رواية بنت اللواء الفصل الثاني 2 بقلم إيمان الرشيد

رواية بنت اللواء الفصل الثاني 2 بقلم إيمان الرشيد

رواية بنت اللواء البارت الثاني

رواية بنت اللواء الجزء الثاني

رواية بنت اللواء الحلقة الثانية

_ انتِ بنت اللوا محمد !!.
= ايوه بنتي ، اي اللي حصل يا حضره الظابط وبنتي موجوده
هنا في المكان ده بتعمل اي.
قاطعت كلام الظابط بخوف:
_ توهت يا بابا والظابط الطيب ده جابني هنا.
= وكُنتِ بتعملي اي في الزنزانه يا عائشه ؟!.
_ ها مُش بقولك ظابط طيب كان بيفسحني كرم واخلاق واحترام اي.
اتكلم بحده وهو مثبت نظره عليا:
= والمفروض ان اصدق مُش كده ، اي اللي حصل ؟!.
اتكلم الظابط بهدوء:
_ بنت حضرتك كانت موجوده وقت وقوع الجر_يمه ، وطبعا خدناها عشان ناخد اقوالها لانها هيا الوحيده اللي كانت موجوده وقت وقوع الحادثه.
اتكلمت بصوت مسموع نسبيا:
_ روح يا شيخ ربنا ينتقم منك ، انا برجع في كلامي تاني عنه.
بابا هز راسه بفهم وبصلي بحده:
_ كام مره قولتلك يا عائشه تبعدي عن الشغل ده وتخليكي في شغلك ، الشُغل ده مُش مناسب ليكي.
= بس يا بابا…
قاطع كلامي بزعيق:
_ من غير بس انا فهمتك كام مره وقولتلك ده مُش شغلك ، لي مصممه تتابعي الشغل ده وتعملي كده وتخاطري بحياتك افرضي كان حصلك حاجه.
= بس انتَ عارف ان انا بحب شغلك يا بابا.
اتكلم بنبره حاده:
_ انا قولت اللي عندي ومُش هكرر كلامي تاني.
اتنهدت بهدوء وسكت قاطع الصمت الظابط رسلان :
= هناخد اقوالك عشان نقفل المحضر ، واكيد ما دام انتِ بنت اللوا محمد مُش هتعملي كده لانه شخص محترم.
بصتله بغيظ:
_ اتمني مشوفش وشك تاني انتَ وش المصايب عليا.
بصلي بخبث واتكلم بصوت عالي نسبيا:
= احترمي نفسك وانتِ بتكلميني يا دكتوره ، ويعني انا اللي مقطع شرا_يني عشان اشوفك !!.
_ انتَ ظابط بارد.
= امال فكراني هكون ظابط اي يعني ما ده شغلي.
/وفعلا قفلنا المحضر وروحت البيت مع بابا ، كُنت خايفه من رده فعله لانه حظرني كتير مُش مره ولا تلاته ده اكتر بس برضوا خالفت كلامه قاطع شرودي ماما وهيا بتقرب مني:
_ انتِ كويسه حصلك حاجه.
بادلتها الحضن بارهاق:
= اطمني انا اهو قدامك زي الفل محصليش حاجه.
اتكلم بابا بجمود:
_ بس كان ممكن يحصلها حاجه لانها خالفت كلامي.
قربت منه لكن بعد عني بزعل:
= سامحني يا بابا انتَ عارف ان انا بحب شغلك وفضوليه.
_ بس اوقات الفضول والحب ده بيبقي خطر.
قربت حضنته:
= خلاص بقي متبقاش قاسي كده يا حاج.
ضحك بيأس وخدني في حضنه:
_ اعمل اي في قلبي الطيب مبيهونش عليه يقسي عليكِ.
/اتنهدت ودخلت اوضتي، اترميت علي سريري بارهاق ، فعلا اليوم كان مرهق ، غير الاشكال اللي شوفتها ، فتحت فوني لقيت صاحبتي ندي رنت عليا كتير ، بدلت هدومي وكلمتها:
_ الدكتوره منزلتش النهارده علي المُستشفي لي.
= اسكوووتي هو انا مقولتلكيش.
_ لا مقولتليش.
= مُش انا روحت النهارده علي شُغل بابا.
_ تاني يا عائشه تاني مبتحرميش.
= انتِ عارفه ان انا بحب شغله وعاوزه اشتغل زيه.
_ يا حبيبتي بس ده مُش شغلنا انتِ دكتوره وده شغلك.
= برضوا مفيش مانع يبقي بجانب ده.
اتنهدت:
_ مفيش فايده في الكلام معاكِ.
خدت نفس عميق وبدأت احكيلها اللي حصل تابعت كلامها بصدمه:
= يا لهوي روحتي القسم !!.
_ بسبب اللي اسمه رسلان ده.
= اممم قولتيلي رسلان.
_ تفكيرك راح فين.
= هيا بتبدا بكده.
_ غوري يا ندي انا غلطانه اني كلمتك.
_____________________
/عدي اسبوع وعرفت ان فيه مهمه جديده ، قررت اروح من وراهم برضوا ، جهزت وخرجت روحت المكان اللي هينفذوا فيه المهمه ، كُنت مبهوره من اللي بشوفه كُنت بتفرج من بعيد كأني بشوف فيلم اكشن ، لكن لسوء الحظ رجلي اتلوت ووقعت شهقت بالم وخضه سمعت صوت رسلان وهو بيقولهم يسكتوا حاولت اتحرك لكن فشلت غمضت عيني وحاولت اكتم انفاسي لكن شهقت بخضه لما حسيت بحركه خفيفه بتقرب مني ، لقيته مصوب المسدس ناحيتي تابع كلامه بصدمه :
_ انتِ تاني..!!
اتكلمت بتلعثم وابتسامه ظاهر عليها التوتر:
= حضره الظابط رسلان بنفسه عاش من شافك.
_ انتِ بتعملي اي هنا.
= خطفت السؤال من علي لساني ، كُنت لسه هسألك السؤال ده والله.
اتكلم بزعيق:
_ قولت انتِ بتعملي اي هنا.
اتكلمت بابتسامه:
= الجو حلو اوي قولت اغير جو.
_ تغيري جو هنا ؟!.
= اه شوفت فن اختيار الاماكن.
اتكلم بعصبيه وصوت عالي اتفزعت منه وعلي هيئته:
_ انتِ بتستعبطي يا بت !!
= بت تبتك انا الدكتوره عائشه اللي كُله بيتحاكي بيها يجي واحد زيك ويقولي بت !!.
_عندك إعتراض؟
=ايوا
_طب إحنا نجيب اللوا محمد يشوف الموضوع دا
كنت لسه هتكلم لقيته طلع الفون من جيبة
=لا لا خلاص
_تحبي أساعدك؟
=تساعدني انا!!
_ايوا امال انا
=دا اللي هو ازاي؟
_هساعدك تحققي حلمك مش انتي عاوزه تكوني زي باباكي وتكوني شاطرة
=ايوا
_هدربك
إتنطت بفرحه وقولت …. بجد؟
؟_ايوا وجهزي نفسك هنبدأ من بكرا تدريب
=روح ربنا يسترك يارب
كنت نايمه لقيت الفون بيرن الساعه 5 الصبح!!
دا مين المهزء الل بيرن دا ..!
=الو
_انتي لسه مقومتيش؟
=مين معايا
_مين معايا ايه ان رسلان؛وقومي عشان التدريب
=تدريب ايه دا اللي الساعه 5 الصبح دا انا لو هبيع لبن مش هيبقي كدا!
_تأخير دقيقتين كل دا مش في صالحك علفكرا
قومت بسرعه وانا بشتمه في سري
وبشتم نفسي عشان انا اللي عملت في نفسي كدا
=فيه حد عاقل يجي يتدرب الساعه 5!
_وهو فيه بنت عاقله تعمل اللي بتعمليه؟
=اهو هنبدأ قلة أدب وتهزيء اهو
_ركزي معايا ؛شايفه الارض دي؟
=اللي هناك دي!
_ايوا
=لا مش شايفاها
_انا ماشي
مسكت ايده بسرعه عشان اوقفه وبعدها استوعب اللي عملته
=احم انا اسفه
_انتي احمريتي كدا ليه؟
=اتوترت وقولت… لا احمريت ولا حاجه ركز بقى وقولي مالها الأرض دي
_عايزك تجري فيها 5 مرات وكل مره يبقي اسرع من اللي قبلها دا مبدأيا بس عشان نسخن
إتكلمت بصدمه:
=نسخن!
_ايوا
=روح ياشيخ ربنا يهدك
_بتقولي حاجه
=بقول روح ياشيخ يكرمك
_اه طب خلصي
جريت بسرعه وكنت بنهج حرفيا من التعب وحقيقي منه للهعلي اللي بيعمله دا والله؛وبعدها خلاني اتدرب علي مسك الس.لاح قال يعني مش هعرف امسكه دا أسهل حاجه
_خلي بالك انتي ماسكاه غلط
=بجد؟
_ايوا
=امسكه إزاي!
. قرب عليا ومسك ايدي اللي ماسكه المس.دس ورفعها شويه وثبت ايدي كويس
بعدت عنه واتكلمت بتوتر:
=خلاص عرفت امسكه إزاي هنعمل ايه بعدها
_كفايا كدا النهارده عليكي
=تمام
كنا همشي بس سمعته بيتكلم في الفون واللي فهمته انه فيه جريمة قتل جديدة .
بس دي فرصتي عشان اثبت نفسي ليه واعرفه اني اقدر اكون ظابط!
استني لحد ما مشي شويه ومشيت وراه؛كنت بحاول علي قد ما اقدر اني مخليهوش يلاحظ وجودي لحد ما وصل
العسكري/حضرة الظابط إحنا حاصرنا المكان لكن فيه مجموعه جوا لسه مش عارفين نمسكهم
_تمام بص إنت هتسحب القوات اللي هنا وانا و كام واحد هنتخبي لحد مايحسوا ان احنا مشينا ويبدأوا يطلعوا
العسكري/تمام يافندم
كنت كل دا براقبهم من بعيد لكن مش سامعه بيقولوا ايه لحد ما لقيت القوات بتمشي
=ايه الاغبية دول بجد هيمشوا ازاي مينفعش كدا انا لازم اتصرف
= بدأت أقرب واحده واحده لما لقيت المكان هادي وكنت لسه هطلع فوق لقيت رسلان بيسحبني
واتكلم بعصبيه
_انتي ايه جابك هنا
ملحقتش ارد لقينا ضرب نار عليا ورسلان حماني ورا ضهره واللي معاه بيهاجموا الناس اللي بتصوب علينا
وفجأه لقيته وقع علي الأرض قدامي!
كان بيحميني والضربه جات فيا بدالي!
انا السبب !
اتكلمت ومكنتش قادرة اخد نفسي:
=رسلان عشان خاطري استحمل شوية بس علشان خاطري انا اسفه والله مش هعمل كدا تاني بالله استحمل لحد ما يوصلوا
إتكلم بصوت ضعيف
_امشي يا عائشه عشان ميحصلكيش حاجه
مسكت ايده وكملت بعياط :
=استحاله اسيبك لو همو.ت
في ثواني كانت القوات رجعت تاني بعد ما ظابط مع رسلان بلغهم .
واخدوه علي المستشفي
كنت بجري عشان الحق اتعقم واعمله العملية الوقت مش في صالحي وجرحه بينزف
كنت واقفة وإيدي بترتعش مش قادرة اشوفه بالحاله دي بس كان لازم اجمد أعصابي ؛بدأت وعملت العملية وطلعت الرصاصه
واحدة واحده وبدأت أنضف الجرح واخيط لكن كل ما كنت ببص علي وشه قلبي كان بيوجعني أوي
الحمدلله خلصت العمليه و نجحت بعدها نقلوه علي الأوضة اللي هيبقي فيها
كنت بتابعه دايما وأروح أقعد معاه
حبيت المستشفى لأنه فيها وبقيت أروح بدري وأروح متأخر دايما وهو وضعه بيتحسن
=يلا كمل الشربه دي بس اخر معلقتين
_مش قادر يا عائشة بجد
=عشان خاطري بس يلا هتقدر والله
مسك ايدي واتكلم بحنية :
_عائشة انتي بتعملي كده ليه؟ حاسه بالذنب!
=ايوا بس حتي لو مكنتش انا السبب كنت هعمل كدا معرفش ليه ومتسألنيش لكن انا حابه إللي بعمله ويلا كمل أكل عشان تاخد العلاج
بصلي بنظرة مقدرتش افسرها ؛قطع دى دخول بابا
_ حمدلله علي سلامتك ياحضرة الظابط؛ انا بجد اسف يا ابني علي دا انا لما طلبت منك تدربها مكنتش اعرف انها عنيده كدا وهتتعبك
إتكلمت بصدمة:
=بابا إنت كنت عارف؟
_ايوا كنت حابب تعرفي ان الطريق اللي اختارتهولك كان لمصلحتك وإنه المكان التاني مش مكانك ياعائشة لكنك كنتي بتعاندي فطلبت م رسلان يدربك عشان تعرفي انه الموضوع مش سهل زي ما انتي متخيله
=إتكلمت بدموع :انا بجد اسفه والله طلع عندك حق وان دا مكاني انا حبيت شغلي وحبيت المستشفى وخلاص حقك عليا
طبطب عليا واتكلم بحنية:
_الحمدلله يابنتي ربنا يطمن قلبك
رسلان اتكلم:
_احم انا نفذت وعدي يا سيادة اللوا فين وعدك؟
_انا مستعد انفذ لكن هي توافق
اتكلمت بعدم فهم:
=أوافق علي ايه
_رسلان كان طالب ايدك مني في الأول شرطت
عليه انه يدربك ويحاول يقنعك تلغي الفكرة من دماغك ودلوقتي انتي اللي تحددي تعطفي عليه بعد ما نيمتي الواد في المستشفي وتتجوزية؟
اتكلمت بكسوف:
=والله اللي حضرتك شايفه
_الله اكبررر المأذون ياعمي ق..قصدي ياسيادة اللوا.
تمت

لقراءة باقي حلقات الرواية اضغط على : (رواية بنت اللواء)