رواية صدفه الفصل التاسع 9 بقلم مريم أشرف

رواية صدفه الفصل التاسع 9 بقلم مريم أشرف

رواية صدفه البارت التاسع

رواية صدفه الجزء التاسع

رواية صدفه الحلقة التاسعة

في المستشفى وبعد ما ولدت سهام على خير..
الممرضة بابتسامة: الحمد لله كلو تم بخير..مبروك..بس المدام لازم تبات عندنا الليلة دي عشان نطمن أكثر عليها هي والبيبي..
زياد كان هيتكلم بس قاطعتو مامتو اللي قالت:
– وعلى ايه يا تبات بمكان غريب..أهو بيتها موجود واحنا هنبقا حواليها كلنا ومش هينقصها حاجه..
بصلها زياد باستغراب من كلامها فقالت الممرضة:
– بس يا فندم ده إجراء بيجري على الكل ومنقدرش نعملها حالة خاصه يعني..
رقيه بثباث: وأنا قلت اللي عندي مرات ابني هترجع بيتها من النهارده..
شدها زياد: ماما!!..كفايه..انتي نسيتي ان أنا طلقتها..
رقيه: انت مجنون يا زياد!!..تطلقها ايه..طب وابنك ذنبو ايه فكل ده!!
زياد: الولد هيتربى عندها واحنا هنروح نشوفو دايماً ولما يكبر شويه نشوف إجراءات الحضانه وكده..
رقيه بصدمه: اسم الله عليك يا ابني..لأ شكلك دايخ..فوق معايا شويه..مراتك هترجع البيت ونعيش سوا زي الأول بلا لعب العيال ده!!
كملت للممرضه: زي ما قلتلك يا بنتي..مرات ابني هتروح معانا
زياد جز على سنانو بعصبيه وراح يشوف الطفل..
___________________________
بعد وقت و في البيت..بتبص بسمه من البلكونه بحزن وهي بتفتكر لحظاتها القليله فاسكندريه..قطع تفكيرها لما شافت عربية زياد بتركن قدام العمارة وبينزل منها وهو ساند سهام ورقيه ماسكه البيبي..
دمَّعت عينيها وطلعت بسرعه..
رقيه: ادخلي يا سهام..أهلا بيكي فبيتك..لولولولوليييي!!
سهام بتعب: ربنا يخليكي ليا يا حماتي..
بسمه بغل: الحمد لله على السلامه ودخلت اوضتها..
سهام بعصبيه: دي مالها نافخه ريوشها عليا؟!!
زياد: سهام اتكلمي عدل وادخلي اوضتك وانتي ساكته..أنا لسا منستش اللي عملتيه معاها..
رقيه: كفااايه!!
سهام برطمت بحجات ودخلت اوضتها هي وابنها وحماتها..
أما زياد فخبط على بسمه ودخل عندها..
ابتسم: ازيك يا بسبس..
بسمه: بخير الحمد لله..م..مبروك البيبي..
شد خدودها وضحك:
– بقيتي عمه يا بسبوس..ربنا يستر لتعملي فيه حاجه وحشه بمقالبك…
بسمه ضحكت:
– بقى كده..وحضنتو
زياد: ايه؟
بسمه: عايزه اطلع برا..
زياد: تطلعي ايه يا اختي؟
بسمه: عايزه أشوف الشوارع..
زياد بتفكير وهو بيبص لساعتو:
– ماشي يا حبيبتي البسي..
بسمه:
-انت زعلت اني طلبت أخرج فالظروف دي؟
زياد طبطب عليها:
– ازعل ليه هو انا عندي أغلى من أختي حبيبتي؟
بسمه ابتسمت:
– والله انت اللي بحبو في البيت ده..متسيبنيش وتسافر تاني والنبي يا زياد..
زياد بحزن عليها:
– حاضر يا حبيبتي..
________________________
في مكان قريب كان أنس وصل هو ومساعدتو ولقو المكان مليان ناس وصحافه..
: أنس بيه ممكن تكلمنا عن مشروعك الجديد؟
أنس باعتياديه:
– واضح وميحتجش شرح..
: أنس بيه بيقولو ان أبوك هو اللي غصب عليك تشتغل معاه صح الكلام ده؟
أنس رفع حواجبو بصدمه:
– كدب فكدب..
بصتلو مساعدتو بابتسامه:
– لو فضلت ترد عليهم للصبح مش هيخلصو..
في نفس الوقت كانت بسمه وزياد عند محل هدوم الأطفال الرضع بيجيبو حجات..
بسمه باستغراب: هو في ايه هناك ؟
قال واحد من الشغالين:
– آه..ده أنس العلام لو تعرفيه..فتح محل جديد بالقاهره..يا خيبتنا هيغطي على محلاتنا كلنا ومحدش هيبقى عاوز يشتري من عندنا بعدو..
بسمه بصدمه:
-أنس؟؟!
وطلعت تجري ناحية الحشود وزياد وراها:
– بسمه!!..بسمه تعالي!!!
________________________

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية صدفه)