رواية قلب وكبد الفصل الخامس 5 بقلم حور طه

رواية قلب وكبد الفصل الخامس 5 بقلم حور طه

رواية قلب وكبد البارت الخامس

رواية قلب وكبد الجزء الخامس

رواية قلب وكبد الحلقة الخامسة

مايا____
يونس اصحى يا حبيبي انت نمت ولا ايه
وهنا يختلط الحلم بالواقع ويتوه بين عالمين ولا يعرف اين يعيش فالعالم الاول تملاه بحور الد,ماء ولا يستطيع التخلص منه والاخر كاد ان يلحقوا يونس يفوق من حلمه وهو ما زال تايه ولا يدري هل خرج من ظلمت احلامه او ما زال بها؟؟
مايا____
ايه يا يويو شكلك تقلت في الشرب ونمت
يونس____
انا ما بشربش القر,ف ده
مايا وهي تشرب المشروب الخاص بها_____
عارفه يا حبيبي انك مش بتشرب بس استغربت لما خلصت النمره بتاعتي وجيت ولقيتك نايم شكلك كنت بتحلم حلم وحش
يونس وما زال يرى الكا,بوس امامه وكانه لم يفيق منه___ لازم امنع فريده انها تكون من ضمن الكا,بوس ده
مايا بتنبيه____
بتقولي ايه يا حبيبي
يونس____
تاخدي كام وتتجوزيني
مايا____
وانت متعود ان اي واحده تسهر معاها على البار تتجوزها اخر الليل
يونس____
تاخدي كام ونتجوز لمده شهر
مايا بابتسامه_____
وليه نعقد الامور الجواز ومده وعقود ما تخلينا حبايب كده انت بس كفايه انك تطلب
يونس يطلع دفتر شيكاته___
ما ليش في الحر,ام !!! افتكر ان ده مبلغ كويس هيخليك ما تحتاجيش انك تنزلي تدوري على زباين تاني
مايا تاخد الشيك منه____
اتفقنا بس لحد معلومات انك متجوز اكيد جوازنا هيبقى في السر
يونس ____
قلت لك ما ليش في الحر,ام !! جوازنا هيبقى رسمي وعلني وهتيجي تعيشي في الفيلا وهتنفذي كل اللي هطلبه منك بالحرف الواحد
مايا____
مش فاهمه
يونس____
مش مطلوب منك انك تفهمي دلوقتي كل حاجه هتعرفيها في وقتها
مايا ____
بما انك دفعت فيحاء لك انك تطلب وتعمل اللي انت عايزه بس يا ريت تفهمني ايه المطلوب بالظبط
__يونس بصوت منخفض___
انا اسف يا فريده بس علشان تعيشي انا مضطر اقت,لك
_____________🖤🥀🖤🥀ف المستشفي____🖤🥀
كانت الممرضات يتبادلوا الاحاديث وهم يمشوا في الكريدور فتقول احدهم بنبره حزينه_____
اكيد الدكتوره بتول لما تعرف حاجه زي كده هتزعل
الممرضه ساميه _____
لا هتزعل ولا حاجه بكره هتلاقيها مظبطه مع اي دكتور ثاني
نهله بعتاب______
ايه اللي انت بتقوليه ده الدكتوره بتول مش بتاعه الكلام ده هي والدكتور سيف بيحبوا بعض بجد انا مش عارفه هو ازاي عمل كده
ساميه بسخريه________
والنبي انت اللي غلبانه وانت اللي زعلانه على قصه روميو وجوليت دي لكن هم كل واحد فيهم هيشوف حياته وبيدور على مصلحته وبس
نهله________
انت اللي بيتهيا لك هم صحيح ما بيتكلموش بس حبهم لبعض بيبان في كل حاجه بيعملوها في كل تفاصيلهم واحنا كنا مستنين نشوف اخره القصه الجميله دي
وان الدكتور سيف يعترف بحبه ويتقدم للدكتوره بتول لكن دلوقتي كل حاجه تقريبا انتهت
ساميه _________
طيب يلا نشوف شغلنا بدل ما واحد فيهم دلوقتي يجي ويبهدلنا وانا مش طايق اسمع كلمه من حد فيهم كفايه للدكتور رؤوف عملوا فيا على الصبح
نهله _________
عملتي ايه تاني يا ساميه
ساميه__________
كل ده علشان جيت متاخره شويه …خمس دقائق عمل لي مرشح وكان هيعمل لي فيها لفت نظر وحكايه
نهله________
يا بنتي ما انا قلت لك حاولي تحافظي على مواعيدك الدكتور رؤوف ما بيتهونش في الموضوع دي
ساميه _________
اعمل ايه يعني يا نهله على ما بودي الولد الحضانه وانا جايه في طريقي على هنا
نهله_________
يلا ربنا يخليه لك بس انت حاولي تبقى تخرجي مثلا بدري بحيث ان انت ما تتاخريش
ساميه ________
ما هو لو البيه اللي راقد لي في البيت ده يروح هو يودي الولد الحضانه وانا اجي شغلي لا هتاخر ولا حد هيبهدلني بس ازاي البيه يقعد يسهر على القهوه طول الليل ويجي يتلقح ينام طول النهار لا شغله ولا عامله
نهله_______
مش هو ده اللي انت اخترتيه يا اختي وقلت مش هتجوز غيره بتندبي حظك ليه دلوقتي انا قلت لك الواد ده مش بتاع جواز ولا بتاع مسؤوليه انت اللي اصريتي وركبت دماغك هتجوزه هتجوزه اديك اتجوزتيه يا اختي
ساميه________
يا اختي يعني انا لقيت غيره وقلت لا وبعدين وانا كنت اعرف ان هو هيبقى كده وهيقعد لي في البيت زي خيالي
الدكتوره بتول_______
نهله عايزاك تروحي تعلقي محاليل للمريض اللي في غرفه اربعه وتسيلوا الحراره كل اربع ساعات
نهله بابتسامه ______
حاضر يا دكتوره
ساميه بصوت منخفض ________
شكلها لسه ما عرفتش
نهله تخبطها في ايدها بخفه علشان تسكت______
اسكتي انت يلا روحي شوفي شغلك
بتول تلاحظ همساتهم________
في ايه يا نهله انت وساميه لسه ما عرفتش ايه
نهله__________
ما فيش حاجه يا دكتوره
ساميه بالاندفاع________
اصل احنا عرفنا النهارده ان الدكتور سيف هيسافر وهيكمل دراسته في المانيا وهياخدوا الدكتوراه من هناك
الكلام ينزل على بتول الصاعقه غير مصدقه لما سمعت وتفقد توازنها وتهتز قليل
نهله بخوف تقترب وتسندها_______
دكتوره بتول انت كويسه
بتول تحاول ان تداري ضعفها امامهم وتتمالك نفسها_____
انا كويسه روحي يا نهله تابعي حاله المريض اللي قلت لك عليها وابقي بلغيني بالتطورات
نهله وتشعر بحزنها ______
حاضر يا دكتوره
نهله تمسك ايد ساميه _______
انت ازاي تقولي لها بالشكل ده حرام عليك يا شيخه
ساميه ______
في ايه ما هي كده ولا كده هتعرف هو واضح موضوع يعني يستخبى ده خلاص خلص كل اجراءاته ومسافر انا سمعت بوداني الدكتور رؤوف وهو بيتكلم مع باباه
نهله بعتاب_______
لا انا فهماك كويس يا ساميه يه انت كنت عايزه تكسريها
ساميه بابتسامه مكر ________
هو ماله لما تتكسر هتنزل لنا مناخيرها من السما دي وتنزل على الارض هنا بدل ما هي شايفه نفسها علينا طول النهار تصدر في اوامر وبس
نهله _________
الدكتوره بتول ما فيش اطيب منها لكن انت اللي ما بتحبيش تشتغلي عايزه تيجي وتفضلي قاعده هي ما بتطلبش منك غير شغلك
ساميه ___________
طيب يا اختي يلا نشوف شغلنا بدل ما تيجي تبهدلنا وتطلع قرفها علينا
بتول ما زالت تقف مكانها ولكن تشعر بالدوران وتنظر الى سيف اللي كان ياتي عليها خطوات سريعه و ابتسامه تشع من وجهه وكانه لم يحدث شيء وكان الامر عادي ولا يؤثر عليه وكان هذا الشعور يزيد من جرحها اكثر فهي تعلم انه يحبها كما تحبه واكثر ولكن يتضح لها انها لا تعرف شيء وانه لو كان يحبها بالفعل ما كانش سابها في منتصف الطريق وما يزيد حيرتها اكثر انه لم يعترف بحبه بشكل صريح من قبل وهذا ادخلها في صراع بين قلبها وعقلها وفي تلك اللحظات كادت ان تفقد توازنها تماما
سيف بخوف______
بتول مالك في ايه اقعدي انت تعبانه حاسه بايه
بتول تستند عليه وتنظر بداخل عيونه وقلبها يتمزق وتسحب يدها منه ببطء ______
انت اخر شخص ممكن استند عليه
انهت كلامها وتمالكت نفسها ثم ذهبت في طريقها وهي تستند على الجدار لانها ما زالت تشعر بدوخه بدون ان تنظر خلفها وكانها تتغيب عن هذا العالم وذهبت الى عالم اخر
فريده كانت تقف خلفهم واستمعت لكلامهم
سيف بقلق كان ينظر لها وهي تمشي ثم شعر بوجود فريده بجانبه______
فريده هي بتول مالها..؟ تعالي نروح نشوفها حاسس انها تعبانه مش طبيعيه
فريده بتفهم______
دلوقتي مش دوري ان انا اروح واشوفها انت اللي لازم تروح وتشوف هي فيها ايه وتحاول تفهم هي مالها
سيف بخوف مشي وراها وهو لا يفهم شيء ويقترب منها وبيحاول يوقفها ليفهم ما بها ومسك ايدها_______
بتول استني في ايه انا مش فاهم حاجه باين عليك تعبانه في ايه طمنيني عليك
بتول بانهيار ولا تستطيع التحمل اكثر من هذا_______
ولا هتفهم ؟؟ولا عمرك فهمت؟ او يمكن فاهم بس غاوي تجرحني انت ليه بالقسوه دي انا عمري ما تخيلت انك قاسي قوي كده
سيف مش فاهم هي ليه بتتكلم معاه بالشكل ده______
بتول ممكن تهدي وتفهميني مالك وفي ايه انا ضايقتك عملت حاجه زعلتك ده انا بخاف عليك حتى من نفسي لو كنت انا السبب في دموعك دي فانا اسف صدقيني انا عمري ما اتمنيت اشوفها لانها بتعذبني
بتول بدموع _______
انا ايه بالنسبه لك يا سيف؟؟؟
سيف بارتباك من سؤالها وبتوتر ______
احنا اصحاب واخوات يا بتول ايه السؤال ده
بتول بنرفزه ودموع لا تملك السيطره عليها_______
لا احنا عمرنا ما كنا اصحاب ولا اخوات بس تعرف يمكن انا اللي رخصت نفسي لما حبيتك كل السنين دي على امل انك تيجي في يوم وتعترف بحبك بس انت من اللحظه دي مش هتكون حتى صديق يعني تقدر تسافر وانت مرتاح
هنا واخيرا سيف فهم وجعها وكل الكلام اللي بتقوله ده كان سببه ايه ويقول في داخله_____
عارف ان ما فيش اي اعتذار هيداوي جرحك بس غصب عني يا بتول حتى دلوقتي مش هقدر اقول لك اني عمري ما حبيت حد قد ما حبيتك انت …كنت بتمنى اعترف لك بحبي لكن مش هقدر
صمت سيف كان مثل سكاكين تقطع في قلبها بلا رحمه فصمته يثبت لها انه بالفعل ما حبهاش وانها اتعلقت باوهام كبيره مش موجوده اصلا
ولكن مع ذلك اقتربت منه ولمست خده بيدها ونظرت لها بعيون دبلانه _______
قل لي ان كل اللي حسيته ناحيتك كان وهم مش اكتر قولي انك ما حبتنيش ؟؟
سيف بتوتر فهي اول مره تقترب منه هكذا _____
ما حبتش غيرك واسف لاني مش هقدر اكمل معاكي
بتول تمسح دموعها وتحاول تستجمع نفسها لتذهب وتقف لثواني وتنظر له وكان اخر نظره ثم تقول ______
انا اللي اسفه ما كانش ينفع احب شخص بكل الضعف ده
انهت كلامها ومشيت؟؟ !!
سيف في اللحظه دي اتاكد انه خسر حبه بتول بسبب ابوه وينظر لها بوجع ويدور بداخله_____
بيني وبينك حديث بلا صوت
بيني وبينك روح تحوم حولك
بيني وبينك قلبي ينبض لك وحدك
فلا احد يشتاق لك مثلي
ولا احد ينبض قلبه خوف عليك كما ينبض قلبي
فكوني بخير واعتني بنفسك دائم لاجلي
___________🖤🥀🖤🥀 في شركه يعقوب___🖤🥀
يعقوب بانفعال يواجه كلامه لاحد موظفينه روماني_____ بقالك اسبوع مش عارف تجيب المعلومات اللي طلبتها منك انت جاي تشتغل ولا جاي تلعب
روماني بتوتر____
انا••• انا ؟قدمت لحضرتك كل المعلومات اللي عندي واللي قدرت اوصل لها
يعقوب بنفس الانفعال يرمي الملف في وش روماني_____ معلوماتك ناقصه يا بيه اللي يشتغل مع يعقوب الدميري لازم يكون فايق لنفسه ويجيب المعلومه ولو كانت في حجر الجن مش هستنى المعلومه لما تجيلي لحد عندي
روماني يحاول الوصول الى فرصه ثانيه كي لا يفقد عمله______
ممكن يا ريس تديني شويه وقت وانا هجيب لحضرتك كل المعلومات الكافيه بخصوص الموضوع ده
يعقوب ينظر له بتحذير ____
ساعه؟؟؟ ساعه يا روماني وملفك الناقص ده يكون كامل على مكتبي والا ما تورينيش وشك هنا تاني
روماني يرتاح قليل ويلم الاوراق من على الارض_____ حاضر يا ريس هناجل حجز الطيران بتاع سعادتك
يعقوب بانفعال من غباء روماني______
الغي الحجز نهائي يا زفت معلوماتك الناقصه لما تكملها هتعرف انك لازم تلغي الحجز اتفضل على شغلك
روماني يتجه الى الباب ليخرج قبل ان يق,تله يعقوب____ بعد اذنك يا ريس
يعقوب بلهجه تهد,يد_____
روماني فوق لنفسك فاهمني
روماني بتوتر____
حاضر بعد اذنك
يعقوب يؤشر له باصبعه ان ينصرف الى عمله ويكمل معلوماته وياتي بها اليه في اسرع وقت

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية قلب وكبد)