رواية بعت نفسي الفصل الحادي عشر 11 بقلم نسرين

رواية بعت نفسي الفصل الحادي عشر 11 بقلم نسرين

رواية بعت نفسي البارت الحادي عشر

رواية بعت نفسي الجزء الحادي عشر

رواية بعت نفسي الحلقة الحادية عشر

رجعت البيت وهي مش عارفه تتصرف ازاي
دخلت اوضه اتوضت وصلت ونامت
علي بليل
**عبد الرحمن مليكه اصحي
** مليكه في ايه؟
**عبد الرحمن من ساعه مارجعتي لا اكلتي ولا عملتي حاجه
**مليكه اعمل ايه يعني رجعت تعبانه
**عبد الرحمن هو حاله امي خطر لدرجه دي؟
**مليكه ايوه هي في غيبوبه ولازم عمليه جراحيه ودي غاليه فوق 100 الف جنيه اجيبهم منين يا عبد الرحمان عمك وخالك مش بيعتقو اخدو حقنا عيني عينك وماقدرناش نعمل حاجه
احنا ماحلتناش حاجه ربنا يعلم دبرت الفلوس منين عشان تفضل في العنايه بكره مش عارفه حايحصل ايه ؟
**عبد الرحمان عارف اني صغير بس في حاجه عايز اقولهالك
**مليكه قول يا حبيبي سامعاك
**عبد الرحمن انا سمعت كلام الباشا اللي جا هنا
**مليكه كلام ايه؟
**عبد الرحمن انو عايز ياخد امنا مستشفي خاص
** مليكه انت عارف المقابل ايه؟
عبد الرحمن وطي راسو تحت
**مليكه ماتتكلم سكت ليه؟
عايزني ابيع نفسي ليه؟
تفتكر لما امك تعرف حاتبقا مبسوطه
اخص عليك يا عبد الرحمن
**عبد الرحمن يعني ازاي ؟
**مليكه اشرحالك ازاي يا خويا يالي لازم تحميني عايز اختك علي اخر الزمن تفرط في شرفها؟
**عبد الرحمن استغفر الله مش كده ممكن تسمعيني
**مليكه اتكلم
**عبد الرحمن هو حاطك في دماغو مهما عملتي اللي هو عايزو حايعملو
وافقي بس بشرط
مليكه حطت ايديها علي وشها من الصدمه
**عبد الرحمن شرطك انو يكتب عليكي رسمي يعني تبقي حلالو ماتغضبيش ربنا و في نفس الوقت تنقدي امنا
تضربي عصفورين بحجر واحد تتقي شرو وتنقدي امك

**مليكه انت ايه اللي بتقولو دا ؟
**عبد الرحمن احنا غلابه والراجل دا ممكن يدوس علينا برجليه
انا روحت جامع بعيد عن حارتنا مايعرفنيش فيه حد وسألت الشيخ حاكتلو كل حاجه قالي تعملي كده
بس من غير ما تطلبي منو يطلقك عشان مايعتبرش جواز متعه عشان حرام
**مليكه هو انت تفتكر إنو حايتجوزني تبقا عبيط هو عايزني زي اي وحده ليله ويرميني
**عبد الرحمن لا كده لا يا يتجوزك ويطلقك بعدين هو كده كده معلش هو عايز بس يكسرك
استحملي عشان امنا تستاهل نضحي عشانها وانا مش حاسيبك
**مليكه ياه دا انت كبرت وانا مش واخدا بالي
**عبد الرحمن اوعي تفكري إن اللي بقولو ليكي دا سهل عليا بس مش عارف اتصرف ازاي احميكي من راجل دا ازاي
**مليكه خايفه اوي
وابتدت تحكي ليه اللي حصل في الشقه واللي عملتو عزه
**عبد الرحمن بس عزه عمرنا ماشوفنا عليها حاجه سيرتها زي البرلنت
بصي اللي بتقوليه دا باين انو حيوافق يتجوزك
**مليكه لا ايه اللي يخليه يتجوزني ؟ انت عارف دا غني من اغنياء اسكندريه هو كل اللي عايزو يذلني وبس حتي لو وافقت ممكن يعمل فيا ايه عارف لو في مكان تاني كنا هربنا
بس مافيش
**عبد الرحمن ربنا يسترها علينا
مليكه فضلت تفكر في كلام اخوها وشافت قد ايه كبر ويا ترا ممكن يتجوزها
ثاني يوم بعد تفكير طويل
اخدت قرارها
راحت الاول المستشفى مع اخوها
وكان لازم تدفع ثمن العنايه المركزه والا يطلعوها وتموت
**عبد الرحمن الكارت معايا اتصلي بيه
**مليكه انا خايفه
**عبد الرحمن مافيش حاجه في ايدينا امك بتموت
اتصلت بيه
**ادهم الو
**مليكه الو انا مليكه
**ادهم مممم ازيك ؟؟
**مليكه الحمدالله
**ادهم بيضحك وفتح لسبيكر عشان كان معاه اكرم
متصله ليه؟
**مليكه امي تعبانه اوي اوي ومحتاجه عمليه في اقرب وقت هو حضرتك لسه عند كلامك ؟
**ادهم اه انت موافقه تقضي ليله معايا ؟
**مليكه دمعه نزلت من عينيها اه موافقه بس بشرط
** ادهم كمان بتتشرطي ماشي مش في تليفون حابعثلك عنوان الشقه في رساله بليل الساعه 8 تكوني هناك
** مليكه بس امي لازم تكون في العنايه المركزه وانا مش معايا فلوس
**ادهم ماشي حابعث حد ينقلها انهارده مستشفى خاص
**مليكه متشكره
وقعدت علي الارض بتعيط
**عبد الرحمن معلش حبيبتي مش حاسيبك يا يتجوزك يا لا
**مليكه مابقاش ينفع عشان هو حايبعث حد دلوقتي ينقلوها مستشفي خاص
**عبد الرحمن لا حول ولا قوه الا بالله العلي العظيم
انا السبب يارب يوافق انا مانمتش امبارح
اما عند ادهم
**ادهم سمعت ؟
**اكرم سمعت ادهم البنت امها بتموت عارف ايه امها انا وانت اكثر ناس محرومين من الام
اختارت تبيع نفسها عشان تعالج امها الي شايفو إن البنت دي بي 100 راجل
خليني ادفع فلوس العمليه واعتبرها صدقه وابعد عنها ارجوك
**ادهم بعد اللي حصل امبارح لسه مصدقها عارف لو جات دغري معايا ماكنتش حطتها في دماغي
اكرم البنت دي مش سهله زي ما انت فاكر
انا مش وحش كده
**اكرم مش عارف والله
**ادهم حاتصل بي مستشفي انكل شريف اوصيهم عليها ويبعثو عربيه إسعاف ينقلوها
**اكرم ماشي

علي بليل

**عبد الرحمن شوفتي الفلوس بتعمل ايه
دي امك عليها طقم اطباء واخدين بالهم منها وبكره حاتعمل العمليه
**مليكه شايفه إن الفلوس بتخلي الواحد يبيع نفسو
**عبد الرحمن ماتقوليش كده انا حابوس ايدو ورجلو عشان يتجوزك مش حاخليكي تعملي حاجه حرام
**مليكه هو انت حاسس بيا ؟ انا رايحه جهنم بي رجلي الله اعلم حايعمل فيا ايه
**عبد الرحمن يلا نودي البنت عند جارتنا وغيري هدومك عشان نمشي انا مش حاسيبك
**مليكه انا مصدومه فيك بس ماشي حاستحمل عشان امي
علي الساعه 8 رن جرس الباب
كان ادهم واكرم
**اكرم معقوله جات ؟
**ادهم مش قولتلك
راح فتح الباب
**ادهم اهلا وسهلا
ايه دا اخوكي معاكي

**عبد الرحمن اه طبعا
**ادهم شايف يا اكرم دول واخدينها شغلانه وابو الرجوله بوصلها كمان
**اكرم انا ماشي
**مليكه لا لو سمحت انا عايزاك تحضر معانا
**ادهم خليك ياعم نضحك شويه
**اكرم احضر ايه؟ خليني امشي اشوفك بكره في الشركه
**ادهم لا تعالا لسه بدري
راحو قعدو في الصالون
مليكه كانت ايديها بتترعش وماسكه في اخوها
*اكرم بي بص عليها وجواه متعاطف معاها
اتكلم بصوت واطي
ادهم البنت خايفه اوي ومعاها اخوها
**ادهم تعالا نشوف الموضوع دا
راحو قعدو
**ادهم ممكن اعرف جايبه اخوكي ليه ؟ وانت عارف اختك جايه هنا ليه؟
**عبد الرحمن انا سمعت كلامك مع مليكه
موافقين بس بشرط
يا ادهم باشا امنا بتموت لولا الحاجه انا مكانتش جيبت اختي هنا هي مش عايزه بس
**اكرم بس ايه جاي تبيع اختك وتقبض الثمن ؟ تبيع شرف اختك
**ادهم دا لو كان عندها شرف من اساسو
**عبد الرحمن ماتتكلمش علي اختي كده هي لسه بنت بنوت وعمرها عملت حاجه غلط
**اكرم هو انت فاهم بتعمل ايه ؟
**ادهم معلش يا اكرم الولد لسه عيل
**عبد الرحمن انا عيل مش حانكر عشان مش عارف احمي اختي
عارف انك حاتحطها في دماغك واحنا مش قدك انت خليت كل الناس اللي مديونه لينا يطالبو بفلوسهم وحتي صاحب البيت عايز يطردنا
انا جايب اختي عندك زي ما طلبت بس تتكتب عليها عند مؤذون تبقا مراتك شرعا وقانونا ساعتها اعمل اللي انت عايزو
ادهم فضل يضحك من الصدمه

****************************
يا ترا ادهم حايتجوز مليكه ولا لا ؟؟؟

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بعت نفسي)