رواية قوة الحب الفصل السابع 7 بقلم تقى حسام

رواية قوة الحب الفصل السابع 7 بقلم تقى حسام

رواية قوة الحب البارت السابع

رواية قوة الحب الجزء السابع

رواية قوة الحب الحلقة السابعة

عاصم بصدمه. نعم!؟ حضرتك بتكلم جد
الأب بضيقة. بقولك ايه اتكلم معاها هي يا نرمين
نرمين. ايوه يا بابا
الأب. اتفضلي قولي اللي انتي عايزاه وانا هسيبكم شويه
نرمين بتوتر. حاضر
عاصم. بضيق. اتفضلي يا انسه طلباتك!
نرمين بهدوء. عاصم بيه انا مقدره واقفتك جمبي واي حد غيرك مكنش هيفرق معاه بس انا مش عايزه الموضوع يطول بإختصار عايزه يبقى ليا أوضه مستقله وأول ما يتقبض عليهم كل واحد يروح لحاله
عاصم. انتي فيه حد في حياتك؟
نرمين. لاء
عاصم. طيب وايه اللي مش عاجبك فيا
نرمين. المشكله مش في حضرتك المشكله فيا أنا

عاصم. ولو رافضت؟
نرمين قامت من مكانها يبقى خلاص مافيش داعي الجوازه تتم عن إذنك
عاصم بتكبر. قام واقف خلاص انا الموضوع مش فارق معايا براحتك اللي انتي عايزاه هيحصل وأوعدك او ما يتحطو كلهم في السجن واتأكد إن مافيش خطر على حياتك كل واحد هيروح لحاله
نرمين بخجل. شكرا
عاصم. ياريت منضيعش وقت بلغي باباكي إن الجواز يتم خلال الأسبوع ده وييجي معايا النهارده عشان احول الفلوس بتاعتكو اللي اتفاقنا عليها سلام
نرمين اخدت نفس عميق. اوووف بابا ماما تعالو
الأب. اتفاقتو
نرمين. بفرح اه الحمد لله
الأم. مبسوطه كده!
نرمين. جددددداااا وبالنسبالي كده الخوف والحزن انتهى ياريت بقى يابابا تروح معاه النهارده البنك عشان الحق اشتري شويه حاجات اون لاين قبل الجواز لأننا مش عايزين نضيع وقت
عاصم بغضب . خالد اركب مع الحرس انا اللي هسوق حاسب
السواق. حاضر عاصم بيه
عاصم. سايق بسرعه شديده وغضب وطلع على النيل. بعد شويه
الو. يا جدو انا في مكاني المعروف قاعد على النيل
الجد. طيب انا هعدي عليك
عاصم. ماشي
عاصم. الو ماما بقولك ايه
وفاء. نعم يا حبيبي
عاصم. خليهم يجهزو الاوضه اللي في الجناح بتاعي اللي جمب اوضتي بضبط في أسرع وقت
وفاء. ليه اهل نرمين هيجو كمان؟
عاصم بغضب . لا نرمين نفسها
وفاء. ليه

عاصم. طلبتها يا أمي وانا مؤيد للفكرة ومش معقوله هجوز في الاخر عيله صغيره
وفاء. خلاص طيب اللي تشوفوه
بعد فتره
الجد. ها يا عاصم. ايه اللي حصل
عاصم بدأ يحكي لجده……
الجد. وانت متعصب وزعلان اووي كده ليه! عشان هي رفضتك ولا عشان انت كنت عايزها؟
عاصم. ولا متعصب ولا حاجه انا بس حستها جت على كرامتي لاكن هي مش فارقه
الجد. اممممم بس انا شايف في عينك إنها كانت عجباك
عاصم بعد سكوت طويل. دا بس عشان اول مره اشوف بنت تتصرف تصرف زي ده وكمان مش هنكر هي أموره فعلا حتى كنت بهزر انا وياسين على الموضوع ده بس كل حاجه قلبت جد وفعلا هجوزها
الجد. بص هو كل شئ قسمه ونصيب ياعالم ممكن يكون ليكو مستقبل مع بعض
عاصم. لا انا مش عايز هي ليها جميل عليا هردو ليها وخلاص
الجد بشك. اللي تشوفوا
نرمين بدلع. افخم الحاجات عايزه اجيبها من هنا ورايح مش هسمح لحد انه ييجي عليا وكمان بفكر اعمل تمهيدي ماجستير عشان هكمل واخذ الدكتوراه انا كنت متفوقه وطالعه بتقدير امتياز وكمان
الأم. حيلك اهدي انا مابقتش فهماكي خالص يا بنتي
نرمين. في ايه؟
جرمين. امبارح كنتي بتعيطي والنهارده سعيدة بجوازك وبتفكري في حاجات كتير
نرمين. زي ما قولت الحزن انتهى بالنسبالي وهعيش تجربه جديده في بيت ومع ناس جداد هبسط نفسي الفتره دي وبعد الانفصال هبدأ ابص لحياتي وفلوس وبقي معانا

الأم. على كلا ربنا يوفقك
نرمين. الو مين معايا
زينب. ازيك يا نرمين انا زينب
نرمين. ازيك عامله ايه
زينب. الحمدلله بقولك ايه انا هبعتلك صور لكذا فستان عشان الفرح
نرمين بصدمه. فرح؟
زينب. ايوه عاصم طلب هنعمل كده على الضيق في الجنينه بتاعت الفيلا وبما إني مهندسه ديكور هشرف على التصميم بتاع الفرح هنخليه حاجه سيمبل جدا والاقارب الدرجه الاولى هما اللي يحضرو والناس اللي تفضلي انهم ييجو والفرح يبدأ علي الساعه ٤ ايه رأيك؟
نرمين. الله دي افكار روووعه
زينب. ههههه انتي من ساعه ما قولتي انك حابه الحاجات الهاديه والطبيعيه فهمت دماغك
نرمين بفرح وتنطيط. ميرسي اوووي
بعد أسبوع يوم الفرح
زينب. ايه الجمال ده ماشاء الله زي القمر
جرمين. فعلا الفستان هياكل منك حته
زينب. اومال اما تلبسي بقى الفستان التاني السك
نرمين. بجد شكلي حلو
الكل. شكلك زي القمر
زينب. انا هنزل اشوفهم تحت واجيلك تعالي معايا يا جرمين
نرمين بتبص على نفسها في المرايا الله فعلا شكلي حلو فستاني شيك وبيلمع منفوش ولفه الحجاب لايقه عليا والميكب في منتهى الروعه يابختي بنفسي ولله

الباب خبط
نرمين. اتفضل
ازيك مبروووك
نرمين. الله يبارك فيكي!؟
قربت منها ومدت ايدها عشان تسلم
انا فريده حسن البيك مرات عاصم
نرمين. قصدك طلقته!
فريده بغيظ. مش هتفرق منا وهو خلاص كنا هنرجع لبعض لولا الظروف اللي حصلت طلبت انه يأجلها على اما يطلقك على فكرة انا مش جايه ازعلك انا بس هديكي رسالة انتي لسه تعتبري عيله واكيد بقى بتعشمي نفسك انك تفضلي عايشه في العز دا وبرضو عاصم راجل يتحب بصراحة بس انا من ساعه ما طلبت الطلاق وبعدت عنه وهو مش راضي يجوز ويعيش مع واحده غيري عشان كده جوازكو على الورق ولما قررت اني ارجعله مرفضش هو عارف ان مافيش واحدة كمان ترضى تعيش معاه عشان هو مبيخلفش فانصيحه مني حاولي تبعدي عنه عشان هو ممكن يستغل وجودك ويلعب بيكي وعاصم بيعرف يضحك على الست اللي معاه
نرمين بعد سكوت طويل ادعت التكبر. اممممم وطبعا بعد اللي قولتيه فاكره اني هقعد اعيط واقولك حرام عليكي نكدتي عليا يوم فرحي وانا هوقعه في شباكي وهثبتلك ده والحاجات بتاعت المسلسلات دي مش كده؟
الحقيقة انتي صعبتي عليا يعني لدرجاتي خايفه عليه مني
فريده. انتي اللي زيك تعرف تضحك على الرجاله وتعمل اي حاجة عشان تطلع لفوق
نرمين. وهو كل البنات زيك؟ وبعدين بما ان عاصم دا الراجل اللي بيحبك وعايزك انتي قلقانه ليه؟ مافيش حاجه اسمها خطافه رجاله وتعرف تضحك على الراجل هو مش عيل صغير وبالنسبالي انا الموضوع منتهي انا اللي عرضت عليه إن جوازنا يبقى على الورق لاكن لو انا حبيت في اي وقت اغير رأيي انتي مش هتمنعيني
فريده. وانتي فاكره انه ممكن يبصلك

نرمين. انتي مش واخده بالك ولا ايه يا طنط فريده دا أنتي لسه قايله اني صغيره لا وضيفي كمان حلوه😉 ولو هو عنده مشاكل في الخلفه فا دلوقتي الطب أتقدم وانا صغيره وفرص الإنجاب عندي هتبقى افضل من واحده داخله في الاربعين
فريده بغضب. انتي قليله الأدب وبعدين يا هبله ما انتي كمان هتجوزي راجل داخل على الأربعين
نرمين. يابنتي الراجل في الأربعين بيبقي حاجه تانيه وكمان المثل بيقول خد الصغيره تصغرك اطلعي انتي منها بس يا طنط ولا اقولك يا ماما؟ وفي النهايه برضو مش انا البنت اللي تلف ورا راجل مهما كان مين ولازم تعرفي اني مبخفش من حد فالزمي حدودك معايا مفهوم
فريده بعصبيه. ماشي يا فلاحه يابيئه انتي هتندمي على كل كلمه قولتيها
نرمين. اطلعي برا
في العربيه
ياسين. الف مبروك يا عريس
عاصم. ما تكتم بقى
ياسين. 😂اسف بس انت حظك زفت يا صاحبي
عاصم. عارف
ياسين. انت معمولك عمل على ظهر قرموط على فكرة
عاصم. بالوضع ده ميبقاش اي عمل دا يبقي سحر أسود ومهبب تلاقيك انت اللي عامله
ياسين بضحك. ياسيدى اللي ما يعرفك يجهلك هي لما تشوفك وتبقى انت في وشها صدقني هتندم على اللي قالته
عاصم. ماليش دعوه بيها كل واحد بعيد عن التاني هي اصلا معدتش في دماغي
ياسين. طيب يلا اطلع هاتها
عاصم. تمام
زينب تعالي ياعريس الف مبروك عروستك فوق وجهزت
عاصم. ماشي ياسين بقولك ايه
ياسين واقف يبص على جرمين وسرحان
عاصم. ياسين ياسيين انت يا ابني
ياسين. ايه نعم

بلغ الجماعه اني هجيب العروسه عشان يستقبلونا
طيب حاضر
عاصم راح يجيب نرمين وهو ماشي بيخاطب نفسه هقابلها ازاي واقولها ايه انا ليه متدايق اوي كده وفي نفس الوقت فرحان اني هجوزها؟
الباب خبط
ضبطت نرمين نفسها مستعديه للقاء عاصم اللي بعد شويه هيصبح زوجها وحلالها وجواها توتر رهيب وحيره من المستقبل المجهول نرمين بسم الله احم. اتفضل

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)