رواية حب غير مشروط الفصل الثالث والخمسون 53 بقلم لولا

رواية حب غير مشروط الفصل الثالث والخمسون 53 بقلم لولا

رواية حب غير مشروط البارت الثالث والخمسون

رواية حب غير مشروط الجزء الثالث والخمسون

رواية حب غير مشروط الحلقة الثالثة والخمسون

ادم بصدمه نعم مستشفي ايه
اسلام البنت يا باشا روحنا لقيناها وشها مزرق وتعبانه اوي وجننتنا يخربيتها مكانتش عايزه تيجي معانا فبلعافيه حلفنلها اننا تبعك وافقت فنقلناها للمستشفي
ادم بخوف طب اقفل طب هجيلك دلوقتي
اسلام يا بيه مش مستاهله هي نايمه خلاص والدكتور طمني انها كويسه انت تعالي الصبح وضحك واكمل بلمره ابقي احكيلك عملت ايه روح انت دلوقتي نام متقلقش
ادم بقلق يا اسلام مينفعش البنت كانت عايزه تساعدني ووصلت لكده بسببي
اسلام يا بيه والله زي الفل نام متقلقش وانا موصي ناس تقعد معاها وتشوف طلباتها لو صحيت هيتصلوا بيا
ادم بتنهيده تمام يا اسلام وانا هروحلها بكره
اسلام تمام يا بيه باي
ادم باي
وقفل
منه بقلق هو في ايه
ادم بتنهيده ابدا نوران بس تعبانه شويه حقها اتحبست 3 شهور فتره مش قليله نهائي
منه بحزن ده ربنا ينتقم منه بجد طب دي ذمبها ايه
ادم بتنهيده مش كانت هتريحني وتعرفني فين اخواتي وكمال مكنش عايز يريحني وكان هيعرفني لما يشوف رده فعلي علي موت اهلي علشان تبقي نقطه ضعف
شهد بضحك بس علي مين بقي
ادم ابتسم بحب واكمل صح علي مين ده ابن سليم الشافعي
جيسي بحب ربنا يخليك لينا يا حبيبي
ادم باس جبينها واكمل بحب ويخليكي ليا يا اوزعه
شهد بضحك جينا نكدنا عليكم احنا صح
منه اخص عليكي والله منورين واليوم قمر وادينا بنتفرج سوا اهو
جيسي بضحك الراجل طلع من مشاكل عايز يبقي مع مراته بقي احنا جايين عازول بينكم
ادم بضحك احترمي نفسك يا جزمه منك ليها انا قاعد ساكت ومتكلمتش
منه بضحك ماهي نفس جينات عدم التربيه والله مش حاجه جديده
ادم مسك ودنها واكمل مين اللي عديم تربيه يا منة ?
منة بضحك انا يا جلب منة
ادم بضحك ايوه كده جيبي ورا
شهد بضحك كلنا والله مش منة بس
جيسي بضحك طب والله حصل بنبقي بنتكلم عادي براحتي اهزر ادلع انما لما بيقلب جد بجيب ورا زيها بلظبط
ادم بضحك والله انتوا اللي صنف يعصب الواحد مش مجنون يعني علشان يتعصب لوحده
منة برفعه حاجب اصل انتوا اللي هرمون السعاده الصراحه
ادم ابتسم بحب واكمل تنكري ده ?
منة ابتسمت بحب واكملت مقدرش طبعا … هو انا اصلا فرحانه غير علشان انت معايا يا دومي وباست خده
ادم رجعها لورا سندت علي صدره وباس جبينها واكمل بضحك ماتيجي ندخل احنا ننام جوه وسيبك منهم صح وغمزلها
شهد وجيسي فضلوا يضحكوا فاكملت منه بضحك مش بقولك عديم تربيه وضربته بقوعها واكملت اتلم اخواتك قاااعدين خلي في شويه كسوف
ادم بضحك اديكي قولتي اخواتك مش حد غريب يعني دول ستر وغطا عليا دول قلب اخوهم
جيسي بضحك يا قلبي ادخل ناموا براحتكم احنا في بيتنا اصلا
شهد بضحك اه متقلقيش يا منمن يعني خدي راحتك احنا مش غرب
منة بضحك طب اقسم بالله حتي لو هتنام محترم مش هدخل معاك واحط نفسي في شبوهات يا ادم هنفضل هنا
كلهم فضلوا يضحكوا فاكمل ادم بضحك شبوهات?? بت انتي هبله وفضل يضحك
منة بضحك بجد انت قليل ادب وبتحرجني وانا مؤدبه
ادم بضحك مين اللي مؤدبه يا قلبي انتي ?
منة برفعه حاجب هو انا مش مؤدبه يا سي ادم ولا ايه
ادم بضحك لا مؤدبه طبعا بس برا بيتنا انما في بينا وبين بعض لا طبعا مينفعش تبقي مؤدبه
منة بضحك طب بالله انت فعلا قليل ادب اوعي كده سبني
ادم لف ايديه حوالين بطنها وشدها ليه وباس راسها واكمل بضحك لا مقدرش علي زعل منمن انا
شهد بضحك طب بزمتك دي حتي لو بينكم وبين بعض اكيد بتتكسف بص وشها احمر ازاي من كلامك بس
ادم بضحك لا منمن مش بتتكسف من ادم صح يا منمن
منة ابتسمت بحب واكملت اكيد بتكسف بس انا معاك بحس انك نصي التاني اللي بيكملني وبحس كاني بكلم نفسي يعني انت انا وانت مصدر الامان بلنسبالي فمش بحط فكره الكسوف دي في دماغي انما طبعا بتكسف
ادم باس خدها واكمل بضحك طب بالله انا بحب اكسفك علشان بتبقي قمرر
منة بضحك خد بالك في فرق مستويات بينا في التربيه مش هننفع مع بعض يا جوزي
ادم بضحك يا قلبي مفيش راجل محترم مع مراته مش جوزك بس
شهد بضحك علي فكره اااه يا منة بيتكلم صح وربنا
جيسي بضحك كلهم كده يا قلبي بينا وبينهم .. انما قدام الناس ايه الادب ده ايه الاخلاق دي
ادم بضحك ادب ايه واخلاق ايه ده جوزك ابن الجزمه بيغمزلي ويقولي هاتها
كلهم فضلوا يضحكوا فاكملت جيسي بخجل من بين ضحكها طب يابني اتلم ومتحرجنيش انا مالي طب
شهد بضحك مش بيتكلم عموما صح ولا هو محصلش كده ?
جيسي بضحك حصل مش نفس التربيه طبيعي نفس الطباع
ادم علي فكره ده حقيقي انا ومالك زي بعض في كل الطباع بلظبط بس يمكن انا عصبي عنه شويه
منة بضحك وقله ادبك بردو زيك قبل كده جيسي بتتكلم معاه قبل مايتجوزوا فبيقولها مش انا رنيت عليكي دي طريقه تكلميني بيها راحت قالتله هقوم ارقص يعني ولا ايه راح قالها لا وفريهم ليا بعد الجواز وانت بردو قولت نفس الجمله ساعت فرح رودي قولتلي الحاله الوحيده اللي هسمحلك ترقصي فيها انك ترقصيلي انا
كلهم فضلوا يضحكوا فاكملت جيسي بضحك اه يا بنتي اوقاات بيعمل حركات بقوله ايه ده في ايه هو ادم بهت عليك ولا ايه حماتي ترد تقولي مش نفس التربيه
شهد بحب طب والله رغم كده محترمين جداا وتربيتهم نضيفه يكفيكي يا منة ان هو كده معاكي انتي بس ولو شاف اي ست تاني مش بيهمه وانتي واثقه من كده
منة بحب اكيد طبعا وانا بثق فيه وفعلا ادم معايا انا بس كده انما شاف ستات برا اشكال والوان ولا يقدر حتي يبص لواحده
جيسي بصي هو الراجل بطبيعته عنيه زايغه بس لما بيحب بجد لا ياخش تعمل قدامه اللي ميتعملش. ولا هيتهز نهائي
ادم بحب ماهو مش طبيعي بردو الواحد يكون مالك الجمال ده كله ويبص برا
منة بضحك انت كلامك قمر وكل حاجه بس علي فكره في اجمل مني بكتير
ادم بحب بس انا مشوفتش ولا هشوف اجمل منك مهما اشوف هتفضلي الاجمل في نظري وده مش بمزاجي ده غصب عني علشان انتي ماليه القلب قبل العين
منة بحب والله بموت فيك
ادم باس خدها واكمل وهو بيبتسم بحب وانا اكتر بكتير وحط ايديه علي بطنها ورجعها سندت علي صدره وباس راسها
منة بحب عارف يا ادم وانت واخدني في حضنك كده ببقي عايزه اقول الدار اصبح امان
ادم ابتسم بحب واكمل والله يا منمن ده امان علشان انتي فيه
شهد بضحك وغمز انا بقول ندخل جوه احنا يابت يا جيسي
جيسي بضحك حاسه بكده الموضوع عمال يزيد واحده واحده واخوكي شكله هيولع فينا ندخل جوه احنا بكرامتنا
منة بحرج شايف اخواتك ?
ادم بضحك طب اعمل ايه طيب مشافوش تربيه
شهد بضحك يابرو ده احنا عاملين عليك عايزينك تفرفش
ادم بضحك لا ياختي خليكي هي ليله مبينلهاش ملامح من اول مابدات
منة بضحك اتلم ها تقصد ايه
ادم بضحك مقصدش ياروح قلبي
جيسي بضحك خليكي يابت يا شهد احنا عملنا اللي علينا وخلاص
ادم بضحك كتر خيرك يا حبيبتي
منة لجيسي بت اسمعي الفيلم وانتي ساكته علشان عايز اركز
ادم بضحك علشان تعيطي بضمير صح
منه بتركيز اممم قربت اهي
ادم بضحك بجد مش عارف اقول ايه ربنا يهديكي يا حبيبي وباس راسهاا
منه ضحكت وبصت علي الفيلم وكملوا يومهم عادي مابين هزار وفرح
———————————————–
تاني يوم الصبح ادم صحي لقي انهم نايمين زي ماهما من امبارح وجيسي وشهد في حضنه ماعدا منه مش موجوده فابتسم بحب وباس خد اخواته وقام براحه ونيمهم علي المخده وغطاهم وقام
في المطبخ منة كانت واقفه بتحضر الفطار وادم دخل حضنها من ضهرها واكمل بحب صباح القمر
منه بحب صباح الخير يا حبيبي نمت كويس ?
ادم بابتسامه وتنهيده جدا بجد لاني اول مره انام بالي مش مشغول بللي جاي
منه بحب ربنا يريح بالك علطول يا نورعيني
ادم باس رقبتها بحب واكمل بحب طول منتي في حياتي هيفضل كده ده انتي كنتي حلم العمر وربنا كرمني بيكي وبساره وباخواتي هعوز ايه تاني ? …. بجد انتي وش الخير عليا
منه ابتسمت بفرح واكملت والله انت قلبي وابتسمت واكملت بقولك ايه ماتغنيلي
ادم بضحك انتي كل شويه اغنيلك انتي واخده عني فكره اني وائل جسار ولا ايه
منه بضحك حبيبي احلي طبعا واكملت بتفكير طب غني لوائل جسار
ادم بضحك وانت بتعملي الاكل كده
منه بضحك اهو يا سيدي وسابت الطبق وغسلت ايديها ونشفتها في الفوطه ولفتله وهو شدها ليه اكتر وحط ايديه علي وسطها ومنه حطت ايديها حوالين رقبته واكملت بحب يلا
ادم بحب (( الدنيا بترتب صدف .. وكل قلب واحساسه .. فاجاه الطريق بينا بيقف .. والحب بيجمع ناسه
وضمها اكتر وهو مكمل الدنيا بترتب صدف .. وكل قلب واحساسه .. فاجاه الطريق بيتنا بيقف .. والحب بيجمع ناسه
واحنا اتقابلنا وجيه اواناا .. شوفتك بقلبي اللي اتمني .. ورتنيي ايااام الجنه .. وماليت بحبك اوقاااتي ..حلم حيااااااتي وشالها لف بيها وهو مكمل وصحيت ويااك علي يوم عيدي .. ونزلها وهو حاضنها واكمل الاغنيه حاضنك قلبي ولمساك ايدي .. والفرحه اهي عرفت مواعيدي ..كتر يا سنين منهاا وهااتي .. حلم حياااتي .. كان سيره في عمري اللي اتقضي .. كان صوره مابين نظره وغامضه .. وخلاص يا عيوني من اليوم ده علي حضنه هتصحي وهتبااااتي
علشان لبعض اطمنا وحلمنا وقلوبنا مأمناه …قدرنا نمشي بحبنا ونوصله لبيت احلامنا … يا كلمه طول عمري بقولها ..يا دنيا كان نفسي ادخلهاا .. دلوقتي هلمسها وهطولها وهتبتدي معااك حكاياتي حلم حياااتي وباس جبينها ))
شهد وجيسي وهما بيسقفوا اكملت شهد بضحك الله الله الله وائل جسااار مين يا رااجل ده انت عديت الليفل ده
جيسي بضحك علشان تعرفي حظك بس يا منة دكتور و مثقف وفاهم ورومانسي وبيغني وحنين وعصبي بردو وشديد كل الصفات وعكسهااا اجتمعت في شخص واحد وانتي اتجوزتيه
ادم فضل يضحك فاكملت منه بضحك يا جزمه منك ليها انتوا صحيتوا من امتي
شهد بضحك من بدري خالص من ساعه غنيلي لما ادم قام حسينا بيه وقمنا
ادم بضحك وواقفين تتفرجوا
جيسي بضحك اومال منتفرجش يعني بس لالا يا دوما ابهرتني طلعت رومانسي ميبانش عليك قدامنا ليك هيبه كده
منة بضحك ما قدامكم بس ليه هيبه ومحترم انما هو قليل الادب اصلا
ادم بضحك بقي كده طب ده حتي انا غنيتلك
منه بحب بهزر يا عيوني شيلني
شهد بضحك قدامنا كده
ادم بضحك لا ده هي عايزه تبوسني علشان كده قالت شيلني انا عارف ووطي شالها
منه بحب يخواتي علي حبيبي اللي بيفهم ياناس باست جبينه وخده واكملت نزلني خلاص
ادم بتمثيل ضيق ايه ده دول بس علي فكره انا صوتي اتنبح علشانك
منه بهمس وضحك ادم عيب اخواتك واقفين اتلم
ادم بضحك يعني انتي شايفه كده طب يا ست منه ورايح ينزلها
شهد بضحك لالا استني انا تقريبا فهمت يلا يابت يا جيسي وبتشدها
جيسي بضحك لا يا حبيبتي اطلعي انتي وانا واقفالهم دي اختي وده اخويا وكله الا الشرف
كلهم فضلوا يضحكوا فاكملت شهد من بين ضحكهاا يابت اتربي ويللااا وبتشدها هي عايزه تقف فاكملت بضحك يااابت يلا هتكرهيه في اليوم اللي قالنا فيه اقعدوا معايا عمالين نقطع عليهم من امبارح
منه خبت وشها بخجل في صدر ادم وهو فضل يضحك
جيسي بضحك هطلع علشان صعبت عليا احراجها بس وشهد شدتها ومشيوا ودخلوا اوضه الاطفال
منه بضحك يعني حلو كده
ادم بضحك طب بالله بحبك تتكسفي علشان خدودك اللي بتقلب حمرا دي
منه ابتسمت بحب واكملت بهمس طب نزلني عيب اخواتك هنا
ادم بضحك اما هما مشيوا علشان منزلكيش
منه بضحك ادم بجد اتربي ونزلني انت مش تعبان من شيلتي
ادم بضحك ليه كام كيلو انتي
منه بضحك 60
ادم بضحك علي قدك يادوبك فعلا
منه انت بتتررريق
ادم بضحك هو انا اقدر وقرب باسها بحب وبعد دقايق نزلها واكمل بحب يلا بقي علشان هنزل اروح لنوران واعملي حسابك الحفله بتاعتي انهارده اجهزي وجهزي سوسا
ساره بمرح بااابي انت رايح فين
ادم شالها وباس خدها واكمل بحب رايح المستشفي … انتي مين صحاكي
ساره جوجو
ادم بضحك اسمها جوجو ولا خالتو
ساره بحب خالتو جوجو
ادم بضحك ايوه كده شاطره وباس خدها واكمل بحب عايزك زي القمر علشان التكريم بتاع بابا انهارده
ساره سقفت بفرح واكملت هلبس حلو خالص وهتاخدني معاك وانت بتاخد الهديه صح
ادم بضحك اه صح وباس ايديها واكمل بضحك عايزك تغطي علي ماما
ساره بضحك حاضر وهمست بحب عارف انا حافظه اغنيه قولت هقولها ليك هبقي اقولها انهارده
ادم بضحك انتي تقوليلي اللي انتي عايزاه وفي اي وقت يا ست البنات ياخرابي ده انا يابختي
منة بحب سوسا روحي لعمتو شهد تغسلك وشك وتلبسك الدريس الاحمر لحد ما بابا يفطر ونجهز
ساره بمرح حاضر نزلني يابابا
ادم بحب انزلي ونزلها
منة متنزلش قبل ماتفطر ها
ادم بحب يا حبيبي عادي هاجي افطر بس علشان عايز اشوف البنت قبل مايتكتبلها علي خروج لازم اشوفها لان الموضوع كله يخصني هي ذمبها ايه يعني
منه يا ادم الفطار مش هيعطلك ده انا يعتبر خلصت حرام عليك تنزل جعان يعني ليه
ادم بحب طب يلا معلش بسرعه حضري لحد مااخد شاور والبس واجيلك وباس جبينها
منه بحب من عيوني
ودخل اوضتهم
شهد جات واكملت بستغراب فستان ايه اللي عايزه البت تلبسه هتروح فين
منة بحب ده حفله تكريم ادم فكلنا رايحين يعني
شهد بفرح ااه خلاص من عيوني هجهزها دلوقتي
منه بحب ماشي يا قلبي
سليم خالتو هو عمو ادم فين
منة بحب بياخد شاور يا سولي
سليم خلاص ماشي
جيسي خرجت واكملت بضحك وانت عايز عمك ادم في ايه
سليم قعد واكمل لا لما يطلع وربع ايديه قدامه
منه بضحك ماله ده زعلتوا ليه
شهد بضحك والله يابنتي محدش كلمه
جيسي بضحك ايه يا سولي متخاصم مع سوسا ولا ايه
سليم بضيق لا مش متخاصم بس زعلان منها
منه بستغراب ليه يا قلبي عملتلك ايه
سليم بضيق انا هقول لعمو
منة بضحك خلاص ياخويا قول لعمك جتك نيله عليك وعلي عمك
جيسي بضحك يابت بلاش تخبيط لو سمعك هتجيبي ورا زي الفار المبلول
منة بثقه يا قلبي ولا يفرقلي
ادم من جوه بصوت مسموع منمن
منة اتنفضت فضحكوا عليها فاكملت بضحك لالا اكيد مسمعنيش انا اتخصيت علشان نده عليااا مش اكتر
شهد بضحك طب روحي شوفيه ياختي وانا هكمل مكانك الاكل انا وجيسي بعدين البس ساره
منه بحب هتعبكم
جيسي بحب بس يا هبله احنا في بيتنا
منة بحب حبايبي ودخلت وقفت قدام الحمام واكملت دوما انت ناديت عليا عايز ايه
ادم اه يا حبيبي معلش هاتي الفوطه علشان نسيتها برا
منه مش تاخد حاجتك مره واحده يا ادم وراحت جابت فوطه جديده ومدت ايديها واكملت امسك اهي
ادم شدها لجوه فشهقت بخضه واكملت بضحك يخربيتك خضتني بعدين منتا لافف الفوطه علي وسطك اهو ورفعت حاجبها واكملت انت بتحور عليا يا ادم
ادم حاوطها بين ايديه علي الباب واكمل بضحك عادي دي كدبه بيضه
منة بخجل ادم اخواتك برا يا حبيبي ميصحش اللي بتعملوا ده اوعي طلعني
ادم بضحك اما انا ناديتك علشان اخواتي برا تقوليلي اطلعك
منه بضحك طب اوعي طيب بجد وبصتله بخجل واكملت ااادم
ادم فضل يضحك علي تورد خدوها واكمل بضحك بصي نتفق اتفاق
منة بضحك اممم خير
ادم شاور علي شفايفه وضحك واكمل بعدين تطلعي
منه بضحك وخجل ااادم بجد احترم نفسك وطلعني انسي الكلام ده
ادم بضحك بقي كده ? طب تمام خلاص خلينا
منه دبدبت علي الارض بغيظ واكملت بضحك عارف مش هصدقك تاني ومش هاجي لما تناديني
ادم برفعه حاجب تقدري انادي عليكي متجيش ?
منه بضحك لا طبعا يا قلبي بس خليك جدع وطلعني بقي
ادم بضحك لا انا قولت شرطي
منه بضحك طب بالله نتزحلق من الدلع بتاعك وهو ده اللي متاخر علي البت
ادم بضحك لا متخافيش انا حاسب كل الوقت ده وهروح في معادي لنوران عادي
منه بضحك طب بجد طلعني عيب طولت اوي يفهموني غلط
ادم بضحك يفهموكي غلط علشان مع جوزك بت انتي عبيطه ولا بتستعبطي ???
منه ضحكت واكملت طب ايه مفيش امل طب ?
ادم هز راسه ب لا واكمل قولتلك شرطي
منه بضحك بجد انت متربتش علشان انا عملت كده مره لما قابلتك في امريكا من نفسي خلاص بقي
ادم شدها ليه واكمل بضحك اديكي بتقولي مره
منه بضحك طب استني اجيب حاجه اعلي من الشوز دي البسها وجياالك
ادم بضحك لا يا شيخه اصل انتي هتطلعي تغيري الشوز وتجيلي بصراحه مفروض اصدقك كده??
منه فضلت تضحك فادم شالها واكمل بضحك اعتبري جبتيها
منه ابتسمت بخجل وقربت باسته بحب واكملت نزلني يلا
ادم فضل يضحك ونزلها
منه بضحك اظن كده اني اخرج بقي
ادم بضحك اه هنخرج خلاص اطلعي بس اقفلي باب الاوضه لو مفتوح علشان اخرج
منه لالا مقفول اصلا تعالي وخرجوا وراحت منة اوضه الدريسنج واكملت هجيبلك انا علي ذوقي ها
ادم بحب انتي تعملي اللي انتي عايزاه
منه بحب والله انت قلبي واختارت بدله الجاكت ازرق غامق اوي وبنطلون كلاسيك نفس اللون وقميص ابيض واكملت بحب البس دي علشان انا هلبس درجه من درجات الازرق بس الفاتحه اوي اللي هي بيبي بلو فهتبقي حلوين علي بعض
ادم باس خدها واكمل بحب عنيا ولبس البدله ووقف سرح شعره ورش برفيوم ومنة وقفت قدامه علي اطراف صوابعها وظبطت اللياقه
ادم بحب تسلميلي يا روح قلبي وباس جبينها
منة ابتسمت بحب واكملت يا قلبي معملتش حاجه يلا بقي علشان نفطر
ادم مسك ايديها باسها بحب واكمل يلا
وخرجوا
في الصالون
شهد وهي بترص الطباق اكملت جيتوا في الوقت الصح تعالوا يلا
جيسي اندهي يا شهد معلش علي العيال
شهد حاضر هروح اجيبهم
ادم قعد وجمبه منة والباب خبط
ادم استنواا اشوف مين
شهد كانت وصلت قدام الباب فبصت من العين السحريه واكلمت بفرح ده حاتم
ادم بص لجيسي ومنة واكمل ادخلوا بسرعه انتوا البسوا الاسدال
منة حاضر وقامت هي وجيسي فاكمل ادم افتحيله يا شهد بس اقفي ورا الباب
شهد بحب حاضر وفتحت الباب ودخلته وقفلت
حاتم بحب وفرح حبيبي يا ناس بنفسك كده وحضنها وباس جبينها واكمل والله العظيم واحشتني اوي اوي
شهد ابتسمت بحب واكملت وانت اكتر والله
ادم تعالي يا حاتم اقعد
حاتم الف هنا يا حبيبي تسلم
ادم يابني تعالي شهد هتاكل اهي شجعها وكل معاها
شهد بصتله بتركيز واكملت برفعه حاجب ده لو كالت من امبارح اصلا
حاتم بضحك عيب عليكي كلت ونمت وجيتلك اهو
شهد راحت قعدت واكملت طب اقسم بالله يا حاتم انت ولا كالت ولا نمت عنيك حمرا زي الدم
حاتم قعد جمبها واكمل يعني دي حاجه تخليكي تزعلي مني وتمشي وتسبيني كده
شهد كانت خايفه عليه فاكملت بحده وانفعال اه طبعا علشان انت ضغطك بيعلي اوي و بتتعب لو مكالتش وخدت الدوا ونمت كويس ايه الغباء اللي انت فيه ده
ادم بصلها بحده فاكملت بحزن لحاتم انا اسفه يا حبيبي مقصدش كده بس
حاتم بحده ومقاطعه لا ولا تقصدي انهارده بتعلي صوتك عليا وتقولي ايه الغباء اللي انت فيه ده بكره تضربينا بلجزمه يا ست شهد وكل ده ليه علشان معرفتش اكل او انام من غيرك وقام دخل البلكونه وسابها
جيسي ومنه خرجوا فاكلمت منة تعالي يا حاتم رايح فين الاكل جهز اهو
حاتم وهو داخل البلكونه اكمل الف هنا يا ام ساره
منه قعدت هي وجيسي فاكملت جيسي بستغراب هو حاتم ماله
ادم بص لشهد بحده واكمل مراته متربتش بس مش اكتر
شهد بحزن ادم انا
ادم بمقاطعه هششش انا مبحبش المبرر اللي بيتقال علي اي غلط لان الغلط مالوش تبرير
منه بحزن هي عملت ايه يا ادم
ادم بحده ينفع جوزها بيحضنها وبيقولها واحشتيني فلاحظت من عنيه انه منمش من امبارح وطلما عمل كده يبقي بردو مكالش من غيرها تقوم تسيبه واقف وتمشي ولما سالها يعني دي حاجه تزعلك علشان تسبيني كده تتعصب وتعلي صوتها وتقولوا اه ايه الغباء اللي انت فيه ده علشان بيتعب
منه هزت راسها بياس واكلمت غلطانه يا شهد غلطانه اوي كمان وانفعلتي علي حاجه عاديه بتحصل انا اول جوازي مكنتش ادوق الفطار من غير ادم واستناه يجي واحيانا يكون فطران مع اهله لما ماما بتتحايل عليه فبيضطر يفطر معاهم ويفطر معايا تاني علشان ميزعلنيش وبردو انا مريضه ضغط
شهد بحزن يا منة انا مش قصدي كده والله انا خايفه عليه حاتم ضغطه عليي مره واحده فاستنجدت بواحد من الجيران ساعدني ننقله للدكتور وكنت هموت عليه ساعتها الضغط العالي صعب اوي وهو مش بيهتم بصحته
جيسي يا حبيبتي فاهمينك والله بس ده واحد بيموت فيكي جاي مشتقالك انه هيشوفك وغصب عنه امبارح معرفش يدوق الاكل ولا النوم دي جزاته علشان بيحبك يعني
شهد بحزن يا جماعه انا مش نيتي كده متحسسونيش بلذمب بجد
ادم بحده ميحسسوكيش بلذمب ?? انتي اصلا مش شايفه انك غلطانه ?? شهد انا مبحبش المقاوحه في الغلط واحد غيره كان ضربك قلم وقالك صوتك ميعلاش انما هو احترم اني قاعد وخد قله ادبك وسكت وقام وبتصرفه وسكوته ده احرجني انا وانا قاعد لان اختي اللي متربتش كده ولا عملت اعتبار لجوزها او اني موجود
منه بتنهيده يا حبيبتي انا كنت بعمل زي حاتم ادم لما كان يعرف كان يقولي ليه يا منة كده انتي تعبانه يا حبيبتي لا كلي صحتك اهم بيقنعني بكلامه بس بطريقه حلوه انما انتي غلطي انا فاهمه انك خايفه عليه بس مش بلطريقه دي ابدا
شهد بدموع انا غلطانه فعلا اسفه يا ادم بجد
ادم بحده اعتذري لجوزك مش لادم واقسم بالله اكيد قالها بينه وبين نفسه وهيقولهالك علشان بقي ليكي اهل فبتعلي صوتك وشايفه نفسك اصل انتي لو حلفتي انك كنتي بتزعقليه كده قبل ماتعرفي اني اخوكي هقولك كدابه
شهد بدموع ليه يعني
ادم بحده هقولك ليه يا حبيبتي انتي اخر مره عليتي صوتك علي حاتم كانت امتي ??
شهد وهي بتمسح دموعها اكملت بحزن قبل مانتجوز تقريبا لما كنت حامل
ادم بحده اتفضلوا وتقولك ليه يعني واتعصب واكمل اقسم بالله يا شهد حااتم لو كان ضربك بلقلم انا مكنتش هفتح بوقي لان انا مراتي متقدرش تعلي صوتها عليا كده ولو علته هي عارفه
منه بحزن قومي راضي جوزك يا شهد
شهد بدموع حاضر انا والله انفعلت من خوفي عليه مش قصدي حاجه لان حصلت قبل كده وتعب اوي
منه عارفه يا حبيبتي فبقي عندك فوبيا من انه يتعب تاني ولو لوحده بقي
شهد بدموع بلظبط كده
جيسي والله الموضوع عادي جداا بس انتي اللي مهزقه فعلا عملتي حوار من غير حوار
ادم بحده خلصنا ادخلي واخلصي
شهد رايحه تدخل البلكونه فاكمل ادم بحده انتي يابت
شهد لفت واكملت نعم منا دااخله اهو
ادم بحده بشعرك وبلبيجامه ??
شهد بصت علي نفسها واكملت اااه والله مخدتش بالي فين الاسدال يا منة
منه بضحك ادخلي هتلاقيه الرف ااتاني في الدريسنج شكلك ناويه علي طلاقك لو حاتم كان شافك كده في البلكونه
ادم شهد عايزه تتربي وليها روقه
شهد بتمثيل اهون عليك يا دوما
ادم بضحك طب ادخلي البسي واحترمي نفسك علشان متعصب دلوقتي
شهد راحت وقفت وراه وهو قاعد و حاوطت بايديها علي صدره وباست خده واكملت حقك عليا والله مش هكررها
ادم ابتسم واكمل بحب طب روحي لجوزك يا شهد
شهد بحزن طب بالله متزعلش مني وانا رايحه اصالحه كده كده
ادم باس خدها واكمل بحب مش زعلان بس اتربي شويه واحترميه ده جوزك مش بيلعب معاكي في الشارع
شهد بضحك عنيا حاضر ودخلت الاوضه تلبس اسدال من بتوع منة
جيسي بضحك طب فعلا ليلتها كانت هتبقي سودا لو دخلت كده البلكونه وانا بردو مخدتش بالي فمكنتش هوقفها
منه بضحك ولا انا خدت بالي
ادم ساعتها هيبقي حقه يهزقها اقسم بالله و انا مقدرش اتكلم
منة بضحك اسكت ده سولي قال ايه عايزك في موضوع
ادم بضحك موضوع !! طب فينه علشان يقول الموضوع
جيسي سيباهم جوه كلهم بيلعبوا نادي عليهم علشاان الاكل بقي
ادم قام واكمل هجيبهم واجي
شهد خرجت واكملت هو ادم فين راحله ولا ايه
منة لا راح للعياال يلا انتي بس
شهد بضحك ادعولي
جيسي بضحك ربنا معاكي يا قلبي
شهد ضحكت ودخلت البلكونه لقيت حاتم واقف وباصص علي النيل بشرود فحضنته من ضهره واكملت بحب حبيبت قلب وروح شهد يا ناس
حاتم ———
شهد بحزن يعني انت شايف انك متردش عليا كده صح ?
حاتم لفلها واكمل بتنهيده معتقدش هيبقي موقف مهين اكتر من اللي انا مريت بيه قدام اخوكي
شهد بصت للارض بحزن ودموع واكملت حاتم انت عارف اني خايفه عليك لما تعبت قبل كده من قله الاكل وضغطك عليي انا كنت هموت من خوفي فاتعصبت لما لقيتك عملت كده في غيابي طب مين كان يلحقك يعني لو بعد الشر تعبت
حاتم بتنهيده سيبك من اسطوانه انك خايفه عليا دي انا عايزه عرف حاجه واحده انتي من امتي بتعلي صوتك عليا واحنا بنتكلم يا شهد ?
شهد بدموع مش زي مافهمت علي فكره انا كنت بتكلم عادي
حاتم بص للنيل واكمل اممم يعني مش علشان اخوكي قاعد ?
شهد بدموع وغلاوتك عندي ادم بهدلني وهزقني اوي وهو مش معايا خالص وبعدين ايه علشان اخوكي قاعد دي ولفت وشه ليها واكملت بحب ودموع سيبك من ان ادم كان قاعد انت عارف عن شهد انها تقدر تقلل منك قدام حد ?? ده والله الموقف جيه بتلقائيه كده لاني خوفت عليك من حبي ليك انما انت …ده انت كل اهلي يا حاتم هو انا لقيت حد يسندني ويحبني ويقومني لما اقع ويسهر جمبي لما اتعب غيرك ده انت كل الدنيا في نظري
حاتم مسح دموعها واكمل بتنهيده خلاص يا شهد علشان نفسيتك متعيطيش انتي حامل
شهد بدموع لا لما تقولي انك مش زعلان مني انا والله بحبك مش قصدي ابدا اعلي صوتي عليك انا اسفه ووالله مش هتكرر
حاتم مسح دموعها وباس جبينها واكمل بحب خلاص وحياتك عندي مش زعلان
شهد حضنته واكملت بحب انا بحبك اوي بجد يا حاتم ومبسوطه اني مهونتش عليك
حاتم ضمها اكتر وباس راسها واكمل بحب وانا بموت فيكي ومقدرش تهوني علياا ده انتي كل حاجه في حياتي يا شوش … بس اقسم بالله صوتك يعلي تاني يا شهد
شهد بماقطعه لا والله مش هعلي صوتي تاني خلاص وابتسمت بحب واكملت يلا بقي علشان تفطر معايا ولما نروح نام براحتك
حاتم والله العظيم البيت من غيرك انتي وملوكه مالوش ستين لازمه ووحش وملل فوق الوصف
شهد ابتسمت بحب واكملت ادينا هنروح معاك انهارده اهو
وخرجوا
ملك لما شافته اكملت بفرح باااابي وجريت عليه
حاتم بفرح اهلا اهلا يا اخواتي بلمزه بتاعتي قلب بابي دي وشالها وباس خدها واكمل بحب واحشتيني اوي يا ملوكتي
ملك لفت ايديها حوالين رقبته واكملت بفرح وانت اكتررر بجد واحشتيني خالص
حاتم ضحك واكمل بحب لو ماما هتبات تاني هتفضلي معاها ولاتيجي معاايا
ملك بمرح لا هاجي معاك انا قعدت معاها مره خلاص
شهد بضحك ماشي يا بتاعت حاتم انتي
حاتم باس خدها واكمل بضحك دي قلبي دي وراح قعد جمب شهد وملك علي رجله
ادم بحب ربنا يخليهالك يارب يا حبيبي وتفرح بيها وتشوف اخوها علي خير
حاتم بحب يارب يا غالي وبص لشهد واكمل خدي ادويتك اللي قبل الاكل
شهد ااه كويس فكرتني وقامت تجيبه الدوا من شنطتها
ساره وهي علي رجل ادم اكملت بابي هات المايه عايزه اشرب
ادم باس خدها وااكمل امسكي يا قلبي اهي
سليم عمو انا عايز اسالك علي حاجه
ادم بضحك قول يا قلب عمو خير
جيسي بضحك اه من الصبح عايز عمو قرفني
سليم هو ينفع خالتو منة تلبس فستان الحته دي كلها باينه وشاور علي ضهره
ادم بضحك لا طبعا انت عمرك شوفت خالتو منة بتعمل كده
سليم لا
ادم بضحك طب اهو فين السؤال بقي
سليم اشمعنا ساره هتلبس انهارده فستان باين منه الحته دي خالص
كلهم فضلوا يضحكوا فاكمل ادم بضحك انت بقي عامل كل الحوار ده علشان فستان ساره
منه بضحك يخرب عقلك يا سليم بجد
حاتم بضحك بيغير الراجل مالوش نفس
ادم بس هو فعلا فستان ساره عريان يا منة
منه حبيبي ده نص الضهر بس
ادم برفعه حاجب يعني ايه نص الضهر بس مش فاهم
منه ادم مالك دي طفله صغيره
سليم بس لما تكبر هتكون بينت ضهرها يا خالتو
منة بضحك ايوه بس كانت صغيره
سليم بس هي بردو ساره
ادم انتي سامعه العيل بيقول ايه ?
منه بضحك لاااا انت شكلك بتنمر علي خناقه وانا صحتي علي قدي بنتك اهي يا حبيبي ومنك ليها
حاتم يا منة هو عنده حق هي اه طفله بس علي حسب ماتعوديها قبل كده شهد جابت لملك فستان عريان شويه ملك لما لبسته قالت عيب لا عيب مش هلبسه علشان هي متعوده ان جسمها بتخبيه انما لو سبتها براحتها هاجي لما تكبر اقولها لا عيب طب فين الاساس من الاول
ادم بحده سمعها انت يابني علشان يمكن انا مجنون
جيسي بضحك مبسوط انت كده يا حقنه
ادم بحده هو مغلطش يا جيسي ده متربي وبيفهم شاف بنت عمه عندها لبس عريان جيه يقولي علشان متلبسوش انما العيب من الام اللي تقولك صغيره
منه لا خرجني انا من الموضوع ده وقولها متلبسيهوش متدخلنيش يا حبيبي انا ماليش دعوه
شهد وهي بتقعد خلاص يخربيتكم ايه النكد ده
ادم بحده اصل بتعصبني وتقولي انا ماليش دعوه اومال مين اللي ليه انتي كنتي زمان مش لاقيه اللي يقولك عيب كملتي في طريقتك ولا مكملتيش
منه بتنهيده كملت واديني دلوقتي بقولك تربيه بنتك انت اتصرف فيها يا ادم مغلطش
ادم تمام يا منة تمام
ساره بحزن بابي هو انا مش هلبس الفستان الاحمر
شهد لا يا سوسا بابا مش راضي
ساره بحزن ليه
ادم بحب بصي يا قلبي انتي شايفه خالتو جيسي او ماما او عمتو شهد مبينين اي حته من جسمهم
ساره هزت راسها ب لا
ادم بحب هو ربنا مديكي جسمك ده علشان تحافظي عليه وهيزعل منك اوي لو اي حد شافه وانتي لما تلبسي كده كل الناس هتشوفك وربنا هيزعل يرضيكي ربنا يزعل منك
ساره هزت راسها ب لا كتير واكملت لالا خلاص مش هلبسه بس انا مكنتش اعرف ان ربنا هيزعل
ادم باس راسها واكمل بحب اديني عرفتك اهو
حاتم تكريمك انهارده ولا ايه
ادم اه خليك معاهم هروح لنوران المستشفي وجاي نروح سوا كلنا
حاتم بحب ماشي يا حبيبي مليون مبروك
ادم بحب تسلم يا غالي وباس خد ساره واكمل بحب هجبلك دريس حلو وانا جاي ونفس لون ماما
ساره سقفت بفرح واكملت ماشي
سليم مش هتلبس الاحمر صح يا عمو
ادم بضحك صح يا قلب عمو جدع يا سليم بتحافظ علي بنت عمك وقام وحط ساره علي رجل منة وباس جبينهم هما الاتنين واكمل يلا هنزل انا
منة بحزن ادم متزعلش مني والله انا مش في نيتي حاجه
ادم ابتسم واكمل خلاص يا حبيبتي محصلش حاجه اديني لفت نظرك لبعدين
منة بحب ماشي خلي بالك من نفسك ومتتاخرش
ادم بحب عيوني ونزل
———————————————-
في بيت عمر
سهير بحب يابنتي سيبي انا هكمل والله
تاليا بحب والله ابداا انتي بتتعبي اويي معاايا كل يوم مفيهاش حاجه هكمل انا الفطار انهارده
سهير يا حبيبتي اقعدي انتي انا والله كويسه مش تعبانه هكمل عادي
تاليا بحب ياست الكل انا حلفت خلاص روحي اقعدي انتي بس
سهير بتنهيده يالهوي عليكي يا تاليا عنيده
تاليا بضحك اوي يلا روحي بقي
سهير باست جبينها واكملت بحب عوزتي تعملي حاجه ومش قادره ناديلي
تاليا بحب عنيا حاضر
وخرجت وتاليا ابتدت تكمل الاكل
تاليا هو راح فين الملح وبتبص حواليها ملقيتش فجابت كرسي ووقفت فوقه وبتشب علشان تجيب الملح كانت هتقع مسكها عمر بسرعه واكمل بحده الله يخربيتك بتعملي ايييه
تاليا اتنفضت واكملت بخوف في ايه يا عمر انا والله كنت ..كنت بجيب الملح عادي حصل ايه
عمر شالها من علي الكرسي ونزلها واكمل بحده يا تاليا كنتي هتقعي 100 مره قايلك اي حاجه عايزاها ناديني انا ليه بتعملي كده انتي عايزه تحرقي قلبي عليكي وعلي اللي في بطنك
تاليا بحزن حبيبي انا اسفه بس مجاش في بالي والله اكيد مش هحب اني اذيهم يعني انت عارف
عمر بتنهيده انا مقولتش تاذيهم يا تاليا اكيد مش هتعملي كده بس تصرف بسيط منك كانت هيدفعنا التمن كبير الله واعلم لو مكونتش جيت ولحقتك كنتي وقعتي وكان حصلهم ايه
تاليا بحزن انا اسفه يا عمر
عمر باس جبينها واكمل بحب حقك عليا اني اتعصبت عليكي بس والله العظيم ده من خوفي عليكي
تاليا بحب عارفه طبعا يا حبيبي
عمر بحب طب روحي انتي وانا هكمل ابوس ايدك
تاليا بضحك يا عمر في ايه والله خلاص مش هطلع علي حاجه تاني
عمر عارف بس انا عايز اريحك
تاليا بحب خلاص خليك واقف معايا
عمر حضنها من ضهرها واكمل بحب اذا كان كده فا من عيوني
تاليا بضحك لا خلاص اطلع بقي
عمر بضحك طب والله اخص عليكي. كده يا توتي
تاليا بحب بهزر طبعا يا قلبي …بقولك
عمر قولي يا حبيبتي
تاليا انا حضرتلك البدله اللي هتلبسها في حفله ادم نفطر والبسها وشوف هتعمل ايه في الشركه بعدين تعالي خدني نروح الحفله
عمر طب البدله اللي هروح بيها التكريم هروح بيها الشركه يا تاليا اكيد كل مكان ليه لبسه
تاليا يا حبيبي عادي مش مهم ماهي بدله هي حاجه وحشه فيها ايه يعني روح بيها الشركه مش مهم … ولو عايز تسيب جاكتك هنا وتبقي البسه واحنا رايحين التكريم تمام
عمر باس خدها واكمل بحب خلاص ماشي ياروحي
تاليا بعد شويه بصت للساعه واكملت طب روح اجهز انت لحد ما ارص الاكل خلاص
عمر خليني اساعدك
تاليا يا حبيبي ده رص اكل مش هعمل حاجه تاني يلا بس
عمر بحب ماشي رايح البس وخرج وتاليا فضلت ترص الاكل علي السفره وعمر طلع قعد وهي قعدت جمبه
تاليا اجهز لما نفطر ولا استني شويه
عمر لا استني شويه علشان لسه هعمل حاجات في الشركه لما اديكي رنه ابقي اجهزي
تاليا خلاص ماشي يا حبيبي
سهير ده تكريم ادم صح
عمر بحب اه يا حبيبتي
سهير بحب ربنا يعليه اكتر واكتر يستاهل طيب وجدع
عمر بحب والله اه يا ماما وتعب كتير اوي في حياته
سهير بحب ربنا بيعوض يا حبيبي وهو تعب ويستاهل
تاليا ابتسمت بحب واكملت ده حقيقي اوي بجد انا اكتر واحده حصل معاها ده
عمر بحب هو من ناحيه انه حصل معاكي فاهو حصل جداا تعبتي اوي وربنا فرحك بدل واحد اتنين
سهير بحب كنت هفضل عمري كله ندمانه لو كان عمر بعد الشر طلقك او خططي اني اخلي نسرين بدالك نجحت انا لحد انهارده بشوف معاملتك معايا بتكسف من نفسي يا تاليا
تاليا بحب اللي فات مات يا ماما متقوليش كده ووالله انا فهماكي عمر ابنك الوحيد اكيد كنتي عايزه تشوفيله عياال وده خلاكي تتصرفي بلشكل ده انا والله مش زعلانه منك ومسامحه فعلا من جوه قلبي وبعدين انتي دلوقتي بتعملي وعملتي معاايا كتير اوي يخليني انسي اي وحش حصل
سهير بحب ربنا يخليكي ليا يارب يا حبيبتي وميحرمنيش منك ابداا وتقومي بالف خير وتفرحينا بحبايب تيته يارب
تاليا ابتسمت بحب واكملت اللهم امين يارب يا غاليه
بعد شويه عمر باس ايديها واكمل تسلم ايديكي يا حبيبي انا هقوم انا بقي وقام
تاليا بحب ربنا معاك يا حبيبي
عمر غسل ايديه وطلع اكمل يلا هنزل انا عايزه حاجه
تاليا بحب سلامتك يا قلبي
ونزل
سهير بحب الا انتي لما روحتي للدكتوره امبارح وانتوا راجعين من عند ادم قالتلك ايه طمنيني
تاليا بحب الحمدلله حالتهم حلوه جداا وانا ماشيه علي الادويه حلو اوي
سهير بحب الحمدلله يا حبيبتي .. بقولك اوعي تخلي عمر يقربلك احنا ماصدقنا يا بنتي
تاليا بضحك عيب عليكي يا ماما انتي لسه متعرفيش تاليا
سهير بضحك لا عارفاكي ياختي وعارفه ان عمر عندك في كفه والدنيا كلها في كفه تاني انا بنبهك بس علشان مياكلش بعقلك حلاوه
تاليا بحب والله انا بموت فيه وهو زيي بس فعلياا هو نفسه ميقدرش يقولي كده لانه فاهم كويس خصوصا في حالتي لان انا اصلا حملي بيتلكك
سهير بس بس بعد الشر ولا بيتلكك ولا حاجه هيكمل و هتقومي وهتبقي زي الفل باذن الله وضحكت واكملت حتي لو هو قالك كده اتقلي شويه هاا
تاليا بضحك عنيا
سهير بضحك يابت بتكلم جد مش بهزر
تاليا بابتسامه حاضر والله وضحكت واكملت لما يجي عمر هقوله شوف امك بتوصيني اعمل ايه
سهير بضحك عليكي وعلي عمر انا لو حسيت انه هيقل ادبه انا من نفسي مش هسمحله مش هستني تقوليله ناقصه دلع ياختي العيال تيجي وبراحتكم
تاليا فضلت تضحك واكملت عنيا والله يا ماما متخافيش
سهير بحب تسلم عنيكي يا قلب ماما وربنا يديكي الصحه والقدره انك تكملي يا حبيبتي ويفرح قلبك بيهم ويجوا بالف خير
تاليا بحب اللهم امين يارب
———————————————
في المستشفي
ادم ها البنت فاقت
اسلام اه بس الممرضات عندها جوه استني لما يخرجوا
ادم تمام حصل ايه امبارح بقي
اسلام بضحك هقولك
فلااااااش باااااااك
اسلام يلا انت وهو كسروا الباب ده
الرجاله بلفعل بدات في تكسير الباب
نوران من جوه بخوف اكملت انتوا مين وعايزين ايه
اسلام بحده ابعدي من ورا الباب بسرعه علشان هيتكسر
نوران رجعت لورا وهي جسمها بيتنفض من الخوف وفاجاه الباب اتكسر
احد الرجال هي دي يا اسلام بيه
اسلام تقدم منها واكمل انتي نوران
نوران بخوف وعياط لالا انا مش نوران عايز ايه منها يا بيه وانت مين انا اول مره اشوفك
اسلام بابتسامه اممم تبقي انتي نوران هاتوها
نوران مسكت سكينه واكلمت بعصبيه وعياط اقسم بالله انا اللي هيهوب ناحيتي هموته انتوا فاهمين
اسلام بتنهيده ممكن تهدي انا مش هاذيكي
نوران بخوف وعياط وانا ايه اللي يخليني اصدق واحد زيك كلب من كلاب كمال اروح معاه اي حته ?? ليه مجنونه انا
اسلام بتنهيده يابنتي احترمي نفسك انا بكلمك باحترام وبعدين انا مش من رجاله كمال انا
نوران بعصبيه وعياط من رجالته او من رجاله غيره ميخصنيش انت هتسبني اعدي دلوقتي حالا انت فاااهم انا لازم اخرج من هنا فورررا
اسلام بتنهيده اه وهتروحي فين
نوران بعصبيه وانت مااالك
اسلام للرجاله خدروها ويلا انا مش ناقص وش
نوران وهي بترجع لورا اكملت بخوف وعياط ارجع مكانك يا حيوان منك لييه بقولك ارجع وحطت السكينه علي ايديها واكلمت والله اموت نفسي
اسلام بخوف استني انت وهو واتقدم ناحيتها فاكلمت نوران بحده مكاااانك
اسلام بحده يابنتي والله مش هناذيكي ماالك في ايه انتي مجنونه ??معقوله عايزه تموتي نفسك علشان مناخدكيش وانا حلفتلك مش هناذيكي
نوران بخوف وهي بترتجف اكملت ايه يضمنلي انكم مش هتاذوني
اسلام بتنهيده لان انا من رجاله ادم الشافعي وهو اطيب من انه ياذي حد الا اذا لو حد داس علي طرف ليه ومعني انك محبوسه في مخزن اكبر اعدائه تبقي ضحيه ومعانا وطلما معانا تبقي مش من اعداء ادم بيه فا والله مش هناذيكي
نوران بفرح انت ..انت تبع ادم الشافعي بجد
اسلام اقسملك بالله انا تبعه
نوران بخوف ايه يضمنلي انك مش كداب لان كمال عايز ياذيني
اسلام بتنهيده كمال اتحبس يا نوران ومسك فونه فتحه وجاب صوره ليه مع ادم واكمل اتفضلي اكيد مش من رجاله كمال ودكتور ادم هيقف يتصور معايا
نوران بفرح وعياط انت بتتكلم جد يعني انا هخرج دلوقتي وكمان كمال غار في داهيه خلاص وادم عايزني
اسلام اه والله ممكن يلا بقي
نوران بدوخه وتعب يلا وكانت هتقع مسكها اسلام واكمل بخوف انتي يابت ماالك
احد الرجال ننقلها للمستشفي احسن حل انت مش شايف لبسها ووشها متبهدلين ازاي اكيد صحتها ادهورت هنا
اسلام شالها واكمل بقلق طب يلا يلا بسرعه افتحوا العربيه
وفعلا نقلوها للمستشفي
باااااااااك
ادم بضحك يانهار ابيض كل ده ?? وابتسم واكمل معلش تعبتك يا اسلام بس حقها هي اللي شافته مش قليل ابداا
اسلام لا ولا يهمك يا بيه ده شغلي يلا هستني انا علشان اوصلها لما حضرتك تطلع زي ماقولتلي
ادم خلاص ماشي
ودقايق والممرضات خرجوا وادم دخل
نوران اول ماشافته اكملت بفرح ادم صح
ادم بابتسامه شد كرسي وقعد قدامها واكمل اه ادم حمدلله علي سلامتك يا قمر
نوران بفرح الحمدلله ان الشاب ده طلع صح وانه تبعك متعرفش انا مريت بايه علشان اقابل حضرتك بجد
ادم بابتسامه عارف وكتر الف خيرك انك استحملتي كل ده من كمال لاجل انك تعرفيني مين اخواتي
نوران بدموع فرح انت عرفت
ادم بابتسامه اه الحمدلله عرفت واهدي وامسحي دموعك
نوران مسحت دموعها واكملت بفرح انا مش قادره اتخيل ان خلاص انت عرفت ده هم وانزاح من علي قلبي ارجوك يا بيه سامح امي في تربتها هي راحت للي خلقها بس ماتت بذمبك انت واخواتك
ادم تنهد بوجع واكمل عايزاني اسامحها ??
نوران بدموع اه يا بيه ارجوك
ادم ابتسم واكمل ده انا عايز اشكرها
نوران بستغراب تشكرها ازاي يعني
ادم بابتسامه لولا امك كانوا اخواتي ماتوا من زمان هي وقفت قصاد كمال ومرضيتش تموتهم وده بنسبالي اكبر من اي غلط حصل منها لان سواء هي او غيرها محدش هيقدر يقف قصاد كمال وهينفذ رغبته ومش هقدر الوم اي حد يساعده لانه راجل خطير وبيجبرهم بسلطته ونفوذه وهي علمت كل اللي تقدر عليه علشاان تحافظ علي اخواتي وكمان بعتتك ليا علشان ضميرها يرتاح وتعرفني بس هو خطفك بردو علشان يمنعك تعرفيني بس النهايه ان اخواتي عايشين وعرفت هما مين فخليها ترتاح يانوران انا مسامحها
نوران بعياط وفرح بجد ربنا يباركلك يا ادم بيه والله فرحتني ربنا يخليك لاهلك وحبايبك يارب وميوركش فراق تاني في عزيز عليك
ادم بابتسامه اللهم امين يارب واهدي كفياكي عياط خلاص بقي امك وسامحتها وكمال كابوس وخلصنا منه وريحتك منه خالص .. الا انا كنت عايز اسالك سؤال
نوران اتفضل يا بيه
ادم اسمي ادم علطول بلاش بيه دي وتنهد واكمل انتي ازاي 3 شهور اهلك ملاحظوش اختفائك
نوران بحزن انا ماليش حد غير امي وابويا والاتنين تعيش انت هي امي بس اللي بقالها 3 شهور وشويه متوفيه انما ابويا بقاله سنين ومجرد ما ماتت انا ابتديت ادور عليك بس هو عرف وخطفني
ادم بابتسامه طب بصي انا جبتلك بيت في المهندسين وهوظفك في شركتي اللي قربيه من المهندسين وكده اكون سديت جزء صغير من دين والدتك اللي عليا لما حافظت علي اخواتي ومخلتش كمال قتلهم وبردو لو عوزتي اي حاجه عنيا ليكي انتي اتبهدلتي اوي علشان تعرفيني
نوران بدموع فرح بس بس ده كتير اوي يا ادم بيه كتر الف خيرك انا مش عايز كل ده
ادم بابتسامه قولنا اسمي ادم بس وانتي زي اخواتي البنات وانا مرضاش بللي حصلك بسببي ومش كتير ولا حاجه دي والله حاجه بسيطه وعنيا ليكي لاي حاجه تعوزيها ودلوقتي هبعتك مع اسلام شقتك والشركه لما تقفي علي رجلك وتخفي تعالي وملكيش دعوه انا هوظفك وبردو سيبتلك فلوس تكفيكي في بيتك
نوران بدموع فرح ربنا يباركلك يارب ويزيدك
ادم بابتسامه اللهم امين يارب يلا هقوم انا بقي وانتي قومي البسي واسلام هيوصلك بيتك وعلي فكره في هدوم كتير هناك خليتهم جابوها هناك اتمني تعجبك
نوران بابتسامه اكيد هتعجبني تسلم بجد تعبتك
ادم بابتسامه ولا تعب ولا حاجه يلا السلام عليكم
نوران بابتسامه وعليكم السلام
وطلع
ادم اسلام وصلها بيتها لما تخرج ها واي جديد بلغني
اسلام تمام يا فندم
ونزل ادم ركب عربيته ومشي
———————————————–
في بيت ادم
كلهم كانوا بيجهزوا ورايحين جايين فكل البيت
جيسي بت يا منمن الطرحه دي حلوه
منة ااه تحفههه بجد عليكي
شهد منه الشوز دي احلي ولا دي
منه لا السودا اجمل
شهد بضحك منا قولت كده بردو
منه بضحك طب بتسألي ليه يابارده طلما انتي مكرره
شهد بضحك بلم تصويتات
منه ضحكت واكملت طب بصوا ايه رايكم انا البس الطرحه البيضه ولا البيبي بلو
شهد البيبي بلو طبعا
جيسي اه والبسي بندانه بيضه هتبقي جمدان
منة بضحك خلاص تمام وابتدت تلبسها
جيسي الدريس ده جديد صح
منة بحب اه جبته بس ملبستوش خالص
شهد بضحك ايوه ياست عايزه تجنني دوما
منة بضحك انا طول عمري مجنناه يا حبيبتي مش حاجه جديده
جيسي بضحك هو انتي هتقولي فيها
شهد بضحك وغمز ماتجيبي البت سوسا انهارده عندي يابت يا منة
منة بضحك اتلمي يابت مقدرش استغني عنها ولا ادم يقدر يستغني عنها ده لما نزلت عند رامز تحت هو من نفسه صحي نزل جابها قالك لا مش قادر واحشتني واسمها نفس البيت
جيسي بضحك يمكن تنام يا شهد وتبقي وفرت من نفسها
منة بضحك طب هتتلموا ولا اقول لادم عليكم
شهد بضحك ماتقوليله ده احنا قلبنا عليه الله
منة بضحك قلبكم عليه اه والله انتوا زيكم زيه متربتوش
جيسي بضحك مش مهم عادي اعتبري كده بس فكي شويه يا حبيبتي ايه الراجل كانت نفسيته تعبانه
منه فضلت تضحك واكملت يابت ماهي لسه تعبانه
شهد بضحك يا شيخه فال الله ولا فالك ما بقي زي الفل اهو ربنا يفرح قلبه ويحميه
منه بحب اللهم امين يارب
جيسي بضحك هو طول مانتي مراته يا بومه هيفرح قلبه ازاي يعني
منه بضحك سامعه يا شهد اختك بتقول ايه
شهد بضحك دي حيوانه دي سيبك منها مانتي سكر اهو اقعدي يلا اعملك ميكاب تحفه لسه متعلماه جديد
جيسي اتعلمتي منين يابت يا شهد
شهد وهي بتقعد منه وبتبدا اكلمت والله يا جيسي انا بحب اوي اني احط لحد ميكاب هوايه بنسبالي فكونت بجيب من اليوتيوب وبقلدها وبتطلع صح وكنت بجرب في ملوكه وضحكت واكلمت وحاتم يشوفها يبهدلني
منه بضحك مينفعش صح تحطي لملك
جيسي بضحك امهات اخر زمان ايه الفساد ده
ساره دخلت واكملت بضيق بابي لسه مجاش وملك ومروان وسليم لبسوا وانا لسه
منة خرجيني انا من موضوع ابوكي ده يا ساره لما يجي هتلبسي مش هتطير الدنيا كده كده مش هنتحرك من غيره
ساره بضيق اووف
منه بحده لا انتي متنفخيش وانتي بتكلميني انتي عبيطه ولا ايه
جيسي خلاص يا منة اهدي دي عيله
منه بحده اصل هتعصبني ليه انا مالي انا هو انا اللي قولتله اتاخر
ساره عيطت فاكملت منه بصوت مرتفع حاااتم وبصت لساره واكملت اقعدي مع خالك بررا يلا
حاتم من برا ايوه يا منة
منة تعالي ادخل مغطين شعرنا
حاتم دخل واكمل ايه في ايه وساره بتعيط ليه
منة بضحك اه انا ناديتك علشان كده شيلها بقي وطبطب وحايل لحد ما ادم يجي وكلمهولها شوفه فينه علشان بتعيط عايزه تلبس وهو اللي هجيب فستانها
حاتم شالها واكمل بضحك كل العياط ده يا سوسا علشان الفستان .. ياعمري احنا مش هنتحرك من غير ادم اصلا متخافيش يجي والبسي براحتك
ساره بدموع كلهم لبسوا وانا لسه
حاتم لالا متعيطيش ومسح دموعها وباس خدها واكمل يلا نكلم بابي نشوفه فين علشان تلبسي زيهم
ساره بفرح يلا
وطلعوا
منة ياختاي ده هم ومرار والله
جيسي بضحك يا منة عيله هتاخدي علي عيله
شهد بضحك يابت ماهي كانت هتلبسها بس علشان قدامك لما اختارت تلبسها فستان معين ادم معجبوش فخرجت نفسها من الحوار بقي والبركه في ابنك
منة بلظبط كده الله ينور عليكي
جيسي بضحك ابني ده سوسه و انتي قولتيله بنتك وربيها انت متدخليش بقي
منه ولا ليا دعوه علشان ميجيش يهزقني انا بعد كده
شهد بضحك ايوه جدعه
وفون جيسي رن فدخلت البلكونه وردت
جيسي ايه يا حبيبي
مالك ها خلصتي وسليم خلص
جيسي اه خلاص كلنا يعتبر مفيش غير ساره بس مستنيه ادم يجبلها الدريس بتاعها
مالك تمام وابتسم بحب واكمل انا يعتبر قربت اوصل اقسم بالله متعرفيش فرحان قد ايه اني هشوفك
جيسي بضحك محسسني انك مشوفتنيش بقالك قرن
مالك بضحك طب بتقولي فيها انا وغلاوتك انتي وسولي منمتش ولا عرفت ادوق النوم
جيسي بضحك حتي انت
مالك بضحك ليه هو حاتم منمش بردو
جيسي بضحك اه معرفش ينام للدرجه دي بتحبونا يا جدع
مالك بحب والله انا بعشقك مش بحبك بس وواحشتيني اوي كانك غايبه قرن لان انا فعلا مقعدتش من غيرك يوم كامل نهائي من بعد جوارنا دي اول مره
جيسي بحب والله وانت واحشتني اكتر
مالك بضحك برغم عدم النوم ده والمرمطه الا ان نبره صوتك وفرحتك امبارح بان ادم اخوكي بلدنيا عندي
جيسي بحب والله انت حبيبي ربنا ميحرمنيش منك ابدا يارب يا لوكا
مالك بحب ولا منك يا ام سولي يلا انا اهو خلاص يعتبر قربت اوي هقفل معاكي وجاي
جيسي بحب ماشي يا حبيبي خلي بالك من نفسك باي
مالك بحب حاضر يا حبيبتي باي
وطلعت لقيت شهد خلصت منة فاكلمت بانبهار يخربيتك ايه الجمال ده
منه بضحك ده شوش اللي يتقاالها كده والله
شهد بحب ياعمري انتي قمر من غير حاجه اصلا بعدين ده انتي اللي حليتي الميكاب
منه بحب والله انتي قلبي
جيسي بضحك مطلعاها قمر كده عادي ولا علشان بتظبطي اخوكي
شهد بضحك الاتنين والله بس هي اصلا قمر
منه بضحك لا وصريحه
شهد بضحك طبعا اومال انتي فاكره ايه مش لازم نروق عليكي علشان دوما
ولقيوا الباب بيخبط وادم دخل واكمل يلا خلصتوا ولا وسكت بانبهار لما شاف منة واكمل بحب واعجاب ايه ده هو القمر بيطلع بلنهار ولا ايه
شهد بضحك علشان تعرف بس اني بحبك انا اللي عملتلها كده
ادم بحب الله ينور بجد تسلم ايدك بس كده كده منة متتعبكيش لانها قمر من غيرر اي حاجه
شهد بضحك ده حقيقي فعلا هي اللي قمر
منة ابتسمت بفرح فاكملت جيسي بضحك يا سيدي يا سيدي انا بقول نطلع احنا بقي
شهد بضحك اه انا رايي كده بردو
وطلعوا وقفلوا الباب
منه بحب حلوه بجد ?
ادم قربها عليه واكمل بنظره مليانه حب بسم الله مشاء الله القمر ميجيش حاجه قدامك يا ست البنات ايه الجمال ده
منة ابتسمت بحب واكملت والله دي عيونك يا قلب ست البنات
ادم حضنها وباس راسها واكمل بحب بقولك ايه
منه بحب اممم
ادم بضحك ايه رايك نخلينا هنا وفكك من موضوع التكريم ده دلوقتي
منه بضحك اااه هنبتدي دلع بقي اوعي يا حبيبي واتلم الناس برا
ادم بضحك طب هو حد شايف حاجه اعملهم ايه برا يعني
منة بضحك ادم يللا واحترم نفسك واتربي وبنتك لسه ملبستش عايزه البسها
ادم لا اديتها الدريس عجبها اوي جبتهولها بيبي بلو زي ماقولتيلي انك هتلبسي كده وقولتلها تنزل لسالي تلبسها وتلاقيها خلصت خلاص
منه حطت ايديها حوالين رقبته واكملت بحب عارف ده معناه ايه
ادم شدها ليه واكمل بحب معناه ايه
منه بضحك اننا ننزل حالا علشان منتاخرش كلنا جهزنا خلاص
ادم بضحك طب بالله انتي فصيله يابت يلا ياختي يلا
منه بضحك يلا واكلمت صح يا ادم انا لقيت الورقه دي في جراب فونك من يومين بس نسيت اسالك رقم مين ده وفتحت الدرج ادتهاله
ادم شافها واكمل اااه كويس فكرتيني ده رقم مريضه عندي
جيسي من برا منة تعالي اعملي لساره شعرها زي مابتعمليه علشان احنا مش فاهمين هي عايزه ايه
منه طب هروح انا لساره شوف هتعمل ايه ويلا
ادم باس خدها واكمل بحب ماشي يا قلبي
ومنه طلعت
منه ايه يا جيسي مالها ساره
ساره مامي اعمليلي التسريحه اللي علطول بتعملهالي
منه ااه طب تعاالي وقعدتها قدامها
———————————————–
في الاوضه عند ادم
ادم الو
الست الو مين
ادم بابتسامه ادم الشافعي يا امي
الست بفرح ادم ازيك يا حبيبي اهلا وسهلا عامل ايه طمني عنك واكملت بقلق وعن المدام
ادم بحب الحمدلله حبيت اطمنك هي قامت بالف خير بس انا اللي اتلاهيت خالص ونسيت اكلمك حقك عليا
الست بفرح الف حمد وشكر ليك يارب والله يابني دعيتلكم في مكه من كل قلبي ربنا يلم شملك انت وعيلتك ومراتك طول العمر ويشفيهالك ويسعدكم لان انت كنت متغرب فتره كبيره اوي
ادم بحب واستجاب يا غاليه خليكي فكرانا علطول بقي
الست بفرح من عيني يا حبيبي انت عارف غلاوتك عندي ازاي والله
ادم بحب عارف يا ست الكل. ووالله انتي زي امي واكترر وبجد تسلميلي اوي
الست بفرح يا حبيبي ده انت اللي فرحتني والله متقولش كده
ادم بحب ربنا يخليكي لينا يارب يا امي واي وقت تعوزي حاجه ده رقمي سجليه عندك
الست بفرح ماشي يا حبيبي ومبروك علي التكريم انا والله قاعده من الصبح جايبه القناه مستنياك
ادم ضحك واكمل بحب الله يبارك فيكي يا ست الكل كله من دعواتك
الست بحب ده علشان انت ناجح وتستاهل يا حبيبي مش دعواتي بس
ادم بحب تسلمي يا غاليه بجد .. يلا انا هققل معاكي عايزه حاجه
الست بحب سلامتك يا ابني
ادم بحب سلام واي وقت تعوزيني عنيا ليكي
الست ماشي يا حبيبي تسلم سلام
وقفلوا
وادم قام يجهز نفسه علشان ينزلوا
———————————————–
برا الباب خبط
جيسي جريت فتحت واكملت بحب وفرح حبيبي يا ناااس واحشتني وحضنته
مالك ضمها اكتر واكمل بحب ايه الحلاوه دي كلها
جيسي بضحك اخص عليك هو انا مش حلوه علطول
مالك باس ايديها وجبينها واكمل بحب طول عمرك قمر ايه الجديد يعني وحضنها واكمل واحشتيني. اوي اوي بجد
جيسي بحب وانت اكتر والله
حاتم بضحك يا جدع ده كان يوم ميتنسيش عليا انا وانت والله
مالك بضحك انت بتقول فيها اقسم بالله اه بس طلما هما فرحوا خلاص
حاتم بحب دي بلدنيا صح
سليم بابا اربطلي الكوتش
مالك بضحك هي دي واحشتني يا بابا
سليم ده هو يوم عادي يعني
كلهم فضلوا يضحكوا فاكمل مالك بضحك وهو بيربطله الكوتش انا كده كده عارف اني معرفتش اربي …اهو ياعم سليم
سليم بابتسامه شكرا
منه بحب اقعد يا مالك لحد ما ادم يطلع وننزل كلنا
مالك بحب تمام وراح قعد واكمل بحب ايه القمر ده يا سوسا
ساره ابتسمت بفرح واكملت شكرا يا عمو
مالك بحب والله اانتي قلب عمو تعالي وفتح ايديه
ساره جريت عليه فشالها واكمل بحب ياخواتي علي البنت الجميله دي يا ناااس وباااس خدها كتير وهي بتضحك
سليم بضيق بابا متبوسهاش
كلهم فضلوا يضحكوا فاكمل مالك بضحك دي بنت اخويا يا ابن الكلب .. انت مالك
سليم لا مينفعش انت قولتلي ان انت بتبوس خد ماما بس علشان حرام اي حد تاني يعني ساره حرام
كلهم فضلوا يضحكوا بشده فاكمل مالك بضحك ماشي انا اقصد الكبار انما ساره صغيره عادي دي بنت اخويا يعني زي بنتي يا ابو لسانين
سليم بضيق لا مبتوسهاش نزلها
منه بضحك يا سولي سيبها دي مع عمها انت حقك تزعل لو حد غريب
حاتم بضحك ماقولنا الواد بيغير يا جماعه مش كل شويه تعصبوه بقي
شهد بضحك ده عيال ايه دي بجد
سليم ساره انزلي نلعب مع بعض
ساره بمرح حاضر
مالك بتمثيل حزن هتنزلي وتسيبي عمو مالك يا ساره
ساره باست خد مالك واكملت بحب لا يا عمو خلاص مش هسيبك وبصت لسليم واكملت شويه صغيرين خالص ونلعب
سليم بضيق لا دلوقتي
مالك بتمثيل عياط خلاص يا سوسا روحي العبي معاه
ساره بحزن لالا يا عمو انا مش هسيبك والله وباست خده ولفت ايديها علي رقبته وحضنته
مالك بضحك والله انتي نورعين وقلب عموو
منه بضحك ايوه كله الا انت غلاوه خاصه عند ست ساره
شهد بحب حقها ده هو كان ابوها طول الاربع سنين اكتر واحد كان يفضل معاها طول اليوم انما حاتم وعمر كانوا بيشوفوها يوميا ويمشوا غير مالك بردو بيبقي قاعد معاها
منه بحب وهي فعلا بتموت فيه
مالك حضنها اكتر واكمل وهو بيبوس خدها وانا والله بموت فيها اكتر بكتير انا بعتبرها بنتي وهي وسليم عندي زي بعض بلظبط نفس الحب والغلاوه
جيسي بضحك لا يا مالك لو سمحت دي مرات ابني مينفعش تكون بنتك زي سليم علشان كده يبقوا اخوات عيب في حق ابني
مالك بضحك لا نفس الغلاوه والحب وبعتبرها زي بنتي انما صح احنا هناخدها كده كده مينفعش الجمال ده كله يطلع برا وابن عمتها موجود يعني
ادم خرج واكمل قصدك ابن عمها
مالك بابتسامه انا وجيسي واحد يا حبيبي وبعدين دي الحقيقه
ادم بتنهيده الحقيقه انك اخويا وعايش معايا من يوم ماكنت في لفتك لحد انهارده وقفت جمبي وسندتني طول ايام حياتي مكنتش بتستحمل عليا الهوا زي منا مش بستحمل عليك الهوا وبعمل معاك بلظبط كبرنا وحلمنا وحققنا كل احلامنا وطموحتنا واحنا سوا مبعدتش عنك لحظه غير لما اضطريت اسافر وبردو شلت بنتي ومراتي جوه عنيك وكنت قد الامانه وصونتها وحافظت علي مراتي وجبت حقها كاني موجود فانت اخويا وسليم ابن اخويا وهيفضل يقولي عمو وساره بنت اخوك وبنت عم سليم وبلنسبه لجيسي هي اختي والدم عمره مايبقي مايه بس مش هغير اللقب ده ابداا يا مالك
مالك حضنه بفرح واكمل بحب ودموعه بتنزل بصراحه انا قولت اشيل عنك الحرج في الموضوع ده من نفسي لان اكيد مش هتحب ابن اختك يقولك عمو
ادم بضحك بس يا عبيط مين قالك الكلام ده هو انت مش اخويا وده ابنك يبقي طبيعي انا عمو ولا ايه ??? وبعدين انا متعود علي كده وهفضل كده ومسح دموعه واكمل بحب اللي بيني وبينك يا مالك اكبر من الدم والروابط اكبر من اي علاقه اخويخ موجوده في الدنيا ده انت انا يا مالك
مالك بحب ابن اخوك وعمو طبعا ربنا يخليك لينا بجد يا غالي وميحرمناش منك ابدا
ادم بحب اللهم امين يارب واكمل بضحك بس بردو مش موافق بسليم
سليم بضيق يوووه
كلهم فضلوا يضحكوا فاكمل حاتم بضحك خلاص بقي يا ادم الواد اتخنق بسببك
ادم بضحك خلاص موافق يا سولي
سليم سقف بفرح فاكمل ادم بضحك يلا ننزل نعدي علي سالي ورامز ونروح
ملك بمرح خالو الدريس ده حلو ولفت حوالين نفسها
ادم بدموع فرح يا قلب خالو انتي اااه يا عمري حلو زي القمر وطالعه وجميله اوي ووطي شالها وباس خدها واكمل بحب مين قالك اني خالو يا ملوكه
ملك بحب بابي
ادم بصله واكمل بحب من بين دموعه شكرا بجد يا حاتم
حاتم بحب يا صاحبي الكلمه دي حقك من غير ماتشكرني مفيش بينا كده
ادم بص لملك واكمل بحب الكلمه دي فعلا بلدنيا كلها وباس خدها واكمل نورعين خالك انتي والله
منه بحب يلا بينا
ادم باس جبينها واكمل بحب يلا ووالله انا مراتي قمر ايه الجماال ده بس وبص لاخواته واكمل بضحك واخواتي قمرات خساره في اشكالكم
حاتم بضحك تشكر يا عم ادم
مالك بضحك والله انت قلاب بس يالا مسامحينك علشان انهارده يومك
ادم ضحك ونزلوا ركبوا العربيات وراحو مقر التكريم
في الحفله كانت في مكان طبيعي مليان شجر وزرع وكراسي وتربيزات محطوطه ومتزينه بطريقه روعه فكل مكان وورد وديكور حلو جداا وستيدج بيكرموا عليها وكلهم كانوا قاعدين مع بعض ومن ضمنهم رامز وسالي وساميه وابراهيم وعمر وتاليا
ساره بمرح المكان جميل خالص يا بابي
ادم بضحك ده مفيش اجمل منك اصلا
ساميه بحب تعالي ياقلب تيته مسلمتش عليكي
ساره نزلت وراحتلها فساميه باست خدها وقعدتها علي رجلها واكملت بحب ياخرابي علي الحلاوه ياناس
ساره بحب شكرا يا تيته
ساميه بحب قلب تيته طالعين كلكم قمرات انهارده
منه ابتسمت بحب واكملت دي عيونك يا غاليه
حاتم هي ملك فين
جيسي بحب معايا اهي يا حاتم
حاتم هز راسه بتمام
عمو بحب مبروك يا غالي
ادم بحب الله يبارك فيك يا حبيبي
وبعد شويه البنت المنظمه للحفله مسكت المايك واكملت نتشرف بدعوه الدكتور والجراح المعروف ادم الشافعي للاتسيدج لتكريمه وذلك لتفوقه بعمل ابحاث في غايه الروعه والاهميه في مجال الجراحه واجراء عمليات جراحيه خطيره جداا ونسبه نجاحها لا تتعدي 40%
كلهم سقفوا بفرح ومنه دموعها نزلت بفرح وهي بتسقفله وساره كانت بتسقف بفرح كبير ومبسوطه انها حضرت حفلته بجد
وادم طلع واستلم منها الجايزه واكمل بابتسامه شكرا جداا يا دكتوره علي المقدمه الجميله دي
الدكتوره بابتسامه حضرتك تستاهل اكتر واديته المايك واكملت اتفضل قول كلمتك
ادم وقف قدام المايك فا كل التسقيف هدي واكمل بحب بسم الله الرحمن الرحيم طبعا الحمدلله علي كل اللي انا فيه دلوقتي ولو في حد لازم اشكره فهو فعلا ربنا لان الفضل فعلا يرجعله ولولا ربنا وارشاده وتوفيقه ليا مكنتش هوصل لهنا ابدا انا يمكن مريت بظروف صعبه جداا في حياتي واغلابكم عارفها لاني اتسالت عنها مره وقولتها وكنت دايما بقول هو انا هفرح امتي او هرتاح امتي انا حتي ابسط حقوقي ان يكون اهلي عايشين مش موجوده طبعا ربنا عوضني بام واب مفيش منهم بس موت اهلي كان دايما عائق قدامي بس اللي وصلتله دلوقتي عوضني عن كل وجع حسيته اه صحيح مش عنهم لان اهلي مفيش حاجه تعوضهم بس بردو ربنا فرحني وجبر بخاطري و اللحظه اللي انا بكلمكم فيها دي هي اكتر لحظه راضي فيها عن نفسي وعن حياتي لان ربنا فعلا بيعوض بس احنا منستعجلش انا دخلت طب وناس كتير كانت بتحسدني علي كليتي ومجموعي في عز منا مكنتش معايا اهلي زيهم او فلوس زيهم …واقسم بالله انا لحد من اربع سنين مكنش معايا عربيه ولا شركه ولا مستشفي ولا اي حاجه نهائي كنت اقل من العادي بس حصلتلي مشاكل قوتني اكتر وكانت حافز ليا اوصل لهنا مضعفتنيش ودي رساله للكل يحارب وميستسلمش وربنا هيعوضه مهما طول الوقت العوض جاي جاي لا محاله ومراتي كانت دايما بتقولي كلمه مش هنساها طول عمري علي قد تعبك يا ادم هيكون عوضك وانت تعبت اوي ومنه كانت بتبصله ودموعها بتنزل بفرح فاكمل ادم بحب و هي اجمل حاجه فعلا حصلتلي في حياتي كلها هي كانت العوض عن سنين كتير تعب واكتر انسانه قبلت بيا وحبتني رغم ظروفي وقالتلي هيجي يوم هتكبر وانا معاك وهقف اشوفك وانت بتتكرم وهفتخر باني مراتك واقول اللي هناك ده جوزي وحبيبي وكل دنيتي وفعلا اديه حصل انا خدت جوايز كتير بس دي جايه في اجمل وقت في حياتي وانا وسط اهلي واخواتي وبالي اخيرا مرتاح ودايما باخدها وبنزل عادي بس المره دي انا بهدي نجاحي لمراتي مدام منه ادم الشافعي
منة اتفاجئت اوي ودموعها نزلت بشده بفرح وكلهم فضلوا يسقفوا بفرح ومنة قامت وهي بتتقدم ناحيته دموعها عماله تزيد وبتبصله فرحانه اوي ومش مصدقه
ادم ابتسم بحب ومدلها ايديه فطلعت بهدوء وباس جبينها بحب واداها الجايزه
منه بدموع فرح بجد بحبك اوي
ادم بحب وانا اكتر وباس ايديها
والصحف كانت عماله تصورهم باعجاب بيهم
منة بحب ودموع فخوره بيك فوق مااتتخيل علي اللي بقيت فيه واخيرا كلامي ليك اتحقق وكنت واثقه هيجي يوم زي ده بس لما حصل بقيت حاسه احساس مش هيوصفه فعلا كلام والموقف اللي انت عملته ده فرحني اووي وبجد كتير عليا جدااا
ادم باس جبينها واكمل بحب مفيش حاجه تكتر عليكي يا ست البنات هو انتي اي حد ولا ايه الدنيا كلها قليله عليكي وثقتك فيا واني هوصل وتشجيعك ليا ساعه عمليه بابا وغيره كتير من كلام عن ان ربنا هيعوضني وهوصل ودعواتك ليا علطول كل ده سبب بعد ربنا فللي انا فيه دلوقتي
منه بحب ودموع ربنا مايحرمني منك يارب يانورعيني واشوفك في اعلي المراتب واسمك يعلي اكتر واكتر وفي تقدم ونجاح علطول
ادم باس جبينها بحب واكمل اللهم امين يارب يا غاليه هيحصل طول منتي في حياتي يا وش الخير ونصيبي الحلو
منة بصتله وابتسمت بحب وفرح وكبار الدكاتره ابتدت تسلم عليه وتباركله
وفونه رن وكان احد رجاله
ادم كنسل لانه علي الاتسيدج فالرجال بعتله مسدج مضمونها (( ادم بيه خلص اللي في ايدك وكلمني لان في حاجه تخص كمال الشريف) )
ادم سمع صوت مسدج ففتحها شافها استغرب اوي
منه بابتسامه ادم سلم علي الناس عيب شيل فونك دلوقتي
ادم شال فونه واكمل بابتسامه مزيفه الله يبارك فيك تسلم وهو بيسلم عليهم كلهم بس باله كان مشغول ب ياتارا في ايه يخص كمال

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)