رواية مجهولي أنت الفصل الثالث 3 بقلم ريم محمد

رواية مجهولي أنت الفصل الثالث 3 بقلم ريم محمد

رواية مجهولي أنت البارت الثالث

رواية مجهولي أنت الجزء الثالث

رواية مجهولي أنت الحلقة الثالثة

_أنت بتتكلم جد يا جدو؟
_امال بهزر، يوسف هيجي ياخدك أنتِ وعائشة
_ياخدني؛ دا اللى هو ازاي وليه وبصفته مين بقاله ست شهور برا مفكرش يسأل فيا ولا حتى صوته سمعته،معرفش اتخطبت له ليه اصلا
انا مش راجعة معاه
_ماشي يا نور مترجعيش وعلميه الادب
_دا اللى هيحصل ان شاء الله
^^^^^^^^^^^^^^^^^^^^^^^^^
*قررت هكمل رحلتي فى استراليا واروح حديقة بورت كامبل
بس حسيت يامن مركز معايا بطريقة غريبة، معرفش ليه وبيدقق فى ملامحي جامد بتحرج اقف قدامه
وبحاول اتجنب التعامل معاه*
*معرفش ليه اغلب الرجالة عندهم حول المفروض أني مخطوبة، بس لا الحول فى خطيبي دا مفكرش يلبسني دبلة حتى!
اتعرف اني مخطوبة*
*طلعنا الحديقة وكانت تحفة فنية احتضنتها الطبيعة، والشمس ساطعة بألوان دهبية منظر بديع عايز يترسم بجد بس للاسف مبعرفش ارسم نهائي*
*قعدت انا وعائشة ويامن جبلنا ايس كريم، وخالتو وبناتها الاتنين قعدوا انما عمار ابنها التاني دا لسه مشفنهوش لحد دلوقتي، وفرشنا وقعدنا فى الحديقة دي*
*واندمجنا وكنت فرحانة اوي بالاجواء المُنعشة دي وحسيت بحاجة جميلة بعيدًا عن الضغط واخيرًا اتخرجت من الكلية حسيت اني بقيت فاضية مواريش اى حاجة *
*لاقيت يامن بيستأذن يقعد معانا! *
_ممكن اقعد معاكوا؟
*عائشة اتكلمت وهي واقعة من الدور العاشر فى حبه، بتحبه من زمان كانوا نزلوا مصر مرتين*
_اه اقعد هتشرفنا
_انتي خلصتِ كلية يا آنسه عائشة
_اه ما انا زميلة نور
_تحبوا تروحوا السينما؟، بتحبّي الخيال العلمي يا نور
*اتخضيت لما لاقيته عارف أنّي بحب النوع دا من الافلام عرف ازاي؟ *
_اه بحبّه، بس عرفت ازاي
_عملت بحث عنك قبل ما تيجي
*حسيت عائشة اضايقت لانه مطنش وجودها كأنها هوا!، حاولت اشاركها فى الحوار عشان متحسش وكأنها متهضدة! *
_عائشة برضو بتحب الخيال العلمي
_بس بحب الرومانسي اكتر
_خلاص نسمع مرة فيلم كدا ومرة فيلم كدا؛نبدأ بالخيال العلمي
_تمام معنديش مشكله، بس مش دلوقتي عايزه اروح
*روحنا البيت وانا تعبانة من كتر الإرهاق واللف، كنت عايزة بس اشوف السرير، نمت محستش بنفسي غير على رسالة من رقم غريب*
_مساء الخير
_مساء النور، مين معايا؟
_انا خطيبك يا هانم ياللي بتلفي فى استراليا من غير أذني
_هه، لسه فاكر ان ليك حد، بس مش بينا اى حاجة متفكرش نفسك بالنسبالي حاجة انت ولا حاجة
_ولا حاجة! انا هعرفك يا نور
_تعرف مين مفكر نفسك مين يعني ملكش اى حق عليّ خالص ولا فى اى حاجة تربطنا سوا
*قفلت الشات، ونمت وانا مضايقة من طريقة كلامه واسلوبه الوقح دا*
^^^^^^^^^^^^^^^^^^^^^^^^^^^
_يعني ايه يا جدو تسافر من غير ما تقولي
_انت بقالك سبعة وعشرين سنة برا وست شهور خاطبها مسألتش فيها وانا سايبك براحتك
_يا جدو أنت عارف اللى فيها احنا متفقين على اتفاق بلاش نخلف بيه
_ربنا يهديك يا يوسف، بس متنساش نور عربية مش أجنبية
_انا اجنبي ومتربي برا
*طول عمرك عنيد زي والدك، تربية برا للاسف*
^^^^^^^^^^^^^^^^^^^^^^^^^^^
*صحيت الصبح واتفاجأت بيامن فى المطبخ!، فضل انهاردا فى البيت!
استغربت انه فضل صراحة مكنتش متوقعة كدا نهائي، الكل صحي واتجمعنا ولاقيته حط قدامي بيض اومليت على شكل قلب!
كنت محرجة اوي مكسوفة مرضتش اكله الا لما خالتو أصرت عليّ*
*عائشة اضايقت بصتلها بطرف عيني بمعنى مليش ذنب، بحب دماغ عائشة واسعة ومتفهمة الامور وعارفة ان دي حاجه خارجه عن ارادتي*
*اكلت على استحياء وحبيت ادوقهم القهوة بتاعتي، اكيد هتعجبهم القهوة دي ومن ايدي كمان حاجة تانية *
*لاقيت يامن انبهر بيها، معرفش ليه مهتم بيا كدا! *
*عائشة طلعت مع البنات برا وفضلت وكمان يامن طلع فضلت انا مع خالتو*
^^^^^^^^^^^^^^^^^^^^^^^^^^
_بقالك ساعة بتدور عليها، ما ترن تعرف هي فين يا يوسف
_لا لازم اعرف بنفسي هي فين، لو هلف استراليا كلها
_خليك هتفضل تلف كتير
_عرفت هي فين
^^^^^^^^^^^^^^^^^^^^^^^^^^
*اندمجت فى الكلام معاها، الباب خبط قومت افتح، لاقيت راجل غريب! *
_مين حضرتك؟
_نور صح، أنتِ بقي خطيبتي اللى ملبستهاش دبلة؟
*لاقيت هيسلم عليّ، بعدت عنه اتصدمت دا المفروض خطيبي!
اول مرة فى حياتي اشوفه
مش مصدقة انه قدامي عمري ما شوفته نهائي، وقفت متنحة كدا ومصدومة ومش مستوعبة اصلا
فكرة انه جه، وكمان جه استراليا! *
_اتفضل يا بني، انت مين؟
_انا يوسف خطيب نور جي اخدها
*لاقيت خالتو زعلت ووشها اتغير مكنتش متوقعة انه هيجي*
*شكله يخوف، طويل وله عضلات وعيونه لونها ما بين البني والخضرا
خوفت من شكله وانا جمبه مجيش حاجة، دخلت الأوضة وسبته قاعد برا، مخضوضة منه*
_يعني يا نور سيباني برا ورايحة تقعدي فى الاوضة!
_اهدي يا بني كدا متتعصبش، استني لما اعملك حاجه تشربها
*قعدت في الاوضة مخضوضة ومش مستوعبة الفكرة، دا يوسف اللى بقالي ست شهور مخطباله مفكرش مرة يكلمني!، وبيتعامل عادي كدا كأنه يعرفني! *
*رنيت علي جدو، اكلمه*
_ايوا يا جدو، انا مش راجعة مع البني آدم دا انا خايفه منه
_عملك حاجه يا نور؟، في ايه خضتيني
_شكله يخض يا جدو انا مش واصلة
كتفه اصلا، واول مره في حياتي كلها اشوفه، ارجع معاه ازاي
انا اكرملي يامن يروحني أحسن
_اهدي يا نور أنتِ أقوى من كدا، أنتِ أدها يا حبيبة جدو
_يا جدو مش عيزاه
_هنشوف الموضوع دا بعدين
_نور، افتحي يا نور مبحبش اسلوب التجاهل دا
*فضل يخبط وانا مخضوضة مش قادرة اشوفه، بحاول استوعب الفكرة صعبة*
^^^^^^^^^^^^^^^^^^^^^^^^^^^
*قعدنا اكلنا ويوسف مشلش عيونه من على يامن نظراته غريبة له، عروق عيونه حمرا وعروق ايده هتطق وبيهز رجله، فجأة بصلي نزلت راسي تحت علطول*
_هتوصلهم انت؟!
_ويخصك فى ايه، خطيبتي وجي اخدها
_دي اول مرة تشوفها مفكر نفسك مين
_بلاش تحاول تعصبني؛ عشان متعصبش عليك
_لا جرب اتعصب كدا، شوف بقي هيحصل ايه
*اتكلمت بصوت عالي وقولت *
_كفاية خناق بقي، يلا يا عائشة عشان نمشي
*سلمت على خالتو وبناتها، ولغز يامن عرفته، لسه لغز اللى المفروض خطيبي دا، ركبنا معاه في العربية بس ركبت ورا مركبتش جمبه*
*بس لاقيته غير طريق البيت! *
_انت بتعمل ايه دا مش طريق المطار
_هتشوفي يوسف الحقيقي يا نور

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية مجهولي أنت)