رواية حكاية وهج الفصل الخامس 5 بقلم تولين آدم

اسكندرية” فندق عالبحر وصوت فيروز ..

اصحى بقى يا ادم اتاخرنا

حاضر ي حبيبي صحيت اهو، مش بتزهقي من فيروز ابدا؟

مش بتزهق من السؤال دا! قوم بقى القهوة وشها هيروح.

وهج تعالي عايزك

اي يا قلب وهج

فاكرة اول مرة جينا الفندق دا؟

طبعا هي دي ايام تتنسي!

دانا كنت بطلع عينك وخاصة اسبوع بتوع الايفنت فاكر..

flash back”

أنا هركب الباص معاهم

ويا ترى لما يشوفوا خطيبة دكتور ادم رايحه لوحدها هيقولو اي!

اي!

ولا أي حاجة غير انهم سابوا بعض وهو الل سابها وهي زعلانه بعد قصة حبهم دي بس بتمثل انها كويسه وكلام واسئلة البنات مبيخلصش بقى.. و

العربية راكنه فين!

 امشي قدامي.

“ركبت معاه وانا مش طايقه نفسي فعلا ومضايقه من معاملته واستغلاله ليا دا وقلت لنفسي خلاص كلها كان يوم والوضع دا يتغير ولازم اتحمل لأن دي علمني”

……………

حسيت اني غصبت عليها وقلت لازم اصلح غلطتي فشغلت المزيكا .. وركنت ع جنب وجيبتلها حاجات بتحبها وحطتهم جنبها..

” ﻛﻞ ﺍﻟﻜﻼﻡ ﺍﻟﻠﻲ ﺟﻮﺍﻳﺎ ﻣﺶ ﻛﻔﺎﻳﺔ ﻭﻣﻴﻜﻔﻴﺶ، ﺣﺘﻰ ﺍﻟﺒﺪﺍﻳﺔ ﻟﻤﺎ ﻛﻨﺘﻲ ﻭﺍﻗﻔﺔ ﻣﻌﺎﻳﺎ ﻓﻲ ﺑﺪﺍﻳﺔ ﺍﻟﻄﺮﻳﻖ ﻭﺍﻟﺤﻠﻢ ﻛﺎﻥ ﻟﺴﻪ ﺑﻌﻴﺪ ﻓﻲ ﻋﺰ ﻳﺄﺳﻲ ﻭ ﻛﻞ ﺍﻟﺪﻧﻴﺎ ﻣﺎﺷﻴﺔ ﻋﻜسى ﻋﺸﺎﻧﻚ ﺍﻧﺎ ﻗﺎﺩﺭ ﺍﻛﻤﻞ ﻋﺸﺎﻧﻚ ﻗﺎﺩﺭ ﺍﺗﺤﻤﻞ  ﻭﻛﻞ ﻣﺮﺓ ﺑﺸﻮﻓﻚ ﺑﺤﺒﻚ ﺗﺎﻧﻲ ﻡ ﺍﻷﻭﻝ”

لقيتها قفلت الاغنية وبصتلي ب استغراب وقتها حسيت ان هي فهمت بس سؤالها غير احساسي….

……………

نزل جابلي حاجات كتير بحبها وشغل كمان اغنية بحبها اوي ودايمًا بتمنى ان حد يحبني زي ما امير بيحب ليلى كدا بس لحظة ووقفت الاغنيه وسألته سؤال معرفش ليه جه فبالي

انت بتحبها ليه؟

هي مين

حبيبتك الل بتكتبلها دايمًا ومش عايز ترتبط ب اي بنت غيرها لحد الان، ليه بتحبها مع انك قلت انها مش معاك!

“وقف العربية وبصلي بعيونه الل بتخطفني” مين قالك انها مش معايا!

قصدك اي

اقصد انها معايا دايمًا ف كل وقت ومكان

بس أنا مش بشوفها ولو هي معاك ازاي سكتت ع موضوع زي موضوعنا دا؟

هو الحبيب لازم يكون معانا بالجسد؟ اكيد لا انا حاسس بيها حتى لو هي بعيد وروحها معايا ف كل مكان يا وهج

للدرجة دي بتحبها!

أنا مش عارف درجات الحب اي بصراحه لاني محبتش غيرها بس اه تقريبًا بحبها لاعلى درجة يعني ونفسي يكون حب متبادل

نعم! دا كله حب من طرف واحد! وقادر تتحمل أن حبيبتك تكون بعيد عن قلبك..

الحبيب هيفضل حبيب يا وهج حتى لو منع او غاب..

ولو غدر؟

مكنش حبيب يا وهج، انتي قلتي قبل كدا ف لايف عندك انه مكنش حب وان الحب بينسيك مش بتنساه صح؟ مش انتي نستيه؟

نسيته اه .. بس انت عرفت منين واللايف كان كله بنات

هه حد حكالي.. بس متاكدة انك نسيتيه؟

متاكده.

طب ولو حد بيحبك بجد هتعملي اي

الحب افعال

مش كلام ” وانا هثبتلك اني بحبك وانك فقلبي ومش شايف غيرك”

اي سبب الجملة الل دايمًا بتعملها ابديت عندك عالبيدج دي

واكمن كله اذاك، قررت تعشق ملاك، يالل عشقت الملاك حتى الملاك صدك؟

اه

مش مهم، هيجي يوم وهتفهمي..

…………..

وصلنا الفندق واول يومين كانت عنيدة جدًا ومبتسمعش الكلام غير لما استعمل معاها طريقة التهديد وكانت بتنفع دايمًا، جالي دور برد جامد وتعبت جدا لدرجة اني بقيت بفقد الوعي بالساعات وبصحى بلاقيها جنبي ومش بتسبني، وبعد ما خفيت، استغربت جدًا من تصرفاتها معايا، بتسمع الكلام ودايمًا جنبي وبتتكلم كتير معايا وبتاكلني واوقات بتغني قدامي عادي اكننا مخطوبين بجد، وبعدها رجعنا القاهرة، ومعاملتها بدأت ترجع زي الاول ووقتها حسيت انها كانت بتعمل كدا عشان تثبت للناس اننا بنحب بعض، فقررت ان كدا كفايا استغلال قربها مني ولازم اقولها نرجع زي الاول، مع اني مش هاين عليا اعمل كدا..بس قررت اقولها اننا لازم نعلن اننا سيبنا بعض خلاص، اتصلت بيها وقلتلها تنزل الكافيه تقابلني..

…………..

  مش عارفة عاوزني ف ايه يا ليل، اكيد هيقولي انه عايز يتقدملي بجد صح!

وهج في اي انا مش فاهمه اي غير حالك كدا من يوم ماسافرتي معاه، لحقتي تحبيه امتى وزعلتي عشان كان تعبان امتى، اوعي يا وهج تكوني بتنسي بيه مؤمن.

مؤمن خلاص انتهي، انا دلوقتي مع ادم، ومش عايزة غيره!

“حطيت ايدها عليا” للاسف انتي مش سخنه لا

بطلي هزار بقى، انا بجد بحب ادم

ودا من اي؟

لانه بيحبني

بيحبك؟ امتى وازاي ومين قالك

والله ادم بيحبني واتاكدت منه كمان بصي الموضوع بدأ لما كنا بالفندق وجت بنت قالتلي ان دكتور ادم تعبان جدا ف الاوضة بتاعته وطبعًا عشان شكلي قدام الناس طلعت جري عليه وانا بمثل اني مخضوضه، بس لما طلعت فعلا وشوفتها قلبي وجعني اوي واتخضيت و

flash back..

وهج الحقيني

مالك يا ادم انا جنبك اهو

متبعديش عني، خليكي هنا

“اكيد بيعمل كدا عشان الناس الموجوده تصدق انه بيحبني” حاضر حاضر انا جنبك

“الدكتور جه وقال انه عنده حمى ولازم حد يفضل جنبه ومكنش فيه غيري معاه دايما، جه مرة كنت باكلة ولقيته قالي….”

يتبع…