن
سلوي ست طيبه وهيا الي شايله مسؤليتهم كلهم وعايشين في بيت واحد لاسباب هنعرفها بعدين)
كريم: اهلا بالرجاله الي سيبهم مكاني
فارس حضنه: وحشتني اوي
محمد: كفايه يعم ابعد بقي وحضن كريم وحشتنا
كريم: وانتو والله بس انا وهناك مطمن علشان سايب رجاله وراي ولا اي
فارس: ولا اي ههههه
سلوي: يلا يحبيبي اغسلو ايدكم وتعالو ناكل
قضينا اليوم كله مبين الهزار والضحك
…….
كنت قاعده في الجنينه ببص علي النجوم وسرحانه
كريم قعد جمبي
كريم: سرحانه في اي
اخدت نفس طويل: فيك
كريم بغمزه: لدرجادي شاغل تفكريك
نور ضحكت بصوت عالي: مش الي في دماغك
كريم بحب: امال اي
نور: عارف احنا من غيرك ولا حاجه
كريم: لي بتقولي كدا ينور حصل حاجه ولا اي
نور: محصلش بس دايما بحس ان في حاجه ناقصه يكريم وجودك بيطمنا
كريم: هانت ينور كلها كام شهر وهتلقيني قرفكم هههه
نور بحب: اقرفنا انت وملكش دعوه
كريم فضل باصص عليا وانا كنت باصه علي النجوم
بعد شويه ببص عليه لقيته لسه باصص عليا ومبتسم
ابتسامته الي بتدوخني
نور باحراج: انا طالعه انام تصبح على خير
كريم: وانتي من اهلي
………
في اوضة سلوي كانت ساره نايمه علي رجلها
ساره: عارفه ياخالتو اوقات بقول لو ماما عايشه مكنتش هتحبنا نص الحب الي انتي بتحبهولنا
سلوي بحنيه: ربنا يرحمها يحبيبتي وبعدين مانتو ولادي الي مربيهم علي ايدي ولا اي
ساره بدموع: انا بحبك اوي يماما
سلوي: ينن عين ماما انتي
فجاه الباب اتفتح
نور: خيانه من غيري
سلوي: تعالي يمجنونه
ساره بتطلعلها لسانها: وسرحتلي شعري وانتي لا
نور بتمثل العياط: اعاا
سلوي: بس شغل اطفال كنتي فين
نور: كنت تحت في الجنينه وبعدين قعدت شويه مع كريم
سلوي: نور الوقت متاخر وانتي اكبر من اني اقولك مينفعش صح
نور: ماما انا مقعدتش كتير وبعدين دا كريم مش حد غريب
سلوي بجديه: كريم ابني وانا الي مربيه زي مانتي بنتي ومربياكي وواثقه فيكم انتو الاتنين بس مش هننسي انه حرام وغلط
نور: حاضر يماما مش هتتكرر
سلوي: تحضري يحبيبتي تعالي في حضني
ساره: ماما عايزه انام معاكي
نور بفرحه : واناا
سلوي بحنيه: يسلام وانا اطول
اخدتهم في حضنها ونيمتهم
……
عند الشباب كريم نايم علي السرير
ومحمد في الارض وفارس بيلعب ضغط
كريم: عملين اي في الشغل انا عارف انكم مضغوطين بس غصب عني
محمد: ولا يهمك يكبير وراك رجاله
فارس: متشلش هم انت بس
كريم: انا مش شايل هم مطمن علي الاخر يلا دانتو تربيتي انت وهو
فارس: تربيه وسخه هههههه
كريم حدفه بالمخده: يلا يزباله
الا قولولي اي اخبار البنات اوعو تكونو مزعلينهم
محمد: عيب عليك اطمن وكمان بوصلهم الكليه انا يوم وفارس يوم
كريم: نور كويسه تعبت تاني
محمد: لا الحمدلله وبعدين سلوي واخده بالها منها هيا وساره اوي
فارس بغمزه: بس قولي اي النظام
كريم: نظام اي يلا
فارس: نور
كريم بستغراب: مالها
فارس: عايز تفهمني ان مفيش حاجه
كريم: مفيش حاجه واتخمد يلا
محمد: سيبه علشان شكله عايز يتروق
كريم: بقولكم اي يلا كل واحد علي اوضته يخفه منك له
فارس برخامه: لا احنا منورين الاوضه انهارده

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية ونيسي)

اترك رد

error: Content is protected !!