رواية قدرا لطيفا الفصل الثاني 2 بقلم أمل أحمد

رواية قدرا لطيفا الفصل الثاني 2 بقلم أمل أحمد

رواية قدرا لطيفا البارت الثاني

رواية قدرا لطيفا الجزء الثاني

رواية قدرا لطيفا الحلقة الثانية

= رحمه ! ازيك عامله ايه تعالى اتفضلى
_ احم الله يسلمك الحمدلله شكراً
= خير فى حاجه ولا إيه حد ضايقك؟
اتكلمت بعصبيه
_ بصراحه اه ، فى عيل سئيييل من ساعه ما خلصت المحاضره الاولى وهو جاي يلتزق فيا وكل شويه يجى يقعد فى كل مكان اقعد فيه وجاب الجرسون وبيقوله شوف الهانم تشرب ايه ومهما اهزقه يضحك ويكمل كلامه عادى جداً ، قولت اقول لحضرتك بدل ما ارتكب جريمه في امههه ولو جه تحت ايدى وربنااا ما هرحمهه !
= عارفه اسمه ايه؟
_ لاء ، هعرفه منين
=طب قومه تعالى وريهولى
قومت معاها وانا كلى غلّ وفرحه فى نفس الوقت وللأسف ابن الوارمه اختفى ومش لاقينه تماماً
= هو فين يابنتى؟
_ وربنا ما اعرف كان هنا الحلوف داا معرفش غار في انهى داهيه تاخده!
بصلى بصدمه وهو مكشر
= ايه يا رحمه ، بكابورت يارحمه انتى انثى يا ماما مش كده!
_ استغفر اللّٰه العظيم يارب ، بيطلعونى عن شعورررى الاه!
= طيب عموماً لو شوفتيه تانى أو حد ضايقك قوليلى
_ طب منا قولتلك اهو عملت ايه؟
= منا دورتلك عليه ومش لاااقيه اعمل ايه تانى يعنييى ؟!
_ انت بتتعصب عليااا ، طب انا غلطانه انى بعملك حساب وهروح اخد حقى بنفسى ..ومشيت ،لقيته مسكنى من ايدي جامد
= خدى هنا راحه فييين انتى عبيطه ؟
_ سيب ايدى لوسمحت!
= ولو قولتلك لاء
_ هعمل كده
وعضيته بعزم ما فيا من عصبيه !
= اااااه يابنت المجانين !
_ اشتم اشتم الله يسامحك ..وسبتوا ومشيت
وجه معاد المحاضره التانيه والتالته وهو ما دخلش شرح ولا محاضره ، اتضايقت أوى من جوايا أنا فعلاً كان نفسى يدخل يشرح كان نفسى اشوفه تانى !
لحد ما جيت مروحه وزياد قالى أنه مسحول فى الشغل ومش هيعرف يجى يا خدنى وقفت تاكس ولسه هركب لقيت ال بيخرنى منه تانى وقاله
= شكراً يسطا ، كانت مستنيانى واتأخرت عليها ، اتفضل انت
ومشى التاكسي
_ ايه الى حضرتك عملته ده انا مصدقت الاقى تاكسى فاضى
= وهو انتى ينفع تروحى لوحدك بتاكسيييي؟!
_ وايه إلى مش هينفعه؟
= تعالى يا رحمه ومتشلنيش !
_ اجى فين ؟
= هوصلك أنا بعربيتى
_ منَ منَ منَ منَ؟!!!
= عربيتى يختيييي
_ ضحكت بتلقائية
= يلا يا بتتت
_ لااا والله ما هينفع
= استغفر اللّٰه العظيم يلا يا رحمه ومتتعبنيش معاكى ، وعشان تكونى مستريحه يا ستى اركبى فى الكرسى إلى وراه
_ لا بردك ما يصحش
= وهو الراجل الغريب إلى كنت هتركبى معاه ده يصحح؟!
_ بس هو سواق تاكسى دى شغلانته ، آنما انت أضمنك منين؟
= امممممم
_ وبعدين مش ممكن تختطفنى ؟
= وايه كمان؟
_ بتتريق؟؟
= خلصتى ، يلا بقا اخلصى عشان هتأخر على مراتى
_ لا أنا قولت مش ها…ايييه مراتك؟!
=اه
_ ثانيه ! هو هو انت متجوز؟!
= ايوه يا بنتى مالك اتصدمتى كده ليه؟
_ لا ابداً
= طب يلا بقا عشان متأخرش عليها ولا انتى تتأخرى على البيت
_ تمام
وركبت فى الكرسى إلى وراه وانا واخده صدمه ما بعدها صدمه حرفياً ..ما أنا إلى غبيه راحه اتعلق بواحد تالت مره اشوفه النهارده وكمان معرفش عنه أي حاجه كان لازم اربط على قلبى طالما مش متأكده أن الحاجة دى بتاعتى ولا لاء ، بقيت عايزه اعيط وفى نفس الوقت بحاول امسك نفسى قدامه خاصه أنى ملاحظه كل شويه يبص عليا من المرايه وهو مبتسم ابتسامه مستفزه زيه ، وعماله اسأل نفسى ..بتبصلى ليييه؟ هو انت مش متجوززز ، وشديت ايدى ليه لما افتكرت اخويا راجل غريب او خطيبى ، الف سؤال وسؤال بيدوروا فى بالى ومش لاقيه اي جواب للأسف ..فضلت على الحال ده لحد ما وصلّنى ، وأصر إصرار غريب أنه يوصلنى لحد باب البيت وفعلاً حصل .. شكرته ونزلت من العربيه ولسه هطلع لقيته بيندهلى ..
= رحمه !
_ نعم
= بتحبى الكيك؟
_ ايه السؤال ده؟ أشمعناه؟!
= جاوبى بس بتحبيه؟
_ اها بحبه عادى ، بس ليه بردو ايه مناسبه السؤال؟
= مش مهم تعرفى دلوقتى ، بتحبيه شيكولاته ولا ڤانيليا ولا فراولة؟
_ يوسف بجد اي…أنا أنااا..أسفه ما..مااقصدش !
= ههههه يوسف طالعه منك حلوه اوى يا رحومه
اتكسفت اوى فى اللحظه دى وكنت عايزه اختفى من وشه بأى طريقه ،ومش عارفه ليه الاسئله دى؟!
وليه بي…ثانيه ! ده قالى يا رحومهه!
= هااه؟؟
_ هاه ايييه؟
= شيكولاته صح؟
_ ابتسمت ..صح بس بالله تقولى فى ايه انا مش فاهمه حاجه!
اتجه للعربيه عشان يمشى وهو بيقولى ..
= مش مهم ، هتفهمى كل حاجه بعدين ، سلام يا رحومه !
وساق العربيه ومشى .. وانا دماغى موقفتش تفكير ، وصدمتى أنه متجوز كانت مسيطره علي عقلى وتفكيرى ، لقيت نفسى بعيط بحرقه وبقوله ياربى يعنى الوحيد الى ارتاحله وانجذب ليه يطلع متجوز!!
وبعد عياط كتييير ، قررت انى هبعد عنه ومش هحضر محاضراته وهبقى احضرها اون لاين أو على منصه ، مش مهم ..اهم حاجه انى اتجنب التعامل معاه تماماً واخليه التعامل كاد يكون منعدم ، عشان مشيلش ذنوب أو اشيله معايا ، ما هى دى طبيعتى أما بحب حد مش برضى ليه الاذيه حتى لو على حساب نفسى !
ونمت وصحيت تانى يوم صليت ودعيت ربنا يشيله من تفكيرى ولو فى شر ليا يبعده عنى ولو فى خير ليا يقربه منى ولبست وروحت الكليه وقابلت صديقتى الصدوقه ريموو
: بس مالك يا رحومه فى حاجه مضيقاكى؟!
_ لا يا حبيبي انا بخير
: يابنتى قولتلك مش عليا أنا الكلام ده ، احكى يلا فى ايه؟
_ يا فاهمنيي بصى يا ستى امبارح ..وحكيت إلى كل الحصل
: بتهزريييى يعنى متجوزز!!
_ اتكلمت بنبره حزن ..اه ربنا يسعده بقا يا ريم خلاص ملناش دعوه ، المهم انتى مجبتليش معاكى صبعين ورق عنب كده ياواطيه !
: ودى تفوتنى بردوو؟
وطلعت من شنطتها طبق بلاستيك مليان محشى ورق عنب
_ اخويا مش صاحبي اقسم بالله ، عملتيها ازاى دى يابت ياريموو؟
: ههههه ، عيب عليكى خالتى عملت حسابك وقالتلى اديهم للبت رحمه
_ بعشق خالتك دى اقسم بالله
: وهى يختى بتقعد تقولى بحب البت رحمه دى لله ف لله كده وبتشكر فيكى كتير
_ حبيبتى والله
: بقولك ايه يا رحمه
_ اممم
: مش واخده بالك أنه مجاش النهارده!
_ هو مين؟
: دكتور يوسف
_ اتنهدت بضيق ..بصى يا ريم يجى ميجيش مش فارق معايا !
: من قلبك؟!
_ ااه يا ريم ، ده ملك مراته مينفعش نهائى افكر فيه وحرام كمان وبعد إذنك ساعديني فى ده !
: بصتلى ابتسامه ..حاضر يا حبيبى
عدى اليوم وفعلاً مظهرش قدامنا خالص ولا دخل شرح محاضرات ، بصراحه اتضايقت بس كنت مرتاحه أكتر انى راضيه ربى وراضيه نفسى وده الأهم!
روحت البيت ودخلت غيرت هدومى لقيت زياد بيندهلى بنبره سعيده خرجلته وانا بسأله ..
_ مالك ياض ايه الى مفرحك كده ، فرحنى معاك؟
• عملتيها ازاى دى يابنت العفارييت؟
_ عملت ايه؟!
كمل كلام وهو مبسوط وبيضحك
• مش مهم المهم دلوقتى خشى البسى عشان فى ضيوف مهمين جايين
سألته باستغراب
_ ضيوف ! ضيوف مين؟
• خشى بس البسى بسرعه وانتى هتعرفى يلااا
_ طيببب يا عمم برااحه!
دخلت البس وانا مش فاهمه حاجه كالعاده و وانا بلف الخمار لقيت الضيوف جم وزياد فتحلهم ومقدرتش احدد صوتهم ولا اعرف هما مين
وفجأة لقيت حد بيخبط ، والصدمه أما فتحت ..
_رييم!!
: تيرااا ايه رأيك فى المفاجأة دييي؟!
_ انتى ايه الى جابك؟ ..اااه اقصد يعنى انتى جيتى امتى وازاى؟!
: ضحكت على صدمتى وكملت وهى مبسوطه وبتضحك ..خلصتى؟
_ ااه
: وهى بتهمس ..طب تعالى عشان فى ناس مهمه براا مستنياكى
_ نااس مييين هموووت واعرف هو انتى جايه انتى وخالتك صحح؟!
: هههههههه ، يخربيت عقلك يا رحوم ، تعالى بس تعالى !
ومسكتنى من ايدى وخرجنا ولما خرجت كانت الصدمه الأكبررر
_ يوسف !!
ايوه هوو يوسف بشحمه ولحمه بابتسامته المستفزه إلى حافظاها طب ازاااى؟! وامتى؟ وايه إلى بيحصل؟ وانا مييين؟!
وأخيراً زياد اتكلم عشان يكسر صدمتى
• تعالى يا رحمه تعالى
روحت قعدت جمب زياد وانا مصدومه وببصله وببص ليوسف وأخيراً اتكلمت
_ هو..هو..ايه الى بيحصلل؟!
• ابداً يا ستى دكتور يوسف جاى عشان يطلب إيدك !
ايييه يطلب ايد مين؟!
النمره غلط يا عماد!
هو..هو مش متجوززز ، أنا مش فاهمه حاااجه !
اتكلمت عشان افهم ايه الى بيحصل
_ احم لامؤاخذه بس عشان مش فاهمه حاجه يطلب ايد مين؟!
= إيدك انتى يا جميل
• ياعم انت أحنا قاعدين !
: طب ما تيجى نقوم يا زيزو ونسيب رحمه تستوعب الصدمه إلى فيها
• يلا يختى ، جتك نيله انتى وصاحبتك !
ريم دخلت البلاكونه وزياد دخل اوضته عشان يسيبونا براحتنا وانا كنت لسه فى صدمتى ومش عارفه اقول ايه ولا اعمل أيه ، لقيته قام وقعد جمبى وانا اتحرجت وبعدت شويه
=بس ايه رأيك فى المفاجأة دي؟
_ زفتتت !
اتصدم من رد فعلى
= أنا مفاجأة زفت يا رحومه!
لقيت نفسى بدمع تلقائياً وبقوله
_ حرام عليك انا مكنتش بنام بسببك ، بسبب التفكير فيك وزعلى أما عرفت انك ملک حد غيرى وفى الآخر…
= فى الآخر جيتلك ، وبتقدملك رسمى وبقولك أنى ملكك وأنتى ملكى ، انتى متعرفيش انا عامل ازاى من اول يوم شوفتك فيه يا رحمه ، اليوم ده اتعصبت منك لما هزقتينى قدام الجامعه كلها وفى نفس الوقت طريقتك جذبتني ليكى اووى ، أنا دايما كان نفسى اتجوز بنت شرسه ، بتحب تاخد حقها ، جريئه بس باحترام وبتاخد حقها بنفسها مش بتستعين بحد أو بتتحامى فى حد غير فى إلى خالقها ، وسبحان الله لقيت كل ده فيكى يا رحمه ، لقيت كل تفصيله بتمناها فيكى ، انتى بجد حلم حلم كان بالنسبالى بعيد اوى ، بس ربنا دلوقتي حققهولى ورزقنى بيكى يا أجمل رحمه وفعلاً اسم على مسمى !
كنت طايره من الفرحه ومش عارفه اقول ايه من كتر الجمال ، كنت فى حاله لاتوصف من كتر جمالها ، وجه فى بالى موضوع جوازه ضيقت عينى وانا بسأله
_ اومال ايه مراتك إلى كنت هتتأخر عليها دى بقى؟!
= ضحك ..انتى بتصدقى يا رحوم دى كذبه صغيره عشان اعملك المفاجأة الجامده دى
_والله دى كذبه صغيره؟
= اه ، عشان وراها مفاجأة اكبر واحلى
على قد ما كان نفسى اقوم اضربه ، على قد ما كنت مبسوطه اوى أنه بيعرف يعمل مفاجأت ما هو أنا كان نفسى فى واحد بيحب المفاجأت وبيحب يعملها ، وافتكرت ساعتها دعوتى
“يارب لو فيه شر ليا أبعده عنى ولو فيه خير ليا قربه منى” وفهمت ساعتها أشاره ربنا ليا الحمدلله بجد الحمدلله
= سرحت فى ايه يا جميل؟
_ هاه ، ابدا
لقيته سحب علبه كبيره من قدامه وفتحها
= ايه رأيك؟!
_ اللّٰه ..كيكههههه !!
= وبالشيكولاته كمان واخده بالك
_ الله بجد تحفه اوووى ، امممم عشان كده كنت بتسألنييي
= امممم شوفتييي
_ أنا مبسوطه اوى ياا دكتو..
= يوسف ، من هنا ورايح تقوليلى يوسف
_ حاضر يا چوو
= عيون چوو والله ، موافقة ؟
_لا
= يبقى على بركه اللّٰه ، تعاالى يا عم زياااد نقرأ الفاتحه !
⤶أردتُ من الأمانى نجمه ٭٭٭ فگنتى القمر الذى رزقنى اللّٰه بگِ
تمــتَ.

لقراءة باقي حلقات الرواية اضغط على : (رواية قدرا لطيفا)