رواية غيبوبة القدر الفصل الرابع 4 بقلم رويدا القاضي

رواية غيبوبة القدر الفصل الرابع 4 بقلم رويدا القاضي

رواية غيبوبة القدر البارت الرابع

رواية غيبوبة القدر الجزء الرابع

رواية غيبوبة القدر الحلقة الرابعة

مر العرس ع الخير وكل واحد وصل مكانه هكي 😌
الأمور ولت تمام .
أمينة: الحمدلله اتهنيت عليهم الحمدلله أنس وصل مرته
ومنى وصلت لراجلها.
سارة:😳 توا هذا كيف بنتعامل معاه شن بنقوله أنس ولا حبيبي.
أنس: ماتتحشميش مني أنا راجلك مش غريب عليك .
سارة: بذون مانحسب حساب للكلمة للي قولتها انت غريب عندي 🥺 لانه فترة الخطوبة موجودة باش نتعرفوا ع بعض وانا فاتت عليا كأني نكرة .
أنس: هاتي ايدك وتعالى قعمزي جنبي نفهمك علاش انا درت هكي مش لانك نكرة انتى مرتي وحبيبتي وكل شئ في حياتي ❤ قصرت معاك بجاحة وقت الخطوبة.
سارة: مش كل شئ فلوس 💔 المهم وجودك في حياتي .

أنس: انا نعرف انه مش كل شئ فلوس لكن في حاجات كنت لازم نوفرها بدل مانخليك تعيشي في جناح في حوش أهلي قررت ندريلك حوش🏡 بروحك وهذا حقك تتصرفي فيه ع كيفك يعني ياروحي انت انا نبيك
تاخدي راحتك في قرايتك مانبيش نشوش عليك وانا نوفرلك كل شئ باش لما نروح بيك وقتها تعيشي مرتاحة وتحسي بقيمتك عندي كنت نحافظ عليك مش
متجاهلك وفي فرق كبير بينهم الإثنين.
سارة: حسيت كلامه لمس قلبي هو هذا الراجل للي نبيه
ومصيري نتعود عليه ونحبه 🙈 ماكنتش نحسابه احنين عليا هكي لكن كنت متوترة مش جاهزة نفسيا لأي شى بيني وبينك.
أنس: باهي ولا يهمك خليك ع راحتك انا ماتهمنيش الأمور هاذي للي يهمني انك تحبيني ❤ وتتعوذي ع وجودي في حياتك .
سارة: كلامه هذا فرحني هلبا كنت خايفة توا اطمنت
باهي نستأذن منك ندوش وانجئ.

أنس: خلاص خودي راحتك خلي انا نجيب سفرة العشاء جعت 😁.
سارة: لا . عادي توا نجهزها انا 😊 باهي كيف بتتصرف
معاهم للي يستنوا .
” أكبر عادة غبية عند الليبين تغيرت هلبا عادات إلا هادي مفروض الأمور هيا تخصهم هما وبس مش لازم
تعرف العيلة كلها ”
أنس: مادوري شئ زظمي امورك نتعشوا ونتصل بيهم
نقولهم امورنا تمام.
سارة: شكرا لانك تفهمت الموضوع اكيد دوم الحال من المحال مسألة وقت لين نتعود عليك .
أنس: قلتلك ع راحتك انا معاك وجنبك لين تحسي روحك جاهزة 😉.
منى: 😁😁😁 لالا . ماتخافوش عليا اموري تمام مش زي سارة.
امينة: خيره انس مااتصلش شن باك مدايرلهم سحر ولاحاجة😱حليلي انا عارفتهم بيموتوا منه .
مها: خيرك ياماما ربي يهديك الدنيا تغيرت راهو من مازال يفكر فيه التفكير اهو وبعدين ولدك حتى لو اموره مشتبمن بيتصل بي بوه ولا بيك راهو يتحشم
وهاذي امور تخصهم .

حواء: لالا . عندك حق ياأمينة عطلوا بنزيد اشوية ونتصل بيهم .
مها: الهم اهو كنت في وحدة وليت في اثنين شن الحل
انا قعدا نفكر قطع افكاري هاتفي يرن شفته لقيتها
المكلوبة منى.
منى: اسمعي قوليلهم اموري تمام .
مها: مصح وجهك وقحة من يومك بري تمرقدي باش الصبح تنوضي بكري شن تشخري لعند 12.
انا قعدا نتكلم وبدت عاد امي اتصك فيهم زاغريت وعار 🤦🏻‍♀️ معرعر الحمدلله والفال لي أنس.
أنس: خلي نكلم صدام هذاك مايتحشمش وجهه زي الزينقو توا يقولهم.
صدام: عاد مش كان ابو نسيب تتصل بيا في أي وقت 😁.
أنس: تحشم ع وجهك يامسخوط اسمع بالرجال متحشم من العيلة قول للجزيرة للي عندك تبلغهم
امورنا تمام.
صدام: وخيرها العربية للي عندك فمها معبئ بالدقيق
ماتقدرش تتكلم .

أنس: تعبت وانا نقولك تحشم بتبلغهم ولا نشوف حد ثاني.
صدام: عيب تشوف حد ثاني ونسيبك موجود .
منى: شن يبي العش هذا حتى هنيا لاحقني .
صدام: يبيك تكلمي امك تقوليلها جوهم تمام.
منى:توا نبعث رسالة للفرخة مها ماعنديش خلوق نكلمها.
مها: كيف سكتوا من الحضرة الاولى لين جتني الرسالة
وبلغتهم وبدت عاد الأولمبيات 🤸‍♂️🤸‍♀️💃مافهمت شئ
كان قالولهم تحركوا راهو قالو عظمنا .
حواء: توا الحمدلله نروح وانا مطمنة بنتي وتهنيت عليها ربي يدوم الفرح ان شاء الله .
أمينة: والله ماصارها اقعدي باتي معانا شن عندك في الحوش.
حواء: والله مانقدر الراجل للي عندي ابصر وين دايح
ومواتي وناسي عندي معقولة بنخليهم.
أمينة: لا في هاذي عندك حق مربوحة ياحنا.

مها: هي تصبحي ع خير ياماما.
أمينة: شن زودي ولعي النظومة هذا العرس وين بدأ وديري شوط اغنيه انت وبنات العيلة شن ترقدي.
مها: توا شن بنقول مقيولة العريس تعرس والمشوم تهرس .
سارة: لو كان كابوس يارب نفيق منه اكيد مش واقع للي صاير توا مستحيل .
“عيونه ملامحه للي تغيرت تقول مش هوا أنس الصغير للي مازالت صورته عالقة في ذماغي مازال نبي نشبع
عيوني من أدق تفاصيله علاش الحاجات الحلوة تمر بسرعة”
أنس: صباح الخير هيا فيقي حبيبتي 😚 هاتي بوسة
من خدك يمكن مسموح بها هاذي.
سارة:😳 علاش تعقد فيا بس كان تقولي مش قتلك
مازال ولا رجعت في كلامك.
أنس: بوسة بس ماني مداير شئ .
سارة: باهي خش دوش باش ندوش حتى انا ونفطرو
نحس في روحي جعانة.
معليشي 😁 ماعنديش خلوق نكتب شئ ع الرومنسية
هههه خلونا ع السطحيات .

،،،،،،،،،،،،، تسريع الأحداث بعد شهرين،،،،،،،،،،،،
انس: تعودت سارة عليا وتعودت عليها ومشت امورنا
اطمونا كانكم زي امي 😁.
منى: هيا وانت كان رقدت تولي زي الميت كان غمضت عيونك مش عندك موعد مع أنس .
صدام:خليني نرقد شويه 😴 بعدين نمشيله وانتى زي نظام الجيش .

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)